Connect with us

Банки

Извештај од самопроценката на МИПС: Платниот систем е усогласен со меѓународните Принципи за инфраструктура на финансиските пазари

Објавено

пред 2 години

на

Народната банка, како оператор и сопственик на Македонскиот интербанкарски платен систем (МИПС), изврши прва самопроценка за усогласеноста на неговата работа со барањата од меѓународните принципи[1].

Во извештајот од самопроценката е утврдена усогласеност на системот со барањата од принципите, кои во домашната регулатива се преточени во Одлуката за критериумите за класификација на платните системи, стандардите за нивното работење и барањата за гарантен механизам. Усогласеноста на МИПС со регулаторните барања согласно меѓународните стандарди за работа на платните системи, обезбедува услови за негово сигурно функционирање и соодветно управување со ризиците коишто произлегуваат од работата, што е од клучно значење за непречено извршување на плаќањата, а со тоа и за целокупната економска активност и  стабилност на финансискиот систем во земјата. За целите на управување со овие ризици, Народната банка има донесено правна рамка, која се состои од одлуки, правила и упатства за учесниците и има воспоставено интерни процедури и алатки, коишто се подетално објаснети во извештајот.

МИПС е систем за извршување на плаќањата со големи вредности и итните плаќања во денари, во реално време на бруто-основа (RTGS – Real Time Gross Settlement System). МИПС започна со работа во јули 2001 година. МИПС има 20 учесници и во него се водат и се одржуваат сметките преку кои учесниците ги порамнуваат платежните пораки за плаќањата во денари, во реално време и со паричните средства кои се наоѓаат кај централната банка.

МИПС е системски значаен платен систем чиешто функционирање е неопходно за работата и стабилноста на финансиските институции и пазарите, како и за економскиот развој. Оттука, особено внимание се му посветува на управувањето со ризиците во неговото работење, како што се: системскиот, правниот, кредитниот, ликвидносниот, оперативниот и деловниот ризик. Улогата во македонскиот платен систем на МИПС е клучна бидејќи овозможува ефикасен тек на парите во економијата. Основната предност на неговата употреба, за учесниците и нивните клиенти е брзината и сигурноста на извршувањето на плаќањата. Имено, налозите за пренос на парични средства се прифаќаат непрекинато во рамките на работното време на МИПС, при што поминуваат само неколку минути помеѓу испраќањето на налогот од страна на учесникот и приемот на паричните средства од друг учесник во МИПС за кој се наменети, така што плаќањата се вршат во текот на работниот ден.

Извештајот е достапен на веб-страницата на Народната банка.

*[1] „Принципи за инфраструктура на финансиските пазари“ (Principles for Financial Market Infrastructures) издадени од Комитетот за системите за плаќање и порамнување при Банката за меѓународно порамнување и Техничкиот комитет на Меѓународната организација на комисиите за хартии од вредност во април 2012 година.

Слични Теми:

Банки

Стопанска банка објавува оглас за продажба на преземен имот во Скопје

Објавено

пред 10 часа

на

Стопанска банка АД Скопје објави оглас (реф. бр. 2-04/2025) за продажба на преземен имот – стан во населбата Чаир, во Комплекс Принц, на ул. Лазар Трпковски бр. 88, стан 1, кат К1. Станот има вкупна површина од 84 м², со почетна цена од 84.000 евра.

Заинтересираните купувачи можат да поднесат писмени понуди до 17 април 2025 година, до 16:00 часот, во архивата на Стопанска банка АД Скопје, на ул. 11 Октомври бр. 7, 1000 Скопје. Понудите треба да бидат во затворен плик со назнака „Понуда за купување на недвижен имот – реф. бр. 2-04/2025“.

Повеќе информации за имотот и условите за продажба се достапни на официјалната веб-страница на банката.

Продолжи со читање

Банки

Шпаркасе Банка ќе ја реновира Експозитура Централа во Охрид

Објавено

пред 10 часа

на

Почнувајќи од 14 април 2025 година, експозитурата Централа Охрид на Булевар „Македонски Просветители“ бр. 19 ќе влезе во фаза на реновирање. Во овој период, експозитурата ќе работи со намален капацитет, но со јасна цел – подобрување на квалитетот на услугите и создавање на поудобно банкарско искуство за клиентите.

Во меѓувреме, граѓаните ќе можат непречено да ги користат експозитурите Медицински Центар и Мини Маркет, кои продолжуваат со работа во полн капацитет. За зголемена удобност и ефикасност, банката потсетува дека секојдневните банкарски активности можат да се извршуваат и преку новата мобилна апликација S-Banka, која овозможува брзи и безбедни трансакции, без потреба од посета на експозитура.

Од банката апелираат за разбирање и трпение додека трае процесот на унапредување, со ветување дека новиот, реновиран простор ќе донесе повисоко ниво на услуга и модерен пристап кон клиентите.

„Наш приоритет е клиентите секогаш да добиваат најдобра услуга. Реновирањето на експозитурата е само еден од чекорите што ги преземаме за да обезбедиме поудобно, побрзо и понапредно банкарско искуство,“ велат од банката.

Клиентите се охрабруваат да ја преземат апликацијата S-Banka и да ги искористат нејзините бројни функционалности додека трае обновата.

Продолжи со читање

Банки

ВАЖНО ИЗВЕСТУВАЊЕ ОД НЛБ БАНКА: Лажен профил го злоупотребува логото на Банката – ВНИМАВАЈТЕ НА ИЗМАМИ‼

Објавено

пред 14 часа

на

НЛБ Банка АД Скопје ги информира своите клиенти и пошироката јавност дека на социјалните мрежи е забележан лажен профил под името „Narodna banka“, кој објавува содржини во кои се злоупотребени името, логото и визуелниот идентитет на НЛБ Банка. Во објавата лажно се претставува наводна поврзаност со Банката, што претставува обид за измама и доведување во заблуда на граѓаните.

НЛБ Банка категорично демантира каква било поврзаност со овој лажен профил и апелира до сите граѓани да бидат исклучително внимателни при следење на информации на социјалните мрежи, особено кога се работи за содржини што нудат банкарски услуги, бараат лични податоци или ветуваат парични надоместоци.

Сите официјални соопштенија и информации од НЛБ Банка се објавуваат исклучиво преку официјалната веб-страница www.nlb.mk, како и преку верификуваните профили на Банката на социјалните мрежи.

Во случај да наидете на сомнителна објава или профил кој лажно се претставува како поврзан со НЛБ Банка, пријавeте до Банката или до надлежните институции, а дополнително избегнувајте било каква комуникација со такви профили.

Заштитата на безбедноста и довербата на клиентите е врвен приоритет на НЛБ Банка.

Продолжи со читање

Популарно