Connect with us

Домашни банки

Силен полугодишен резултат на ПроКредит Групацијата – Поврат на капиталот од 14,2% и важна пресвртница во постигнување климатска неутралност

Објавено

на

Групацијата ПроКредит, која е главно активна во Југоисточна и Источна Европа, објави силен финансиски резултат од 64,1 милиони евра за првата половина од 2023 година. Приносот на капиталот значително се подобри на ниво од 14,2%., на тој начин подвлекувајќи ги среднорочните цели на групацијата. Односот трошоци-приходи благо се подобри за 0,4 процентни поени на 59,7% и, приспособен за неповторливи ефекти, на 58,3%. Резултатите главно беа поттикнати од континуираната позитивна динамика на нето каматната маржа, како и од стабилните показатели за кредитниот ризик, што резултираше со вкупни ниски трошоци од ризик ризикот од два базични поени. Во областа на животната средина и управувањето, групацијата ПроКредит исто така постигна значајни достигнувања во периодот. Отворањето на „ПроЕнерџи“, сопствениот соларен парк на групацијата во Косово, означи значаен чекор кон постигнување неутралност на CO2. По одобрувањето на Годишното собрание за претворање на правната форма во акционерско друштво (AG), беа преземени следните конкретни чекори, а конверзијата се очекува да заврши во текот на третиот квартал на 2023 година.

Кредитното портфолио се зголеми за 48 милиони евра или 0,8% во првата половина од годината (H1 2022: 6,2%). Само во вториот квартал е остварен раст од 95 милиони евра или 1,6%. Депозитите се зголемени за 169 милиони евра или 2,7% (H1 2022: 3,6%), што се припишува особено на приватните клиенти. Споредено со периодот од претходната година, соодносот на депозитите кон кредитното портфолио се зголеми за 13,7 процентни поени на добро ниво од 104,9% (Н1 2022: 91,2%). Соодносот CET1 изнесуваше 14,2% на крајот на вториот квартал. Зголемувањето во споредба со нивото на крајот на 2022 година делумно се должи на натамошното зголемување на ефикасноста на RWA.

Значително повисокиот финансиски резултат го нагласува потенцијалот за заработка на групацијата и одржливоста на нејзиниот деловен модел

Полугодишниот резултат на групацијата од 64,1 милиони евра беше значително повисок во однос на претходната година (H1 2022: 7,7 милиони евра) и одговара на поврат на капиталот од 14,2% (H1 2022: 1,8%). Во овој контекст, оперативните приходи на групацијата се зголемија за 19,7%, поттикнати од повисоките нето приходи од камати и повисоките нето приходи од надоместоци и провизии.

Нето-приходите од камати се зголемени за 30,8 милиони евра или 24,7% на 155,7 милиони евра (1. 2022 година: 124,8 милиони евра). Нето каматната маржа се зголеми за околу 40 базични поени на годишно ниво на ниво од 3,5%, главно поради повисоките клучни каматни стапки.

На 28,9 милиони евра, нето-приходите од провизии се за 9,9% над нивото од претходната година (Н1 2022: 26,3 милиони евра). Особено позитивно се развиваа приходите од трансакции и картички. Нето-останатите оперативни приходи се намалени за 1,9 милиони евра поради неповторливите позитивни ефекти во периодот од претходната година, придонесувајќи со 7,2 милиони евра во вкупната заработка (Н1 2022: 9,1 милиони евра).

Севкупно, оперативните приходи на групацијата се подобрија за 31,6 милиони евра, додека персоналните и административните расходи се зголемени за 18,2 милиони евра. Ова резултираше со мало подобрување на соодносот трошоци-приходи од 0,4 процентни поени на 59,7% (Н1 2022: 60,1%) и силно зголемување од 13,4 милиони евра или 21,0% на добивката пред оданочување и надоместоци за загуби. Во постојано инфлаторно опкружување, зголемувањето на кадровските и административните трошоци се должеше и на повисоките трошоци за персонал, информатичка технологија, маркетинг и патувања, како и вонредните советодавни трошоци поврзани со планираното преобразување на правната форма. Со исклучок на неповторливите ефекти, односот на трошоците и приходите се подобри за 1,5 процентни поени на 58,3% (Н1 2022: 59,8%).

Резервациите за загуби беа на ниско ниво од 0,5 милиони евра (Н1 2022: 57,3 милиони евра), што првенствено се должи на стабилниот квалитет на портфолиото на банките од групацијата ПроКредит. На ниво на групација, учеството на неплатените кредити благо се намали од 3,3% на крајот на годината на 3,2%. За групацијата, без Украина, овој показател исто така се намали од 2,4% на 2,3%.

ПроКредит постигнува важни пресвртници во областа на животната средина и управувањето

Со поврзувањето на сопствениот соларен парк на групацијата, „ПроЕнерџи“ (3 MWp), со електричната мрежа во Косово, групацијата ПроКредит достигна важна пресвртница кон постигнување на нејзината климатска неутралност. Групацијата ја постави оваа цел за себе веќе во 2018 година. Очекуваното годишно производство на соларниот парк со моќност од 3 MWh е 3.711 MWh, кој може да снабдува до 450 домаќинства со просечна месечна потрошувачка на електрична енергија до 700 kWh. Дополнително, овој проект е наменет да придонесе за трансформација на енергетскиот пејзаж на Косово, да изгради локална експертиза и да стимулира понатамошни приватни инвестиции.

Групацијата ПроКредит, исто така, постигна напредок во планираната конверзија на правната форма на матичната компанија во АД. Откако Годишното Генерално Собрание на ПроКредит Холдинг гласаше 99,9% за конверзијата, беше можно да се започнат следните чекори, па дури и да се имплементираат веќе во голема мера. Управниот одбор во моментов очекува промената на правната форма да биде завршена во текот на третиот квартал од 2023 година.

Комерцијален текст

Нарачател: ПроКредит Банка

Домашни банки

Филијалите и експозитурите на Комерцијална банка нема да работат на 24 мај 2024 година

Објавено

на

Филијалите и експозитурите на Комерцијална банка АД Скопје нема да работат на 24 мај (петок) поради прослава на Денот на сесловенските просветители Св. Кирил и Методиј.

На 25 мај ќе работат експозитурите и филијалите кои се со редовно работно време во сабота.

“Ги известуваме нашите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка.”, велат од Комерцијална банка.

За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид.

Продолжи со читање

Домашни банки

Поддршка од Комерцијална банка за 15-то јубилејно издание на Гитарскиот фестивал во Крушево

Објавено

на

Музиката како уживање за публиката и како страст на младите музички таленти е тоа што го прави Гитарскиот фестивал во Крушево вистински музички спектакл и кој Комерцијална банка со задоволство го поддржува оваа година.

Како докажан поддржувач на музичката култура во земјава и особено на создавањето нови талентирани музичари, Комерцијална банка обезбеди поддршка за 15-то јубилејно издание на Гитарскиот фестивал, во организација на друштвото за култура и уметност АРТ-КУЛ Крушево.

Овој музички настан ќе се одржи од 31 мај до 2 јуни со богата музичка програма од целовечерни концерти, а ќе се организира и Школа за гитара за млади таленти во чест на нејзиниот основоположник Христо Христовски – Мулар.

Банката е горда на секој свој придонес за негување на музичкото творештво во земјава, особено кога тоа значи и продолжување на делото на врвни уметници, како што е почитуваниот Христо Христовски – Мулар.

Продолжи со читање

Домашни банки

НЛБ Склади влезе на македонскиот пазар со преземањето на Генерали Инвестментс АД Скопје

Објавено

на

НЛБ Склади, управување со средства, д.о.о. денеска, по добивањето на сите релевантни одобренија, успешно го заврши преземањето на Генерали Инвестментс АД Скопје. Купопродажен договор со компанијата Генерали Инвестментс за купување на мнозинската сопственост на компанијата Генерали инвестментс АД Скопје е потпишан во ноември 2023 година.

„Северна Македонија е еден од стратешки најважните пазари за НЛБ Групацијата, која одржува силно присуство на пазарот. НЛБ Банка Скопје е трета по големина банка на Групацијата во однос на вкупната актива, заземајќи системски важна позиција со пазарен удел од повеќе од 16% мерено според вкупната актива, и над 20% кај кредитите и депозитите кај населението. Од друга страна, гледаме многу можности за раст, затоа веќе имаме основано лизинг компанија во Северна Македонија на крајот на 2022 година, а сега го комплетираме нашето портфолио на производи со услуги за управување со средства“, објасни Блаж Бродњак, извршен директор на НЛБ.

„Во НЛБ Групацијата веруваме во развој на инвестициски производи во регионот на Југоисточна Европа. Северна Македонија е особено интересна во овој поглед, бидејќи пенетрацијата на инвестициските производи е многу мала, од друга страна, пазарот е доволно развиен и приемчив на ваква понуда, затоа гледаме многу можности за раст“, изјави Лука Подлогар, претседател на Управниот одбор на НЛБ Склади. По завршувањето на трансакцијата, на клиентите наскоро ќе им биде понуден проширен опсег на средства, додаде тој. Тој дополнително објасни дека НЛБ Групацијата има намера и во иднина управување со средства да организира под капата на НЛБ Склади.

НЛБ Склади е најголемата компанија за управување со фондови во Словенија, како и најголема компанија за управување со средства според вкупните средства под управување. Компанијатаја одржува својата водечка позиција на пазарот долги години и постојано остварува најголем удел од приливите, а воедно е компанија на која и веруваат голем број Словенци.

Генерали инвестментс АД Скопје е трето по големина друштво за управување со инвестициски фондови на македонскиот пазар, со пазарен удел од 18%. Компанијата управува со приближно 48 милиони евра средства на клиентите во 4 различни инвестициски фондови (два акциски, еден паричен и еден комбиниран).

Продолжи со читање

Популарно