Connect with us

Банки

ТТК Банка АД Скопје ја зголеми добивката за 36,6 проценти!

Објавено

пред 1 година

на

Во периодот од 1.1.2023 до 30.6.2023 година, ТТК Банка АД Скопје дејствуваше во насока на остварување на своите приоритетни цели и задачи дефинирани во Деловната политика и во Финансискиот план на Банката за 2023 година.

Во анализираниот период, во услови на изразена економска и енергетска криза, динамичен пазар и силна конкуренција, применувајќи го одржливиот, ефикасен и традиционален деловен модел, ТТК Банка АД Скопје генерираше позитивен финансиски резултат кој се темели на реализација на поставените стратегиски цели за ефикасно функционирање како основа за понатамошен контролиран раст.

Во ваков специфичен економско-социјален амбиент, преку приспособлива стратегија на работење и преку посебна интерна посветеност, ТТК Банка АД Скопје забележа позитивен финансиски резултат, темелен на здрава основа и во согласност со амбиентот. Заклучно со 30.6.2023 година, финансискиот резултат изнесува 56,2 милиони денари, што претставува повисок резултат за 36,6% во однос на истиот период минатата година. Повисокиот финансиски резултат се должи, пред сè, на забрзаниот раст на оперативните приходи од 6,9%, при контролиран раст на оперативните расходи од 0,7%. Во истиот период, исправката на вредноста на финансиските средства на нето-основа изнесува 26,9 милиони денари.

ТТК Банка АД Скопје како активен, стабилен и етаблиран учесник на македонскиот финансиски пазар, на 18.5.2023 година, успешно го финализираше процесот на зголемување на основната главнина преку скрип емисија на нови акции по пат на приватна понуда и го зголеми својот почетен капитал (основна главнина) за износ од 57.698.000 денари.

Вкупниот капитал по извршената скрип емисија на 965.586 обични акции со номинална вредност од 1.000 денари изнесува 965.586.000 денари, со што дополнително се зајакна билансот на состојбата на Банката.

Сето ова ја одразува посветеноста на ТТК Банка АД Скопје за обезбедување иновативни решенија за своите акционери, за создавање дополнителна вредност за нив и посветеност да им обезбеди нови можности и придобивки од нивните инвестиции во Банката на долг рок.

Финансиски остварувања на Банката

Нето-приходите од камати претставуваат основна компонента во формирањето на вкупните приходи од работењето на Банката. Остварените нето-приходи од камати во периодот од 1.1.2023 до 30.6.2023 година изнесуваат 145,8 милиони денари и во однос на планот се остварени со 100%. Во однос на истиот период минатата година зголемени се за 26,9 мил. денари или 22,7%.

Нето-приходите од провизии и надоместоци за услуги во тековниот период изнесуваат 86,4 милиони денари. Најголем придонес во генерирањето на приходите од провизии имаат провизиите од домашниот платен промет, како и провизиите од картично работење, кои бележат пораст, во најголем дел, заради зголемените приходи од провизии од услугите реализирани преку проширената мрежа на банкомати и зголемениот обем на работењето со картичките. Во однос на планот за овој период, нето-приходите од провизии и надоместоци за услуги се остварени со 100%.

Нето-приходите од курсни разлики изнесуваат 7,2 милиони денари и бележат годишен раст од 12,9% како резултат на зголемениот обем на тргувања на девизниот и на менувачкиот пазар. Во однос на планот се остварени со 109%.

Останатите приходи од работењето на Банката изнесуваат 27,2 милиони денари како резултат, пред сẻ, на реализирани приходи од капитална добивка од продажба на преземени средства. Во однос на планот истите се остварени со 64%.

Вкупните оперативни трошоци во анализираниот период изнесуваат 179,4 милиони денари и се за 0,7% повисоки во однос на истиот период минатата година, како резултат, во најголем дел, од повисоките трошоци за плати. Во однос на планот се остварени со 97%.

Периодот на посилен раст на приходите на банката се искористи за јакнење на капацитетот за справување со идни кредитни загуби, со што исправката на вредноста на финансиските средства и на посебната резерва за вонбилансна изложеност на нето-основа изнесува 26,9 милиони денари и е повисока за 10,9% во однос на 30.6.2022 година и таа соодветствува со обемот, структурата и квалитетот на пласманите на Банката.

Во текот на првото полугодие од 2023 година прокнижена е загуба заради оштетување на нефинансиските средства во износ од 4,9 милиони денари.

Слични Теми:

Банки

НЛБ Банка донираше 200 компјутери за основните училишта во земјава

Објавено

пред 7 часа

на

На почетокот на второто полугодие, НЛБ Банка донираше 200 компјутери на основни училишта ширум Македонија, како дел од иницијативата за поддршка на дигитализацијата на образованието. Со оваа донација, Банката има за цел да го олесни пристапот на учениците до современите технологии, кои се неопходни за нивниот образовен и личен развој.

„Компјутерите ќе им помогнат на учениците да се подготват за иднината, нудејќи им алатки кои ќе го збогатат нивниот процес на учење“, истакнуваат од НЛБ Банка.

Една од клучните вредности на овој проект е промоцијата на одржливоста и повторната употреба на опремата. Компјутерите, кои претходно ѝ служеа на Банката, се надградени и дополнети со нови монитори, тастатури и глувчиња. Со тоа, не само што се продолжува животниот век на уредите, туку и се намалува електронскиот отпад, што е значаен придонес кон заштитата на животната средина.

„Со оваа иницијатива покажуваме дека со внимателно планирање и инвестиции во образованието можеме да постигнеме многу – и за децата и за животната средина“, додаваат од Банката.

Донацијата претставува дел од пошироките активности на НЛБ Банка за поддршка на образованата инфраструктура и поттикнување на дигиталната инклузија. Со вложување во вакви проекти, Банката демонстрира посветеност кон подобрување на општеството и создавање подобри услови за идните генерации.

„Веруваме дека образованието и технологијата се клучни двигатели на позитивни промени. Наша цел е да ја поддржиме дигиталната трансформација и да ги инспирираме учениците да ги искористат можностите кои ги нуди современиот свет“, истакнаа од НЛБ Банка.

НЛБ Банка останува посветена на иницијативи кои промовираат одржливи решенија и позитивно влијание врз заедницата.

Продолжи со читање

Банки

Халкбанк доби меѓународната потврда за извонредност со две награди од Global Banking & Finance Awards

Објавено

пред 1 ден

на

Халкбанк АД Скопје е добитник на две награди од Global Banking & Finance Awards за 2024 година, кои ја потврдуваат нејзината посветеност на иновативноста, квалитетот и општествената одговорност.

Признанието „Најдобра банка за население во Македонија 2024“ е потврда за водечката позиција на Халкбанк во обезбедувањето современи и високо квалитетни услуги кои ги задоволуваат потребите на клиентите и кореспондираат со најновите банкарски трендови, овозможувајќи им брз, сигурен и лесен пристап до финансиски производи и услуги што го олеснува нивното секојдневие.

Во исто време, наградата „Најдобра банка за општествена одговорност во Македонија 2024“ ја истакнува улогата на Халкбанк како лидер во промовирањето корпоративна општествена одговорност преку поддршка на заедницата, иницијативи за одржлив развој и позитивно влијание врз општеството.

Халкбанк АД Скопје продолжува со својата мисија да биде доверлив партнер на клиентите и општеството, градејќи силни темели за одржлив раст и развој.

Продолжи со читање

Банки

Комерцијална банка 15 години е партнер на Црвениот крст за помош на децата и младите со попреченост

Објавено

пред 2 дена

на

Комерцијална банка со гордост го одбележува 15-годишното партнерство со Црвениот крст на Република Македонија – соработка која претставува симбол на заедничка посветеност за поддршка на најранливите категории во општеството.

Како Генерален покровител на проектот „Подобра социјализација на деца и млади со попреченост и психо-социјална поддршка на деца во згрижувачки семејства”, Комерцијална банка обезбедува финансиска поддршка за поквалитетен животот на над 300 деца и млади во земјава.

„Нашата поддршка е дел од нашата посветеност за создавање инклузивно општество, каде секое дете има можност за подобра иднина. Преку овој проект придонесуваме за: поттикнување на социјалната интеграција на децата и младите со попреченост, поддршка за обезбедување стабилна средина за развој на децата со попреченост, и подобрување на психо-социјалната благосостојба на децата и на нивните семејства.

Со ваквите иницијативи промовираме вредности во општеството, како емпатија, грижа и солидарност. Нашата соработка со Црвениот крст ги рефлектира нашата стратегија за општествена одговорност, која ја негуваме веќе 70 години, и нашата желба да бидеме активен партнер во градењето подобра иднина за сите”, велат од Комерцијална банка.

Продолжи со читање

Популарно