Connect with us

Банки

Вицегувернерката Митреска: Домашниот банкарски систем може да ја поддржи потребната структурна трансформација на економијата

Објавено

пред 2 години

на

„Изминативе три години банкарскиот систем покажа голема отпорност на кризи од невидени размери. Не само што ја задржа својата стабилност, туку истовремено обезбедува постојана финансиска поддршка за приватниот сектор, придонесувајќи за побрзо закрепнување на економијата.“ Ова го посочи вицегувернерката, Ана Митреска, која учествуваше на Скопскиот економски форум II, на панел-дискусијата „Стратегии за одржување на економскиот раст во време на неизвесност“, на која учествуваа и министерот за финансии, Фатмир Бесими, и потпретседателот на Стопанската комора, Зоран Јовановски.

Вицегувернерката во своето излагање рече дека во фаза на две последователни глобални кризи, банкарскиот систем обезбедува кредитна поддршка со годишен раст во распон од 8 ‒ 9%, а финансиите не се насочуваат само кон секторот „население“, туку значително се зголемува поддршката и за корпоративниот сектор. Околу 60% од растот на кредитите во 2022 година се должат на кредитирањето на корпоративниот сектор, што претставува најсилна финансиска поддршка за овој сектор во изминатиов период. Се разбира ова беше период и кога компаниите имаа потреба од ликвидност за обртни средства во услови на енергетска криза, но нашите анкетни податоци покажуваат дека побарувачката на кредити е поттикната и од потребите на претпријатијата од инвестиции. Истовремено, показателите за кондицијата на банките се поволни. Капитализираноста е на ниво близу 18%, а квалитетот на кредитното портфолио е добар, со учеството на лошите пласмани во вкупните пласмани, на историски ниско ниво од под 3%.

„Банкарскиот систем се соочи со кризите во солидна кондиција, што се должи на силната регулативна и супервизорска рамка, усогласена со највисоките меѓународни стандарди и внимателните политики на банките. „Во тековната криза, во која се испреплетуваат ризиците од повисоката инфлација, понискиот раст, енергетската криза, како регулатор делуваме проактивно на планот на осигурувањето доволно капитал во банките за да се ублажат потенцијалните ризици. Така, на пример, во два наврата ги зголемуваме барањата за капитал во форма на противцикличен заштитен слој за вкупно 0.75 п.п.“, вели Митреска.

„Оттука, македонската економија има добро поставен банкарски систем којшто може во еден дел да ја поддржи структурната трансформација на економијата, којашто ни е потребна“, истакнува вицегувернерката. Таа подвлече дека дополнителната финансиска поддршка насочена кон економска диверзификација, одржлив енергетски сектор, одржливи проекти од аспект на околината, дигитализацијата и иновациите може да придонесе за зголемување на потенцијалот за раст на економијата и општата благосостојба.

Слични Теми:

Банки

Пауел: ФЕД ќе почека со каматните стапки, трговските политики внесуваат зголемена економска неизвесност

Објавено

пред 17 часа

на

Гувернерот на американската централна банка (Федерални резерви), Џером Пауел, изјави дека ФЕД ќе ја задржи моменталната монетарна политика и ќе почека со евентуални промени на каматните стапки додека не добие појасни сигнали за насоката во која се движи економијата на САД.

Во своето обраќање, внимателно следено од економистите, инвеститорите и пазарните аналитичари, Пауел предупреди дека трговската политика на американската администрација, особено воведувањето царини, може да предизвика девијации од двата основни приоритети на ФЕД – ценовната стабилност (инфлација од околу 2%) и максималната вработеност.

„Економијата може да се соочи со предизвици доколку тарифите ги зголемат ценовните притисоци, а растот и пазарот на труд може да забават. Ова може да доведе до понатамошни отстапки од таргетираната инфлација од 2 проценти и максимална вработеност – двата основни приоритети на Фед“, изјави Пауел.

Тој ја опиша нестабилноста на пазарите како очекувана реакција на глобалните трговски тензии, но додаде дека сè уште нема индикации за системска економска криза која би барала итна интервенција на ФЕД. Сепак, предупреди дека ефектите од новите тарифи се посилни отколку што укажуваа дури и најпесимистичките сценарија.

„Ефектите од царините се посилни отколку што укажуваа дури и најпесимистичките сценарија на Фед, а растот на економијата видливо забавува. Потрошувачката е скромна, а зголемениот увоз во обид да се избегнат новите царини може негативно да се одрази врз бруто-домашниот производ. Дополнително, економското расположение кај бизнисите и потрошувачите се влошува“,нагласи Пауел.

Иако економијата формално останува во солидна состојба, Пауел забележа дека неизвесноста околу идните движења станува сѐ поголема. Неговите коментари веднаш предизвикаа реакција на Волстрит, американските технолошки и индустриски индекси бележат пад, а тргувањето продолжи во негативна насока.

ФЕД останува внимателен и фокусиран на новите макроекономски податоци, додека пазарните учесници будно ги следат сигналите за можни идни насоки на монетарната политика.

Продолжи со читање

Банки

Предупредување од Комерцијална банка: Забележана е нова измамничка e-mail кампања

Објавено

пред 18 часа

на

Комерцијална банка АД Скопје ја информира јавноста дека е детектирана нова форма на измамничка кампања преку електронска пошта, при што се испраќаат лажни пораки во име на Комерцијална банка и известува за пристигнат прилив.

Во рамки на оваа измамничка кампања, испраќачот користи стара e-mail порака, која на прв поглед изгледа како автентична комуникација од Комерцијална банка, при што ја проследува со додавање на текстот: „Почитуван клиент, приложена потврда за прилив.“

Овие пораки содржат прилог (attachment) со наслов од облик:
„Прилив-283-687…pdf….xz“ или „Прилив-83-679…pdf…rar“ кои во себе содржат злонамерна датотека.

Особено е важно да се обрне внимание на e-mail адресата на испраќачот, иако визуелно може да изгледа како да доаѓа од Банката, реалната адреса е:
[email protected], која не е од доменот на Комерцијална банка и претставува обид за фишинг.

Доколку добиете ваква порака, не ги отворајте прилозите, не ја препраќајте и избришете ја!

Целта на овие пораки е инсталирање на малициозен софтвер и/или прибирање лични податоци кои подоцна може да бидат злоупотребени. Комерцијална банка ги повикува сите корисници на електронска пошта да постапуваат внимателно, да проверуваат детално од кого доаѓа пораката и да не отвораат сомнителни прилози.

Споделете ја оваа информација со вашите колеги, пријатели и семејство за да се спречи потенцијална штета.

Продолжи со читање

Банки

Соопштение од Стопанска банка АД – Скопје: Неработни денови за велигденските празници

Објавено

пред 2 дена

на

Стопанска банка АД – Скопје ги информира своите клиенти дека поради претстојните велигденски празници, филијалите на Банката нема да работат на следните денови:

  • Петок, 18 април 2025 година – Велики Петок
  • Понеделник, 21 април 2025 година – Втор ден на Велигден

За време на празниците, на располагање ќе бидат сите i-bank дигитални услуги, вклучувајќи ги мобилното и електронското банкарство (m-banking и e-banking), банкоматите на Стопанска банка, како и широката партнерска мрежа на трговци кои прифаќаат картички издадени од Банката.

ЗАБЕЛЕШКА: Согласно официјалниот календар, МИПС плаќањата ќе бидат достапни само во петок, 18 април 2025 година.

Раководството и вработените на Стопанска банка АД – Скопје на сите клиенти и соработници им ги честитаат велигденските празници, со желби за здравје, среќа и благосостојба.

Продолжи со читање

Популарно