Connect with us
no baners

Останато

Започна 7-та регионална Конференција за е-трговија во Скопје: Инспирација, иновации и меѓународни можности за регионот

Објавено

на

Започна 7-мата Конференција за е-трговија во Скопје во големата сала на Националната опера и балет, која донесе многу важни моменти за развојот на е-трговијата во регионот. Настанот привлекува големо внимание со повеќе од 700 учесници од различни земји на Западен Балкан и пошироко, и покажа како е-трговијата може да ја трансформира економијата и бизнис стратегиите во регионот.

На конференцијата ќе се истражува како компаниите можат да ги адаптираат своите стратегии за да откријат нов бизнис потенцијал, преку подобрување на логистиката, оптимизирање на плаќањата, надградба на маркетинг стратегиите и проширување на пазарите.

Конференцијата со свое воведнo обраќањe ја отвори претседателката на АЕТСМ, Нина Ангеловска Станков која ги презентираше клучните сознанија од Извештајот за е-трговија во Западен Балкан за 2024 година. Овој извештај ќе ги потенцира достигнувањата во регионот, нагласувајќи ги и успесите, но и областите кои сѐ уште треба да се развиваат, особено во меѓуграничната трговија.

Министерот за дигитална трансформација, Стефан Андоновски, во своето обраќање истакна дека Македонија прави значителни напори за напредок во областа на иновациите и дигитализацијата. Според него, иако се постигнати важни чекори во овој процес, земјата има уште многу потенцијал и простор за напредок. Андоновски потврди дека Македонија е посветена на овој процес и дека, со соодветни вложувања и партнерства, може да постигне исклучителни резултати на патот на дигиталната трансформација.

Тој посочи дека за успешна имплементација на иновациите потребно е постојано подобрување на инфраструктурата, едукација на младите и креирање на поволни услови за развој на нови технологии и дигитални решенија. Министерот се осврна и на важноста од соработка со меѓународните партнери и размена на знаења и искуства, што ќе помогне да се забрза процесот на дигитализација во земјата.

Главни теми на Конференцијата за е-трговија се:

  1. Логистика и Брза Испорака
    Првата сесија, „Потреба за брзина“, се фокусираше на значењето на логистиката во е-трговијата, особено на потребата од брза и сигурна испорака. Говорници како Бојан Доленц од Zalando и Младен Јездиќ од Ананас Србија споделија искуства и стратегии за подобрување на логистичките процеси и подобрување на корисничкото искуство.
  2. Нови решенија за плаќање
    Следната сесија се посвети на новите трендови во дигиталните плаќања. Бобан Љубиноски од Klarna и експерти од Visa, CaSys и НЛБ Групацијата дискутираа за иновациите кои ја прават е-трговијата побрза и поприфатлива за потрошувачите, како и за безбедноста и сигурноста при обработка на плаќањата.
  3. Меѓугранична е-трговија
    Во попладневната сесија ќе се анализираат можностите и предизвиците на меѓуграничната е-трговија. Игор Мишкиќ од GymBeam ќе ја презентира студијата на случај, а експерти ќе дискутираат за начините како е-трговците од Западен Балкан можат да ги надминат бариерите и да продираат на глобалните пазари.
  4. Маркетинг и Вештачка Интелигенција
    Како вештачката интелигенција (AI) може да се искористи во креирањето попаметни маркетинг кампањи, ќе биде главна тема во сесијата со Селесте Фејзо од OpenAI. Регионални маркетинг експерти ќе го анализираат значењето на користењето нови канали за комуникација и градње на подобри релации со потрошувачите.

Регионално вмрежување и потенцијални соработки

Конференцијата стана значаен форум за е-трговијата во регионот, со голема бројка на учесници од Македонија, Србија, Босна и Херцеговина, Албанија, Косово, Црна Гора, Романија, Бугарија и Хрватска. Тоа создаде уникатна можност за вмрежување и потенцијални соработки меѓу компаниите и организациите од различни делови на регионот.

Настанот е поддржан од значајни партнери, како што се Visa (платинум партнер), GIZ (организациски партнер), А1 Македонија (дигитален партнер) и бројни други компании и организации кои се златни и сребрени партнери. Овој вид поддршка овозможи конференцијата да биде уште поголем успех, со целосно распродадени места и висок интерес за сите предвидени активности.

Со оваа конференција се потврдува дека е-трговијата во регионот има голем потенцијал за раст, иновации и меѓународни партнерства.

Криптовалути

Ричард Тенг, извршен директор на Binance: Вештачката интелигенција не го заменува човекот, туку го зајакнува

Објавено

на

Осум години по своето основање, Binance останува глобален лидер во светот на криптовалутите – со речиси 280 милиони корисници и присуство во над 100 земји. Со стабилен раст и константна адаптација на нови технологии, платформата го одбележа овој јубилеј преку директна AMA (Ask Me Anything) сесија со извршниот директор на Binance, Ричард Тенг, каде што беа истакнати најважните достигнувања, но и планови за иднината.

„Сè што правиме, го правиме за нашата заедница“, изјави Тенг, додавајќи: „Таа доверба не ја земаме здраво за готово. Заедницата е срцето на Binance“.

Транспарентност и безбедност како приоритет

Тенг вели дека во време на голема нестабилност и пад на довербата во крипто-светот, Binance останала доследна на транспарентноста, секој месец објавувајќи докази за резерви со користење на напредна zk-SNARK технологија, овозможувајќи секој корисник самостојно да ги верификува средствата на платформата.

„Ние не само што зборуваме за доверба, ние ја градиме. Нашата Proof-of-Reserves иницијатива е пример за тоа што значи вистинска транспарентност“, истакна Тенг.

Во 2024 година, Binance го редизајнираше својот Pro режим за тргување, овозможувајќи персонализирано корисничко искуство, поддржано од вештачка интелигенција. Целта е јасна – поедноставување на тргувањето и подобрување на пристапноста за сите профили на корисници.

„Сакаме Binance да биде интуитивен и корисен за секого – од почетници до институционални инвеститори“, вели Тенг.

Дополнително, растот на Binance не застанува само кај индивидуалните корисници. Во минатата година, бројот на институционални клиенти пораснал за речиси 100%, со силна побарувачка за решенија како fund accounts и Binance Wealth, наменети за професионално управување со крипто средства.

„Институционалниот интерес е поголем од кога било досега – и ние сме подготвени да го поддржиме“, изјави Тенг.

Со создавањето на Secure Asset Fund вреден 1 милијарда долари, Binance испрати силна порака – безбедноста на средствата не е дискутабилна.

Платформата воведе и деветстепена анти-scam одбрана, како и интензивна соработка со надлежните институции ширум светот.

„Сакаме нашите корисници да чувствуваат дека Binance е нивниот безбеден простор“, вели Тенг и додава: „Но сакаме и да ги едуцираме, за и самите бидат отпорни на измами.“

Поглед кон иднината

Зборувајќи за иднината, Тенг потенцираше дека вештачката интелигенција ќе игра клучна улога во поддршката на трговците, како и во внатрешната оператива, но човекот ќе остане во центарот на одлучувањето.

„Вештачката интелигенција е моќен сојузник, но не и замена за човечката проценка. Ние ја користиме технологијата за да го зајакнеме корисникот, не да го замениме“, вели Тенг.

Во својата завршна порака, тој упати благодарност до сите кои ја поддржуваат
Binance во изминатите осум години:

„Ова патување не е наше, туку заедничко. Благодарност до секој од речиси 280 милиони корисници – вашата поддршка ни е двигател за секој следен чекор“.

Продолжи со читање

Останато

Заедно за нови успеси на машката кошаркарска репрезентација – Комерцијална банка Генерален спонзор на МКФ

Објавено

на

Комерцијална банка стана Генерален спонзор на Македонската Кошаркарска Федерација и обезбеди значајна поддршка за нови успеси на сениорската машка кошаркарска репрезентација.   

Ова партнерство претставува повеќе од поддршка – тоа е заедничка заложба за нови спортски успеси во пресрет на претквалификациите за Светското првенство Катар 2027, за поттик на младите генерации, за нови спортски јунаци кои ги градат своите соништа под обрачите. 

На официјалната средба помеѓу Хари Костов, Главен извршен директор и претседател на Управниот одбор на Комерцијална банка, и Томе Главчев, Претседател на Македонската Кошаркарска Федерација, партнерството беше официјализирано со заедничка посветеност и ентузијазам. 

Поддршката на спортот е поддршка на вредности кои се темел на секое здраво општество – дисциплина, тимска работа, истрајност и почит. Горди сме што стануваме дел од кошаркарската приказна и веруваме дека заедно ќе инспирираме нови генерации да сонуваат и да победуваат. Веќе седум децении Комерцијална банка како општествено одговорна компанија континуирано вложува во развој на заедницата со цел заедно да постигнеме уште поголем напредок и успеси на кои сите ќе се радуваме“, изјави Костов во име на Комерцијална банка.

Претседателот Главчев изрази благодарност за поддршката.

На мое големо задоволство, како и на целата Кошаркарска Федерација, се потпиша договор за Генерално спонзорство помеѓу Македонската Кошаркарска Федерација и Комерцијална банка. За поздравување е настанот од повеќе аспекти, но морам да забележам дека по подолго време на челната спонзорска позиција застанува една македонска компанија. Би сакал да им се заблагодарам на првите луѓе од Комерцијална банка и на директорот Костов за поддршката и разбирањето кое го искажуваат со овој чин. Ние како Федерација ќе направиме сè што е во наша моќ да ја оправдаме довербата и, секако, во иднина да имаме основа за продолжување доколку има интерес“, истакна Главчев.

Како општествено одговорна компанија, Комерцијална банка останува посветена на создавање вистински вредности и охрабрување на младите генерации спортисти.

Со гордост обезбедуваме уште една значајна поддршка за македонскиот спорт, токму во годината кога со уште поголема гордост го одбележуваме големиот јубилеј: 70 години Комерцијална банка. Овој јубилеј го славиме со дела што оставаат трага – со инвестиции во иднината, во младите, во спортот и во вредностите што нè водат седум децении наназад, и ќе нè водат и понатаму.

Продолжи со читање

Останато

Готовината повеќе не е крал во земјата на полноќното сонце

Објавено

на

Дали знаевте дека готовината сè помалку се користи во Шведска, која е една од најдигитализираните земји во светот?

Шведска одамна е позната како пионер во безготовинските плаќања. Ако планирате да ја посетите ова лето, важно е да знаете дека многу продавници, ресторани и кафулиња веќе не прифаќаат готовина.

Заборавете на кешот и секогаш имајте го телефонот наполнет, или барем платежна картичка при рака.

Според податоците за 2024 година, само една од десет трансакции во Шведска е направена со готовина. Најчесто се користат платежните картички, а веднаш зад нив се мобилните апликации за плаќање.

Швеѓаните се навикнати да ги користат своите телефони буквално за сè, од банкарство и дигитална идентификација, до јавен превоз и поднесување на даночни пријави.

Нов закон што ќе стапи на сила во јуни 2025 година има за цел да го направи банкарството и платните услуги подостапни за сите.

Продолжи со читање

Популарно

no baners