Connect with us

Бизнис

Групација Триглав повторно доби висок кредитен рејтинг „А“

Објавено

на

Агенцијата за кредитен рејтинг AM бест (АМ Best) ги потврди кредитните рејтинзи на заваровалница Триглав и позаваровалница Триглав Ре за финансиска моќ „А“ (одлично) и долгорочен кредитен рејтинг на издавач „А“ (одлично) во текот на редовниот годишен преглед. Сите елементи од овогодинешните оценки се на исто ниво како и претходната година, и двете оценки ја задржаа стабилната среднорочна прогноза.

Агенцијата повторно ја оцени финансиската состојба на Триглав како многу солидна, а неговите оперативни перформанси како солидни, при што влијанието на деловниот профил и мнозинската државна сопственост врз кредитниот рејтинг на компанијата останува неутрално. Притоа, наведува дека Триглав има добро развиен систем за управување со ризик, кој што е соодветен за профилот на ризик и делокругот на деловното работење. Во потврдувањето на високиот кредитен рејтинг на позаваровалница Триглав Ре, агенцијата го истакна нејзиното стратешко значење за групацијата Триглав и изјави дека таа е добро интегрирана во неа.

Според AM Best, капитализацијата на Триглав достигнува највисоко ниво и е соодветно приспособена на ризиците, додека Триглав покажува и добра финансиска флексибилност со пристап до пазарите на акции и обврзници. Како позитивен фактор го споменува и тоа што во последните години Триглав постојано ја намалува изложеноста на производи со гарантиран принос во портфолиото на животното осигурување, а нивното влијание сега е ублажено со повисоките приноси од инвестициите како резултат на зголемувањето на каматните стапки.

Во текот на годините, Триглав постигна добри деловни резултати, а во своето работење има придобивки од конкурентни предности, кои вклучуваат водечка позиција во Словенија и регионот Адриа и добро диверзифицирана понуда. Во 2023 година, работењето на групацијата Триглав беше негативно, под влијание на еднократни настани. Во 2024 година, агенцијата очекува Групацијата да работи успешно, во согласност со нивото од последните години. Тоа го потврдуваат и добрите полугодишни резултати.

Бизнис

Маргарита Зајковска Дуковска е најдобриот службеник од Македонско кредитно биро за 2024 година

Објавено

на

Традиционално и оваа година, Македонската банкарска асоцијација организираше настан по повод Светскиот ден на штедењето – 31 октомври.

Во рамките на прославата беа доделени признанија на најистакнатите банкарски службеници од оваа година – вкупно 31 најдобар вработен од членките на Македонската банкарска асоцијација, вклучувајќи банки, штедилници, Клириншка куќа КИБС и Македонското кредитно биро.

Маргарита Зајковска Дуковска е најдобриот службеник од Македонско кредитно биро (МКБ) за 2024 година.

Продолжи со читање

Бизнис

Соња Грујевска и Андреј Андреевски се најдобрите службеници од КИБС за 2024 година

Објавено

на

По повод Светскиот ден на штедењето на 31.10.2024 година беше одржан свечен настан во организација на Македонската банкарска асоцијација на кој беа прогласени најдобрите службеници од сите банки и штедилници во земјава и на кои им беа доделени награди и признанија за нивната посветена работа и остварените резултати во текот на изминатата година.

Соња Грујевска и Андреј Андреевски од КИБС ја добија наградата за најдобри службеници во 2024 година.

Со особена радост објавуваме дека нашите колеги Соња и Андреј ги понесоа признанијата за најдобри службеници во КИБС. Овие признанија не се случајност, тие се резултат на нивната посветеност, професионалност и стручно работење. Им честитаме и им благодариме што се инспирација и гордост за тимот од КИБС.” – велат од компанијата.

Продолжи со читање

Бизнис

Јованка Тодорова е најдобриот службеник од Штедилница ФУЛМ за 2024 година

Објавено

на

По повод Светскиот ден на штедењето на 31.10.2024 година беше одржан свечен настан во организација на Македонската банкарска асоцијација на кој беа прогласени најдобрите службеници од сите банки и штедилници во земјава и на кои им беа доделени награди и признанија за нивната посветена работа и остварените резултати во текот на изминатата година.

Јованка Тодорова од Штедилница ФУЛМ оваа година е добитник на признанието најдобар банкарски службеник кое го доделува МБА по повод денот на Штедењето.

Би сакале да и се заблагодариме на Јованка за нејзината искрена поддршка и скоро 20 години посветеност за успешно работење на ФУЛМ. Нејзината континуирана заложба и посветеност направија значајна придобивка за ФУЛМ, а и за нашата банкарска заедница.” – велат од ФУЛМ.

Продолжи со читање

Популарно