Connect with us
no baners

Банки

Халкбанк инвестира во иднината преку поддршка на иновации и претприемништво

Објавено

на

Во денешниот свет на брзи промени и неограничени можности, младите и жените претприемачи играат клучна улога во обликувањето на иднината. Халкбанк, како водечки финансиски партнер, цврсто стои зад нивната амбиција, поддржувајќи ги да ги претворат своите идеи во успешни бизнис приказни. Оваа поддршка е клучна во рамките на настани како Women Economic Forum Balkans каде што се разговара на теми како создавање на бизнис подлога за успех во кариерата на жените, вмрежување на жените и оддржливост на бизнисите.

Women Economic Forum Balkans, што се одржуваше од 2ри до 3ти октомври, претставува уникатен простор на кој жените лидери и претприемачи имаа можност да ги споделат своите искуства, да создадат нови партнерства и да ги инспирираат оние кои се на пат да ги изградат своите деловни успеси. Со тоа што Халкбанк е поддржувач на овој настан, не само што ги поттикнува жените да се охрабрат и да влезат во светот на бизнисот, туку активно придонесува кон создавање на глобална мрежа за поддршка.

Од друга страна, банката се јавува како поддржувач и на настани каде што се едуцираат, инспирираат и вмрежуваат младите претприемачи, каков што е настанот Your Network is Your Net Worth. Овој настан по вторпат се одржа на 4ти октомври во организација на Унијата на млади претприемачи Phoenix Rising. Your Network is Your Net Worth е извонреден пример за тоа како младите од Балканот можат да дојдат до нови можности преку соработка и поврзување.

На овој начин, Халкбанк не само што го зацврстува своето присуство во светот на бизнисот, туку и активно инвестира во иднината на младите и во подемот на жените во претприемништвото. Целта на банката е да создаде опкружување каде што идеите можат да се развиваат, а младите лидери да имаат пристап до поддршка што ќе им помогне да ги реализираат своите визии.

Така, во насока на посветеност на женското претприемништво, банката го нуди иновативниот Пакет за жени, кој на жените претприемачи им обезбедува основни алатки за нивниот бизнис развој и финансиско управување, овозможувајќи им лесен пристап до кредитирање, прифатливи банкарски услови и ексклузивни услуги за подобро финансиско планирање. Преку овој пакет, Халкбанк ја демонстрира својата решителност да биде сојузник на секоја жена која се стреми да успее во светот на бизнисот.

Од друга страна пак, стартапите како двигатели на економскиот раст, ја добиваат содветната финансиска поддршка преку Пакетот за финансирање на стартапи на Халкбанк, преку кој банката им обезбедува на младите визионери финансиска поддршка за реализација на нивните идеи. Оваа услуга нуди флексибилни решенија за кредитирање, совети за управување со бизнисот и поддршка во сите фази од растот на компанијата.

Со континуирана поддршка на ваков тип настани, Халкбанк не е само препознатлив финансиски партнер, туку и ментор и поддржувач на младите претприемачи од Балканот. Банката верува дека инвестицијата во младите е инвестиција во иднината. Со фокус на иновациите, одржливиот развој и женското претприемништво, Халкбанк е посветена на создавање на економски посилна и подобра иднина за сите.

Банки

Гувернерот Славески на средба со студентите практиканти во Народната банка

Објавено

на

Гувернерот на Народната банка, д-р Трајко Славески, ги отвори вратите на својот кабинет за студентите кои во текот на летниот период ја изведуваат својата практична работа во институцијата. На средбата, на којашто присуствуваше и вицегувернерката Ана Митреска, студентите имаа можност, во пријатна атмосфера, одблизу да се запознаат со работата и со одговорностите на гувернерот и со улогата на централната банка во економскиот систем.

Во своето обраќање, гувернерот Славески истакна дека за професионалниот развој, покрај теоретските знаења, особено значајно е стекнувањето практични искуства. Притоа, нагласи дека Народната банка, како носечка институција во земјава, е секогаш отворена за младите луѓе кои имаат желба да се надградуваат, да учат и да го прошират својот професионален и академски хоризонт.

„Народната банка постојано настојува да привлече млади и перспективни кадри, со високо образование и со потенцијал за аналитичка и истражувачка работа. За нашата институција, тоа претставува вложување во иднината – како во кадровска, така и во мотивациска смисла. Само преку развој на едуцирани и посветени професионалци, можеме да придонесеме за напредокот на економијата и на општеството“, истакна гувернерот.

Студентите ja искористија оваа средба за да постават прашања, да споделат свои размислувања и да изразат благодарност за можноста да бидат дел од институција каква што е Народната банка. Тие посочија дека преку практичната работа и соработката со стручните тимови ги применуваат своите знаења, ги унапредуваат своите вештини и добиваат вредно искуство за понатамошниот професионален пат.

Продолжи со читање

Банки

Народната банка и централната банка на Германијаја продлабочуваат соработката за зајакнување на институционалните капацитети

Објавено

на

Гувернерот на Народната банка, д-р Трајко Славески, оствари средба со г. Бурхард Балц, член на Советот на централната банка на Германија, на која се разговараше за продлабочување на билатералната соработка, со акцент на унапредувањето на институционалните капацитети во клучните области на централнобанкарското работење.

На средбата беше нагласено значењето на постојаната меѓу институционална соработка, особено во делот на размената на експертиза и практики што придонесуваат за градење отпорни институции и приближување до европските регулативи и стандарди. Поддршката којашто Народната банка ја добива од централната банка на Германија е од голема важност во процесот на модернизација и унапредување на експертските и техничките капацитети.

Гувернерот Славески истакна дека Народната банка е целосно посветена на усогласувањето на домашната регулатива и практиките со законодавството на Европската Унија, при што особено важна е соработката со централната банка на Германија.

Европските перспективи се од големо стратегиско значење за Народната банка, којашто посветено работи на реформски програми и на други стратегиски документи поврзани со интеграцијата во ЕУ. Народната банка постојано се стреми кон навремено воведување на европските стандарди во доменот на финансискиот систем. За овој факт се свесни и релевантните европски институции, коишто ја оценуваат како високо усогласена во подрачјата што се во нејзина надлежност“, посочи гувернерот Славески.

Тој додаде дека Народната банка во изминатите години се профилира како модерна институција со силен капацитет и подготвеност за придружување кон европското семејство. На средбата беше заеднички оценето дека европската регулатива постојано се унапредува, поради што е неопходно следење и применување на најновите регулативни измени и практики.

Во рамките на досегашната соработка, Народната банка и централната банка на Германија остварија бројни активности насочени кон размена на искуства, унапредување на аналитичките алатки и примена на најдобрите меѓународни и европски практики. Покрај обезбедувањето билатерална поддршка, централната банка на Германија е и главен носител на техничката помош од Европскиот систем на централни банки за централните банки од регионот, па во моментов се заокружува втората фаза од оваа помош. Оваа соработка придонесе за натамошно зацврстување на капацитетите на Народната банка, во сите области на работењето.

Балц изрази благодарност за долгогодишната лојална соработка на Народната банка со централната банка на Германија и особено го истакна активниот придонес на Народната банка за напредокот на проектот Западен Балкан во фазата III. Тој нагласи дека регионалната соработка меѓу централните банки и органите за супервизија на банките на Западен Балкан се покажа како ефикасна алатка за усогласување со стандардите на ЕУ и со најдобрите практики на Европскиот систем на централни банки (ЕСЦБ).

Продолжи со читање

Банки

Оставка на член на Управниот одбор на Стопанска банка АД – Скопје

Објавено

на

На ден 16 јули 2025 година, Бојан Стојаноски поднесе оставка од позицијата член на Управниот одбор и Генерален директор за управување со ризици на Стопанска банка АД – Скопје.

Стојаноски е дел од менаџерскиот тим на Банката од 2020 година, кога ја презеде функцијата Генерален директор за управување со ризици и член на Управниот одбор. Во изминатите пет години, неговиот придонес беше од значење за унапредување на системите за управување со ризици, како и за севкупната стабилност и раст на Банката.

Бојан Стојаноски има повеќедецениско искуство во финансискиот сектор. Пред да се приклучи на Стопанска банка АД – Скопје, својата кариера ја градеше во Халк банка АД Скопје, каде што успешно раководеше со неколку клучни сектори – Секторот за кредитирање, финансиско управување и планирање, управување со лоши пласмани, средства и ликвидност, како и маркетинг и продажба.

Претходно, беше дел и од КБ Прво пензиско друштво АД Скопје, каде што ја извршуваше функцијата член на Управниот одбор и втор генерален директор.

Стојаноски е магистер по економски науки во областа на финансискиот менаџмент при Економскиот институт на Универзитет „Св. Кирил и Методиј“ – Скопје.

Оставката е поднесена согласно внатрешните процедури на Банката и важечката регулатива. Од Стопанска банка информираат дека ќе бидат преземени сите неопходни чекори за обезбедување континуитет во работењето и навремено информирање на надлежните институции и јавноста.

Според неофицијални информации, се очекува Стојаноски наскоро да го засили управниот одбор на една од поголемите банки во земјава, како дел од неговиот следен професионален ангажман.

Продолжи со читање

Популарно

no baners