Анализи
ЕОС Матрикс на дебата со студентите од Економскиот факултет при УКИМ – младите сакаат поголема финансиска писменост
![](https://bankarstvo.mk/wp-content/uploads/2024/01/Foto-1_EOS-Matriks_Finansiska-edukacija-scaled.jpg)
Над 50 % од младите лица во Европа сакаат поголема финансиска едукација, а високиот интерес за поголемо познавање на светот на финансиите главно се должи на турбулентната економска состојба. Енергетската криза што ја зафати Европската унија дополнително влијаела на зголемување на потребата од финансиската писменост кај младите лица и можноста за промена на навиките. Овие наоди се дел од Истражувањето на навиките на потрошувачите што групацијата ЕОС („EOS Group“) го спроведе во првата половина од 2023 и беа тема на дискусијата „Разоткривање на финансиските предизвици на потрошувачите“, што се одржа на Катедрата за финансии на Економскиот факултет при УКИМ во Скопје. На дискусијата беа презентирани клучните сознанија од истражувањето пред студентите.
Истражувањето ги сублимира одговорите на младите испитаници од 18-34 години и покажува дека најзастапени финансиски грижи за иднината кај младите луѓе се високите цени, односно инфлацијата, со 70 % како најголема грижа, од друга страна се високите трошоци за енергенсите кои се грижа само на 46 % од младите, а невработеноста е финансиска грижа на 27 % од испитаниците.
При презентирање на наодите од истражувањето кај младите, д-р Катерина Бошевска, генерална директорка на „ЕОС Матрикс“, која е дел од Групацијата ЕОС, пред студентите истакна:
„Потрошувачите во Европа се одговорни со своите пари, но имаат големи грижи за своите финансии. Задолжувањата не се непријатни само во време на криза. Особено кога станува збор за неопходни работи како греење или електрична енергија. Инфлацијата особено остава белег на потрошувачите и ова предизвикува грижи за сите нас, воедно и за младите. Финансиската едукација може да помогне со вештините за справување со овие предизвици. Таа е витална животна вештина која ни помага да донесеме информирани одлуки за поголема финансиска стабилност. Младите сакаат поголема финансиска едукација и голем дел од младите се многу внимателни со своите финансии. Ова е многу охрабрувачки бидејќи тоа укажува на висока свест кај младите дека со подобро менаџирање на сопствените финансии може да се подобри квалитетот на животот и да се подигне животниот стандард. Затоа е многу важно да отпочнеме со финансиска едукација уште во раната возраст и да им дадеме доверба на младите ефикасно да управуваат со парите.“
Студентите на катедрата за финансии при Економскиот факултет ги искажаа своите ставови во врска со потребата од поголема финансиска едукација помеѓу младите и дадоа свои предлози како да се постигне оваа цел. Во рамките на дебатата презентираа студентите на Катедрата по финансии, предводена од проф. Ѓорѓи Гоцков, со свои излагања на темите „Потрошувачки и штедни навики кај младите во Македонија“ и „Трошоци на македонските студенти и влијанието на секторот врз нивната финансиска писменост“. Трендот на зголемена потреба од финансиска едукација што го покажува ова истражување треба да биде мотив за поголемо иницирање на активности во таа насока преку цврста соработка меѓу реалниот сектор и академската заедница, беше заклучено на дебатата.
Како членка на групацијата ЕОС, ЕОС Матрикс Македонија иницира низа различни истражувања во земјите од Европа, чија цел е анализа на финансиските навики на населението и на реалниот сектор. ЕОС Матрикс Македонија е финансиски инвеститор со меѓународна експертиза, кој во континуитет развива нови финансиски алатки и иновативни технолошки решенија, кои ја збогатуваат понудата на финансискиот пазар, овозможувајќи повеќе различни опции за подобрување на конкурентноста на македонските компании. Повеќе информации и контакт податоци споделува ЕОС Матрикс на официјалната веб страница: https://mk.eos-solutions.com/
Анализи
Дали падот на цените на становите во ЕУ ќе се преслика во Македонија?
![](https://bankarstvo.mk/wp-content/uploads/2024/02/ceni_stanovi_analiza_eu_makedonija-scaled.jpg)
Цените на становите во еврозоната паднаа за 2,1% во третиот квартал од 2023 година, а во целата Европска унија се намалени за 1%. Во Македонија во четвртиот квартал пораснаа за 7% споредено со истиот период претходната година, а за три месеци се повисоки за 1%.(повеќе…)
Анализи
Наташа Пукл ќе биде нов независен член на Надзорниот одбор на НЛБ Банка АД Скопје
![](https://bankarstvo.mk/wp-content/uploads/2022/08/FOTO_NLB-Banka_Upravna-zgrada-1.jpg)
Врз основа на член 39 став 1 од Статутот на НЛБ Банка АД Скопје, Собранието на НЛБ Банка на својата седница одржана на ден 21.02.2024 година донесе Одлука за именување на независен член на Надзорниот одбор.(повеќе…)
Анализи
И македонските банки ќе мора да овозможат инстант плаќања
![](https://bankarstvo.mk/wp-content/uploads/2024/02/instant-plakjanja-11.jpg)
Македонските банки ќе мора да дозволат инстант плаќања за граѓаните и компаниите кои ќе се извршуваат во многу кратко време од околу 10 секунди. Тоа значи дека парите од сметката на плаќачот ќе легнат на сметката на примачот за не подолго време од 10 секунди. Ова претставува своевидна револуција во светот на платежните трансакции затоа што примачот веднаш ќе може да располага со парите и да врши натамошни трансфери доколку му се потребни.(повеќе…)
- Банкипред 2 месеци
Александра Максимовска Стојкова е избрана за Претседател, а Ванчо Чифлиганец за Заменик претседател на Надзорниот одбор на Комеерцијална банка
- Банкипред 2 месеци
Кој член на Управниот одбор си заминува од Стопанска банка АД – Скопје!?
- Банкипред 1 месец
Илија Илоски, Билјана Максимовска Поповиќ и Никола Џамбазовски остануваат дел од Управниот одбор на Комерцијална банка и во наредниот период
- Банкипред 2 месеци
Нина Ангеловска и Петар Ниновски на втората конференција „Чувари на мудроста“ во организација на Халкбанк АД Скопје
- Uncategorizedпред 2 месеци
Александра Радевска ќе продолжи да раководи со Стопанска банка а.д. Битола и во наредниот период
- Вработувањепред 2 месеци
Платена практикантска работа во НЛБ Банка
- Банкипред 2 месеци
Ланската добивка од 900 милиони денари ќе се реинвестира, а 2,5 милијарди денари ќе се чуваат, акционерите на Стопанска банка АД – Скопје остануваат со празни раце!?
- Вработувањепред 1 недела
Оглас за вработување во НЛБ Банка АД Скопје