Connect with us

Банки

Силните резултати на ПроКредит Групацијата во Q1 ги нагласуваат среднорочните позитивни перспективи

Објавено

на

  • Резултатот од 29,5 милиони ЕУР соодветствува на солиден Поврат на капитал (RoE) од 13,3% и, според тоа, е во согласност со среднорочните насоки на групацијата;
  • Добриот развој на нето каматната маржа до 3,4% и умерениот трошок на ризикот од 12 основни поени се клучни фактори за резултатите;
  • ПроКредит Банка Украина има умерен придонес кон резултатот на групацијата, демонстрирајќи ја својата структурна сила без оглед на проблематичното опкружување; ПК без Украина е на добро ниво од 11,6%;
  • Kоефициентот на трошочна ефикасност, усогласен за непериодичните ефекти е на ниво од 57,0% и, според тоа, 2,5 процентни поени под нивото од претходната година;
  • Растот на депозитите изнесува 0,6%; кредитното портфолио бележи мал пад од 0,8%, со дополнителни подобрувања на квалитетот на портфолиото;
  • Континуиран фокус на зелени кредити; тековниот удел од 20,2% во вкупното кредитно портфолио е зацртано да расте до 25% среднорочно;
  • Коефициентот на редовен основен капитал на ниво 1 (CET1) изнесува 14,1%; значајното зголемување од 0,7 пп во Q1 е поттикнато од натамошниот раст на ефикасноста на активата пондерирана според ризикот (RWA)

ПроКредит групацијата, која е активна пред сè во Југоисточна Европа и Источна Европа, забележа значајно подобрен финансиски резултат од 29,5 милиони ЕУР во првото тримесечје. Повратот на капиталот, според тоа, беше на многу подобрено ниво од 13,3%, што е во согласност со среднорочните цели на групацијата.

Kоефициентот на трошочна ефикасност, со 59,7%, остана приближно на нивото од претходната година, но се подобри значајно за 2,5 процентни поени до 57,0% по усогласувањето за непериодичните ефекти. Резултатот беше поттикнат пред сè од тековното позитивно движење на нето каматната маржа и стабилните показатели за кредитниот ризик, што придонесоа до низок општ трошок на ризик од 12 основни поени. Покрај тоа, ПроКредит Банка Украина имаше умерен придонес кон заработката, иако повратот на капиталот, без придонесот кон резултатите од Украина, исто така беше на солидно ниво од 11,6%. Кредитното портфолио забележи благ пад од 0,8%, додека, пак, депозитите го продолжија позитивниот тренд од претходните години и забележаа раст од 0,6%. CET1 коефициентот изнесуваше 14,1%, што е 0,7 процентни поени повисоко од нивото на крајот на 2022 година, што е делумно поттикнато до дополнителното зголемување на ефикасноста на RWA.

Кредитното портфолио се намали за 47 милиони ЕУР, односно 0,8% (Q1 2022: +105 милиони ЕУР или 1,8%), пред сè поради валутните ефекти и целното намалување на портфолиото во Украина. Депозитите се зголемија за ЕУР 35 милиони или 0,6% (Q1 2022: 25 милиони ЕУР или 0,4%), што може да се припише особено на физичките лица. Во споредба со претходниот годишен период, односот меѓу депозитите и кредитите се зголеми значајно за речиси 13 процентни поени на солидно ниво од 104,3% (Q1 2022: 91,5%), особено поради силната динамика на раст на депозитите во текот на последните дванаесет месеци.

Силната профитабилност во областа на среднорочните цели ги нагласува добриот потенцијал за заработувачка на групацијата и одржливоста на деловниот модел

Тримесечниот резултат на групацијата од 29,5 милиони ЕУР беше значајно повисок во споредба со претходната година (Q1 2022: -1,4 милиони ЕУР) и соодвествуваше на солиден поврат на капиталот од 13,3%. Приходите од работењето се зголемија за 16,1 милиони ЕУР или 20,7% на 93,7 милиони ЕУР (Q1 2022: 77,7 милиони ЕУР), што се должи на повисоките нето приходи од камати како и на повисоките нето приходи од надоместоци и провизии. Сите банки на ПроКредит, вклучувајќи ја ПроКредит Банка Украина, имаа позитивен придонес за овој резултат.

Нето приходите од камати се зголемија за 15,3 милиони ЕУР или 25,3% до 75,4 милиони ЕУР (Q1 2022: 60,2 милиони ЕУР). Нето каматната маржа се зголеми за приближно 50 основни поени во споредба со истиот период во претходната година, растејќи до 3,4% (Q1 2022: 2,9%) како резултат на стабилните кредитни маржи и повисоките клучни каматни стапки.

Со 14,0 милиони ЕУР, нето приходите од провизии и надоместоци беа 10,9% повисоки од нивото од претходната година (Q1 2022: 12,6 милиони ЕУР). Приходите од трансакциите и кредитни картички се развиваа особено позитивно. Нето другите приходи од работењето се намалија за 0,5 милиони ЕУР поради непериодичните позитивни ефекти во периодот на претходната година, што придонесе 4,3 милиони ЕУР кон вкупната заработувачка (Q1 2022: 4,9 милиони ЕУР).

Трошоците за вработените и административните трошоци се зголемија за 10,0 милиони ЕУР, што резултираше со мало зголемување на коефициентот на трошочна ефикасност за 0,5 процентни поени на 59,7% (Q1 2022: 59,1%). Зголемувањето на трошоците за вработените и административните трошоци се должеше, пред сè, на повисоките трошоци за вработените, ИТ, маркетинг и патните трошоци, како и на вонредните расходи за советодавни услуги во врска со планираната конверзија на правната форма. Исклучувајќи ги непериодичните ефекти, коефициентот на трошочна ефикасност се подобри за 3,5 процентни поени на 57,0% (Q1 2022: 59,5%).

Резервирањата за загуби беа на ниско ниво од 1,9 милиони ЕУР (Q1 2022: 35,6 милиони ЕУР), што се должи на добриот и стабилниот квалитет на портфолиото на банките. Ова соодвествува на трошок за ризик од 12 основни поени, што е приближно во согласност со просечното ниво во последните шест години (со исклучок на резервирањата за Украина во 2022 година). Дополнителните усогласувања од менаџментот што се резервирани во претходната година се целосно задржани во првото тримесечје на 2023 година. На ниво на групацијата, уделот на неисплатените кредити забележи мало намалување од 3,3% на 3,2%. Со исклучок на Украина, овој показател, исто така, се намали од 2,4% на 2,3%.

Банки

Ангеловска-Бежоска: Девизните резерви растат и се повисоки во споредба со периодот пред пандемијата, како гаранција за стабилноста на девизниот курс

Објавено

на

Нивото на девизните резерви на крајот на минатата година достигна пет милијарди евра и тие се повисоки за околу 50% во однос на претпандемичниот период. Гувернерката на Народната банка, Анита Ангеловска-Бежоска, на гостувањето во емисијата „Утрински брифинг“ на „Слободна ТВ“, посочува дека девизните резерви се најважниот фактор за одржување на стабилноста на домашната валута и дека во изминатиот период, и покрај кризите, тие речиси непрекинато растеа, како гаранција за задржување на стабилноста на девизниот курс.

Ангеловска-Бежоска посочи дека растот на девизните резерви главно се должи на откупот на девизи од страна на централната банка на девизниот пазар, којшто речиси постојано се остварува од средината на 2023 година. „Вкупно за изминатите две години ние како централна банка на девизниот пазар откупивме 750 милиони евра, со што во целост се надомести износот којшто беше искористен за интервенции на девизниот пазар во периодот на пандемијата и во периодот на енергетскиот шок. Сето ова јасно говори за воспоставените силни одбранбени механизми од идни потенцијални ризици и шокови, заради натамошно одржување на стабилноста на девизниот курс на домашната валута“, нагласи Ангеловска-Бежоска. 

Гувернерката посочува и дека несомнено странските директни инвестиции имаат позитивен придонес кон порастот на девизните резерви. „Во претпандемичниот период, странските директни инвестиции изнесуваа околу 3,5% од БДП, во просек, по забавувањето во текот на пандемијата следеше процес на постепено закрепнување, а минатата година во првите три квартали достигнаа 5% од БДП, што е солидно ниво според историските параметри“, истакна Ангеловска-Бежоска. Таа истакна дека странските директни инвестиции не се важни само за порастот на девизниот потенцијал во нашата економија, туку поопшто за инвестицискиот циклус и за побрз раст и зголемување на нивото на доходот, којшто кај нас за жал сѐ уште е низок.

Ангеловска-Бежоска истакна дека за остварување повисок економски раст особено е важна и солидната кредитна поддршка за граѓаните и компаниите од страна на банкарскиот сектор, чијашто стабилност и капацитет за кредитирање се зајакнати и покрај кризниот период, а адекватноста на капиталот е највисока во последниве две декади. Ова се должи меѓу другото и на мерките коишто ги преземаше централната банка. Гувернерката посочи дека важна улога за зголемувањето на инвестициите има и растот на зеленото кредитирање коешто во изминативе години се удвои од 2,2% на 4,4%.

Продолжи со читање

Банки

Средба Ангеловска-Бежоска – Палминтери: Народната банка цврсто чекори кон Европскиот систем на централни банки

Објавено

на

Народната банка постојано работи на усвојување на најдобрите европски практики и стандарди со што сѐ повеќе се приближува до Европскиот систем на централни банки. Ова беше посочено на средбата помеѓу гувернерката на Народната банка Анита Ангеловска-Бежоска и амбасадорот на Република Италија во земјава, Паоло Палминтери.

Во оваа смисла беше нагласено значењето на поднесеното барање за членство на земјава во Единствената област за плаќања во евра (СЕПА). Амбасадорот Палминтери ја изрази својата поддршка за заложбите на Народната банка во овој процес. Гувернерката Ангеловска-Бежоска посочи дека имајќи го предвид високиот степен на усогласеност на правната рамка, се очекува позитивна оцена што ќе овозможи скорешно пристапување на нашата земја во СЕПА.

На средбата, стана збор и за системот за инстант плаќања којшто централната банка на Италија го развива за земјите од Западен Балкан, по одлука на Европската централна банка (ЕЦБ) како клон на системот ТИПС со кој таа управува. Системот ќе овозможи инстант извршување на домашните плаќања во текот на кое било време од денот во текот на годината во секоја од земјите, како и на нивните меѓусебни плаќања и на плаќањата со земјите од ЕУ. Поставувањето платежна инфраструктура за инстант плаќања во земјите од регионот по стандардите и правилата на системот на ЕЦБ претставува историски исчекор за развојот на регионот и негова интеграција на единствениот европски пазар и пред земјите да обезбедат полноправно членство во ЕУ, се согласија гувернерката и амбасадорот.

Се разговараше и за билатералната соработка на нашата со централната банка на Италија, во рамките на втората фаза од Регионалната програма за зајакнување на капацитетите на централните банки на Западен Балкан, финансирана од Европската Унија. Оваа соработка ќе придонесе кон унапредување на стандардите и примената на најдобрите практики во Народната банка, преку споделување искуства и експертиза од страна на Банката на Италија.

Гувернерката Ангеловска-Бежоска и амбасадорот Палминтери ја потврдија својата заложба за понатамошно јакнење и продлабочување на соработката, заради унапредување на финансиската стабилност и натамошна интеграција на финансискиот систем со европскиот финансиски систем, особено во платежната сфера. 

Продолжи со читање

Банки

Европската централна банка за разлика од ФЕД одлучи да намали три клучни каматни стапки

Објавено

на

Европската централна банка (ЕЦБ) донесе одлука да намали три клучни каматни стапки за 25 базични поени.

Така, од 5 февруари каматните стапки на депозитните капацитети ќе изнесуваат 2,75 отсто, што е најниско ниво од почетокот на 2023 година. Каматната стапка на операциите за главно рефинансирање е намалена на 2,9 отсто, а на маргиналните кредитни линии на 3,15 отсто.

Одлуката е донесена само еден ден откако Федералните резерви на САД ја задржаа референтната каматна стапка стабилна на 4,25 до 4,5 проценти.

Продолжи со читање

Популарно