Анализи
Граѓаните се задолжени 163 милиони евра на кредитни картички и трошат се помалку
![](https://bankarstvo.mk/wp-content/uploads/2024/01/analiza_kreditni_karticki.jpg)
Кредитните картички не им се најомилени на граѓаните во земјава и во континуитет се намалува нивниот долг кон банките по овој основ. Овој интересен феномен го покажуваат статистичките податоци на Народната банка и се случува во услови кога кредитните картички се широко распространети и користени на глобално ниво.
Според официјалната статистика на Централната банка, задолженоста на физичките лица во банките по основ на кредитни картички во ноември 2023 година изнесуваше 10.024 милиони денари (163 милиони евра) и во споредба со декември 2009 година, од кога датираат најстарите податоци, е намалена за речиси 3,7 милиони денари, односно за скоро 60 милиони евра.
Долгот на граѓаните по основ на кредитни картички се намалува во континуитет во изминатите 15 години. До крајот на 2016 година изнесувал над 200 милиони евра, а потоа постојаниот надолен тренд до крајот од минатата година го сведува на рекордно ниско ниво од 163 милиони евра.
Ако се споредат кредитните картички со дозволениот минус како кредитен производ, излегува дека граѓаните многу повеќе сакаат да ја зголемуваат својата финансиска моќ преку дозволен минус на платежната сметка од една или неколку плати отколку преку дозволениот лимит на кредитните картички. Банкарство веќе анализираше дека вкупниот долг на населението по овој основ изнесува околу 113,2 милиони евра и во последните 15 години е речиси двојно зголемен.
Според последните статистички податоци, на долгот на кредитна картичка во ноември 2023 година корисниците плаќале просечна каматна стапка на ниво на банкарски сектор од 11,21%, додека на искористеното дозволено пречекорување плаќале просечна камата од 11,17%. Од почетокот на годинава овие каматни стапки веќе надминаа 14%, што значи дека нема голема разлика во трошокот, односно во цената на овие два кредитни производи. Но, има разлика ако се земе предвид фактот дека кога користат дозволено пречекорување, задолжувањето на кредитна картичка веќе им претставува дополнителен трошок на граѓаните. Исто така, за кредитна картичка банките наплаќаат и годишна членарина, која се движи над 1.000 денари.
Овој податок не им оди во прилог на банките, кои нудат широка палета на кредитни картички, пред се од програмата на Mastercard и Visa. Исто така, кредитните картички им обезбедуваат на граѓаните и дополнителни привилегии и бонуси, како што се разни попусти, кешбек, учество во наградни игри, користење привилегии при патување со авион и слично. Но, овие привилегии најчесто ги овозможуваат и дебитните картички на Mastercard и Visa, така што веќе им се достапни на граѓаните.
И статистичките податоци покажуваат дека доминацијата ја имаат дебитните картички. Според НБРСМ, во земјава се издадени вкупно 1.944.388 платежни картички заклучно со септември 2023 година, од кои 1.067.724 се Visa, a 828.382 се Mastercard. Со платежна функција се вкупно 1.932.331 картичка, од кои дебитни се 1.605.512, а кредитни само 326.819 картички.
Во 2016 година, од кога датираат првите податоци, имало 1.851.200 платежни картички во земјава, од кои 1.443.022 биле дебитни, а 375.654 кредитни. За седум години, бројот на дебитните картички е зголемен за над 150.000, а на кредитните е намален за околу 50.000.
Анализи
Дали падот на цените на становите во ЕУ ќе се преслика во Македонија?
![](https://bankarstvo.mk/wp-content/uploads/2024/02/ceni_stanovi_analiza_eu_makedonija-scaled.jpg)
Цените на становите во еврозоната паднаа за 2,1% во третиот квартал од 2023 година, а во целата Европска унија се намалени за 1%. Во Македонија во четвртиот квартал пораснаа за 7% споредено со истиот период претходната година, а за три месеци се повисоки за 1%.(повеќе…)
Анализи
Наташа Пукл ќе биде нов независен член на Надзорниот одбор на НЛБ Банка АД Скопје
![](https://bankarstvo.mk/wp-content/uploads/2022/08/FOTO_NLB-Banka_Upravna-zgrada-1.jpg)
Врз основа на член 39 став 1 од Статутот на НЛБ Банка АД Скопје, Собранието на НЛБ Банка на својата седница одржана на ден 21.02.2024 година донесе Одлука за именување на независен член на Надзорниот одбор.(повеќе…)
Анализи
И македонските банки ќе мора да овозможат инстант плаќања
![](https://bankarstvo.mk/wp-content/uploads/2024/02/instant-plakjanja-11.jpg)
Македонските банки ќе мора да дозволат инстант плаќања за граѓаните и компаниите кои ќе се извршуваат во многу кратко време од околу 10 секунди. Тоа значи дека парите од сметката на плаќачот ќе легнат на сметката на примачот за не подолго време од 10 секунди. Ова претставува своевидна револуција во светот на платежните трансакции затоа што примачот веднаш ќе може да располага со парите и да врши натамошни трансфери доколку му се потребни.(повеќе…)
- Банкипред 2 месеци
Александра Максимовска Стојкова е избрана за Претседател, а Ванчо Чифлиганец за Заменик претседател на Надзорниот одбор на Комеерцијална банка
- Банкипред 2 месеци
Кој член на Управниот одбор си заминува од Стопанска банка АД – Скопје!?
- Банкипред 1 месец
Илија Илоски, Билјана Максимовска Поповиќ и Никола Џамбазовски остануваат дел од Управниот одбор на Комерцијална банка и во наредниот период
- Банкипред 2 месеци
Нина Ангеловска и Петар Ниновски на втората конференција „Чувари на мудроста“ во организација на Халкбанк АД Скопје
- Uncategorizedпред 2 месеци
Александра Радевска ќе продолжи да раководи со Стопанска банка а.д. Битола и во наредниот период
- Вработувањепред 2 месеци
Платена практикантска работа во НЛБ Банка
- Банкипред 2 месеци
Ланската добивка од 900 милиони денари ќе се реинвестира, а 2,5 милијарди денари ќе се чуваат, акционерите на Стопанска банка АД – Скопје остануваат со празни раце!?
- Вработувањепред 1 недела
Оглас за вработување во НЛБ Банка АД Скопје