Шпаркасе Банка ја претстави првата и единствена платформа за финансиска едукација во земјата, VibeOnEdu.mk – револуционерна иницијатива што им овозможува на младите бесплатно да стекнат финансиско знаење преку интерактивни онлајн курсеви. Нејзината мисија е да им помогне на младите да ја изградат својата самодоверба во управувањето со личните и со деловните финансии и да носат паметни финансиски одлуки во иднина.

Платформата содржи 15 внимателно осмислени курсеви, поделени во два главни модули: „Научи за себе“ (11 курсеви): покрива теми какви што се буџетирање, штедење и основи на инвестирање; и „Научи за својот бизнис“ (4 курсеви): вклучува упатства за изработка на бизнис-план, финансиско планирање и управување со бизнис-финансии. Секој курс нуди интерактивни лекции, проверка на знаењето преку квизови и сертификат за успешно завршување, што го прави учењето практично и мотивациско.

Платформата беше лансирана за време на настанот „Финансиска едукација за млади“ организиран од Шпаркасе Банка, каде што преку два инспиративни панели, врвни финансиски експерти ги споделија своите искуства и совети за младите, за менаџирање со личните финансии и за започнување сопствен бизнис. Дополнително, на настанот беше претставена новата стрип-брошура „Твојот вајб за финансии“ – практичен водич за секој млад човек што сака да научи како да управува со своите финансии и да го креира својот пат кон успехот.

„VibeOnEdu.mk ја изразува нашата заложба за поддршка на младите генерации. Веруваме дека финансиската едукација е основата за остварување успешни финансиски цели, па затоа создадовме проект што ќе остави трајни вредности за сите сегашни и идни генерации. Ги охрабруваме сите млади да ја искористат оваа единствена можност и да го направат првиот чекор кон подобра финансиска иднина“, изјави Ивана Петревска, директор на Дирекцијата за маркетинг и комуникации на Шпаркасе Банка.

Платформата е бесплатна, интерактивна и дизајнирана според потребите на младите. Шпаркасе Банка ги пресретнува потребите на младите луѓе, кои се основата на VibeOn семејството што брои повеќе од 35.000 млади лица. Во процесот на развивање на платформата, покрај експертскиот тим на Шпаркасе Банка, беа вклучени повеќе од 250 млади, кои директно придонесоа за нејзиниот визуелен изглед и структура, обезбедувајќи таа да одговара на реалните потреби на корисниците.

Со оваа иницијатива, Шпаркасе Банка поставува нови стандарди во поддршката за младите, овозможувајќи долгорочен позитивен ефект врз нивната финансиска едукација и успех.

ВерувајВоИднината #ТвојотВајбЗаФинансии #ВерувајВоСебе

За празничните моменти да бидат уште подобри, Visa и ЦКБ овозможуваат многу поволности за плаќање со ЦКБ Visa картичките:

• Секоја среда во Cineplexx, при купување билет со ЦКБ Visa картичка, вториот билет го добивате бесплатно. (до 31.12.2024);
• Попуст од 2.000 МКД за секоја онлајн трансакција повисока од 9.999 МКД во веб-продавницата на Neptun. (до 31.01.2025);
• До 6% инстант награда при резервација на Booking.com. (до 31.12.2024);
• 15% попуст при нарачка на достава од Екологистик сервис со плаќање со ЦКБ Visa картичка. (до 31.01.2025).

Понудите важат до наведениот датум или до целосно искористување на средствата предвидени за промоцијата.

Плаќајте со Visa картичките – брзо, лесно и безбедно.

За повеќе информации за празничните поволности од ЦКБ при плаќање со картичките Visa, посетете: https://www.visasoutheasteurope.com/macedonia/xmas.html

Во современиот свет на економски предизвици, штедењето се наметнува како суштинска потреба за градење стабилна иднина. Сè повеќе луѓе сфаќаат дека патот до финансиска независност започнува со мудри одлуки за штедење. Без разлика дали сакате да создадете сигурносен фонд, планирате големи животни чекори или градите долгорочна финансиска стабилност – паметното штедење е темелот на секој успешен финансиски план.

Размислувате за штедење, но не знаете од каде да започнете? Халкбанк има решение. Промо депозитот е создаден токму за оние кои бараат сигурен начин да ги оплодат своите финансии. Комбинацијата на конкурентни каматни стапки и сигурноста на Вашите средства е она што го издвојува и истакнува овој производ.

Со почетен влог од 30.000 денари или 500 евра, Промо депозитот е достапен за секој кој планира да инвестира во својата иднина. Изберете го периодот на орочување што најдобро одговара на вашите планови – 13 или 25 месеци, со привлечни фиксни каматни стапки што гарантираат сигурен принос. На пример, за рок на орочување од 13 месеци, годишната каматна стапка е 3,30% за депозити во МКД и 2,30% за депозити во ЕУР, додека за 25 месеци овие стапки достигнуваат 3,80% за МКД и 2,80% за ЕУР.

Контролата е целосно во ваши раце – вие одлучувате дали сакате месечна исплата на каматата или на крајот на периодот на орочување.

Финансиските експерти се едногласни – сегашниот момент е идеален за започнување со штедење. Промо Депозитот на Халкбанк не е само банкарски производ – тоа е ваша алатка за градење на постабилна финансиска иднина.

Вашата финансиска сигурност започнува со една мудра одлука. Направете го првиот чекор кон поголема финансиска слобода со Промо депозитот на Халкбанк. Оваа понуда важи до 31.12.2024 година.