Connect with us

Компании

Мастеркард отвора претставништво во Скопје и назначува нов генерален директор за Југоисточна Европа

Објавено

на

Технолошкиот лидер „Мастеркард“ (Mastercard) преку огранокот за Европа го отвoра своето долгоочекувано претставништво во Скопје.

„Мастеркард беше првата платежна картичка издадена во Република Северна Македонија и во изминатите дваесет и пет години увидовме дека земјата се издвојува како иновативно и напредно општество на Балканот, посветено на развој на дигиталната економија, корисничко искуство (UX) со врвен квалитет за потрошувачите. и услуги за електронското банкарство. Горди сме што Мастеркард континуирано инвестираше во развојот на инфраструктурата за бесконтактни NFC плаќања и економскиот еко-систем како стабилна мрежа на меѓусебно поврзани фирми и институции, така што сега можеме да одбележиме прифаќање на 100% бесконтактните платежни уреди во земјата. Мастеркард се гордее и со извонредниот впечаток и изградениот однос со сите клучни чинители на пазарот. 

Ние сме ко-основачи и главен поддржувач на Македонската асоцијација за е-трговија, стремејќи се кон врвен квалитет на дигиталното искуство и безгрижност при секојдневните плаќања на сите македонски граѓани. Отворањето на локалното претставништво е природна еволуција и е со нетрпение очекувано од нашите вредни партнери во Република Северна Македонија“, изјави Вања Манова, менаџерка на Мастеркард за Северна Македонија, Бугарија, Албанија и Косово.

Партнерството со Комерцијална банка АД Скопје, што бележи континуиран развој почнувајќи од 1995 година, е одличен пример за локалната соработка на Мастеркард на македонскиот пазар:

„Во декември 1995 година, како водечка банка во иновациите и платежната технологија, Комерцијална банка АД Скопје беше првата банка која издаде картичка од меѓународен бренд – брендираната Мастеркард. Нашата банка во 1996 година ги воведе и првиот банкомат и платежен уред во земјава, кога беше извршено првото дигитално плаќање“, изјави м-р Киро Чадиковски, раководител на Одделот за картички и платежни сметки при Комерцијална банка АД Скопје, додавајќи дека:

„Во текот на сите овие години, додека пазарот има тенденција да развива неограничени можности во областа на банкарството, картичките и дигитализацијата, благодарение на цврстата соработка, поддршка и партнерство со Мастеркард, нашата банка продолжи да воведува нови банкарски решенија одржувајќи ја водечка позиција на македонскиот пазар во областа. на дигиталната трансформација и платежните картички“.

Според истражувањето и анализата на трендови спроведено од Мастеркард, плаќањето со картички во Република Северна Македонија расте со двоцифрена стапка на годишно ниво, а вредноста на плаќањата со дебитни картички е речиси двојно зголемена од 2019 година навака.

Мастеркард со задоволство го објавува и назначувањето на Бартош Чиолковски за генерален директор за Југоисточна Европа, со Северна Македонија меѓу десетте пазари во овој бизнис регион што бележат континуиран раст. Во својата нова функција, г-динот Чиолковски ќе биде одговорен за спроведување на стратегијата за развој на електронските плаќања и работа со деловни и институционални партнери. Г-дин Чиолковски се приклучи на Мастеркард во 2005 година, а пред да биде назначен на оваа функција ја извршуваше улогата на генерален директор за Полска, каде што значително придонесе за динамичен развој на секторот за електронски плаќања преку воведување иновативни решенија и производи, како и проширување на мрежата за прифаќање на новитетите. Тој одигра клучна улога во основањето на Cashless Poland Фондацијата и во инвестицијата на Мастеркард во Polish Payment Standard (PSP), сопственик на BLIK.

Бизнис

Триглав повторно доби висок кредитен рејтинг „А“ од S&P

Објавено

на

Агенцијата за кредитен рејтинг S&P Global Ratings (во натамошниот текст: S&P или агенцијата) го потврди кредитниот рејтинг на финансиска моќ и кредитниот рејтинг на издавач „А“ со стабилна среднорочна прогноза за Групација Триглав, а со тоа и за нејзината матична компанијата Заваровалница Триглав и членката на групацијата, Позаваровалница Триглав Ре. Сите поединечни елементи на овогодинешниот кредитен рејтинг достигнуваат исто ниво како и минатата година, а рејтингот се базира исклучиво на проценката на самостојниот кредитен профил на групацијата.

Деловниот ризик на Групација Триглав повторно беше оценет како силен, а профилот на финансиски ризик беше проценет како многу силен од агенцијата за кредитен рејтинг S&P. Овогодинешната проценка беше спроведена од S&P врз основа на ажуриран модел на капитал, кој вклучува ревидирани критериуми за анализа на капитализацијата, приспособена според ризикот на осигурителните компании. Според новиот модел, капитализацијата на Групацијата останува на многу високо ниво и покажува висок вишок над минималниот потребен капитал, дури и во екстремни сценарија (99,99% ниво на доверба).

Покрај робусната капитализација, агенцијата наведува и други клучни предности на групацијата, истакнувајќи ја нејзината лидерска позиција на пазарот во регионот и во Словенија, нејзиното добро диверзифицирано осигурително портфолио, поддржано од широко разгранета продажна мрежа и висока препознатливост на брендот. Групацијата управува со своето инвестициско портфолио конзервативно, истовремено ефикасно ограничувајќи ја својата изложеност на пазарни ризици.

Стабилната среднорочна прогноза за кредитен рејтинг ги одразува очекувањата на S&P дека групацијата ќе ја задржи својата висока и робусна капитализација. Агенцијата очекува групацијата да има добри резултати оваа година, што верува дека веќе е потврдено со резултатите од овогодинешниот прв квартал. Не се предвидува негативно влијание врз работењето на групацијата во 2024 година како резултат на прекинот на дополнителното здравствено осигурување во Словенија. Во иднина, се очекува групацијата да продолжи да остварува профитабилен раст врз основа, меѓу другото, на понатамошна диверзификација на понудата и остварените приходи, како што е наведено во нејзината деловна стратегија.

Целосното соопштение на S&P е објавено на веб-страницата www.triglav.eu/en во делот Односи со инвеститорите.

Продолжи со читање

Компании

КИБС АД Скопје – лиценциран оператор согласно платежната регулатива на ЕУ

Објавено

на

Народната банка на Република Македонија издаде Решение со коешто Клириншката куќа клириншки интербанкарски системи АД Скопје – КИБС АД Скопје, доби дозвола и стана лиценциран оператор на платен систем во Република Македонија согласно новиот Закон за платежни услуги и платни системи, кој пак е целосно усогласен со европската платежната регулатива. Воедно, платниот систем КИБС е запишан во Регистарот на оператори на платните системи кој го води Народната банка.

Покрај тоа, Народната банка издаде претходна согласност за именување на досегашните членови на Управниот одбор на КИБС АД Скопје: Горан Анастасовски, Претседател на Управниот одбор и Генерален директор на КИБС АД Скопје и Биљана Адамческа, Директор на дирекција за платежни услуги и системи во земјата во Комерцијална банка АД Скопје. 

Ова претставува уште една потврда за долгогодишното беспрекорно работење на КИБС, како единствен оператор на платен систем со одложено нето-порамнување за мали плаќања врз основа на кредитни трансфери, кој во изминатите повеќе од 20 години професионално испорачува услуги од меѓубанкарски интерес, услуги за потребите на државата, деловната заедница и граѓаните. 

КИБС останува стабилен и доверлив партнер при испорака на клучни услуги поврзани со плаќањата и продолжува да ги унапредува истите, следејќи ги глобалните трендови.  

Продолжи со читање

Компании

КБ Публикум инвест станува КБ ИНВЕСТ, со доминантна сопственост на Комерцијална банка

Објавено

на

Во годината кога славиме 15 години успешно работење на финансискиот пазар, со задоволство ве известуваме дека КБ Публикум инвест АД Скопје станува КБ ИНВЕСТ АД Скопје.

Промената на името на Друштвото значи нов импулс за уште поголем раст и развој врз основа на веќе цврсто поставени вредности и стандарди во работењето.

КБ ИНВЕСТ добива дополнителен стимул за уште подобри деловни резултати благодарејќи и на засилената позиција на Комерцијална банка во акционерскиот капитал на Друштвото. Банката со зголемување на својот удел во КБ ИНВЕСТ на 78,43%, придонесе не само за јакнење на акционерскиот капитал на Друштвото туку и за додавање вредност на брендот кој веќе е синоним за доверба, одговорност и успешност.

КБ ИНВЕСТ АД Скопје како Друштво за управување со отворени и затворени инвестициски фондови, основано во 2009 година, практично беше основоположник на развојот на нов сегмент на финансискиот пазар во земјава, кој отвори нови можности за инвестирање на граѓаните и на компаниите. Друштвото, кое денес управува со 6 отворени инвестициски фондови со вредност од околу 110 милиони евра, на илјадници инвеститори им нуди нови можности и алтернативи за оплодување на нивниот капитал и за остварување на нивните инвестициски цели. Со инвестициските фондови, кои се со различна инвестициска стратегија и се концепирани на начин да ги задоволат барањата и потребите и на најсофистицираните инвеститори, КБ ИНВЕСТ придонесе и за збогатување и развој на пазарот на капитал во земјава.

Силата на брендот КБ ИНВЕСТ произлегува од деловната политика на Друштвото кое во континуитет ги следи најсовремените трендови во светот на инвестицискиот менаџмент, понудата на финансиски инструменти, можностите за инвестирање и довербата на клиентите со кои секојдневно ги освојуваме пазарите на капитал во земјава и во странство.

Освежениот бренд КБ ИНВЕСТ сега значи и нов поттик и предизвик за уште поголеми постигнувања на задоволство на клиентите, акционерите и на целиот тим на Друштвото.

Комерцијален текст

Продолжи со читање

Популарно