Штедилница Можности, регулирана финансиска институција со лиценца од Народна банка на РС Македонија, објавува повик за пријавување на квалификувани и мотивирани кандидати за позиција

ДИРЕКТОР НА СЕКТОР ДЕЛОВНА МРЕЖА

Директорот на сектор деловна мрежа е лице со посебни права и одговорности согласно Законот за банки и Изјавата за основање на штедилницата. Делокругот на работа, потребните квалификации и вештини за огласената позиција вклучуваат:

Опис на работните задачи, одговорности и овластувања:

• Одговорен/а е да раководи со деловните процеси во сектор деловна мрежа – мрежата на експозитури и службите во рамки на секторот, согласно поставените краткорочни и долгорочни цели,
• Ја организира и координира работата на секторот, спроведува надзор и дава насоки и упатства за вработените со цел квалитетно и навремено извршување и постигнување на поставените цели,
• Одговорен/а е за одржување и унапредување на продажбата на продуктите на штедилницата,
• Го управува кредитното и штедното портфолио на штедилница согласно кредитните и штедните политики дефинирани согласно законската регулатива и зададените стратешки цели на штедилницата,
• Конципира системи за продукција  и одржување на исплатливи кредитни и штедни продукти и креира и одржува продажно ориентирана култура на вработените и градење на долгорочни и квалитетни релации со клиентите,
• Го следи, контролира и оценува работењето на вработените во секторот и предлага мерки за подобрување,
• Ги следи, имплементира и работи согласно позитивните законски прописи и Законот за банки,
• Одговорен/а е за усогласеност на внатрешните процеси, практики и документација во секторот со законската регулатива и законот за банки,
• Учествува во работни групи и одбори со останатите членови на раководниот тим со цел квалитетно имплементирање и реализација на стратешките цели.

Потребни квалификации:

• Високо образование од областа на економските или други комплементарни науки,
• Најмалку 5 години работно искуство во банка, штедилница, финансиска институција и/или слична дејност, од кои најмалку 2 години искуство во раководење и развој на процеси и луѓе во делот на кредитирање, развој на финансиски продукти и продажба,
• Одлично познавање на Законот за банки, добро познавање на економските текови и практично разбирање за финансиските пазари,
• Исклучителни организациски, менаџерски и лидерски способности,
• Одлично познавање на пишан и говорен англиски јазик.

Препорачани вештини и квалитети:

• Претприемачки дух,
• Способност за деловно расудување,
• Лидерство и мотивираност,
• Посветеност на мисијата и визијата,
• Личен и професионален интегритет,
• Способност за градење релации,
• Способност за носење одлуки преку соработка,
• Ефективно комуницирање,
• Агилност и адаптибилност,
• Разбирање и вреднување на различноста.

Од кандидатите кои ги имаат потребните квалификации и поседуваат поголем дел од препорачаните вештини и квалитети, се очекува да приложат:

• • Биографија (најмногу 500 зборови)
  • Мотивациско писмо (најмногу 300 зборови)

Потребните документи треба да се достават најдоцна до 31 јануари 2023 година на адресата: contact@moznosti.com.mk со назнака “Директор на деловна мрежа”.

Од кандидатите кои ќе влезат во потесен избор ќе се побара да приложат визија за континуитет и развој на деловниот сектор на штедилницата (најмногу 2000 зборови), со вклучени:

• • Ситуациона анализа на секторот,
  • Сопствено разбирање на кредитната политика на Штедилница Можности,
  • Потребни ресурси и начин за нивно обезбедување.

За подготовка на визијата, на кандидатите им се достапни информации и документи на Штедилница Можности, достапни на веб адресата: www.moznosti.com.mk, вклучувајќи:

• • Извештаи и податоци на Штедилница Можности со 30.06.2022 година,
  • IFRS ревизорски извештај на Штедилница Можности за 2021 година.

Селекцијата на кандидатите ќе се изврши преку постапка која ќе вклучи оценка на поднесените документи и презентација на визијата, со последователни прашања.

За резултатите од оценката на поднесените документи ќе бидат известени само кандидатите селектирани за понатамошниот тек на постапката.