Продукти
Како да штедите во време на предизвици
![](https://bankarstvo.mk/wp-content/uploads/2023/02/Stedenje-fotografija-PCB-1.jpg)
Организацијата на личните финансии е своевидна умешност која може да ја совладате со промени во навиките и пристапот кон вашите средства, што на долг рок ќе ви донесе поголема сигурност и стабилност. Ова е особено важно во време на променлива економија на каква што сме сведоци денес, која може да предизвикува чувство на недостаток на финансии, но истовремено може да биде и поттик да изградиме поздрав однос со нашите пари.
Финансиските советници често велат дека исто како кај личните односи, треба да одвоиме време и за нашиот однос со парите. „Ако сакате да постигнете финансиска сигурност, внимавајте како се однесувате со вашите средства. Секое невнимателно или импулсивно однесување резултира со помала или поголема штета на буџетот за која подоцна ќе треба да најдете решение. Спротивно на тоа, кога пристапувате плански кон вашите финансии можете полесно да ги планирате и вашите активности, што ви дава мотив и сигурност за следни корисни чекори кон финансиска стабилност како што е создавањето на заштеда.“
Често се случува луѓето да се потпираат на кредити и задолжувања наместо да создаваат заштеда со која ќе можат да ги финансираат своите трошоци и желби. Ваквиот пристап кон парите само го продлабочува чувството на несигурност и недостаток на контрола над сопствените средства, а доаѓа како резултат на неколку (погрешни) уверувања.
- Јас сум од оние луѓе кои едноставно не знаат да штедат.
За штедење е потребна желба и континуитет, а не знаење. Ваша задача е да изградите навика и дисциплина, а за останатите детали постојат стручни лица кои се достапни во секое време да ви ги објаснат. Целта на штедењето не е да си скратите од уживањето, туку напротив, да живеете попаметно и побезгрижно.
- Не заработувам доволно за да можам да штедам.
Не ви е потребен голем износ на средства за да можете да почнете да штедите. И најмалата сума, ако редовно ја издвојувате ќе порасне во поголема заштеда која токму во услови на мала заработувачка ќе ви значи повеќе.
- Не можам да штедам додека исплаќам долгови.
Со свесно планирање на средствата можете да ги исплаќате долговите и да започнете со мали заштеди кои ќе ви помогнат да се чувствувате финансиски посигурни.
- Не можам секој месец да одвојувам средства за заштеда.
Денес постојат флексибилни можности за штедење, нема потреба да се обврзувате на конкретен месечен износ кој ќе го уплаќате континуирано. Важно е да создадете навика, а потоа, колку ќе заштедите целосно зависи од тоа како поминува вашиот месец.
Како промотер и поттикнувач на штедењето, таква можност кај нас обезбеди ПроКредит Банка со услугата Флекси штедна сметка која овозможува флексибилно штедење со најповолна каматна стапка по видување, како и дополнување и користење на средствата во секое време, без никакви ограничувања.
Никогаш не е премногу рано, ниту премногу доцна за да штедите, сѐ што ви треба за да обезбедите поголема финансиска сигурност е волја да започнете.
Комерцијален текст.
Продукти
Растечка каматна стапка до 5 отсто! Звучи примамливо. Зошто е добро да се штеди?
![](https://bankarstvo.mk/wp-content/uploads/2024/08/Rastechka-kamatna-stapka-do-5-otsto-vo-UNIBanka.jpg)
Штедењето во банка има повеќе предности, како што се заштита на парите од кражба и можност за добивање на камата, која постепено ги зголемува заштедите. И ако порано кaматните стапки во банките биле ниски, денес тоа не е така, па така на пример во УНИБанка имате можност да искористите растечка каматна стапка дури до 5%. Звучи примамливо ќе се согласите! Тоа го овозможува т.н. Умна депозитна сметка, со која можете да ја прилагодите заштедата на Вашите потреби и можности, а минималниот износ на депозитот е само 15.000 денари.
Откако ќе го отворите депозитот, можете да правите слободна уплата и исплата на средства од сметката во секое време, како и да го следите растот на депозитот преку електронско и мобилно банкарство. Парите вложени во УНИБанка се сигурни, осигурани се во Фондот за осигурување на депозити, а тие овде всушност може и да “работат” за Вас и да ви овозможат максимален финансискиот раст.
Без разлика дали се штеди за одмор, образование или непредвидени трошоци, важно е да се започне на време, или колку порано почне да се штеди, толку повеќе време и можности за зголемување на заштедата имате. Важна е континуираноста и конзистентноста во процесот на штедење и тоа да е дел од месечната рутина. А факт е дека дури и малите износи можат да направат голема разлика со текот на времето.
Со одговорно штедење може да се осигура иднината и да се оствари целокупниот финансиски потенцијал на еден човек кој заработува. Штедењето е многу повеќе од едноставно собирање на пари – тоа е обезбедување на стабилност и можност за справување со непредвидени ситуации во животот. Штедењето овозможува мир и финансиска слобода.
„Заштедените пари се заработени пари“, како што вели познатата кинеска изрека- “Богатиот прави планови за утре, а сиромавиот за денес”. Направете ги Вашите идни планови заедно со УНИБанка.
Продукти
Штедење со Мој депозит – придобивка за примателите на плата во Халкбанк
![](https://bankarstvo.mk/wp-content/uploads/2024/08/Moj_Depozit_Banners_For_Halk.png)
Штедењето е многу паметна финансиска одлука, бидејќи имањето заштеда значи сигурност што е повеќе од добредојдена во денешно време. Но, покрај тоа што обезбедуваат сигурност, заштедите можат да донесат и приходи доколку не се чуваат „под перница“, туку се вложат во банка.
Каматните стапки на штедните влогови почнаа да растат, па идеална можност е ваквиот период да се искористи и да се креира штеден влог, а воедно и да се одбере банка – долгорочен партнер за вашите финансиски планови и стратегии.
Производот Мој депозит на Халкбанк АД Скопје е со атрактивни каматни стапки и е наменет за физички лица кои имаат прилив по основ на плата, пензија или дополнителни примања во Халкбанк во претходните 90 дена од денот на отварање на депозитот.
Рокот на орочување може да биде на 13 и 25 месеци, а каматната стапка која е фиксна за целиот период на орочување, изнесува 3,40% доколку се штеди во денари, односно 2% за штедење во евра на рок од 13 месеци. Во случај на орочување на 25 месеци, каматата за денарско штедење е 3,80%, односно 2,50% за девизно штедење.
Кај овој производ минималниот потребен влог за креирање депозит е 3.000 денари, односно 50 евра, а негова посебна атрактивност е што овозможува дополнителни уплати пред истекот на датумот на доспевање, што значи дека секоја нова заштеда можете да ја додадете на веќе оформениот депозит. Делумно повлекување на средстватa не е дозволено пред истекот на периодот на орочување, a каматата може да се исплаќа месечно или на крајот на периодот на орочување.
Производот Мој депозит инаку е дел од услугата „Приматели на плата“ на Халкбанк која на секој корисник му носи и значајни бенефиции. Секој што ќе отвори трансакциска сметка во Халкбанк и преку неа остварува редовен доход, добива Mastercard Debit Contactless картичка со која може да подигнува готовина од банкоматите на сите банки во земјата без провизија, а добива и и можност за дозволено пречекорување на тековната сметка во висина до три месечни плати.
Уште една можност што ја нуди банката за обезбедување средства за задоволување на одредени потреби се кредитните картички од светските брендови Visa и MasterCard. Со нив, не само што секогаш ќе имате дополнителен извор на средства, туку ќе можете и да пазарувате на рати без камата во мрежата на трговци со кои Банката има склучено договор за рати без камата и да добивате бонус поени за секоја трансакција. Бонус програмата обезбедува добивање одреден процент на попуст при одредени пазарувања, кој на вашата сметка се евидентира како бонус поени кои потоа може да ги искористите на било кое продажно место каде што постои ПОС терминал на Халкбанк.
Халкбанк, како лидер во воведувањето нови технологии, на сите оние кои ќе отворат сметка во банката им нуди и современо, брзо и сигурно електронско и мобилно банкарство кое овозможува добивање нотификации за примена плата како и за секој прилив и одлив, но и извршување на останати обврски online.
Продукти
ШПАРКАСЕ БАНКА СО ПАКЕТ СО НАЈДОБРИ ПОВОЛНОСТИ ЗА СТАРТ НА МАЛИ БИЗНИСИ
![](https://bankarstvo.mk/wp-content/uploads/2024/08/benefitpro-PR.jpg)
Шпаркасе Банка изработи уникатен пакет дизајниран специјално за нови и мали бизниси, сè со цел позиционирање како доверлив и стабилен партнер, силен ветар во грб и постојан сојузник во финансиските предизвици на своите клиенти.
За да можат новите компании да успеат на пазарот, потребен им е партнер од доверба што ќе им го олесни почетокот, ќе им ги намали трошоците и ќе им обезбеди стручна помош за раст. Шпаркасе Банка АД Скопје е прва и единствена банка што изработи пакет за старт на мали бизниси – BenefitPro. Што го прави посебен и кои се поволностите на пакетот?
Сите новорегистрирани мали компании што ќе отворат сметка во Шпаркасе Банка добиваат:
- Отворање трансакциска сметка за правни лица БЕЗ НАДОМЕСТОК со Visa бизнис дебитна картичка
- БЕЗ ТРОШОЦИ за одржување на пакетот за 12 месеци
- БЕСПЛАТНО користење e-banking
- БЕЗ ПРОВИЗИЈА за одржување девизна сметка
- 50% ПОПУСТ на интерни и екстерни e-banking налози во домашниот платен промет за времетраење на пакетот
Како банка, знаеме каков предизвик претставуваат почетоците, па затоа сме посветени да ви помогнеме да бидете конкурентни на пазарот, со тоа што овозможуваме понуда со придобивки приспособени за бизнисите во развој. Пакетот BenefitPro е дизајниран да ја зголеми вашата мотивација да преземете нови потфати, нудејќи основни алатки и ресурси што ќе ви помогнат да успеете.
Во Шпаркасе Банка веруваме во потенцијалот на новите идеи и посветени сме на обезбедување стабилна и сигурна основа за вашиот бизнис. BenefitPro е направен за да го подобри вашиот пат кон финансиска стабилност. Дополнително, со поддршка на претприемачите и на младите стартапи, придонесуваме за пошироката економија и промовираме економски раст. Со пакетот BenefitPro, вие инвестирате во просперитетно, поддржувачко партнерство, кое е фокусирано на вашиот успех.
За повеќе информации, посетете ја sparkasse.mk
- Банкипред 4 недели
Промени во Управниот одбор на една од најголемите банки во земјава!?
- Банкипред 1 месец
Промени во Управниот одбор на ПроКредит Банка
- Вработувањепред 2 месеци
Оглас за вработување во НЛБ Банка АД Скопје
- Банкипред 3 недели
Главната економистка на Народната банка, Крстевска: Преку поддршка на зелените кредити и одговорното инвестирање на девизните резерви даваме придонес за зелените финансии
- Вработувањепред 1 месец
Оглас за вработување во НЛБ Банка АД Скопје
- Вработувањепред 2 месеци
Оглас за вработување во ТТК Банка АД Скопје
- Банкипред 4 недели
Диомидис Николетопулос останува на челната позиција во Стопанска банка АД – Скопје
- Вработувањепред 1 месец
Оглас за вработување во Капитал Банка АД Скопје