Connect with us

Останато

Користењето на вештачка интелигенција е секојдневие во работењето на ИутеКредит

Објавено

на

Креирањето на исклучително корисничко искуство на нашите клиенти е мисијата на Иуте Кредит. Како напредна финтек компанија користиме напредни технологии во секојдневното работење особено при услужувањето на клиентите. Нашата мобилна апликација Мој Иуте (MyIute), достапна и преку нашата веб страна, овозможува целосно самоопслужување, независност и дискреција.

Исклучителното корисничко искуство ја опфаќа и човечката интеракција. Ние веруваме дека софтверите, напредните технички решенија и апликации кои ги имаме се одлични, но сепак ништо не може да ја замени искреноста на насмевката, пријатниот глас и вниманието на човечко битие.

Дали искреноста на насмевката, пријатниот глас и вниманието на нашите советници за клиенти ги исполнуваат или надминуваат очекувањата на нашите клиенти?

Нашите клиенти го имаат за ова главниот збор. Потребно ни е нивно мислење, оценка, коментари.  Од наша страна секојдневно ги евидентираме сите интеракции на сите канали преку кои контактираме со нив. За оценување на интеракциите со нас и утврдување од што се задоволни или незадоволни клиентите потребни ни се повратни информации од нив, за што користиме напредна алатка на софтверот Алтерна, за управување со корисничкото искуство базирана на вештачка интелигенција.

Алатката која е поврзана со нашите софтвери и апликацијата Мој Иуте има инкорпорирана метриката на Net Promoter Score (NPS) односно Индекс за искуство на клиенти, кој е “златен стандард” за мерење на задоволство на клиенти и нивната лојалност кон компанијата. Клиентите се контактираат и индивидуално преку анкетите даваат оценки и коментари за искуството кое го имаат со нас за конкретна интеракција.

Од особено значење за целиот процес е и високата респонсивност од нашите клиенти што ни е показател дека имаме здрава и искрена релација.

Со помош на алатката, податоците од анкетите се собираат, се анализираат во различните фази на клиентско искуство на комуникациските точки и интеракции како што се повици, веб, експозитури, Мој Иуте апликацијата, како и на ниво на секој Советник за клиент и се пресметува NPS индексот.

NPS индексот е нумерички и се пресметува како генерален индекс, индекс за експозитура, за Советник за клиенти, канал на комуникација, по ден, недела, месец, квартал или година.

Нашиот генерален NPS индекс за 2022 е 83.9, додека просекот на финансискиот сектор е 44.

Искрено сме им благодарни на сите 21.000 клиенти кои не оценија и ни напишаа коментари за да не пофалат генерално, да го искоментираат процесот на одобрување на кредит, дадена информација, или пак да пофалат одреден Советник за клиент или експозитура, но секако и да ни дадат ниска оценка, критика или да се пожалат.

Перцепцијата на клиентите за Иуте Кредит како бренд оди подалеку од задоволството на клиентите. Преку алатката за NPS, која користи техники за машинско учење и обработка на природни јазици (NLP), преку вештачка интелегенција (AI) ги анализира квалитативните повратни информации од клиентите и ги мери чувствата и сентиментот на сите дадени коментари во разните интеракции. Natural Language Processing (NLP) – процесирање на природен јазик, е интердисциплинарна област која комбинира лингвистика, компјутерска наука, и вештачка интелегенција (AI).

Обработката на природниот јазик ги доловува чувствата зависно од контекстот и може да открие позитивност, неутралност, сарказам, негативност или иронија и истите да ги класифицира во позитивна, неутрална или негативна поларност.

Негативната поларност е дополнително усовршена и за истата системот алармира за превземање активност, која во нашиот случај значи контактирање на клиентите со повик од страна на Советниците за клиенти за да добиеме повеќе детали и да дадеме појаснување.

Ваквите квалитативни податоци од клиентите ни овозможуваат да го разбереме расположението на јавноста, како и брзо да ги идентификуваме претходно непознатите области на незадоволство и секако задоволство, кои секако значително влијаат врз деловните резултати.

Горди сме што во сите земји на присутност на Иуте Кредит сме единствени во финансискиот сектор (финансиски друштва и банки) со ваков напреден пристап кон клиентите.

Голема благодарност до нашите клиенти за искрените оценки и коментари, и секако на професионалниот тим на Одделот за корисничко искуство за постигнатиот висок индекс на NPS и посветеноста кон клиентите.

Банки

Успешни приказни, врвни професионалци, млади лидери, размена на идеи – се одржа втората конференција „Чувари на мудроста“

Објавено

на

Повеќе од 200 млади присуствуваа на втората конференција „Чувари на мудроста“, во организација на Халкбанк АД Скопје, на која своите искуства, совети и рецепти за успех ги споделија 14 говорници кои работат во различни области. Настанот беше вистинска платформа на која се обединија знаењето на успешните и реализирани професионалци и полетноста и амбициозноста на младите студенти и претприемачи.

На првата панел дискусија „Од личен развој до иновативно претприемиштво“ со професорот Радмил Поленаковиќ и Нина Ангеловска, пионерката во е-трговијата, заклучокот беше дека подготовката за дигиталната ера бара посветеност и континуирано учење. Практичните вештини, етичките размислувања и современите наставни методи можат да го премостат јазот помеѓу традиционалното образование и потребите на пазарот на труд кои брзо се менуваат.

Во рамките на вториот конференциски панел, насловен „Успешна бизнис приказна – посветеност, дисциплина, интуиција“, Живко Мукаетов, директор на Алкалоид, и Петар Ниновски, основач на „Бреинстер“, имаа пријатна дискусија базирана на сопствените искуства. Мукаетов се осврна на професионалните предизвици во неговата 25-годишна кариера, а Ниновски нагласи дека младите треба да работат напорно, да се пробуваат, да направат грешки ако треба, но и да умеат да си простат за нив. Интегритетот, посветеноста и дисциплината се основа за долгорочен успех.

Искра Гешоска, теоретичарка на уметноста, и Јасмина Поповска, професорка на Филозофскиот факултет, на третата панел дискусија „Без хуманистика нема иднина“ ја изненадија публиката со различната перспектива на хуманистичките науки. Панелистите истакнаа дека, водени од човековата доблест и потрагата по знаење, хуманистичките науки го ставаат акцентот на добро управување со заедницата и емпатијата во општеството, што се клучни за индивидуалната благосостојба.

И покрај поразителните бројки за волјата на младите да бидат општествено активни, граѓанскиот сектор останува силен во застапувањето на потребите на граѓаните. Неда Малеска Сачмароска од ЦУП и Ирина Јаневска од АРНО на четвртата панел дискусија насловена „Храбар граѓански сектор за квалитетни општествени промени“ ги разбија стереотипите и предрасудите преку практични примери за личните и секторски успеси, и заклучија дека останува заложбата за поголемо доближување на улогата на граѓанскиот секторот до младите и заедницата.

На панелот за архитектура под наслов „Визија за архитектура на иднината“ воден од професорот Мишко Ралев и архитектот Пако Радовановиќ, говорниците потенцираа дека оваа професија бара љубов и посветеност, како и вроден талент. Панелистите истакнаа дека архитектите мора да имаат силно чувство за естетика и осет за убавото, што е неопходно за успешно реализирање на нивните проекти.

Академик Владо Камбовски и професорот на Правниот факултет, Бобан Мисоски, разговараа за филозофското битие на правото, но и за правото како дел од секојдневието на панелот насловен „Концепт за инклузивна и одржлива правда“. Тие се обидоа да ги мапираат клучните компетенции кои треба да ги поседуваат младите правници, и како тие да ја одржат својата мотивација за борба за правда и праведност.

На последниот панел „Личен потенцијал без бариери“ со психотерапевтите Славица Гајдаѕис Кнежевиќ и Катерина Димова се дискутираше на темата „Како да ни биде добро?“. Тие истакнаа дека често не сме свесни како да постигнеме благосостојба или да ги препознаеме причините за нашето незадоволство. На крајот закчучија дека е потребна длабока интроспекција и себеспознавање за да стигнеме до решение.

Панелистите ја посочија важноста од прилагодување на тековните трендови, придржување кон етичките стандарди и континуирано учење за успех во инженерството, бизнисот и образованието.

Присутните млади луѓе во публиката беа активни учесници во дискусиите имајќи предвид дека преку апликацијата Слајдо поставија повеќе од 180 прашања до говорниците. За најкреативното прашање во секоја сесија, следуваше вредносен ваучер.

Целта на конференцијата „Чувари на мудроста“, организирана од Халкбанк АД Скопје, е да ги обедини студентите и младите претприемачи со врвни ментори и професионалци од различни области. Оваа платформа им нуди можност од прва рака да слушнат успешни приказни и да научат вредни лекции од искуствата на луѓе кои, со својот труд и посветеност, успеале да ги надминат сите бариери и да достигнат врвови во своите кариери.

Продолжи со читање

Останато

Ексклузивна можност за професионална инспирација на конферeнцијата „Чувари на мудроста“

Објавено

на

Време е за „Чувари на мудроста“, конференцијата што ќе понуди бесплатни корисни совети од успешните за сите студенти, млади професионалци и претприемачи на кои им е потребна мотивација, инспирација и црпење искуство од луѓето кои оставиле силен професионален и личен печат во своите области. Втората по ред конференција „Чувари на мудроста“ ќе се одржи овој вторник, на 11 јуни, во Младинскиот културен центар во Скопје. Настанот ќе ги собере на едно место луѓето кои со своето знаење, искуство и успех ги мотивираат и ги водат идните генерации кон остварување на нивните соништа.

Конференцијата ќе има седум панел-дискусии, со учество на 14 истакнати професионалци од различни области. Панелот на тема „Од личен развој до иновативно претприемништво“ ќе ги обедини професорот Радмил Поленаковиќ и успешната претприемачка Нина Ангеловска, кои ќе дискутираат за е-трговијата и нејзините можности. Првиот човек на „Алкалоид“, Живко Мукаетов, и Петар Ниновски од „Брејнстер“ ќе ги раскажат своите успешни бизнис-приказни истакнувајќи го значењето на посветеноста, дисциплината и интуицијата во рамките на втората панел-дискусија, насловена „Успешна бизнис-приказна – посветеност, дисциплина, интуиција“.

Темата „Без хуманистика нема иднина“ ќе биде обработена од Искра Гешоска и Јасмина Поповска, кои ќе ја истакнат важноста на културата во нашето општество. Неда Малеска Сачмароска и Ирина Јаневска ќе дискутираат за улогата на невладините организации во создавањето квалитетни општествени промени, додека професорот Мишко Ралев и архитектот Пако Радовановиќ ќе ја споделат својата визија за архитектура на иднината.

Во панелот посветен на правдата, академик Владо Камбовски и професорот Бобан Мисоски ќе разговараат за концептот за инклузивна и одржлива правда, а на последниот панел „Личен потенцијал без бариери“, Славица Гајдаѕис-Кнежевиќ и Катерина Димова ќе споделат корисни совети истакнувајќи ги предизвиците и можностите за младите психолози.

Покрај дискусиите, конференцијата ќе вклучи и интерактивни работилници, кои ќе ги водат Сања Митровска и Милан Стојанов, а кои ќе се фокусираат на темата развој на стартап бизнис-идеја и употреба на AI-алатки за поставување на визуелна комуникација.

Конференцијата „Чувари на мудроста“ е создадена со цел да ги обедини младите со најдобрите ментори и практичари од различни професионални области. Не пропуштајте ја оваа уникатна можност да ги чуете приказните и да научите корисни работи од искуствата на луѓето кои со својот труд и посветеност успеале да ги надминат сите бариери и да ги достигнат врвовите во својата кариера.

Конференцијата „Чувари на мудроста“ е бесплатна и отворена за сите млади луѓе. Поради ограничениот број, сите заинтересирани треба да се регистрираат и да го пријават своето учество на следниот линк: bit.ly/Конференција-ЧувариНаМудроста

Продолжи со читање

Останато

Поскапени поштенските и курирските услуги

Објавено

на

Цените на поштенските и курирските услуги во првото тримесечjе од годинава пораснале за 3,8 проценти во споредба со првото тримесечје од 2023 година, објави денеска Државниот завод за статистика (ДЗС).

 Во првото тримесечје од годинава, во споредба со првото тримесечје од 2023 година, цените на услугите за транспорт и складирање се на исто ниво.

Цените за копнениот и цевководниот транспорт бележат пад од 0,1 проценти, додека кај поштенските и курирските услуги бележат пораст од 3,8 проценти.

Во истиот период, цените на услугите во секторот Информации и комуникации бележат пад од 0,7 проценти во одделот Телекомуникации.

Продолжи со читање

Популарно