Connect with us

Останато

Ananas свечено го одбележа лансирањето во Македонија

Објавено

на

Отворањето на Аnanas во Македонија претставува најголемиот онлајн проект кој е поддржан од Делта Холдинг, со цел да се обезбеди супериорно онлајн шопинг искуство за корисниците од целиот регион. Како што беше најавено, Аnanas.rs, лидерот во областа на е-трговија на српскиот пазар, ја започна својата регионална експанзија, а првиот чекор кон таа цел е лансирањето на Аnanas.mk. На настанот присуствуваа Мирослав Мишковиќ, претседател на Делта Холдинг, и потпретседателите на групацијата, како и локалните соработници и партнери на Аnanas.mk.

Свеченоста ја отвори Нина Ангеловска, директор за меѓународен развој во Аnanas. По тој повод, таа истакна дека Ananas.mk ќе продолжи да поставува стандарди во областа на е-трговијата и да им овозможува најдобро искуство на купувачите и партнерите, а истовремено изрази благодарност до сите партнери кои се приклучија од самиот почеток на работењето на македонскиот пазар и кои го увидоа потенцијалот на Ananas за раст на бизнисот и продажбите.

Ако некој може да го смени онлјан купувањето, односно да го донесе до ниво како што го знаеме само во развиените земји цврсто верувам дека тоа е Ананас. Верувам дека ќе направиме револуција во е-трговијата во регионот, а посебно задоволство ми е што токму првата земја од планот за експанзија е Македонија. Верба секако не е доволна ако не е проследена со јасна визија и планови и поддржана со ресурси и луѓе – а тоа го имаме.“ – истакна Ангеловска.

На присутните им се обрати и Денис Ампов, Country Manager на Ananas.mk, кој истакна дека напорната работа и посветеност на тимот овозможија успешно лансирање на платформата. Ампов изрази уверување дека Ananas.mk ќе стане клучен играч во областа на онлајн трговијата и ќе придонесе за раст и развој на дигиталната економија, вработувањето и економијата во земјата.

Постоиме само три месеци и веќе имаме 100.000 производи на платформата и повеќе од 160 партнери веќе продаваат преку Ananas.mk. Посетите од ден на ден се зголемуваат, а ‘Kлик! Бум! Трас!’ – веќе сите го знаат. Сè околу нас е Ananas, или ќе биде – тоа е нашата визија! Убеден сум дека со поддршката од колегите од Србија и нивното досегашно искуство и научени лекции кои ќе ги примениме тука, ќе успееме да имаме и побрз прогрес и раст на македонскиот пазар.“ – истакна Ампов.

Лансирањето на Ananas.mk претставува почеток на нова ера во е-трговијата во Македонија и ја потврдува посветеноста на компанијата за создавање успешни деловни можности за партнерите и корисниците. Аnanas ќе продолжи да го шири своето присуство и да придонесува за растот на локалната економија, нудејќи производи и услуги со висок квалитет преку својата платформа.

Домашни банки

Постојана и посветена женска поддршка: одржано првото HalkMatinèe во организација на Халкбанк

Објавено

на

Во исклучително мотивирачка и позитивна атмосфера и со стотици присутни се одржа првата забава HalkMatinèe што помина во знакот на поддршка на женската финансиска независност и рамноправност.

„Three Kitchen & Bar“ беше местото што ги собра сите оние што ја поддржуваат идејата за поддршка на женското претприемништво и финансиската независност на жената. Пред присутните беа презентирани промотивниот пакет на Халкбанк наменет за жени претприемачи, новите дизајни на бизнис-картички за жени Mastercard и креациите од втората едиција на „Фустани со џебови“. А, освен тоа, беше воден и инспиративен разговор со Јана Клопчевска, Александра Бела Белчева и Ивона Трајановска, кои како успешни претприемачки ги споделија личните искуства, предизвиците и успесите во водењето на сопствените бизниси.

Уникатните креации – фустани со џебови на македонските модни креатори/-ки Јована Филиповиќ, Ирина Тошева, Наталија Терзија и Марјан Бебекоски беа изложени и достапни за продажба, а сите средства собрани од продажбата ќе бидат донирани во интервентниот фонд на Националната мрежа против насилство врз жените и семејно насилство.

Останатите фустани, кои се дел од оваа донациска активност, сè уште може да се погледнат и да се купат со само неколку клика на: https://portret.digital/product-category/shop/.

Погледнете дел од атмосферата на првото издание на HalkMatinèe:

Продолжи со читање

Останато

Вкупно 1650 учесници се натпреваруваа и забавуваа на осмото издание на трката „ХалкЕко Скопје трча 10км“

Објавено

на

Македонските атлетичари Дарио Ивановски во машка и Адријана Поп Арсова во женска конкуренција се победници на годинешната трка ХалкЕко Скопје трча 10км, која по осми пат се одржа нa улиците на главниот град. Во конкуренција на вкупно 1650 натпреварувачи, Ивановски триумфираше со време од 31 минута и 19 секунди, додека Поп Арсова победи со национален рекорд од 34:42 мин.

Организатор на овој спортски настан е Сојузот на спортови на Скопје во соработка со А.К. Скопски Маратон и А.К.Работнички и со помош на Министерството за внатрешни работи, а под покровителство на Агенцијата за Млади и спорт и Град Скопје. Насловен спонзор на трката и годинава беше Халкбанк АД Скопје која е позната како голем промотор на здрави животни навики и заштита на природата, па во тие рамки и како поддржувач и организатор на низа спортски настани.

На трката во која учествуваа 1650 љубители на трчањето, професионални тркачи и оние кои трчаат рекреативно, втор на целта во машка конкуренција пристигна нашиот атлетичар Мухахид Мислими, додека трет беше Иван Пешовски од Македонија. Во женска конкуренција второпласирана беше Милјана Ристиќ од Македонија, а третото место го освои минатогодишната победничка, Билсерин Сулејман од Бугарија.

ХалкЕко Скопје трча 10км е втора трка во Македонија (после ВизЕр Скопски маратон) која се здоби со меѓународен сертификат од АИМС и Светската Атлетика и сите постигнати резултати и норми ќе бидат признаени од овие меѓународни институции. Покрај тоа, патеката на „Халк Еко Скопје Трча 10км“ е измерена и сертифицирана од страна на овластено лице од АИМС и Светска Атлетика.

Благодарение на учесниците на трката, како и на посетителите кои им даваа силна поддршка и гласни аплаузи, „Халк Еко Скопје Трча 10км“ и оваа година покажа дека спортскиот дух обединува, сплотува и го подигнува расположението на неверојатно ниво. Од фонтаната Лотус пред Градскиот парк, како почетна и завршна точка на трката, долж булеварот Илинден и дел од булеварот Партизански одреди, се натпреваруваа и забавуваа 1.650 учесници, кои ги бодреа многу граѓани долж предвидената траса. Организаторите на настанот им искажуваат голема благодарност на сите учесници, како и на волонтерите за годинашното динамично, енергично и масовно издание на „Халк Еко Скопје Трча 10км“ 2024 година.

Трката е уште еден спортски настан поддржан од Халкбанк, како промотор на активности врзани за негување здрави животни навики и зачувување на животната средина, кои се реализираат преку платформа ХалкЕко. Многу спортски настани во изминативе години добија поддршка од банката, а таа самата е организатор на хронометар велосипедската трка Халк Вело Грин која на 8 септември се одржува во Маврово.

Платформата ХалкЕко на Халкбанк е развиена од истоимената апликација која ги поттикнува корисниците да практикуваат здрав животен стил, придонесувајќи со тоа за намалување на емисијата на штетни гасови CO2 и истовремено и за садење нови дрвја. За секоја активност: трчање, пешачење или возење велосипед, секој кој ја користи апликацијата собира HalkCoins за кои, во зависност од бројот, освојува подароци и други бенефиции, но истовремено обезбедува и дрвја кои Халкбанк презема обврска да ги засади со што корисниците заедно со Банката придонесуваат за почиста и поздрава околина. Банката досега има организирано повеќе акции за зазеленување и пошумување и има донирано над 48.000 садници во земјава.

Продолжи со читање

Останато

АЕТМ и ВИЗА доделуваат грантови од 1000 евра за отворање на е-продавница

Објавено

на

Асоцијацијата за е-трговија на Македонија – AETM, втора година по ред објавува Jавен повик за бесплатно отварање на е-продавници насловен „Е-трговија: Супермоќ за локалните бизниси” vol.2, кој се реализира во партнерство со компанијата Visa. Јавниот повик е отворен за сите микро, мали и средни компании, кои сè уште не ги продаваат своите производи или услуги онлајн, со цел да добијат можност да отворат дополнителен продажен канал – е-продавница во рамки на локален маркетплејс или своја е-продавница со сопствено софтверско решение, да го зголемат своето онлајн присуство, да се во тек со последните трендови во е-трговијата и да ги зајакнат дигиталните вештини поврзани со е-трговија и дигитален маркетинг.

Јавниот повик се состои од поддршка на 20 компании со вредносни пакети од 1000 евра за отворање на нов продажен канал – е-продавница и учество на еднодневен едукативен практичен семинар. Поддржаните компании ќе имаат можност да одберат да отворат нов продажен канал – е-продавница како дел од една од понудените маркетплејс платформи на Јавниот повик и да добијат маркетинг промоција со цел зголемување на е-продажбите или да отворат своја е-продавница со сопствено софтверско решение преку една од понудените IT компании на Јавниот повик. Отворањето на е-продавниците ќе се одвива во текот на месец мај и јуни 2024 година. Еднодневниот практичен семинар „Сѐ за е-трговија“ ќе се оддржува во јуни 2024 со физичко присуство, каде што ќе бидат опфатени дел од следните теми: алатки за менаџирање и одржување на е-продавница, алатки за дигитален маркетинг за е-трговија, маркетинг и рекламирање на социјалните медиуми итн. Учесниците ќе имаат можност да научат нови алатки и тактики кои ќе им помогнат во унапредување на работењето во областа на е-трговијата и зголемување на е-продажбите. По завршување на семинарот, учесниците ќе добијат сертификат за успешно завршување на програмата од Асоцијацијата за е-трговија на Македонија – АЕТМ. Едукативниот семинар ќе можат да го посетат по најмногу двајца претставници од секоја компанија.

„Зајакнувањето на понудата во е-трговија е еден од приоритетите во годишната програма на АЕТМ. Со овој повик, Асоцијацијата за е-трговија со поддршка на компанијата Visa повторно се вклучува во напорите за зајакнување на конкурентноста на микро, малите и средни компании и нивно мотивирање за подобрување и унапредување на нивното работење поврзано со е-трговија“, истакнува д-р Нина Ангеловска Станков, Претседател на АЕТМ.

“Visa е глобален лидер во областа на дигиталните плаќања, кои ги олеснуваат трансакциите помеѓу потрошувачите и трговците во повеќе од 200 земји и територии на цела планета. Поради тоа ние како компанија сме многу посветени на поддршката на малите и средни компании преку унапредување на нивното дигитално присуство и електронската продажба, со цел нивното работење да го прошират на глобалните пазари и да обезбедат долгорочна профитабилност. Исто така сакаме да се заблагодариме на Асоцијацијата за е-трговија на Македонија – АЕТМ којa со наша поддршка го организира овој конкурс, заедно со пропратните едукативни семинари на оваа тема” – изјави Ана Драшковиќ, потпретседател и генерален директор на компанијата Visa за Југоисточна Европа.

Пријавените компании бесплатно учествуваат во програмата, но подлежат на процес на селекција и избор. Изборот ќе го прави комисија составена од експерти во областа на е-трговијата, која ќе ги разгледува апликациите и по однапред утврдените критериуми Јавниот повик ќе ги одбере учесниците кои ќе бидат поддржани за отворање на нова е-продавница и за зајакнување на дигиталните вештини за е-трговија и дигитален маркетинг. Жените претприемачи и младите под 29 години ќе имаат предност во оценувањето и изборот.

Пријавувањето се прави преку пополнување на кратка онлајн апликација достапна на овој линк. Пријавувањето ќе може да се направи, најдоцна до вторник, 07.05.2024 до 23:59 часот.

Oвој јавен повик се реализира со поддршка на компанијата Visa, која втора година по ред преку реализирање на иницијативи влијае на зголемување на понудата во е-трговијата.

Повеќе информации за Јавниот повик можат да се погледнат на: https://ecommerce.mk/visa-2024/ .

Продолжи со читање

Популарно