Connect with us
no baners

Бизнис

Започна 8мата Конференција за е-трговија: Инспирација, иновации и нетворкинг на едно место

Објавено

пред 6 дена

на

Денес во Националната опера и балет започна осмото издание на Регионалната конференција за е-трговија, најголемиот регионален настан посветен на развојот на е-трговијата. Под слоганот „Fasten the Future“, конференцијата и оваа година ја поставува сцената за иднината на дигиталнaта економија, спојувајќи е-трговија, маркетинг и вештачка интелигенција како двигатели на растот на бизнисите.

Настанот собра над 850 учесници од повеќе од 10 земји, со повеќе од 25 говорници од водечки глобални, регионални и домашни компании. За првпат, конференцијата се одвива паралелно на две сцени, главната сцена со 13 инспиративни обраќања и 1 e-commerce арена, и hands-on сцената со 5 интерактивни практични сесии, нудејќи уникатно искуство што ги спојува инспирацијата и практиката, додека експо-зоната ги претставува најновите решенија од индустријата.

Конференцијата ја отвори д-р Нина Ангеловска Станков, претседателка на Асоцијацијата за е-трговија на Македонија (АЕТМ), која истакна дека регионот конечно тргна со побрз чекор, а сега е време за забрзување кон дигиталната иднина.

„Екосистемот на е-трговија е комплексен, зависи од многу алки и истата придонесува за целокупната дигитална иднина на земјите. Нејзиното забрзување дава основа за подготвеноста да се искористи потенцијалот на дигиталната револуција вклучувајќи ја и вештачката интелигенција. Така ако минатата година го отплеткувавме потенцијалот кога темата на конференцијата гласеше “Unlocking Potential”, оваа година го заврзуваме појасот и се подготвуваме за забрзано патување кон иднината со е-трговија, од таму и темата оваа година “Еcommerce: Fasten the future”​, а во фокус на програмата е вештачката интелигенција. Е-трговијата продолжува да расте и тоа во некои сегменти драго ми е што гледаме забрзан раст. Сепак и покрај охрабрувачкот раст Западен Балкан има уште многу работа за да се доближи до развиените европски земји. Конференцијата секоја година на едно место ги собира сите засегнати страни за да дискутираме за случувањата, предизвиците, трендовите и солуциите како да го забрзаме прогресот, а секако нуди и можности за поврзување и остварување нови контакти. Оваа година имаме рекорден број на учесници од целиот регион, чест ни е што сме домаќини на еден ваков значаен настан како за домашната е-трговија така и за регионалната.” – изјави д-р Нина Ангеловска Станков, претседателка на Асоцијацијата за е-трговија на Северна Македонија.

Свое воведно обраќање имаше и Министерот за дигитална трансформација на Република Северна Македонија, Стефан Андоновски, кој нагласи дека е-трговијата е еден од клучните двигатели на дигиталната економија.

“Владата на Република Македонија ја потврдува својата посветеност кон унапредување на електронската трговија како двигател на економијата, преку спроведување на јасна стратегија за дигитална трансформација, зајакнување на интероперабилноста и намалување на административните пречки за граѓаните и компаниите. E-трговијата веќе не е алтернативен, туку доминантен економски модел, кој бара силна поддршка од државата преку модерни дигитални платформи, регулаторна предвидливост и иновации ориентирани кон пазарот. Интероперабилноста што ја бесплатно ја овозможивме за повеќе од 76 институции и компании – со повеќе од 2.6 милиони безбедни трансакции месечно и раст од 260% – претставува не само успех на администрацијата, туку можност за приватниот сектор. Таа отвора простор за дигитални услуги, безбедна размена на податоци, брз пристап до потребните административни податоци и нови бизнис-модели што ја поврзуваат државата и компаниите во еден заеднички дигитален екосистем. Во рамки на поддршката за мали и средни претпријатија, Министерството за дигитална трансформација преку Европскиот дигитален иновациски хаб – INNOFEIT EDIH, им овозможува на компаниите пристап до лаборатории, дигитални алатки и експертска поддршка за тестирање нови технологии пред инвестирање. Овој хаб нуди и обуки за дигитални вештини во областа на вештачка интелигенција, сајбер-безбедност, автоматизација и интернет на нештата, со цел да ја зголеми конкурентноста на домашните компании на европскиот пазар. Во истата насока, Националниот центар за вештачка интелигенција – Везилка, развива АИ решенија применливи и во приватниот сектор, со што создава услови електронската трговија да стане поефикасна, попаметна и побезбедна. Намалувањето на бирократијата и отворањето на податоците за бизнис-заедницата се клучни за модерна држава. Владата создава инфраструктура каде иновацијата е во центарот, а граѓаните и компаниите се вистинските корисници на дигиталната трансформација. Во следниот период, Владата ќе продолжи да инвестира во дигитална инфраструктура, унапредување на екосистемот за иновации, како и во програми за поддршка на стартапи и претприемачи во дигиталната економија.”, рече министерот Андоновски.

Ангеловска на конференцијата ги презентираше клучните сознанија од анализата “Western Balkans Ecommerce Insights, 2025”.

„Традиционално конференцијата ја започнуваме со презентација на клучните сознанија од годишната анализа на е-трговија која по втор пат ја изработуваме за Западен Балкан. Целта е да согледаме што е постигнато, до каде сме стигнале и кои предизвици стојат пред нас за побрз раст, бидејќи растот е евидентен, но сè уште недоволен за да се фати чекор со развиените земји. Имено регионот бележи континуиран раст во бројот на онлајн купувачи и вредноста на е-пазарот. Србија и Македонија се издвојуваат со највисоки стапки на дигитална активност, при што над 60% од интернет корисниците веќе купуваат онлајн. Во Црна Гора, Албанија и Босна и Херцеговина растот е динамичен, но нивото на користење на онлајн купувањето сè уште останува под 50%. Што се однесува до поврзаноста и користењето на Интернетот може да се каже дека е на задоволително ниво во споредба со развиените земји, но истиот најмногу се користи за телефонирање, комуницирање и социјални медиуми додека кога станува збор за попродуктивни активности како на пр. е-банкарство земјите од Западен Балкан се значајно под европскиот просек. Така во Македонија 40% од интернет корисниците користат е-банкарство додека 72% во ЕУ. Позитивно е што има прогрес и кај доставата, која соласно минатогодишната анализа беше најголем предизвик за е-трговците – Индексот на поштенски развој забележува прогрес во регионот, а Македонија и БиХ имаат особено подобрување во ефикасноста на поштите, иако се се уште далеку од ЕУ земјите. Оваа година за прв пат го анализиравме и Индексот за подготовеност за Вештачка Интелигенција (ВИ), а податоците зборуваат дека регионот не е се уште подготвен да ги искористи придобивките од ВИ како за работа така и за е-трговија. Само 2% од компаниите во Западен Балкан користат AI алатки, а само 1% од македонските. Само 27% од компаниите во Западен Балкан продаваат онлајн, а само 19% од македонските. Дигиталната зрелост на регионот е се уште на ниско ниво и за да фатиме чекор со Европа потребно е забрзано да се движиме. Може да заклучиме потенцијалот за раст е голем. Со целно вложување во дигитална едукација, модернизација на плаќањата, подобрување на логистиката и примена на вештачка интелигенција, земјите од Западен Балкан можат значително да ја забрзаат дигиталната трансформација и да изградат поконкурентен и интегриран регионален пазар на е-трговија до 2030 година.“ – истакна Ангеловска.

Иако напредокот е значаен, предизвиците остануваат бројни: доминацијата на плаќањето при достава, ограничената доверба во дигиталните плаќања, како и недоволната логистичка и дигитална инфраструктура. Дополнително, ниската дигитална писменост и слабата интеграција на јавните и финансиските дигитални услуги го забавуваат целосниот развој на дигиталната економија.

Меѓу говорниците се претставници од глобални брендови како Dolce & Gabbana, TikTok, Booking.com, Wolt, Publicis Groupe, Direct Media, Bigburg, Korpa, Brainster Next и други, кои
споделуваат како иновативноста, креативноста и технологијата заедно ја обликуваат иднината на е-трговијата.

Со континуиран раст и силна поддршка од бизнис заедницата, Регионалната конференција за е-трговија го зацврстува својот статус како централна платформа за инспирација, учење и поврзување во регионот. Асоцијацијата за е-трговија на Македонија (АЕТМ) го истакнува огромниот интерес за темите поврзани со е-трговија, потврден преку рекордна посетеност и новите партнерства во годинешното издание.

Конференцијата е поддржана од Visa како платинум партнер, Halkbank како стратешки партнер, Korpa како партнер за храна и достава, Brainster како AI партнер, A1 како дигитален партнер, а Ananas и Casys како златни партнери. Сребрени партнери се Комерцијална банка, IUTE, Филип Морис Интернационал, Сава пензиско друштво, Гранд Скопје, Public Cloud Group и Wolt, заедно со повеќе бронзени партнери.

Слични Теми:

Бизнис

Microbalkans 2025: Никола Јошевски за усогласувањето на правните рамки со директивите на ЕУ

Објавено

пред 1 ден

на

Никола Јошевски, генерален менаџер и сопственик на Mint Fintech Group и претседател на Групацијата на финансиски друштва при Стопанската комора на Македонија, учествуваше на престижната регионална конференција Microbalkans 2025, што се одржа во Дубровник, Хрватска, од 5 до 7 ноември 2025 година.

Како панелист на високопрофилната дискусија „Усогласување на правните рамки со директивите на ЕУ“, Јошевски се приклучи на водечки европски партнери и институции кои активно придонесуваат за развојот на социјалните финансии во регионот на Западен Балкан. 

Панелот се фокусираше на регулаторната хармонизација, финансиската инклузија, платните системи и усогласувањето со процесот на пристапување кон ЕУ, со посебен акцент на улогата на микрофинансиските институции и финтек решенијата во одржливиот развој и регионалната соработка.

Во своето обраќање, Јошевски ја нагласи потребата од создавање на стабилен и интегриран финансиски систем што ги надминува класичните регулаторни рамки, посочувајќи: „Главниот предизвик не е само во пренесувањето на директивите на ЕУ во националното законодавство, туку во создавањето на целосен екосистем – таков што нè прави конкурентни, инклузивни и силни дома.“

Панелот поттикна значајна дискусија за иднината на финансиската регулатива во регионот и улогата на микрофинансиските институции во зајакнување на финансиската стабилност, транспарентност и дигитална трансформација.

Конференцијата Microbalkans 2025, поддржана во рамките на соработката со Европската унија, го обедини врвот на експертизата од Европа и Западен Балкан, создавајќи дијалог за унапредување на социјалните финансии, микрокредитирањето и финтек иновациите.

Присуството на Mint Fintech Group на овој настан уште еднаш ја потврди посветеноста на компанијата кон модернизација на финансискиот сектор во Македонија, создавање инклузивна економија и промовирање европски вредности во финансиските услуги.

Со своето учество, Јошевски ја зацврсти позицијата на Македонија како активен партнер во градењето на современ, конкурентен и одржлив финансиски екосистем, кој ја поврзува регионалната соработка со европските стандарди и отвора нови можности за раст и развој.

Продолжи со читање

Бизнис

Вештачката интелигенција во фокусот на 8-та Регионална конференција за е-трговија

Објавено

пред 3 дена

на

Во атмосфера полна со енергија, инспирација и нови идеи, овогодинешната 8-ма Регионална конференција за е-трговија уште еднаш покажа зошто е најочекуваниот настан за дигиталната заедница во регионот. Националната опера и балет на 4 ноември беше преполна со менаџери, маркетери, претприемачи, претставници на организации и лидери кои дојдоа да ја „забрзаат“ иднината под мотото „Fasten the Future“. Со повеќе од 900 учесници од над 10 земји и 25 говорници од водечки глобални и локални компании, конференцијата уште еднаш го постави Скопје на мапата на регионалните центри за е- трговија и дигитална трансформација.

Со две паралелни сцени кои создаваа динамичен простор каде идеите, технологијата и инспирацијата се преплетуваа, оваа година настанот го надмина концептот на класична конференција и се претвори во жив екосистем кој ги обедини податоците, однесувањето на потрошувачите, лидерството, маркетингот и вештачката интелигенција. Така, е-трговијата уште еднаш ја потврди својата централна улога во поврзувањето на бизнисите, потрошувачите и технологијата, создавајќи нови можности и стандарди.

Меѓу главните теми, особено се издвојуваше вештачката интелигенција (AI) – реалност што веќе го менува начинот на кој бизнисите размислуваат, комуницираат и создаваат вредност. Преку креативни презентации и дискусии на експерти од водечки компании како TikTok, Booking.com, Dolce & Gabbana и други, учесниците слушнаа како AI влијае врз маркетингот, персонализацијата, плаќањата и безбедноста, но и како иновативноста, креативноста и технологијата заедно ја обликуваат иднината на е-трговијата.

Од Асоцијацијата за е-трговија истакнуваат дека конференцијата годинава го надмина секое очекување и потврди дека заедницата расте со брзина на која треба да се гордееме. Тие нагласија дека темата за AI ја отвори значајната дискусија за тоа како технологијата може да ја подобри оперативноста и продуктивноста и со тоа да го забрза растот на е-трговијата, како и како да ја поттикне довербата, транспарентноста и иновативноста во дигиталниот свет.

Со инспиративни говори, одлична организација и рекордна посетеност, конференцијата уште еднаш ја потврди својата улога како водечки регионален настан што ги спојува иновацијата, технологијата и претприемништвото. Конференцијата испрати јасна порака: вештачката интелигенција е темел врз кој се гради иднината на е-трговијата и се овозможува на бизнисите да создаваат попаметни, поодговорни и поиновативни решенија.

Инаку, конференцијата оваа година беше поддржана од Visa како платинум партнер, Halkbank како стратешки партнер, Korpa како партнер за храна и достава, Brainster како AI партнер, A1 како дигитален партнер, а Ananas и Casys како златни партнери. Сребрени партнери беа Комерцијална банка, IUTE, Филип Морис Интернационал, Сава пензиско друштво, Гранд Скопје, Public Cloud Group и Wolt, заедно со повеќе бронзени партнери.

Продолжи со читање

Бизнис

Есенски Планови, Есенски Трошоци? Време е за Промо Кредит!

Објавено

пред 3 дена

на

Што ако оваа есен конечно си дозволите сè што одложувавте, без грижи за трошоците?  Со Минт Кредит и нашиот најповолен потрошувачки кредит, Промо Кредит, тие повеќе не се пречка.

Есента е период на нови почетоци. Нови планови, нов ритам, нови обврски. Сонцето сè уште грее, но деновите се пократки а времето е идеално за средување на сè што сте одложувале, бидејќи оваа есен, заслужувате финансиска поддршка, што ви нуди брзина, едноставност и сигурност.

Најповолен потрошувачки кредит што ве држи во чекор со промените на сезоната

Есента носи нови приоритети: семејни трошоци, училишни трошоци, домашни поправки или обновување на гардеробата за студените денови. Зошто да чекате во редици или да губите време на шалтери, кога сè може онлајн, со одговор за само 10 минути?

Минт Промо Кредит ви нуди можност да ги остварите своите желби со потрошувачки кредит со најповолни услови, лесна процедура и доверлив партнер покрај себе.

Со износи достапни од 60.000 до 1.000.000 денари, рок на отплата од 12 до 84 месеци, и со фиксна каматна стапка од само 7%, нашиот Промо Кредит е прилагоден на вашите потреби и финансиски можности.

Флексибилност што се прилагодува на вашите планови

Секој ја доживува есента на свој начин, некој се подготвува за зимата, некој инвестира во нов проект, а некој едноставно сака да си го направи домот поудобен.

Со нашиот Промо Кредит, имате можност да ја изберете сумата и рокот што најмногу одговараат на Вашиот буџет. Оваа флексибилност е причината зошто Промо кредитот се смета за најповолен потрошувачки кредит, затоа што секогаш се прилагодува на Вас.

Онлајн и секогаш достапен – дури и кога надвор врне

Замислете: додека надвор паѓа дожд, вие со топло кафе и неколку клика ги решавате вашите финансиски потреби. Толку е едноставно. Аплицирајте онлајн, 24/7, кога и каде што ви одговара.

Процесот трае само неколку минути, а одговорот го добивате за 10 минути. Нема потреба од документи, банки и гужви, само неколку клика и вашето барање е готово.

Финансиска сигурност во период на промени

Есента секогаш носи повеќе трошоци од очекуваното: нова облека за децата, поголеми сметки за струја, поправки пред зимата, па дури и планирање на празничниот период.

Со Промо Кредит од Минт Кредит, секој од тие предизвици станува полесен. Секогаш точно знаете колку ќе плаќате и кога, без изненадувања. Тоа е сигурност што ви овозможува да уживате во сезоната без грижи.

Сè што Ви треба за една уредна, мирна и топла есен

Без разлика дали сакате да направите мала промена дома, да инвестирате во нешто ново или едноставно да си создадете финансиска резерва – со најповолниот потрошувачки Промо Кредит од Минт, тоа е лесно и достапно.

Со неколку едноставни чекори, добивате средства што ќе Ви помогнат да ја направите есента точно онаква каква што сакате: организирана, стабилна и без притисок.

4 едноставни чекори до Промо Кредит

Понекогаш најтешкиот дел од остварувањето на вашите планови е – првиот чекор. Преку Минт Кредит, процесот е поедноставен од кога било. Еве како за само неколку минути може да дојдете до потребната финансиска поддршка.

1.     Аплицирајте онлајн

Посетете ја Минт Кредит и изберете го нашиот Промо Кредит, износот и рокот за отплата што ви одговара. Без редици, без хартија – целосно дигитално.

2.     Пополнете ги основните податоци

Само неколку минути ви се потребни да ги внесете потребните информации. Нема непотребни прашања – само она што навистина е важно за да дојдете до потребната финансиска поддршка брзо.

3.     Почекајте брз одговор

Нашиот систем веднаш ја обработува вашата апликација. Од моментот на поднесување, добивате повратна информација во најкратко можно време. Во повеќето случаи, одговорот го добивате за помалку од 10 минути.

4.     Износот е на вашата сметка

Откако апликацијата е одобрена, средствата веднаш се префрлаат на вашата банкарска сметка без чекање. Толку е едноставно со нашиот најповолен потрошувачки кредит.

Промо Кредит – Потрошувачки кредит со најповолни услови за топла есен

Не дозволувајте плановите да чекаат подобри времиња, оваа есен е вистинскиот момент! Минт Промо Кредит, е најповолниот потрошувачки кредит и финансиската поддршка што ги олеснува притисоците. Со 7% фиксна камата, одговор за 10 минути и средства на сметка веднаш, нема причина за одложување.

Аплицирајте денес и овозможете си финансиска удобност во сезоната на промени. Затоа што вистинската топлина оваа есен не доаѓа само од радијаторот, туку од чувството на сигурност што го дава нашиот најповолен потрошувачки кредит – Промо Кредит.

Доколку имате прашања контактирајте нѐ на 15 107 или посетете нѐ во една од нашите филијали ширум државата.

ПР објава

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange