Во Аулата на Економски факултет-Скопје се одржа свечената церемонија на која беа промовирани дипломираните студенти на прв циклус на студии за академската 2022/2023 година.

Согласно долгогодишната практика која ја негува Економскиот факултет – Скопје, Деканот, проф. д-р Предраг Трпески, во присуство на Проректорката за настава на Универзитетот „Св.Кирил и Методиј“ во Скопје, проф. д-р Соња Топузовска доделија ваучери во износ на едногодишна партиципација/школарина на студентите кои оствариле просек 10.00 од почетокот на нивното студирање:

Едон Реџепи, студент на департман Финансии,

Радан Станковиќ, студент на департман Меѓународна трговија,

Игор Стојков, студент на департман Менаџмент и претприемништво.

На студентите со највисок просек во студирањето кои дипломирале во учебната 2022/2023 година, им беа доделени посебни признанија за успех, оваа година имаме двајца студенти на генерација:

Габриела Козараова, департман Маркетинг, просек 9,88 и

Кристина Стоилковска, департман Е-бизнис, просек 9,88.

Втор најдобар успех во генерацијата остварил Александар Николовски, департман Финансиски менаџмент, просек 9.84 и Пале Ѓорѓиева, департман Е-бизнис, просек 9,75.

И оваа година во рамките на промоцијата како дел од прославата на годишнината од основањето на Економскиот факултет, се доделува награда за најдобар дипломски труд.

Комисијата за избор на најдобар дипломски труд (во состав: проф. д-р Калина Треневска, проф. д-р Александра Јанеска Илиев и проф. д-р Борче Треновски) за најдобар дипломски труд одбранет во учебната 2022/2023 го избра трудот на кандидатот Илија Васиљески, под наслов „Енергетската eфикасност и енергетската интензивност-економска процена на избрани земји од Европа“, под менторство на проф. д-р Пеце Недановски.

Деканот, проф.д-р Предраг Трпески, покрај ваучерите и посебните признанија за успех им ги врачи дипломите и на останатите студенти дипломирани во учебната 2022/2023 година.

Фото: Економски факултет-Скопје