Connect with us

Останато

Инфраструктура на националната Пошта ќе стане „Една точка за услуги“ на 333 локации во државата

Објавено

на

Инфраструктурата на националната Пошта ќе се користи за да се обезбедат услуги од администрацијата за граѓаните на 333 локации во државата. Сегашната „Една точка за услуги“ што функционира само на пет локации (Скопје, Куманово, Битола, Охрид и Тетово) ќе се прошири низ целата држава, со користење на просторните и кадровските капацитети на Поштата. За шест месеци се планира во подружниците на Пошта веќе да има налепница со информација за граѓаните дека им се на располагање услуги од администрацијата.

“„Една точка за услуги“ реално опслужуваат многу малку процеси. Направивме анализа. Заедно со АД Пошта на 333 места на ниво на државава ќе ги отвориме овие точки во кои нема да креираме нова инфраструктура, туку инфраструктурата на Пошта, и човечка и физичка. Таму ќе бидат опслужени сите граѓани на ниво на земјава со услугите што им се нудат”, изјави министерот за информатичко општество и администрација Азир Алиу.

Сега, појасни министерот, се трошат многу ресурси за постојните пет точки, плаќање за кирија, струја, вработени. Тие ќе се затворат и сите такви места ќе функционираат во рамки на Пошта.

„Решението е да се отворат 333 точки без да инвестира многу. Направивме работна група со АД Пошта на РСМ за брзо да се воспостават тие точки. Веќе работиме на тоа. Пошта има канцеларии во секој дел на државата, имаат вработени и добра интернет конекција, но немаат добро обучен кадар за да ги нудат сите услуги „Една точка за услуги“  и шалтер на кој ќе пишува ЕТУ. Со мала  инвестиција со еден чекор ќе се доближиме до секој граѓанин за да може да има пристап до сите услуги”, дополни Алиу.

Во тек се анализи за потребните промени на законските решенија, бидејќи сегашниот закон пропишува пристап до „Една точка за услуги“ (ЕТУ) да имаат само вработените во МИОА. Во законот ќе се дополни дека таков пристап ќе имаат и вработени во АД Пошта на РСМ.

Овој проект, според министерот, ќе помогне финансиски на АД Пошта на РСМ, која кубури со финансии. – Имаме вин-вин ситуација, доближување до сите сервиси за граѓаните со многу малку пари за обука на вработените и налепници со информација дека се нуди таква услуга. Ќе ги обучиме вработените во АД Пошта, посочува Алиу.

На првиот брифинг со медиумите од назначувањето на функцијата, Алиу најави дека приоритет во работата ќе му биде дигитализацијата на услугите која, како што оцени, е на ниско ниво.

„Се работи интензивно за да може секој ден да ставиме по една нова дигитална услуга. Моментално работиме на 150 такви и се надевам дека набрзо ќе почнеме да ги промовираме”, рече Алиу, потенцирајќи дека една од причините зошто тие услуги не се искористени е неинформираноста на граѓаните.

Сегашните 96 дигитални услуги се користат многу малку, а според Алиу, администрацијата не  е обучена доволно за дигитализацијата.

„Со дигитализацијата ќе ги подобриме услугите кон граѓаните и ќе ја намалиме ниската корупција со којашто денес граѓаните или треба да имаат некој познат или да се снајдат на друг начин во којшто ќе стигнат брзо и ефикасно до документот што им треба”, изјави Алиу.

Приоритет му е и интероперабилноста, со која сега се опфатени само 22 од вкупно 1135 институции на ниво на државава.

„Ако влезат уште 10 тоа ќе биде плус, дигитализацијата на процесите ниту почнала ниту ќе заврши со мене, односно ќе биде процес во којшто ќе треба да се вложи многу”, посочува Алиу.

Коментирајќи ги проблемите со кои се соочуваат граѓаните за користење и на сегашните дигитални можности, како што се честите падови на системите, Алиу потсети дека  со програмата што ја најави неодамна МИОА „Дигитална ера“ ќе се формира агенција за дигитализација којашто ќе ги решава  проблеми, со посебен фокус на кибер безбедноста со што ќе биде чадор за заштита на сите институции. За да може да ги примени политиките за дигитализацијата со неа нема да раководи МИОА, туку Кабинетот на премиерот за да се исклучи ризикот од одбивање на политиките што ќе се бара да се применат.

Останато

Потпишан Меморандум за соработка помеѓу Државниот завод за ревизија и Институтот на сметководители и овластени сметководители

Објавено

на

Меморандумот предвидува реализација на голем број активности, почнувајќи од континуирана размена на информации, податоци и искуства, преку организирање заеднички обуки и учество во научни и апликативни проекти и студиски посети, па сѐ до соработка и координација во процесот на изготвување на предлог-документи за развој на сметководствената и ревизорската професија. 

„Државниот завод за ревизија постојано се залага за унапредување на професионалните стандарди во областа на ревизијата и управувањето со јавните средства. Потпишувањето на овој меморандум претставува значаен чекор во зајакнувањето на партнерството со ИСОС, со цел да се постигнат уште поголеми резултати во заедничкиот интерес – транспарентност, отчетност и квалитет во финансиското известување“, изјави Главниот државен ревизор, м-р Максим Ацевски.

Посебен акцент во соработката двете институции ќе стават на размената на знаења и искуства во имплементацијата на Меѓународните стандарди за финансиско известување и Меѓународните стандарди за финансиско известување за мали и средни субјекти, како и на подобрување на ефикасноста и ефективноста во работењето на своите членови и вработени. 

Искажувајќи задоволство од потпишаниот Меморандум, претседателката на ИСОС Весна Прентоска, истакна: „Оваа соработка ќе ни овозможи да ги обединиме силите и знаењата во промовирање на меѓународните стандарди за финансиско известување, како и во поддршка на континуираниот професионален развој на нашите членови. Сигурна сум дека заедничките иницијативи ќе донесат долгорочни придобивки за професијата, но и за државата, националната економија и општеството во целина“.

Првите луѓе на ДЗР и ИСОС заеднички оценија дека ова партнерство претставува значаен чекор кон подобрување на професионалните практики и креирање додадена вредност во работењето на двете институции.

Продолжи со читање

Останато

АЕТМ: Последна можност за гласање – Поддржете ја вашата омилена е-продавница!

Објавено

на

Јавното гласање за „E-commerce Awards 2024“ влегува во својата завршна фаза – денес е последен ден да дадете поддршка на вашата омилена е-продавница. Ова е можност да им оддадете признание на е-трговците кои се издвојуваат со својата посветеност, иновации и врвна услуга во македонската е-трговија.

Оваа година, „E-commerce Awards 2024“ ги наградува најдобрите македонски е- продавници во 23 категории, поделени во три главни секции. Со повеќе од 200 номинирани е-трговци, гласот на потрошувачите игра клучна улога во изборот на најдобрите.

Гласањето е отворено за сите граѓани и се одвива на официјалната веб-страница www.ecommerceawards.mk. Процесот е едноставен и бесплатен – потребно е само да ја внесете вашата валидна е-мејл адреса за потврда на гласот. Рокот за гласање истекува вечерва во 23:59 часот.

Како се избираат победниците?

По завршувањето на јавниот дел од гласањето, следува оценување од страна на стручното жири на овогодинешниот избор. Во конечниот резултат, гласовите од публиката носат 60%, додека пак гласовите на жири-комисијата носат 40%. Категоријата „Најпопуларна е-продавница“ е единствената категорија каде што победникот се избира исклучиво врз основа на гласовите од јавноста, што ја прави оваа награда вистински одраз на довербата и задоволството на онлајн купувачите.

Што добиваат победниците?

На свечениот настан за доделување на наградите кој ќе се оддржи во март 2025 година, победниците со најмногу поени ќе добијат престижни статуетки како признание за нивната извонредност во е-трговијата и виртуелни беџови со освоената награда кои ќе можат да ги постават на своите е-продавници, и со кои ќе можат да влијаат за зголемување на довербата кај постојните и потенцијалните онлајн купувачи.

Зошто е важен овој избор?

„E-commerce Awards 2024“ не е само избор – тоа е иницијатива што има за цел да го поттикне развојот на македонската е-трговија и да ги истакне најдобрите практики, да ја зголеми конкурентноста и да ги мотивира е-трговците за подобрување на нивните услуги, но и да им даде глас на потрошувачите, кои преку своите гласови можат да влијаат врз тоа кои е-продавници ќе добијат признание за својата работа.

Оваа година, наградите за е-трговија се организираат со поддршка на PRIME партнерите – ИУТЕ и Mybox, како и други реномирани партнери од приватниот сектор, кои заедно придонесуваат за развојот на е-трговијата во Македонија.

Повеќе детали за изборот може да погледнете на официјалната веб страница: https://ecommerceawards.mk/.

Продолжи со читање

Криптовалути

Binance ќе ја организира првата средба со корисници во Сараево

Објавено

на

Binance, водечката светска криптовалутна берза, го најавува првиот Binance Community Meetup – средба со корисници во Босна, Сараево. Овој настан ќе биде уникатна можност за членовите на крипто заедницата да се сретнат со претставници на Binance, да ги истражат најновите трендови во индустријата и да разговараат за иднината на дигиталните средства, и во регионот и на глобално ниво.

Првиот Binance Meetup во Босна е закажан за 12 февруари, од 17:00 до 21:00 часот во Хотел Хилс, Бутмирска цеста 18, Илиџа, Сараево. Следниот настан е најавен за Скопје.

„Нашите корисници и заедницата се во суштината на нашите вредности. Редовно организираме заеднички состаноци ширум светот и со задоволство најавуваме дека следниот месец ќе го одржиме првиот состанок во Скопје. Следете нè за повеќе информации“, изјави Сандро Слукан, одговорен за маркетинг за Балканот во Binance.

Присуството за средбата во Сараево е бесплатно, но поради ограничените места, потребна е предрегистрација достапна на линкот.

За време на средбата, присутните не само што ќе можат да добијат преглед за последните продукти и иницијативи на Бајнанс, туку ќе имаат можност да учествуваат во доделување награди, ќе добијат ексклузивни промотивни производи и ќе имаат можност за средби и контакти со останатите членови од крипто заедницата.

Binance продолжува да го поттикнува растот на глобалната крипто заедница преку обезбедување пристап до релевантни информации, иновативни производи и можности за вмрежување во крипто индустријата.

Агенда на средбата:

17:00 – 18:00 часот, Пристигнување и регистрација
18:00 – 18:15 – Сандро Слукан – Binance, Отворена сесија
18:15 – 18:45 – Алексеј Макаров – Преглед на производи и пазар: најновите трендови во крипто индустријата, производите на Binance и нивните придобивки за корисниците.
18:45 – 18:55 – Мушуко Чарквиани Презентација на Програмата за партнерства на Binance и како корисниците можат да заработат преку здружување.
18:55 – 19:05, Angels & KOLs дискусија за финансирање во рана фаза за стартапи и клучните лидери за формирање мислење, Стив и Џек ќе ги споделат своите искуства
работејќи со Binance и ќе разговараат за улогата на заедницата и клучните лидери на мислење во крипто индустријата.
19:05 – 19:15, Kahoot квиз со Мушуко Чарквиани, присутните ќе го тестираат своето
знаење за Binance и криптовалутите со можност да добијат награди.
19:15 – 19:30 часот, Сесија за прашања: Алексеј и Сандро ќе одговараат на прашања на
публиката за производите на Binance и за трендовите во индустријата.
19:30 – 21:00 часот, Вмрежување. Завршниот дел од настанот ќе им овозможи на
гостите да се поврзат во секојдневен амбиент и да разменат контакти.

Продолжи со читање

Популарно