Бизнис
Што носат правилата на ЦЕФТА за електронска трговија за економијата и граѓаните?

Во светот на дигитализацијата, интернет трговијата доживеа просперитет. Само неколку клика нè делат од бројните придобивки што ги нуди онлајн пазарот – почнувајќи од широк избор на производи и услуги, заштеда на време, но и пари. Но, иако на прв поглед сè изгледа едноставно, зад сцената често се кријат комплексни процедури кои можат да ја забават размената и да го продолжат патот на стоките и услугите до крајните корисници.
Сето тоа го имаа на ум претставниците на ЦЕФТА за време на подготовката на Одлуката за олеснување на електронската трговија. Станува збор за документ кој чека зелено светло од Заедничкиот комитет на ЦЕФТА, а кој, доколку биде усвоен, ќе донесе бројни олеснувања за е-трговијата и ќе потврди дека сме чекор поблиску до европските стандарди.
Промена на пејзажот на е-трговијата во регионот
Стандардизацијата на правната рамка, како што велат, е основната цел на Одлуката за олеснета е-трговија. На тој начин, ЦЕФТА целосно би го променила пејзажот на е/трговијата во регионот, не само преку намалување на административните пречки и олеснување на движењето на стоките и услугите, туку и преку подобрување на заштитата на потрошувачите.
„Со овој документ се стремиме кон создавање на поедноставен, потранспарентен и побезбеден дигитален пазар, кое ќе поттикне понатамошен раст на е-трговијата, ќе ја зголеми конкуренцијата и ќе донесе придобивки и за потрошувачите и за економиите во регионот“, се вели во соопштението.
Што носи одлуката за граѓаните и економијата?
Одлуката за е-трговија на ЦЕФТА, како што се истакнува во соопштението, има далекусежни придобивки кои ги засегаат и животите на потрошувачите и на компаниите.
„Граѓаните пред сè добиваат широк избор на производи и услуги кои се достапни со еден клик. Земете за пример дека се наоѓате во Македонија и сакате да тргувате на е-трговска платформа во Србија, Босна и Херцеговина или пак Црна Гора. Одлуката на ЦЕФТА ќе ви овозможи да го направите тоа со леснотија и сигурност, знаејќи дека вашите права како потрошувач се заштитени и дека нема да бидете оптоварени со непотребна бирократија“, велат од ЦЕФТА.
Одлуката не е важна само за потрошувачите, туку, како што појаснија, и за компаниите.
„Македонските производители и трговци лено би можеле да ја зголемат својата понуда на сите земји членки на ЦЕФТА. Со усогласените правила на е-трговијата, бизнисот се шири, расте локалната економија, се отвораат нови работни места, а сето тоа без дополнителни административни пречки. Притоа, компаниите работат според правилата на својот домашен пазар, што целиот процес го прави поедноставен“, се истакнува во соопштението.
Безбедна и доверлива интернет трговија
Заштитата на потрошувачите е во фокусот на Одлуката за олеснета е-трговија, се наведува во соопштението, и се додава дека станува збор за поставување на заеднички стандарди усогласени со правилата на Европската унија, кои ја прават онлајн купопродажбата безбедна и доверлива.
„Кога тргувате на интернет, веб-страниците мора да ги задоволуваат стандардите за транспарентност и безбедност, обезбедувајќи јасни информации за продавачот, цените, условите за продажба. Одлуката исто така предвидува и право да ја откажете купопродажбата во рок од 14 дена без плаќање на пенали и да добиете поврат на парите. Испораката мора да биде извршена во рок од 30 дена, освен ако не е поинаку договорено, а ризикот од загуба или оштетување преминува на вас дури кога ќе ја примите стоката“, се наведува во соопштението.
Одлуката на ЦЕФТА за е-трговија не е само уште една бирократска иницијатива. Тоа, како што истакнаа, е промена која ги отвора вратите кон подинамичен и повеќе поврзан дигитален пазар.
„Без разлика дали сте потрошувач во потрага по поголем избор на интернет опции, претприемач кој сака да го прошири бизнисот, или економија која се стреми кон дигитален напредок, оваа одлука носи огромни придобивки. Кога ќе биде усвоена, ЦЕФТА ќе ги отвори вратите кон единствениот пазар на ЕУ, сигнализирајќи посветеност на транспарентноста, ефикасноста и усогласувањето со европските стандарди“, се заклучува во соопштението.
Бизнис
Design Thinking: Креативниот пристап што ги менува правилата на играта за младите претприемачи

Во свет каде што неизвесноста е единствената константа, успешните претприемачи се оние што знаат да се адаптираат, тестираат идеи и брзо донесуваат одлуки. Но, како да развиеш бизнис што навистина ги решава вистинските проблеми на пазарот? Како да го намалиш ризикот од неуспех, а истовремено да бидеш иновативен?
Одговорот го нуди Design Thinking – методологија што ја користат компании како Airbnb, Google и IBM за создавање услуги и продукти кои луѓето навистина ги сакаат и им требаат. Овој пристап одамна ја надминал границата на ИТ и технолошките компании – сега се користи и во финансии, производство, малопродажба, па дури и во здравствениот сектор.
На 19 февруари, за првпат во Битола, младите претприемачи од југозападниот регион ќе имаат можност бесплатно да научат како се применува Design Thinking, во рамките на работилницата „ProBiz Superpowers“, како дел од програмата за млади претприемачи поддржана од ПроКредит Банка и ЕБОР.
Зошто Design Thinking е важен за претприемачите?
99,7% од компаниите во Македонија се мали и средни претпријатија, а нивниот опстанок и раст зависат од способноста брзо да се адаптираат на пазарните услови.
„Design Thinking не е само алатка – тоа е начин на размислување кој ти помага да разбереш што навистина сакаат клиентите. Наместо да се претпоставува, се тестира, наместо да се инвестира во нешто несигурно, се создава решение што има реална вредност“, вели Александар Стамболиев, извршен директор на Бизнис Акцелератор УКИМ-БАУ.
Никола Огненовски, портфолио менаџер на УКИМ-БАУ, додава:“Она што го гледаме е дека стартапите и малите бизниси што го применуваат Design Thinking подобро ги презентираат своите идеи, побрзо наоѓаат инвеститори и полесно освојуваат нови пазари.”
Што ќе научат учесниците?
-Како да ги препознаваат вистинските потреби на корисниците.
-Како да дефинираат проблем што вреди да се решава.
-Како да генерираат идеи што носат вредност.
-Како да креираат прототипи и да ги тестираат пред да инвестираат во нив.
-Како да користат Design Thinking во развојот на својот бизнис.
Кој може да учествува?
Млади бизнис сопственици или управителидо 35 години. Работилницата е БЕСПЛАТНА, но бројот на места е ограничен.
Детали за работилницата
Локација: Utopia Business Club, Битола
Датум: 19 февруари 2025 (14:00 – 18:00)
Линк за пријавување: Design Thinking
Претприемништвото бара нови супермоќи – подготвени сте?
Ако сакате да го развивате својот бизнис како што тоа го прават најуспешните компании, оваа работилница е вашата можност да научите како Design Thinking може да ви помогне да создадете нешто што пазарот навистина го сака.
Резервирајте го вашето место веднаш!
Програмата ЕБОР “Млади во бизнис” е поддржана од Европската Унија, Шведска преку Шведската агенција за меѓународна развојна соработка, Италија преку Централноевропската иницијатива и Луксембург преку Фондот за малите бизниси на ЕБОР.
Програмата “Млади во бизнис” во Македонија единствено се пласира преку ПроКредит Банка и им помага на малите и средните претпријатија кои се во сопственост или управувани од млади претприемачи до 35 години да пристапат до знаење, експертиза, финансии и други клучни ресурси за да ги надминат своите предизвици и да го реализираат својот потенцијал. Целта на програмата е да поттикне раст, иновации и финансиско зајакнување, со што ќе се редефинира пејзажот за малите и средни бизниси кои се двигателите на економскиот развој во земјава.
ПР објава
Бизнис
X и Visa соработуваат за воведување на нова услуга за плаќања

Илон Маск, сопственикот на платформата X (порано позната како Twitter), објави партнерство со Visa за воведување на нова услуга за плаќања наречена „X Money Account“. Оваа услуга, која се очекува да биде достапна подоцна во 2025 година, ќе овозможи корисниците да вршат плаќања во реално време преку дигитален паричник интегриран во платформата. Корисниците ќе можат да вршат peer-to-peer плаќања поврзани со нивните дебитни картички и да префрлаат средства на банкарски сметки, користејќи ја услугата Visa Direct. Првично, оваа услуга ќе биде достапна за корисниците во САД.
Ова партнерство е дел од долгорочната визија на Маск да ја трансформира X во „апликација за сè“, слична на кинеската WeChat, која нуди различни функционалности како видео разговори, пораки, стриминг и плаќања. И покрај конкурентските и регулаторните предизвици, X има за цел да интегрира различни услуги и потенцијално да се прошири на меѓународни пазари и со други партнери за плаќања.
Оваа иницијатива е дел од пошироките напори на X да создаде нови извори на приходи и да ја намали зависноста од рекламни приходи. Платформата веќе има добиено лиценци за пренос на пари во 41 држава во САД и соработува со финансиски институции како Citibank, како и со платни провајдери како Stripe и Adyen.
Со ова партнерство, X и Visa имаат за цел да понудат безбедни и брзи платни услуги, овозможувајќи им на корисниците да вршат плаќања и трансфери на средства директно преку платформата X. Оваа соработка претставува значаен чекор во еволуцијата на X кон „апликација за сè“ и може да има значително влијание врз иднината на дигиталните плаќања.
Бизнис
Иуте ја проширува понудата на платежни услуги со лиценцирање на институција за електронски пари на Европскиот пазар.

Естонската групација Иуте, под чијашто капа работи Иуте Македонија, го проширува својот обем на делување во делот на платежните услуги и издавањето на електронски пари, со добиената лиценца за започнување со работа на IutePay во Бугарија, доделена од страна на Бугарската Народна Банка.Истото претставува голем исчекор, овозможувајќи ѝ на групацијата да ги прошири своите платежни услуги освен на Балканот и на тлото на Европа.
На овој начин, Бугарија се приклучува на албанската Иуте подружница, која ја доби лиценцата за електронски пари во 2022 година, додека во Молдавија групација Иуте нуди платежни услуги преку Energbank.
Со оваа лиценца корисниците ќе имаат можност да отворат платежни сметки за добивање на приливи по основ на плата, трансфер на пари во реално време, плаќање сметки за комунални услуги или отплата на рати по кредити.
“Лиценцата за институција за електронски пари е клучен чекор во стратегијата на групацијата да стане меѓународен давател на платежни услуги, на начин што нѝ овозможува да го прошириме делокругот на делување ширум сите пазари на ЕУ, нудејќи брзи, беспрекорни и клиентски ориентирани решенија за плаќање. Ова овозможува и на другите Иуте подружници и нивните клиенти пристап до инстант плаќања во евра, без разлика дали нивните земји имаат инфраструктура за инстант плаќања“, изјави Тармо Силд, Извршен директор на Групацијата.

Групацијата Иуте е финтек компанија основана во 2008 година во Естонија, специјализирана во делот на лични финансии, платежни услуги, банкарство и осигурителни производи. Иуте услужува клиенти во Албанија, Бугарија, Молдавија и Северна Македонија, притоа финансирајќи ги своите кредитни портфолија со капитал, депозити и обезбедени обврзници на регулираниот пазар на Франкфуртската и Балтичката берза.
Иуте Македонија како дел од Иуте Естонија, дигиталнонајмоќната земја во Европа, од својата мајка компанија гицрпи сите технолошки дигитални новини, имплементирајќиги и на домашниот пазар и корисници.
Во изминативе 15 години, Иуте еволуираше стабилно, од компанија за кредитирање во банкарска групација во повеќе бизнис сегменти, продолжувајќи цврсто и сигурно да ги следи зацртаните цели.
Потврда за истото беше и неодамна добиениот прв Фич рејтинг, како огромен успех и доказ за кредибилитетот. Групацијата исто така се најде на листата на елитни европски компании кои, според истражувањето на Фајненшал Тајмс (Financial Times) и Статиста (Statista), покажале континуиран, стабилен и одржлив раст на приходите во изминатата декада.
- Банкипред 2 недели
Комерцијална банка: Исплатата на пензиите за јануари започнува на 31 јануари
- Business Womanпред 2 месеци
Празничен оптимизам во пресрет на новите предизвици преку здрав раст, етичко и одговорно работење
- Банкипред 1 месец
Даниела Ѓоршевска нов член на Управниот одбор на Стопанска банка а.д. Битола
- Банкипред 2 недели
КОМЕРЦИЈАЛНА БАНКА ЈА ЗГОЛЕМИ ДОБИВКАТА ЗА НЕВЕРОЈАТНИ 40% – во 2024 година оствари добивка од рекордни 80,7 милиони евра!
- Банкипред 2 месеци
Континуиран растечки тренд на користењето на дигиталните канали за извршување на електронските плаќања
- Банкипред 2 недели
Добивката на ТТК Банка порасна за 2,9% и дојде до 1,76 милиони евра во 2024 година
- Банкипред 2 недели
Халкбанк АД Скопје: Јануарските пензии се веќе исплатени!
- Банкипред 2 месеци
Дигитална зона 24/7 и нов современ изглед доби Филијалата на Комерцијална банка во Струмица