Connect with us

Вработување

Оглас за вработување во Комерцијална банка АД Скопје

Објавено

на

Доколку сакате да ги остварите Вашите желба и амбиција за професионален и кариерен развој во финансиска институција со долгогодишна традиција, која определбата за стабилност, ефикасност и иновативност ја гради со успешен и посветен тим професионалци, Комерцијална банка Ве поттикнува да аплицирате за вработување во Банката.

Работна позиција: Стручен соработник за превод во Одделение за SWIFT комуникација, Сектор за платежни услуги и надворешнотрговски инструменти во Скопје.

Тип на вработување: На определено време од 12 месеци, со можност на продолжување на неопределено време.

Работно време: 40 часа неделно.

Почетна основна нето-плата43.023 денари.

Огласот важи до 18.10.2023 година.

Работни цели и задачи:

  • Писмен превод и кореспонденција согласно потребите на организaционите единици во Банката;
  • Устен превод за потребите на Банката при посети од странство и при превод на седници на тела на Банката и за други потреби на Банката;
  • Проверка на превод на документи преведени од страна на други вработени во Банката, како и за други потреби на Банката.

Потребни квалификации и способности:                           

  • Универзитетска диплома – дипломиран/а на Универзитетот „Св. Кирил и Методиј“ при Филолошкиот факултет во Скопје на:

– Катедра за преведување и толкување,

– Катедра за англиски јазик и книжевност, преведувачко-толкувачка насока;

  • Одлично познавање на македонскиот литературен јазик, македонскиот правопис и граматика;
  • Најмалку 2 години искуство со преведување и толкување, пишано и вербално, односно паралелно преведување на пишани документи, како и работа со симултан/консекутивен превод на состаноци, семинари, настани;
  • За предност ќе се смета доколку кандидатот во досегашното работно искуство работел/а директно со странски државјани, странски компании и бил/a изложен/а на  мултикултурни средини;
  • Овластување за судски преведувач за англиски јазик;
  • Познавање на релевантна стручна терминологија од областа на банкарството и финансиите;
  • Познавање втор странски јазик ќе се смета за предност;
  • Познавање на MS Office алатки и Windows работна околина;
  • Доверливост при изработка на сите документи и кореспонденција со кои се среќава при вршењето на работата;
  • Висок личен интегритет и чесност;
  • Прецизност во извршување на работните задачи;
  • Ориентираност кон потребите на клиентите;
  • Адаптабилност во динамична работна средина;
  • Комуникациски вештини за работа во тим.

Придобивки за Вас:

  • Пријатна и тимска работна атмосфера во современи работни услови;
  • Обуки од ментори со висок степен на стручност и искуство;
  • Можност за личен и професионален развој, стекнување нови вештини и компетенции;
  • Доброволно приватно здравствено осигурување;
  • Учество во општествено одговорни и спортски активности, корпоративни настани, користење библиотека и сл.

Вие би биле одличен дел од тимот ако ги поседувате потребните вештини, се препознавате во овие вредности и имате силна мотивација за успех.

Аплицирајте на: веб-страницата на Банката на следниот линк https://kb.mk/vrabotuvanje.nspx , преку e-mail: vrabotuvanje@kb.mk или на адреса: Сектор за човечки ресурси и општи работи, Комерцијална банка АД Скопје, ул. Васил Иљоски бр.3, 1000 Скопје, со назнака: „Oглас за вработување на Стручен соработник за превод“.

Телефон за контакт (02) 3168-412

На интервју ќе бидат повикани само кандидатите кои ќе влезат во потесен круг.

Изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавени кандидати.

Напомена: Апликацијата за вработување ќе биде третирана како доверлива. Според Законот за заштита на личните податоци, со самото доставување на Вашата апликација за работа согласни сте Вашите лични податоци да се обработуваат во процесот на селекција на кадри во период од 1 година.

Освен за наведениот случај, Вашите лични податоци нема да бидат користени за ниту една друга цел ниту, пак, достапни на трети лица.

Вработување

Платена практикантска работа во НЛБ Банка

Објавено

на

Млади ентузијасти НЛБ Банка ве мотивира да аплицирате на огласот за практикантска работа во:

  • Контакт центар;
  • Сектор за платни системи;
  • Сектор за правни работи и секретаријат;
  • Сектор за реструктуирање и управување со проблематични пласмани.

Твоите работни цели:

  • Административна поддршка, активности поврзани со архивирање, администрирање и внес на податоци;
  • Комуникација со клиентите за банкарските продукти и услуги преку телефонски
    разговори;
  • Активности поврзани со користење и администрирање на податоци за дигитални сервиси;

Твојот профил:

  • Универзитетско образование или студенти на додипломски/ постдипломскки студии;
  • Агилност, организираност и проактивност во градење добра тимска атмосфера;
  • Познавање на основни ИТ алатки, англиски јазик на основно/средно ниво;

Мотив да се придружиш на НЛБ Банка:

  1. Практична работа во времетраење од 3 до 6 месеци во препознатлив регионален бренд и современо работно опкружување;
  2. Можност за учење и менторство од врвни банкарски специјалисти;
  3. Позитивна организациска култура и меѓусебната доверба и грижа за вработените се основни начела во работењето;

НЛБ Банка Ве очекува да аплицирате со испраќање на CV на: nlbkariera@nlb.mk со назнака “Апликација за платена практикантска работа”, најдоцна до 14.06.2024 година.

Продолжи со читање

Вработување

Започнува караванот за финансиско советување на НЛБ Банка

Објавено

на

Од денеска, 20-ти мај, започнува едномесечниот караван на НЛБ Банка за финансиско советување за небанкарски продукти, кој Банката традиционално веќе четврта година по ред го организира во соработка со своите партнери Сава Осигурување, Триглав Осигурување Живот, Кроација Осигурување Живот, Генерали Инвестмент и Сава Пензиско Друштво.

Караванот има за цел да им овозможи на клиентите подобра информираност, советување и едукација за осигурителните продукти во делот на животно и неживотно осигурување, производи за инвестициско осигурување на живот и удели од инвестициски фондови, како и да ја зголеми свесноста кај клиентите за значењето на капиталното финансирано пензиско осигурување и придобивките од доброволниот пензиски фонд.

За времетраењето на караванот, во експозитурите на НЛБ Банка низ земјава, претставници на Банката и осигурителните компании ќе давааат стручни финансиски совети и информативни материјали, овозможувајќи им на сите заинтересирани детално да се информираат за небанкарските финансиски продукти кои се нудат преку НЛБ Банка, а воедно да добијат и промотивен подарок.

Локациите и времето на одржување на промотивните активности за време на караванот за финансиско советување може да ги најдете на социјалните мрежи на НЛБ Банка и друштвата за осигурување. Распоредот на караванот е достапен он-лајн и истиот можете да го погледнете ТУКА.

НЛБ Банка е водечка банкарска институција која постојано го унапредува своето портфолио на производи и услуги, овозможувајќи им на клиентите понуда на банкарски и небанкарски производи на едно место. Банката овозможува и советување, консултација и едукација на клиентите при носење на нивните финансиски одлуки, оптимално управување со средствата за задоволување на нивните моментални финансиски потреби и идеална финансиска стабилност со цел поквалитетен и подобар живот за нив.

Продолжи со читање

Вработување

Оглас за вработување во Стопанска банка АД – Скопје

Објавено

на

Стопанска банка АД – Скопје е банка со најдолга традиција на македонскиот пазар. Основана како прва банка во државата, во 1944 година ги постави темелите за банкарското работење и се уште претставува лидер во развојот и во спроведувањето на најсовремените финансиски производи за населението и за правните лица што работат во Северна Македонија, остварувајќи притоа одлични резултати благодарение на високот ниво на професионалност и усвоените европски принципи на работа.

Со цел проширување на својот тим, Стопанска банка АД – Скопје објавува оглас за вработување за следната работна позиција: Советник за одржливост.

Советникот за одржливост е одговорен за воспоставување и одржување на политики, процедури и стратегии поврзани со еколошките, социјалните и управувачките ризици (ризици од ЕСГ), како и подготовка на извештаи за одржливост во согласност со Директивата за корпоративно известување за одржливост (CSRD), Регулативата за таксономија на ЕУ, Регулативата за обелоденувањата поврзани со одржливоста во секторот за финансиски услови (SFDR), Кодексот за корпоративно управување, како и интерните процедури и политики на Банката и интерните процедури и политики на NBG Групацијата. Учествува во проекти од овие области како и проекти кои служат за подобрување на процесот на собирање и обработка на податоци, или било кој друг поврзан проект кој може да се појави во текот на работењето. Активно ја следи целокупната домашна и меѓународна регулатива во областа на животната средина, општествени прашања и корпоративно управување. Подгототвува извештаи и презентации за ESG перформансите, како и соодветен ангажман со инвеститори, регулаторни тела и други заинтересирани страни за прашања поврзани со ЕСГ.

Прочитајте го огласот во целост на следниот линк.

Продолжи со читање

Популарно