Останато
АЕТМ објави Jавен повик за поддршка за отворање на нови е-продавници
![](https://bankarstvo.mk/wp-content/uploads/2023/02/Slika-za-Javen-povik-za-novi-e-prodavnici-1.jpeg)
Асоцијацијата за е-трговија на Македонија – AETM, во рамки на проектот „Поддршка на локалните бизниси со помош на е-трговија”, кој се реализира во партнерство со компанијата Visa, објавува Jавен повик насловен “Е-трговија: Супермоќ за локалните бизниси”.
Јавниот повик е отворен за сите микро, мали и средни компании, кои сè уште не ги продаваат своите производи или услуги онлајн, а имаат потреба од отворање на е-продавница и од зголемување на знаењата и вештините поврзани со е-трговија. Преку Јавниот повик ќе се доделуваат вредносни пакети од 1.000 евра за отворање на дополнителен продажен канал – е-продавница во рамки на постоечка маркетплејс платформ и нејзина маркетинг промоција и ќе се обучуваат бизнисите за зајакнување на вештините поврзани со е-трговија и дигитален маркетинг.
Идејата зад проектот е да им се помогне на компаниите да отворат дополнителен продажен канал – е-продавница со цел добивање на нови клиенти и зголемени продажби, како и да им помогне за унапредување на работата, преку зајакнување на нивните дигитални вештини, кои ќе им помогнат подобро да се претстават во јавноста и да ги реализираат своите бизнис цели.
Проектот ќе трае до крајот на мај 2023 година, а ќе се состои од поврзување на бизнисите со домашните маркетплејс платформи и отворање на нивна е-продавница во рамки на една од платформите која бизнисите сами ќе ја изберат. Одбраните кандидати ќе имаат можност да присуствуваат и на практичен едукативен семинар за е-трговија „Сѐ за е-трговија“, кој ќе се одвива со физичко присуство. Ќе бидат поддржани 15 компании за отворање и промовирањe на нивната е-продавница, а едукативниот семинар ќе можат да го посетат по најмногу двајца претставници од секоја компанија. По завршување на програмата сите учесници ќе добијат сертификати за учество.
“Асоцијацијата за е-трговија на Македонија и со оваа иницијатива се вклучува во напорите за зајакнување на конкурентноста на микро, малите и средни компании и за мотивирање на бизнисите за унапредување на нивното работење, преку вклучување во е-трговијата, како нивен дополнителен продажен канал и зголемување на дигиталните вештини поврзани со е-трговија. Оваа иницијатива се реализира во соработка со компанијата Visa и преставува почетна точка на нашата нова заедничка соработка“, изјави Претседателката на АЕТМ, Д-р Нина Ангеловска.
“Претприемништвото е најголемата сила на секоја економија, особено на тие во развој. Со цел да ги зајакнеме малите и средни бизниси и да ги направиме поконкурентни на пазарот, сакаме заедно со нашите партнери од Асоцијацијата за е-трговија на Македонија да им помогнеме да иницираат онлајн продажба и да се вклучат во тековите на дигиталната економија, која има голем потенцијал за раст и развој на нивниот бизнис”, додаде Владимир Ѓорѓевиќ – генерален директор на Visa за Југоисточна Европа.
Аплицирањето на Јавниот повик, кое што е бесплатно, се одвива онлајн на веб страницата на АЕТМ и трае до петок, 15 март 2023, до 23:59 часот, по што ќе следи евалуацијата на апликациите од страна на комисија составена од експерти во областа. Поради ограничен број на учество, ќе се прави избор на учесниците кои ќе можат да ја следат програмата за отворање на дополнителен продажен канал – е-продавница во рамки на локален маркетплејс и зајакнување на дигиталните вештини за е-трговија и дигитален маркетинг.
Повеќе информации за Jавниот повик се достапни на: https://ecommerce.mk/povik/
Останато
ХРВАТСКА НАЈАВУВА ГОЛЕМА ДАНОЧНА РЕФОРМА – ќе се воведува данок за празни танови и викендици
![](https://bankarstvo.mk/wp-content/uploads/2022/08/Hrvatska-1.jpg)
Во Хрватска во 2025 година ќе има даночни реформи во данокот за недвижнини.
Од 2025 година ќе се воведе данок на недвижен имот во кој не се живее, а се издава на краткорочна основа за време на туристичката сезона. Нема да го плаќаат оние кои живеат во имотот или го издаваат на долгорочна основа.
Хрватскиот министер за финансии Марко Приморац истакна дека дополнителен данок нема да плаќаат оние кои живеат во имотот или кои имотот го издаваат под закуп повеќе од 10 месеци годишно. Сите останати треба да го добијат новиот закон.
„Оние кои ќе ги изнајмуваат недвижностите помалку од 10 месеци, или оние за кои наемот ќе биде краткорочен или ќе биде празна, тогаш ќе се плаќа поголем данок“, изјави Марко Приморац.
Хрватските медиуми пренесува дека данокот за недвижности ќе се движи од 1 до 10 евра по метар квадратен, и ќе го одредува единицата за локална самоуправа. Тоа значи дека сопственик на викендица од 100 квадрати, годишно може да плаќа и до 1000 евра данок.
Ова доаѓа како резултат на тоа што 40 проценти од 2 милиони станбени единици во Хрватска се празни.
Останато
Во тек е исплата на парите од “Мој ДДВ” – граѓаните ќе ги имаат парите на своите сметки до крајот на неделава!
![](https://bankarstvo.mk/wp-content/uploads/2020/07/MOJDDV-1.jpg)
Исплатата на средствата за тримесечјето април-јуни веќе се реализира и се очeкува целосната исплата да заврши до крајот на оваа недела, извести УЈП.
„Управата за јавни приходи подготви налози за исплата за близу 450 илјади граѓани, а денес на повеќето од нив веќе им се исплатени средствата.
Исплатата продолжува и во наредните денови од оваа недела се до целосна реализација кон граѓаните кои имаат уреден запис за трансакциска сметка во самата апликација.
Апелираме до граѓаните кои имаат грешен запис за трансакциска сметка или воопшто немаат запис за трансакциска сметка, најбрзо да ја внесат точно својата лична трансакциска сметка за да може да им биде извршен повратот!“, соопшти УЈП.
Останато
Прекин на услугите на УЈП на 29 и 30 август
![](https://bankarstvo.mk/wp-content/uploads/2020/11/ujp-1.jpg)
Управата за јавни приходи информира дека спроведува активности за надградба на системите е-ПДД и е-Даночни услуги.
Поради извршување на овие активности, почнувајќи од 29.08.2024 година (четврток) од 16:30 часот, системите е-ПДД и е-Даночни услуги нема да бидат во функција. Во овој период, можни се и прекини во работењето на апликацијата МојДДВ
По завршувањето на активностите, УЈП навремено ќе информира.
Апелираат до сите корисници на овие системи да ги завршат своите итни и неодложни обврски поради најавениот прекин.
- Банкипред 4 недели
Промени во Управниот одбор на една од најголемите банки во земјава!?
- Банкипред 1 месец
Промени во Управниот одбор на ПроКредит Банка
- Вработувањепред 2 месеци
Оглас за вработување во НЛБ Банка АД Скопје
- Банкипред 3 недели
Главната економистка на Народната банка, Крстевска: Преку поддршка на зелените кредити и одговорното инвестирање на девизните резерви даваме придонес за зелените финансии
- Вработувањепред 1 месец
Оглас за вработување во НЛБ Банка АД Скопје
- Вработувањепред 2 месеци
Оглас за вработување во ТТК Банка АД Скопје
- Банкипред 4 недели
Диомидис Николетопулос останува на челната позиција во Стопанска банка АД – Скопје
- Вработувањепред 1 месец
Оглас за вработување во Капитал Банка АД Скопје