Connect with us

Останато

Менаџерскиот тим на Пиксел стана дел од Управниот одбор на CEED бизнис клубот

Објавено

на

Основачите на агенцијата Пиксел, Филип Ристевски, Владимир Ристевски и Димитар Јовевски, се приклучија на Управниот одбор на бизнис клубот CEED кој е одговорен за дефинирање на стратегијата, мисијата и визијата на организацијaта.

Водечкиот тим на агенцијата која веќе 10 години им помага на компаниите да достигнат дигитална зрелост, вели дека токму членството во CEED носи добар дел од заслугите за пронаоѓањето на вистинскиот пат на Пиксел кон раст и развој.

„Како долгогодишни членки чест ни е да се приклучиме на Управниот одбор на CEED, бидејќи токму оваа организација ни помогна да ја пронајдеме насоката за нашиот раст и развој.

Денес, како уникатна компанија која нуди широка палета на услуги за дигитална зрелост на нашите клиенти, по години активно членување, учење, вмрежување и споделување знаење со останатите членки сметаме дека е вистински момент да вратиме назад кон заедницата на претприемачи и да помогнеме за раст и развој на сите компании кои се наоѓаат на патот кој го поминавме и ние.

Нашата цел како членови на Управниот одбор е неуморно да се бориме да им помогнеме на сите нови и етаблирани македонски компании да покажат дека умеат да се издигнат да бидат регионални и светски лидери“ – велат од Пиксел.

Од агенцијата објаснуваат дека вмрежувањето со луѓе и компании со коишто делат заеднички визии и вредности било од голема помош за нив кога ги поставувале темелите на компанијата како млади претприемачи. Свеста за вредноста на достапните информации и искуства од етаблирани менаџери во различни сфери и индустрии денес ги мотивира да вложат дел од своето време и енергија за да ги споделат своите знаења.

„Од самото пристапување во CEED знаевме дека можностите за личен и професионален прогрес тука се бесконечни, доколку имате желба да ги искористите. Земавме учество во најразлични активности и настани, од обуки и вмрежување со останатите членови, до студиски посети на успешни бизниси во регионот, кои навистина ни помогнаа да ги прошириме нашите видици.

Континуираниот раст низ годините подоцна нѝ даде можност и поттик да ја земеме улогата на обучувачи и гости предавачи во CEED, за денес да ја имаме честа да дадеме уште поголем придонес кон заедницата на претприемачи како дел од овој Founder’s Circle составен од иновативни и креативни менаџери“ – додаваат од Пиксел.

Тие истакнуваат дека од особена важност за претприемачите е да се поврзат со истомисленици и искусни менаџери бидејќи само така можат здраво и самоуверено да напредуваат, но и да постигнат повеќе од она што го замислувале.

Велат дека вербата во посебната вредност и сатисфакција која споделувањето знаење ја носи за сите вклучени страни им помогнала да го збогатат тимот на Пиксел кој денес брои речиси 50 вработени, со широка палета на знаења, вештини и искуства.

Овој став го дели и Филип Димитровски, Country Manager на CEED бизнис клубот.

„Една мудра изрека вели дека сам не можеш да свириш симфонија, потребен е цел оркестар за тоа. Искрено верувам дека големи и значајни резултати не можат да се постигнат од поединци, но тим кој дели заеднички вредности.

Како бизнис клуб свесни сме дека единствено преку развој и поддршка меѓу основачите може да се трансформира бизнис климата и инспирира родово еднаква и претприемачки ориентирана младина.

Токму затоа особено сме горди што успеавме да формираме управен одбор сочинет од креативни и прогресивни претприемачи кои својот раст и развој го започнале токму во рамки на клубот, како што е тимот на основачи на Пиксел.

Членките на одборот на CEED имаат големи одговорности и предизвици пред нив, на кои сум уверен дека ќе им пристапат со голема одлучност. Сега со заеднички сили ќе работиме во правец на обликување на работата на клубот според потребите и спецификите на нашите членки, и објективно ќе делуваме со цел да обезбедиме уште поголема вредност за компаниите членови кои вложуваат во унапредување на нивниот бизнис” – вели Димитровски.

Бизнис клубот на CEED е водечка бизнис заедница во земјава со 15 годишна традиција и повеќе од 2000 членови низ целиот свет, како дел од интернационалната CEED мрежа која постои во 18 земји и на 4 континенти.

ПР објава

Банки

Успешни приказни, врвни професионалци, млади лидери, размена на идеи – се одржа втората конференција „Чувари на мудроста“

Објавено

на

Повеќе од 200 млади присуствуваа на втората конференција „Чувари на мудроста“, во организација на Халкбанк АД Скопје, на која своите искуства, совети и рецепти за успех ги споделија 14 говорници кои работат во различни области. Настанот беше вистинска платформа на која се обединија знаењето на успешните и реализирани професионалци и полетноста и амбициозноста на младите студенти и претприемачи.

На првата панел дискусија „Од личен развој до иновативно претприемиштво“ со професорот Радмил Поленаковиќ и Нина Ангеловска, пионерката во е-трговијата, заклучокот беше дека подготовката за дигиталната ера бара посветеност и континуирано учење. Практичните вештини, етичките размислувања и современите наставни методи можат да го премостат јазот помеѓу традиционалното образование и потребите на пазарот на труд кои брзо се менуваат.

Во рамките на вториот конференциски панел, насловен „Успешна бизнис приказна – посветеност, дисциплина, интуиција“, Живко Мукаетов, директор на Алкалоид, и Петар Ниновски, основач на „Бреинстер“, имаа пријатна дискусија базирана на сопствените искуства. Мукаетов се осврна на професионалните предизвици во неговата 25-годишна кариера, а Ниновски нагласи дека младите треба да работат напорно, да се пробуваат, да направат грешки ако треба, но и да умеат да си простат за нив. Интегритетот, посветеноста и дисциплината се основа за долгорочен успех.

Искра Гешоска, теоретичарка на уметноста, и Јасмина Поповска, професорка на Филозофскиот факултет, на третата панел дискусија „Без хуманистика нема иднина“ ја изненадија публиката со различната перспектива на хуманистичките науки. Панелистите истакнаа дека, водени од човековата доблест и потрагата по знаење, хуманистичките науки го ставаат акцентот на добро управување со заедницата и емпатијата во општеството, што се клучни за индивидуалната благосостојба.

И покрај поразителните бројки за волјата на младите да бидат општествено активни, граѓанскиот сектор останува силен во застапувањето на потребите на граѓаните. Неда Малеска Сачмароска од ЦУП и Ирина Јаневска од АРНО на четвртата панел дискусија насловена „Храбар граѓански сектор за квалитетни општествени промени“ ги разбија стереотипите и предрасудите преку практични примери за личните и секторски успеси, и заклучија дека останува заложбата за поголемо доближување на улогата на граѓанскиот секторот до младите и заедницата.

На панелот за архитектура под наслов „Визија за архитектура на иднината“ воден од професорот Мишко Ралев и архитектот Пако Радовановиќ, говорниците потенцираа дека оваа професија бара љубов и посветеност, како и вроден талент. Панелистите истакнаа дека архитектите мора да имаат силно чувство за естетика и осет за убавото, што е неопходно за успешно реализирање на нивните проекти.

Академик Владо Камбовски и професорот на Правниот факултет, Бобан Мисоски, разговараа за филозофското битие на правото, но и за правото како дел од секојдневието на панелот насловен „Концепт за инклузивна и одржлива правда“. Тие се обидоа да ги мапираат клучните компетенции кои треба да ги поседуваат младите правници, и како тие да ја одржат својата мотивација за борба за правда и праведност.

На последниот панел „Личен потенцијал без бариери“ со психотерапевтите Славица Гајдаѕис Кнежевиќ и Катерина Димова се дискутираше на темата „Како да ни биде добро?“. Тие истакнаа дека често не сме свесни како да постигнеме благосостојба или да ги препознаеме причините за нашето незадоволство. На крајот закчучија дека е потребна длабока интроспекција и себеспознавање за да стигнеме до решение.

Панелистите ја посочија важноста од прилагодување на тековните трендови, придржување кон етичките стандарди и континуирано учење за успех во инженерството, бизнисот и образованието.

Присутните млади луѓе во публиката беа активни учесници во дискусиите имајќи предвид дека преку апликацијата Слајдо поставија повеќе од 180 прашања до говорниците. За најкреативното прашање во секоја сесија, следуваше вредносен ваучер.

Целта на конференцијата „Чувари на мудроста“, организирана од Халкбанк АД Скопје, е да ги обедини студентите и младите претприемачи со врвни ментори и професионалци од различни области. Оваа платформа им нуди можност од прва рака да слушнат успешни приказни и да научат вредни лекции од искуствата на луѓе кои, со својот труд и посветеност, успеале да ги надминат сите бариери и да достигнат врвови во своите кариери.

Продолжи со читање

Останато

Ексклузивна можност за професионална инспирација на конферeнцијата „Чувари на мудроста“

Објавено

на

Време е за „Чувари на мудроста“, конференцијата што ќе понуди бесплатни корисни совети од успешните за сите студенти, млади професионалци и претприемачи на кои им е потребна мотивација, инспирација и црпење искуство од луѓето кои оставиле силен професионален и личен печат во своите области. Втората по ред конференција „Чувари на мудроста“ ќе се одржи овој вторник, на 11 јуни, во Младинскиот културен центар во Скопје. Настанот ќе ги собере на едно место луѓето кои со своето знаење, искуство и успех ги мотивираат и ги водат идните генерации кон остварување на нивните соништа.

Конференцијата ќе има седум панел-дискусии, со учество на 14 истакнати професионалци од различни области. Панелот на тема „Од личен развој до иновативно претприемништво“ ќе ги обедини професорот Радмил Поленаковиќ и успешната претприемачка Нина Ангеловска, кои ќе дискутираат за е-трговијата и нејзините можности. Првиот човек на „Алкалоид“, Живко Мукаетов, и Петар Ниновски од „Брејнстер“ ќе ги раскажат своите успешни бизнис-приказни истакнувајќи го значењето на посветеноста, дисциплината и интуицијата во рамките на втората панел-дискусија, насловена „Успешна бизнис-приказна – посветеност, дисциплина, интуиција“.

Темата „Без хуманистика нема иднина“ ќе биде обработена од Искра Гешоска и Јасмина Поповска, кои ќе ја истакнат важноста на културата во нашето општество. Неда Малеска Сачмароска и Ирина Јаневска ќе дискутираат за улогата на невладините организации во создавањето квалитетни општествени промени, додека професорот Мишко Ралев и архитектот Пако Радовановиќ ќе ја споделат својата визија за архитектура на иднината.

Во панелот посветен на правдата, академик Владо Камбовски и професорот Бобан Мисоски ќе разговараат за концептот за инклузивна и одржлива правда, а на последниот панел „Личен потенцијал без бариери“, Славица Гајдаѕис-Кнежевиќ и Катерина Димова ќе споделат корисни совети истакнувајќи ги предизвиците и можностите за младите психолози.

Покрај дискусиите, конференцијата ќе вклучи и интерактивни работилници, кои ќе ги водат Сања Митровска и Милан Стојанов, а кои ќе се фокусираат на темата развој на стартап бизнис-идеја и употреба на AI-алатки за поставување на визуелна комуникација.

Конференцијата „Чувари на мудроста“ е создадена со цел да ги обедини младите со најдобрите ментори и практичари од различни професионални области. Не пропуштајте ја оваа уникатна можност да ги чуете приказните и да научите корисни работи од искуствата на луѓето кои со својот труд и посветеност успеале да ги надминат сите бариери и да ги достигнат врвовите во својата кариера.

Конференцијата „Чувари на мудроста“ е бесплатна и отворена за сите млади луѓе. Поради ограничениот број, сите заинтересирани треба да се регистрираат и да го пријават своето учество на следниот линк: bit.ly/Конференција-ЧувариНаМудроста

Продолжи со читање

Останато

Поскапени поштенските и курирските услуги

Објавено

на

Цените на поштенските и курирските услуги во првото тримесечjе од годинава пораснале за 3,8 проценти во споредба со првото тримесечје од 2023 година, објави денеска Државниот завод за статистика (ДЗС).

 Во првото тримесечје од годинава, во споредба со првото тримесечје од 2023 година, цените на услугите за транспорт и складирање се на исто ниво.

Цените за копнениот и цевководниот транспорт бележат пад од 0,1 проценти, додека кај поштенските и курирските услуги бележат пораст од 3,8 проценти.

Во истиот период, цените на услугите во секторот Информации и комуникации бележат пад од 0,7 проценти во одделот Телекомуникации.

Продолжи со читање

Популарно