Connect with us

Банки

НЛБ е рангирана меѓу најдобрите компании со признанија за ЕСГ во рамките на индустријата и регионот

Објавено

на

НЛБ д.д. продолжува да создава подобри отпечатоци и да го зајакнува своето влијание во Југоисточна Европа, особено во сферата на одржливоста. По значително подобрениот ЕСГ рејтинг за ризици за 10.5 од „Morningstar Sustainalytics“ кон крајот на 2024 година, Банката сега заработи две признанија од истата водечка компанија за истражување, рејтинг и податоци за ЕСГ. 

„Morningstar Sustainalytics“ неодамна ја претстави својата листа на најдобро оценети компании за ЕСГ (животна средина, социјални апсекти и корпоративно управување) за 2025 година која опфаќа над 15.000 компании во 42 индустрии, препознавајќи ја НЛБ како „Top regional and Top industry“ компанија. Овие признанија ја потврдуваат посветеноста на НЛБ за одржливи практики и одговорно работење.

Признанието „Top regional“ ја става НЛБ меѓу 432-те највисоко оценети компании во Европа, додека признанието „Top industry“ ја рангира на 42-то место од 1.027 оценети банкарски компании ширум светот.

Ние сме исклучително горди на ова признание за НЛБ и за целата Групација, бидејќи ги одразува вредните напори на нашиот менаџмент, ЕСГ координаторите и сите вработени. Ова признание ја зајакнува посветеноста на НЛБ за подобар свет, почнувајќи од нашиот матичен регион. Високиот рејтинг и признанијата од реномирани агенции се сигнал до јавноста дека компанијата е отпорна и прогресивна, дека ефикасно управува со ризиците, истовремено искористувајќи ги предностите на одржливиот бизнис. За инвеститорите, ова претставува клучен показател за долгорочна вредност и одговорни деловни практики на денешниот пазар. – истакнува Иван Томиќ, Директор за стратегија и бизнис развој во НЛБ д.д.

Ова признание доаѓа откако НЛБ ја доби својата подобрена оценка за ЕСГ од 10.5 на крајот на 2024 година. Оценката, како одраз на нискиот ризик од материјални финансиски влијанија од ЕСГ фактори, ја смести НЛБ во топ 5-ти перцентил од сите банки оценети од Morningstar Sustainalytics. Ова претставува повеќе од 34% подобрување од рејтингот што НЛБ го доби во 2023 година, што се должи на подобрените перформанси на Банката за 26%, и промената во методологијата на Sustainalytics, која придонесе со 8% во подобрувањето. НЛБ најмногу го подобри своето одржливо работење во Приватноста на податоците, Сајбер-безбедноста, Одговорната маркетинг политика и Одговорното управување со средства. Повеќе за резултатите тука

Овој текст е изработен од НЛБ д.д. Сите изнесени мислења и информации се соопштени од страна на нарачателот.

Банки

Штип добива нова, модернизирана услужна единица на ПроКредит Банка

Објавено

на

ПроКредит Банка и оваа година ја продолжува својата стратегија за модернизација, подобрување и ширење на својата мрежа низ Македонија, повторно отворајќи ја реновираната услужна единица во Штип. Лоцирана на ул. Тоше Арсов бр. 46, во централното подрачје на градот, оваа услужна единица нуди современо банкарско искуство и повисоко ниво на услуги за клиентите.

Реновираната услужна единица се одликува со модерен дизајн и функционалност, прилагодена на потребите на клиентите. Оваа локација е опремена со Зона 24/7, со современи банкомати кои им овозможуваат на клиентите самостојно да вршат банкарски трансакции во кое било време од денот, без разлика дали е викенд, празник или останати неработни денови. Клиентите можат да вршат уплата и исплата на денари и евра, внесување на дневен промет и користење на drop box сеф за депонирање поголеми суми на средства.

Покрај дигиталните поволности, клиентите имаат пристап и до стручниот тим на ПроКредит Банка, кој е достапен за консултации и поддршка секој работен ден од 08:30 до 16:30 часот.

„Реновирањето на нашата услужна единица во Штип е дел од нашата долгорочна стратегија за унапредување на банкарските услуги и зајакнување на односите со нашите клиенти, создавајќи простор кој овозможува поголема ефикасност, флексибилност и сигурност. Веруваме дека овие промени ќе придонесат за поголема практичност во банкарските операции кај граѓаните и продлабочување на соработката со компаниите од Штип,“ изјавија од ПроКредит Банка.

Банката останува посветена на својата мисија за овозможување на лесни и практични банкарски услуги за сите клиенти, истовремено вложувајќи во модернизација на своите физички објекти.

Повеќе информации за локациите на ПроКредит Банка можете да најдете на веб страницата ProCredit Bank – Експозитури и Банкомати

Продолжи со читање

Банки

УНИБанка АД Скопје и Развојна банка на Р.С. Македонија потпишаа Рамковен договор за учество во кредитната линија за финансирање на инвестиции и развој на приватни трговски друштва, т.н. Унгарска кредитна линија

Објавено

на

УНИБанка АД Скопје е една од банките во земјата преку која клиентите, правни лица, ќе може да аплицираат за поволен кредит за финансирање на инвестиции и развој на приватни трговски друштва.

Сметаме дека оваа кредитна линија има силна развојна и инвестициска компонента, и ќе допринесе за поттикнување на нови инвестиции во основни средства и поддршка на економскиот развој, иновации и инвестиции. Истите позитивно ќе влијаат врз економијата и ќе донесат нови вработувања, раст на БДП и сеопфатен економски раст и развој во државата.

Договорот потпишан со Развојна банка на Р.С. Македонија ќе ни овозможи пласман на кредитната линија согласно дефинираните критериуми на Владата.

Нашата соработка со Развојна банка на Р.С. Македонија, со оваа, како и со претходни кредитни линии, секогаш е во насока на зајакнување на македонската економија.

“Со кредитната поддршка на нови инвестиции во основни средства преку оваа линија придонесуваме кон јакнење на капацитетот на домашните субјекти, кон зголемување на позитивните ефекти од нивното работење, создавајќи долгорочен придонес за економски развој на земјата.

Целта е подобрување на вкупните перформанси, зголемена економска продуктивност и поголема конкурентност на претпријатијата. Веруваме дека во земјава има компании со голем економски потенцијал, со проекти кои можат да бидат конкурентни на светскиот пазар”, истакна Милка Тодорова, Претседател на Управен Одбор на УНИБанка АД Скопје.

Кредитот е со намена за нови инвестиции во основни средства, со фиксна каматна стапка од 1,95%, а максималниот износ на кредит изнесува 615.000.000 МКД при што се зема предвид и изложеноста кон поврзани лица. Кредитот е со максимален рок до 15 години, со вклучен грејс период до 3 години, без надомест за одобрување, управување и предвремена отплата.

ПР објава

Продолжи со читање

Банки

Народната банка продолжува со финансиската едукација преку нов циклус предавања

Објавено

на

Со почетокот на второто полугодие од учебната година, започнува и новиот циклус предавања на Народната банка од областа на финансиската едукација. Во современите услови на динамичен финансиски систем, финансиската едукација станува сѐ попотребна за сите граѓани. Токму затоа, финансиската едукација е дел од стратегиските цели на Народната банка, којашто преку обезбедување непрекинатост во процесот и постојано зголемување на опфатот на населението од различни целни групи, цели кон унапредување на финансиската писменост во земјава.

Во изминатите години, Народната банка преку активностите за унапредување на финансиската писменост, има одржано едукативни предавања за над 25.550 граѓани, од различни возрасти и образование, а исто така има изработено и голем број едукативни материјали во печатена и електронска форма, игра, квизови, инфографики и др.  Интересот кај учениците за посета на Народната банка од година в година бележи раст, а се зголемува интересот и кај повозрасните граѓани за финансиска едукација.

За закажување предавање во делот на финансиската едукација, наставниците и професорите од основните и средните училишта и од факултетите треба да го пополнат формуларот којшто може да го најдат на страницата за финансиска едукација на Народната банка https://www.nbrm.mk/finansiska-edukacija.nspx и да го достават на е-адресата [email protected] , по што ќе бидат побарани за организација на предавањето. Предавањата се изведуваат на македонски, албански и на англиски јазик.

Продолжи со читање

Популарно