Connect with us

Вработување

Оглас за вработување во Силк Роуд Банка АД Скопје

Објавено

на

СИЛК РОУД БАНКА АД СКОПЈЕ нуди можност за работа во динамична, квалитетна и пријатна работна средина, со можност за личен развој и професионален напредок.

Банката вработува РАКОВОДИТЕЛ НА ЕКСПОЗИТУРА ВО СКОПЈЕ, во Служба за мрежа на експозитури.

Дел од работните задачи на раководител на експозитура во Служба за мрежа на експозитури се следните:

  • Одговорност за постигнувањето на целите во експозитурата и следење на напредокот со давање предлози за остварување на деловните цели;
  • Овозможување поддршка на функционирањето на експозитурата, во соработка со соодветните служби на банката, со цел правилно работење и континуирано подобрување на експозитурата;
  • Реализација на таргетите за пораст на продажбата, приходите и одржување квалитетно ниво на услуга на клиентите;
  •  Организација на тимот со цел навремено и прецизно функционирање во работењето на експозитурата и развој на банкарските активности;
  • Соработка со корпоративниот сектор и службата за производи и поддршка на продажбата за можностите за вкрстена продажба;
  • Анализа на пазарните можности во географската област што ја покрива експозитурата и истражување на можностите за деловен развој;
  • Подготовка на извештаи за напредокот на продажбата во експозитурата, идентификација на критични прашања, со предлози за подобрување;
  • Одговорност за примена на политиката за спречување на перење пари и финансирање тероризам во секојдневните деловни активности;
  • Анализа на кредитното портфолио на експозитурата и континуирано преземање активности за намалување на стапката на нефункционални кредити на најниско ниво;
  • Грижа за усогласеност со правилата, прописите и процедурите на банката.

Кандидатите треба да ги исполнуваат следните квалификации:

  • Универзитетска диплома во областа на економија, финансии и банкарство
  • 3 години работно искуство, по можност раководна позиција во банкарски или друг финансиски сектор
  • Одлично познавање на MS Office (Word, Excel, Power Point)
  • Одлично познавање на англиски јазик
  • Добро познавање на локалниот пазар
  • Добро познавање на банкарските производи
  • Добри организациски и комуникациски вештини

Работното време е 8 часа дневно, односно 40 часа неделно, од понеделник до петок.

Заинтересираните кандидати кои ги исполнуваат наведените услови, потребно е да испратат кратка биографија и мотивационо писмо на македонски јазик на: vrabotuvanje@silkroadbank.com.mk со задолжителна назнака за “Раководител на експозитура во Скопје”, најдоцна до 31.05.2023 година.

Силк Роуд Банка замолува во Вашите апликации да не доставувате сензитивни податоци како националност, вероисповест како и детали за приватниот живот.

Само кандидатите кои ќе бидат избрани во потесен избор ќе бидат контактирани заради спроведување на интервју или тестирање.

Сите апликации ќе имаат третман на строга доверливост. Со доставувањето на Вашата апликација ќе се смета дека се согласувате Банката да може да ги обработува Вашите лични податоци за потребите на процесот на вработување.

Согласноста може да ја повлечете во секое време со доставување на барање за истото до Офицерот за заштита на лични податоци на e-mail адресата: privacy@silkroadbank.com.mk

Вработување

Платена практикантска работа во НЛБ Банка

Објавено

на

Млади ентузијасти НЛБ Банка ве мотивира да аплицирате на огласот за практикантска работа во:

  • Контакт центар;
  • Сектор за платни системи;
  • Сектор за правни работи и секретаријат;
  • Сектор за реструктуирање и управување со проблематични пласмани.

Твоите работни цели:

  • Административна поддршка, активности поврзани со архивирање, администрирање и внес на податоци;
  • Комуникација со клиентите за банкарските продукти и услуги преку телефонски
    разговори;
  • Активности поврзани со користење и администрирање на податоци за дигитални сервиси;

Твојот профил:

  • Универзитетско образование или студенти на додипломски/ постдипломскки студии;
  • Агилност, организираност и проактивност во градење добра тимска атмосфера;
  • Познавање на основни ИТ алатки, англиски јазик на основно/средно ниво;

Мотив да се придружиш на НЛБ Банка:

  1. Практична работа во времетраење од 3 до 6 месеци во препознатлив регионален бренд и современо работно опкружување;
  2. Можност за учење и менторство од врвни банкарски специјалисти;
  3. Позитивна организациска култура и меѓусебната доверба и грижа за вработените се основни начела во работењето;

НЛБ Банка Ве очекува да аплицирате со испраќање на CV на: nlbkariera@nlb.mk со назнака “Апликација за платена практикантска работа”, најдоцна до 14.06.2024 година.

Продолжи со читање

Вработување

Започнува караванот за финансиско советување на НЛБ Банка

Објавено

на

Од денеска, 20-ти мај, започнува едномесечниот караван на НЛБ Банка за финансиско советување за небанкарски продукти, кој Банката традиционално веќе четврта година по ред го организира во соработка со своите партнери Сава Осигурување, Триглав Осигурување Живот, Кроација Осигурување Живот, Генерали Инвестмент и Сава Пензиско Друштво.

Караванот има за цел да им овозможи на клиентите подобра информираност, советување и едукација за осигурителните продукти во делот на животно и неживотно осигурување, производи за инвестициско осигурување на живот и удели од инвестициски фондови, како и да ја зголеми свесноста кај клиентите за значењето на капиталното финансирано пензиско осигурување и придобивките од доброволниот пензиски фонд.

За времетраењето на караванот, во експозитурите на НЛБ Банка низ земјава, претставници на Банката и осигурителните компании ќе давааат стручни финансиски совети и информативни материјали, овозможувајќи им на сите заинтересирани детално да се информираат за небанкарските финансиски продукти кои се нудат преку НЛБ Банка, а воедно да добијат и промотивен подарок.

Локациите и времето на одржување на промотивните активности за време на караванот за финансиско советување може да ги најдете на социјалните мрежи на НЛБ Банка и друштвата за осигурување. Распоредот на караванот е достапен он-лајн и истиот можете да го погледнете ТУКА.

НЛБ Банка е водечка банкарска институција која постојано го унапредува своето портфолио на производи и услуги, овозможувајќи им на клиентите понуда на банкарски и небанкарски производи на едно место. Банката овозможува и советување, консултација и едукација на клиентите при носење на нивните финансиски одлуки, оптимално управување со средствата за задоволување на нивните моментални финансиски потреби и идеална финансиска стабилност со цел поквалитетен и подобар живот за нив.

Продолжи со читање

Вработување

Оглас за вработување во Стопанска банка АД – Скопје

Објавено

на

Стопанска банка АД – Скопје е банка со најдолга традиција на македонскиот пазар. Основана како прва банка во државата, во 1944 година ги постави темелите за банкарското работење и се уште претставува лидер во развојот и во спроведувањето на најсовремените финансиски производи за населението и за правните лица што работат во Северна Македонија, остварувајќи притоа одлични резултати благодарение на високот ниво на професионалност и усвоените европски принципи на работа.

Со цел проширување на својот тим, Стопанска банка АД – Скопје објавува оглас за вработување за следната работна позиција: Советник за одржливост.

Советникот за одржливост е одговорен за воспоставување и одржување на политики, процедури и стратегии поврзани со еколошките, социјалните и управувачките ризици (ризици од ЕСГ), како и подготовка на извештаи за одржливост во согласност со Директивата за корпоративно известување за одржливост (CSRD), Регулативата за таксономија на ЕУ, Регулативата за обелоденувањата поврзани со одржливоста во секторот за финансиски услови (SFDR), Кодексот за корпоративно управување, како и интерните процедури и политики на Банката и интерните процедури и политики на NBG Групацијата. Учествува во проекти од овие области како и проекти кои служат за подобрување на процесот на собирање и обработка на податоци, или било кој друг поврзан проект кој може да се појави во текот на работењето. Активно ја следи целокупната домашна и меѓународна регулатива во областа на животната средина, општествени прашања и корпоративно управување. Подгототвува извештаи и презентации за ESG перформансите, како и соодветен ангажман со инвеститори, регулаторни тела и други заинтересирани страни за прашања поврзани со ЕСГ.

Прочитајте го огласот во целост на следниот линк.

Продолжи со читање

Популарно