Connect with us

Банки

Како Халкбанк, кампања по кампања, го руши стереотипот за банките, перцепцијата за финансиските институции и начинот на кој ја информира јавноста

Објавено

пред 5 месеци

на

Кога станува збор за финансиските брендови, постојат вечни предизвици за тоа на кој начин да се оствари комуникација што ќе може да ја разгори имагинацијата и да создаде некое емоционално влијание кај јавноста, а сепак да остане доволно втемелена и веродостојна за публиката.

На нашиот пазар, како еден од успешните примери за тоа како умешно, креативно и инспиративно може една банка да информира за своите услуги е примерот на Халкбанк, која годинава во низата реализирани, впечатливи кампањи заедно со Меккен Скопје успеа неколку пати да се искачи на пиедесталот на светската и регионална креативност со кампањата за стартап-пакет.

Освен на светскиот фестивал „Golden Drum“ во Порторож, каде што освои сребрена и бронзена награда, кампањата триумфираше и на „Кактус“, престижниот регионален фестивал за интегрирани комуникации, со уште две награди: прва награда за најдобар дигитален поткаст и прва награда за најдобра кампања за надворешно рекламирање.

Освен наградите на овие два фестивали, од светски познатата платформа „Mad Over Marketing“, која брои милиони љубители на креативните индустрии, пристигна и наградата за Најдобро OOH решение за лансирање производ на OOHWards 2024.

Она што ја издвои кампањата за стартап како една од најуспешните се елементите на храброст, досетливост, креативност и иновативност. Покрај забавните ТВ-реклами што беа дел од кампањата, со цел да ја пренесе својата порака за производ што е наменет за млади и храбри претприемачи, банката реализираше и цел серијал со инспиративен и едукативен поткаст.

Зборувањето за финансиската писменост на поткаст не е ништо револуционерно, ниту, пак, е изненадување според своите форма и содржина. Разликата е во пристапот. Содржината што регионалната креативна заедница ја препозна како поинаква е таква токму поради мешавината на креативни состојки во неа: супершармантна водителка, непретенциозен пристап кон проблематиката, избегнување патронизирачки тон кон оние што допрва се охрабруваат да започнат свои стартап-бизнизи, избор на гости што се „слика и прилика“ на целната група кон која е наменета оваа содржина, опуштената средина што изгледа како гаража (сепак, најголемите компании започнале во гаражи, нели?). Потврдено е дека ова е победничка комбинација на елементи што Халкбанк и Меккен Скопје мајсторски ги дозираа во дигиталниот простор.

Но, она што ја направи кампањата за стартап една од најдобрите е тоа што оваа кампања употреби креативни решенија што знаат да изненадат, буквално, од зад аголот каде што најмалку очекувате.

На навистина виртуозен, но истовремено и ненаметлив начин, креативните тимови на Халкбанк и Меккен Скопје го препознаа просторот гаража како место каде што започнува сè: љубов, музика, идеи, бизнис.

Гаражите се места каде што започнува и градска, урбана, но и индивидуална, интимна историја.

Токму тој простор беше избран за надворешно огласување на пакетот услуги наменет за нови идни претприемач/-ки. Сè што некогаш е потребно е охрабрувачка порака онаму каде што најмалку ја очекувате – пред гаражите до вашиот дом – со цел нештата да добијат сосема поинаков тек.

Што значи сето ова за македонската креативна индустрија?

Едноставно кажано – креативното изразување во нашата земја е веќе на повисоко ниво. Навистина е огромен успех дома да се донесат злато, сребро и бронза од светот и од регионот. Овие награди и признанија во компетитивниот креативен свет, без исклучок, се катализатор, забрзување и мотивирање на креативните умови низ државата.

Оваа година беше година во која Халкбанк и Меккен Скопје ги освоија гласовите на креативните професионалци, но и на јавноста, и ни докажаа дека искрениот, ненаметлив и храбар пристап во комуникацијата навистина вреди злато.

Слични Теми:

Банки

Пауел: ФЕД ќе почека со каматните стапки, трговските политики внесуваат зголемена економска неизвесност

Објавено

пред 1 ден

на

Гувернерот на американската централна банка (Федерални резерви), Џером Пауел, изјави дека ФЕД ќе ја задржи моменталната монетарна политика и ќе почека со евентуални промени на каматните стапки додека не добие појасни сигнали за насоката во која се движи економијата на САД.

Во своето обраќање, внимателно следено од економистите, инвеститорите и пазарните аналитичари, Пауел предупреди дека трговската политика на американската администрација, особено воведувањето царини, може да предизвика девијации од двата основни приоритети на ФЕД – ценовната стабилност (инфлација од околу 2%) и максималната вработеност.

„Економијата може да се соочи со предизвици доколку тарифите ги зголемат ценовните притисоци, а растот и пазарот на труд може да забават. Ова може да доведе до понатамошни отстапки од таргетираната инфлација од 2 проценти и максимална вработеност – двата основни приоритети на Фед“, изјави Пауел.

Тој ја опиша нестабилноста на пазарите како очекувана реакција на глобалните трговски тензии, но додаде дека сè уште нема индикации за системска економска криза која би барала итна интервенција на ФЕД. Сепак, предупреди дека ефектите од новите тарифи се посилни отколку што укажуваа дури и најпесимистичките сценарија.

„Ефектите од царините се посилни отколку што укажуваа дури и најпесимистичките сценарија на Фед, а растот на економијата видливо забавува. Потрошувачката е скромна, а зголемениот увоз во обид да се избегнат новите царини може негативно да се одрази врз бруто-домашниот производ. Дополнително, економското расположение кај бизнисите и потрошувачите се влошува“,нагласи Пауел.

Иако економијата формално останува во солидна состојба, Пауел забележа дека неизвесноста околу идните движења станува сѐ поголема. Неговите коментари веднаш предизвикаа реакција на Волстрит, американските технолошки и индустриски индекси бележат пад, а тргувањето продолжи во негативна насока.

ФЕД останува внимателен и фокусиран на новите макроекономски податоци, додека пазарните учесници будно ги следат сигналите за можни идни насоки на монетарната политика.

Продолжи со читање

Банки

Предупредување од Комерцијална банка: Забележана е нова измамничка e-mail кампања

Објавено

пред 1 ден

на

Комерцијална банка АД Скопје ја информира јавноста дека е детектирана нова форма на измамничка кампања преку електронска пошта, при што се испраќаат лажни пораки во име на Комерцијална банка и известува за пристигнат прилив.

Во рамки на оваа измамничка кампања, испраќачот користи стара e-mail порака, која на прв поглед изгледа како автентична комуникација од Комерцијална банка, при што ја проследува со додавање на текстот: „Почитуван клиент, приложена потврда за прилив.“

Овие пораки содржат прилог (attachment) со наслов од облик:
„Прилив-283-687…pdf….xz“ или „Прилив-83-679…pdf…rar“ кои во себе содржат злонамерна датотека.

Особено е важно да се обрне внимание на e-mail адресата на испраќачот, иако визуелно може да изгледа како да доаѓа од Банката, реалната адреса е:
[email protected], која не е од доменот на Комерцијална банка и претставува обид за фишинг.

Доколку добиете ваква порака, не ги отворајте прилозите, не ја препраќајте и избришете ја!

Целта на овие пораки е инсталирање на малициозен софтвер и/или прибирање лични податоци кои подоцна може да бидат злоупотребени. Комерцијална банка ги повикува сите корисници на електронска пошта да постапуваат внимателно, да проверуваат детално од кого доаѓа пораката и да не отвораат сомнителни прилози.

Споделете ја оваа информација со вашите колеги, пријатели и семејство за да се спречи потенцијална штета.

Продолжи со читање

Банки

Соопштение од Стопанска банка АД – Скопје: Неработни денови за велигденските празници

Објавено

пред 2 дена

на

Стопанска банка АД – Скопје ги информира своите клиенти дека поради претстојните велигденски празници, филијалите на Банката нема да работат на следните денови:

  • Петок, 18 април 2025 година – Велики Петок
  • Понеделник, 21 април 2025 година – Втор ден на Велигден

За време на празниците, на располагање ќе бидат сите i-bank дигитални услуги, вклучувајќи ги мобилното и електронското банкарство (m-banking и e-banking), банкоматите на Стопанска банка, како и широката партнерска мрежа на трговци кои прифаќаат картички издадени од Банката.

ЗАБЕЛЕШКА: Согласно официјалниот календар, МИПС плаќањата ќе бидат достапни само во петок, 18 април 2025 година.

Раководството и вработените на Стопанска банка АД – Скопје на сите клиенти и соработници им ги честитаат велигденските празници, со желби за здравје, среќа и благосостојба.

Продолжи со читање

Популарно