Connect with us

Банки

Компании во земјава реализираат 20 „зелени“ проекти од кредитната линија на ЕБОР преку Стопанска банка

Објавено

пред 12 месеци

на

Вкупно 20 „зелени“ проекти на 17 компании во земјава се во фаза на реализација, со што компаниите ќе придонесат за модернизација на своите производни капацитети, превозни флоти и продажни локации. Почетокот и реализацијата на овие развојни проекти се должи на кредитната линија за поддршка на малите и средните претпријатија за инвестиции во одржливи, зелени технологии обезбедена од ЕБОР преку Стопанска банка АД – Скопје.

Минатата година, ЕБОР и Стопанска банка АД-Скопје потпишаа договор за воведување на оваа кредитна линија во висина од 4 милиони евра, која е дел од Програмата за одржливо рестартирање на мали и средни претпријатија (Sustainable Reboot SME Programme). Согласно критериумите, за реализација на проектите, клиентите на Банката користат грант-поддршка во вредност до 15 проценти од износот на кредитот, обезбедена од Луксембург, Норвешка, Ирска, Италија, Јапонија, Кореја, Шведска, Швајцарија, Кинески Тајпеј и Соединетите Американски Држави. Според намената, 50% од сите проекти се насочени кон искористување на сончевата енергија како извор на електрична енергија за потребите на компаниите. Оваа распределба одговара на актуелните трендови за создавање на одржлива иднина и намалени трошоци од работењето. Останатите проекти се фокусираат на подобра превозна флота и модернизација на производните и продажните погони на компаниите.

“Како Банка со најдолга традиција на пазарот, Стопанска банка АД – Скопје воедно e и системски значајна банка и еден од столбовите на економијата. Затоа, веруваме дека со вакви проекти отвораме нови хоризонти и ја продлабочуваме соработката со клиентите и со заедницата. Им благодариме на ЕБОР и спонзорите на проектот и се надеваме на многу идни успешни соработки” – велат од Стопанска банка.

Оттаму истакнуваат дека Стопанска банка продолжува на своите клиенти да им нуди финансиски анализи, совети и решенија во согласност со нивните потреби и можности за унапредување на финансиските резултати и остварувања. Истовремено, заедно со ЕБОР, Банката работи на унапредување на влијанието на бизнисите на клиентите врз животната околина, создавајќи придобивки за сите.

Слични Теми:

Банки

НЛБ Банка со најмасовно учество на Виз Ер Скопскиот маратон меѓу финансиските институции

Објавено

пред 2 часа

на

Викендов се одржа јубилејниот 20-ти Скопски Виз Ер маратон, на кој учествуваа рекордни 13.400 натпреварувачи од 55 земји кои ги исполнија скопските улици со спортска атмосфера, натпреварувачки дух и многу ведри и задоволни лица.

НЛБ Банка АД Скопје со рекордни 190 учесници го одбележаа јубилејниот 20-ти Скопски маратон и беа најмасовни меѓу финансиските институции. Банката е горда на својот тим кој не само што учествуваше во дисциплините – штефетна трка, полумаратон и тим билдинг трка на 5 километри, туку постигнаа одлични резултати.

На штафетната трка тимот на НЛБ Банка Штафета 1 го освои одличното петто место благодарение на Миланчо Гинов, Маја Ѓорѓевска, Радмила Јованова и Иван Јовановски, додека НЛБ Штафета 2 го освоија 18-то место благодарение Тамара Ѓорѓиева, Сандра Укајдари, Игор Кузевски и Владимир Дојчинов што е личен успех на НЛБ Банка бидејќи беа за 3 места побрзи од минатата година.

Покрај штафетните трки вработените во НЛБ Банка успеаа да освојат солиден пласман и на полумаратонот и трката на 5 километри.

Продолжи со читање

Банки

Стопанска банка АД – Скопје го обои Скопје во магента на 20-тиот Виз Ер маратон

Објавено

пред 2 часа

на

Тимот на Стопанска банка АД – Скопје со 80 учесници зеде учество на јубилејниот 20-ти Виз Ер Скопски Маратон, носејќи ја препознатливата магента низ улиците на градот. Тимот се натпреваруваше во две дисциплини – полумаратон и тим билдинг трка на 5 километри.

Посебна гордост за тимот на Стопанска банка АД – Скопје беше постигнувањето на вработениот Марко Ташков, кој забележа најдобро време во својата категорија на трката од 5 км, што донесе дополнителен повод за славење.

По завршувањето на трките, вработените на Стопанска банка АД – Скопје имаа можност за дружење со менаџерскиот тим, споделувајќи ги своите искуства од овој значаен спортски настан кој го претставува Скопје на најмасовен начин.

Продолжи со читање

Банки

Дел од вработените во Шпаркасе банка учествуваа на годинешниот јубилеен Скопски маратон!

Објавено

пред 3 часа

на

Викендов се одржа јубилејниот 20-ти Скопски Виз Ер Маратон, на кој учествуваа рекордни 13.400 натпреварувачи од 55 земји кои ги исполнија скопските улици со спортска атмосфера, натпреварувачки дух и многу ведри и задоволни лица.

Меѓу учесниците беа и вработени во Шпаркасе Банка АД Скопје кои учествуваа во дисциплините – полумаратон и тим билдинг трка на 5 километри.

Шпаркасе Банка е горда на своите вработени кои учествуваа на годинешниот 20-ти Скопски Виз Ер Маратон. Вработените од Шпаркасе Банка со позитивна енергија и страст кон спортот ја демонстрираа корпоративната култура за промоција на здрави навики, подигнување на свеста за активен живот и инвестирање во иднината.

Шпаркасе Банка преку платформата за општествена одговорност SparkasseLife, продолжува да го гради тимскиот дух и заедно со своите вработени да остварува нови успеси за подобро утре!

Продолжи со читање

Популарно