Connect with us

Компании

Правилната имплементација на инстант плаќањата во Македонија од страна на КИБС АД потврдена и од најновата студија на Светска банка

Објавено

пред 9 месеци

на

Во рамките на проектот FASTT (Frictionless Affordable Safe Timely Transactions), Светска банка ја објави својата студија „Прирачник за централните банки за успешно имплементирање на брзите плаќања“ (Fast Payments Championship Toolkit for Central Banks). Притоа беше истакнат значителниот придонес на КИБС АД Скопје, како еден од учесниците во подготовката на оваа студија, која се очекува да биде драгоцена алатка на централните банки при имплементација и развој на инстант (брзи) плаќања, како клучен двигател кон финансиска инклузија и дигитализација на економијата.

Студијата содржи комбинација на научни истражувања и дискусии со централните банки и приватните оператори од различни земји и законодавства за предизвиците и факторите што придонесуваат за успешност на проектите со цел имплементирање и развој на инстант плаќањата, фокусирајќи се на најдобрите практики што им стојат на располагање на централните банки. Притоа, идентификувани се пет области на дејствување:

  1. Дефинирање на целите што треба да се постигнат со воведување на инстант плаќањата
    во рамките на пошироката платежна стратегија за сегментот население и притоа
    позиционирање на улогата на централната банка;
  2. Приклучување на сите релевантни учесници и градење посветеност во рамките на заедничката визија;
  3. Градење амбиент во кој одлуките за дизајн и имплементација на решенијата се носат со учество и динамичка дискусија на сите засегнати страни;
  4. Поставување сеопфатна комуникациска стратегија за зголемување на свесноста и едукација како на крајните корисници, така и на трговците, со крајна цел ‒ широко прифаќање на платежните услуги од учесниците на пазарот;
  5. Обезбедување континуирана експертска и техничка поддршка во текот на целото времетраење на проектот.

Како оператор на платен систем, КИБС АД Скопје е единствената приватна институција што е вклучена во студијата со цел давање сеопфатен експертски придонес во однос на тоа како се спроведуваат активностите во контекст на пазарни иницијативи за развој на системи за инстант плаќања.

Значајно место во студијата зазема анализата на расходи и приходи (cost-benefit analysis) за подолг временски период, која е подготвена од КИБС АД Скопје пред почетокот на проектот, а во која се земени предвид не само органскиот раст на дигиталните праќања, туку и потенцијалот на инстант плаќањата за конверзија на дел од сивата економија во формални платежни канали. Искуствата што КИБС ги собра од земјите од регионот и Европа му помогнаа за дизајнирање на решението, идентификување на главните предизвици и фактори за успех, како и за поставување конзистентни цели. Исто така, истакнато е дека од значење е редовната комуникација со Министерството за финансии и другите владини институции како учесници во постојниот платен систем КИБС, со цел подобра координација и соработка.

КИБС континуирано посветено работи во насока на имплементирање на најсовремените дигитални решенија во платежната инфраструктура. Таков е и проектот за инстант плаќања, кој е во завршна фаза и подразбира имплементација на две платформи поврзани меѓу себе: платформа за централно решение за извршување на инстант плаќањата и платформа што ќе овозможи канали за иницирање и прифаќање инстант плаќања од крајните корисници.

Со воведувањето на инстант плаќањата во земјата, КИБС не само што значително ќе ја подобри платежната инфраструктура од аспект на нудење брзи плаќања што се реализираат во реално време (примачот ги добива средствата за помалку од 10 секунди) и кои се извршуваат 24/7/365 дена во годината, туку влијанието е уште посеопфатно и мултидимензионално за економијата во целина. Па така, компаниите, особено значајно за малите и средни претпријатија, си ја подобруваат ликвидносната позиција со цел наплата без одложување и ја намалуваат потребата од краткорочни ликвидносни позајмици, се отвораат можности за поефикасна наплата на фактури, сметки и обврски кон државните институции и поефикасно обезбедување услуги за граѓаните и стопанството, се зголемува бројот на учесници во финансиските текови со цел достапност на плаќањата и со тоа се намалува готовината во оптек, а и трансакциските трошоци поврзани со неа. Оттука, влијанието на намалување на сивата економија очигледно има далекосежен импакт врз вкупната фискална економија и финансискиот екосистем.

Целата студија може да се погледне на линкот: FPS Championing Handbook_Final June 2024.pdf (worldbank.org).

Слични Теми:

Бизнис

Засадуваме вредности. Градиме иднина – MINT Финтек Груп

Објавено

пред 3 дена

на

На Денот на планетата Земја, децата на вработените во MINT Fintech Group засадија 9 нови магнолии во парк-просторот кај Офицерски дом, во соработка со надлежното општинско претпријатие во Општина Битола.

Ова е третата година по ред како финтек компанијата со седиште во Битола ја реализира оваа еколошка и симболична акција, каде бројот на садници расте заедно со годините на компанијата.

Првите магнолии беа засадени во срцето на градот – кај Градскиот часовник, каде годинава пролетта ги пречека во полн цвет. Минатата година – во новиот парк кај Довлеџик. Оваа година – позади Офицерски.

Секоја магнолија е порака. Порака дека технологијата и природата не се спротивности – туку партнери. Порака дека иновативноста е најсилна кога расте со почит кон корените.

Магнолијата како симбол отсекогаш била присутна во Битола – најпознат пример е
онаа во дворот на историската куќа на семејството Иконому на плоштадот Магнолија. Според народните верувања, магнолијата засадена пред куќа носи мир и задоволство, а позади куќа – финансиски просперитет. Совршена метафора за MINT.

„Нашата цел е оваа мала традиција да прерасне во голема магнолиска приказна за градот – каде секое дрво е жив симбол на одржливост, љубов и технолошка визија со локален пулс“, велат од MINT Fintech Group.

9 магнолии. 9 години. 1 град што расте.

Продолжи со читање

Бизнис

AETM: Заедно со Visa поддржуваме 20 микро и мали бизниси бесплатно да отворат е-продавница

Објавено

пред 3 дена

на

Асоцијацијата за е-трговија на Северна Македонија (АЕТСМ), со поддршка од компанијата Visa, објавува јавен повик во рамки на иницијативата „Е-трговија: Супермоќ за локалните бизниси vol.3“. Оваа иницијатива веќе трета година по ред ги поддржува микро и малите претпријатија кои сѐ уште немаат започнато со онлајн продажба, овозможувајќи им бесплатно да отворат своја е-продавница и да ги унапредат своите дигитални вештини за е-трговија.

Преку овој повик, ќе се изберат 20 микро и мали компании, кои ќе добијат:

  • Вредносен пакет од 1.000 евра за да отворат своја е-продавница
  • Учество на еднодневен практичен и едукативен семинар „Сѐ за е-трговија“ ​​
  • Сертификат за успешно завршување на програмата од Асоцијацијата за е-трговија на Северна Македонија
  • Можност за приклучување кон растечката заедница на домашни е-трговци во рамки на АЕТМ и дополнителна промоција на новите е-продавници.

За учество во јавниот повик, компаниите треба да ги исполнуваат следните критериуми:

  • Да се микро или мало претпријатие со седиште во С.Македонија
  • Да немаaт веќе активна е-продавница
  • Да не добиле поддршка во рамки на Vol. 1 или Vol. 2 или во некој сличен повик на АЕТСМ
  • Да доставaт комплетна и точна онлајн апликација

За да се пријавите треба да ја пополните онлајн апликацијата тука, најдоцна до 16.05.2025 до 23:59 часот.

Изборот на компаниите кои ќе бидат дел од програмата за отворање на е-продавница ќе се одвива во месец мај 2025 година. Изборот ќе го врши комисија од експерти во областа на е-трговијата, според однапред утврдени критериуми наведени во повикот. Едукативниот семинар ќе се одвива еднократно, во текот на месец јуни 2025 година.

Иницијативата не само што отвора нови можности за бизнисите, туку и придонесува за формализирање на онлајн продажбата, намалување на сивата економија и поттикнување на довербата кај потрошувачите во домашната е-трговија. Со овој повик, Асоцијацијата за е-трговија – AETСM се вклучува во напорите за зајакнување на конкурентноста на микро, малите и средни компани и нивно мотивирање за подобрување и унапредување на нивното работење поврзано со е-трговија.

Инаку, во првите две изданија беа поддржани вкупно 35 компании, кои успешно ги отворија своите први е-продавници и денес активно продаваат онлајн.

Повеќе информации за јавниот повик може да се погледнат овде.

Продолжи со читање

Бизнис

Атлантик Група: Силен раст на продажбата и профитабилноста под притисок на високите цени на кафето и какаото

Објавено

пред 3 дена

на

Атлантик Група во првото тромесечие од 2025 година забележа приход од продажба во износ од 259,9 милиони евра, што во однос на истиот период лани претставува раст од 9,8%. И покрај исклучителните продажни резултати, профитабилноста е и понатаму под притисок поради рекордните цени на сировото кафе и какао, како и на дополнителните вложувања во вработените, па затоа добивката пред камата, даноци и амортизација (EBITDA) е помала за 8,7% и изнесува 23,0 милиони евра, додека нето добивката во однос на првиот квартал минатата година е пониска за 38,4% и изнесува 6,1 милион евра.

„Во првиот квартал од 2025 година остваривме силен раст на продажбата во однос на истиот период лани, што се должи на растот на приходите во речиси сите деловни и дистрибутивни области и на сите поважни пазари. И понатаму притисокот поради рекордните цени на сировините, посебно на кафето и какаото, како и растечките вложувања во вработените, се рефлектира на резултатите во поглед на профитабилноста. Продолжуваме да го следиме развојот на ситуацијата во предизвикувачкото и динамично макроекономско опкружување, но остануваме уверен дека ќе продолжиме со успешен и одржлив раст, со фокус на зајакнување на конкурентноста, иновацијата и модернизацијата“, истакна претседателот на Управата на Атлантик Група, Емил Тедески.

Кафе, Деликатесни намази и Фармацевтскиот бизнис го предводат растот

Најзначајниот раст на приходите од продажба од 33,9% е остварен во Стратешката деловна област (SPP) Кафе, а потоа следат Деликатесните намази со раст од 19,5% и Фармацевтскиот бизнис со раст од 8,0%. Кафето е со удел во вкупниот приход од 24,4% и претставува најголема поединечна категорија. Помеѓу Стратешките дистрибутивни области (SDP) се истакнуваат Србија со раст од 25,8% и Северна Македонија со раст од 11,2%, а значаен раст е остварен и на пазарите Босна и Херцеговина и Германија. Во вкупната продажба сопствените брендови учествуваат со 65,0%, фармацевтскиот бизнис со 9,4%, додека принципал брендовите сочинуваат 25,6% од приходот од продажба.

Иновативност, одржливост и одговорност на дело

Атлантик Група ја започна 2025 година со лансирање на два нови брендови – линијата на хербални води и сегментот на функционални производи под брендот DoNatural (во рамки на стратешката деловна област Donat) како и нискокалоричната газирана лимонада под брендот Lemonish (во рамки на стратешката деловна област Пијалаци).

Атлантик во склоп на конференцијата Денови на енергетика во Словенија ја освои првата награда во категоријата „Енергетски ефикасно претпријатие“. Компанијата продолжува да реди успеси и во областа на зајакнување на организацијата, што претставува една од темелните стратешки одредници. Оваа посветеност е препозната и во Босна и Херцеговина, каде што Атлантик Група према изборот на порталот MojPosao.ba беше сместена помеѓу трите најпосакувани работодавци.

Атлантик Група и оваа година е добитник на сертификатот Equal Pay Champion (SELECTIO Grupa), со што се потврдува континуираната посветеност на компанијата да осигура еднакви плати за еднаква работа, без оглед на родовата припадност, како и големата застапеност на жени на управните позиции.

Продолжи со читање

Популарно