Connect with us

Домашни банки

НЛБ Банка со изложба на цртежи ги финализираше активностите по повод „Месец на штедење“

Објавено

на

Традиционално по 12-ти пат НЛБ Банка реализираше уште едно успешно издание на „Месецот на штедење“, кој официјално започна на 26 септември, а денеска со отворање на изложбата на цртежи од ликовниот конкурс и прогласување на победниците во НЛБ Галерија беше заокружена оваа активност. 

Во  едномесечната кампања, НЛБ Банка ги повика децата од училиштата ширум земјава да цртаат на тема „Штедиме и другаруваме“. Годинава пристигнаа повеќе од 2000 цртежи од 40 училишта од Македонија, а НЛБ Банка, денеска на свечениот настан, ги награди децата-автори на најдобрите цртежи.  За изборот на 20 победнички цртежи  беше задолжена стручна комисија составена од академски уметници, додека останатите 10 беа избрани преку отворено гласање на микросајтот „Штедење“, каде цртежите беа објавени. На среќните добитници, НЛБ Банка  им подари Благодарници, како и штедни книшки со 3.000 денари.

Оваа година Банката во соработка со Националната Шаховска федерација, паралелно со ликовниот конкурс, го реализираше и проектот „Шах во училиштата“, чија цел беше обука на наставниот кадар на учениците до петто одделение за спроведување на часови по шах, кој од минатата година е слободна активност за учениците од прво и второ одделение и изборен предмет за учениците од четврто одделение во сите основни училишта во земјава.

„Секоја година за време на „Месецот на штедење“, покрај ликовниот конккурс, организираме и дополнителна активнсот за училиштата. Поттикнати од темата другарство, оваа година се фокусиравме на шахот. Во време кога децата поминуваат значително време на екран и сведочиме зачестени конфликтни односи меѓу нив, идејата да го популаризираме шахот во училишната средина се покажа како одличен потег. Шахот е спорт кој игра значајна улога во развојот на когнитивните и социјалните вештини, го зголемува коефициентот на интелигенција, промовира критичко размислување и учи основни математички и вербални вештини. Упатуваме голема благодарност до Шаховската федерација кои со огромно срце и наклонетост го прифатија и успешно реализираа проектот. Веруваме дека е ова само почеток и овој умствен спорт во иднина ќе го добие заслуженото место во наставната програма кај децата.“– изјави Бранко Грегановиќ, претседател на Управен одбор на НЛБ Банка Скопје.

Проектот се реализираше по наставна програма подготвена од сертифицирани шаховски тренери со долгогодишно искуство во работа со деца и како тренери по шах. Беа опфатени вкупно 52 училишта и обучени 205 наставници, во 25 различни населени места низ државата. При посетата на секое од училиштата Банката донираше и шаховски гарнитури според потребите и интересот на одделенијата. На овој начин Банката и федерацијата дадоа свој значаен придонес за одржување на квалитетна настава преку овој изборен предмет. и најважно од сè, популаризирање на овој толку значаен спорт за нивниот правилен развој.

И оваа година НЛБ Банка за време на едномесечната кампања посети голем број основни училишта во кои беше изведена забавно-едукативна претстава со маскотите на детското штедење Тиби и Штуки, а на децата им беа одржани и низа предавања на тема штедење од страна на вработените на Банката.

Изложбата на цртежите ќе биде поставена во НЛБ Галерија до 3 декември, а сите заинтересирани посетители можат да дојдат да ја погледнат секоја работен ден од 8-16 часот.

Домашни банки

КБ пакети – сѐ во едно за пониска цена и уште поголеми поволности

Објавено

на

Плати помалку, а добиј повеќе со КБ Стандард, КБ Плус или КБ Бонус и уживај во современото банкарство на Комерцијална банка.

Избери КБ пакет каков што најмногу ти одговара и добиј ефикасни, брзи и поевтини банкарски производи и услуги.

КБ пакетот го користиш секој ден, а го плаќаш еднаш месечно и тоа во симболичен износ.

КБ пакетите се вистинскиот избор за секој што има платежна сметка во денари и во девизи, користи мБанка и Интернет банка, поседува дебитни и кредитни картички, сака да плаќа со Google Pay и Garmin Pay или на рати без камата со дебитните картички, има потреба од дозволено пречекорување и, најважно од сѐ, сака да има целосна контрола на личните финансии.

Секој КБ пакет може да го активираш со едноставно пополнување барање во најблиската експозитура на Комерцијална банка.

Доколку немаш сметка во Комерцијална банка, можеш да ја отвориш онлајн на лесен и брз начин со електронска идентификација преку OneID, а пакетот може да го активираш при подигање на дебитната картичка во избраната експозитура.

Дознај повеќе и избери го твојот омилен КБ пакет на следниот ЛИНК.

Продолжи со читање

Домашни банки

Комерцијална банка прва во земјава воведе тактилни платежни картички прилагодени и за слепи лица

Објавено

на

Комерцијална банка, како општествено одговорна компанија, воведе тактилни платежни картички, кои ќе им помогнат, пред сѐ, на слепите лица и на лицата со оштетен вид полесно да ги идентификуваат и да ги разликуваат нивните платежни картички.

Тактилните платежни картички, кои се разликуваат од постоечките по својот облик, денеска беа промовирани од Комерцијална банка во соработка со Националниот сојуз на слепи на Република Северна Македонија.

Со тактилните картички Комерцијална банка придонесува за поголема инклузивност, еднакви можности и права на сите граѓани. Тактилните картички имаат посебни засеци, и тоа заоблен засек кај дебитните и квадратен засек кај кредитните платежни картички, со што можат лесно да се идентификуваат и разликуваат без користење на видот.

Сите платежни картички издадени од Комерцијална банка постепено ќе бидат заменети со тактилни. Банката, во рамките на своите заложби за поголема безбедност и инклузивност на лицата со посебни потреби, овозможи и сите слепи лица да можат бесплатно до крајот на годинава да ја заменат постоечката дебитна и кредитна платежна картичка од Комерцијална банка со тактилна картичка.

„Корисничкото задоволство е секогаш наш врвен приоритет. Со воведувањето на тактилните картички направиме уште еден чекор плус кон доближување на производите и услугите на Комерцијална банка до сите граѓани со цел непречено задоволување на нивните финансиски потреби. А, како дел од нашите заложби да создадеме поголема финансиска инклузивност и независност на слепите лица, овозможивме и бесплатна замена на нивните дебитни и кредитни картички со тактилни“, изјави д-р Никола Џамбазовски, Главен директор за продажба и развој и член на Управниот одбор на Комерцијална банка, на прес-конференцијата по повод промовирањето на тактилните картички.

Претседателот на Националниот сојуз на слепи, Жарко Селковски, во име на сите членови изрази најискрено задоволство и благодарност кон Комерцијална банка за овој чекор.

„Комерцијална банка е предводник во однос на инклузивноста и пристапноста на банкарските услуги за лицата со оштетен вид. Воведувањето тактилни платежни картички е значаен чекор напред во обезбедувањето еднакви можности за нашите членови и за сите лица со оштетен вид. Новите картички не само што ќе им обезбедат поедноставен пристап на слепите лица до нивните финансии, туку и значително ќе го подобрат нивниот секојдневен живот. Веруваме дека реализацијата на ваквите иницијативи не само што ќе го подигне степенот на свесност за потребите на лицата со оштетен вид во општеството, туку и ќе ги инспирира останатите компании да го следат нивниот пример и да се вклучат во создавањето поинклузивно општество за сите. Ова е уште еден доказ дека секој мал чекор, секое мало дело, го гради светот во кој сите сонуваме да живееме, свет посветен на различноста и исполнет со взаемно разбирање и соработка“, истакна Селковски. 

Комерцијална банка веќе започна со издавање тактилни картички од видот Visa Debit и Debit Mastercard World, а во наредниот период постепено и останатите видови картички од брендовите на Mastercard и Visa ќе станат тактилни.

Тактилните платежни картички се континуитет на досегашните прилагодувања што ги обезбеди Комерцијална банка за поголема финансиска инклузивност и достапност на банкарските производи и услуги за слепите и слабовидните лица. Банката прифаќа факсимил како своерачен потпис, ја има адаптирано електронската банка за слепи лица, дозволува нејзини вработени да бидат сведоци за банкарски трансакции на слепи лица, врши достава на ПДФ документи по електронска пошта, а веб страницата kb.mk се придржува до WCAG 2.2 (Web Content Accessibility Guidelines), АА+ ниво, кои се меѓународни стандарди за уредување на веб содржини на начин пристапен за лица со попреченост. Исто така, Банката има реализирано и обуки за информирање на слепи лица за придобивките од користење електронско банкарство, работење со тековна сметка и отворање сеф, сѐ со цел оваа категорија на клиенти на полесен и поефикасен начин да стигнат до сѐ што им е потребно за нивните лични финансии.

Продолжи со читање

Домашни банки

Најуспешната конференција „Чувари на мудроста“ за професионален развој и мотивација на младите луѓе, годинава во ново, освежено издание

Објавено

на

Во тек се подготовките за втората конференција „Чувари на мудроста“ во организација на „Халкбанк“ АД Скопје. На конференцијата, како и минатата година, ќе говорат успешни и реализирани луѓе, различни профили на стопанственици, уметници, професори, автори. И оваа година ќе се дискутира на интересни теми значајни за професионалната надградба и кариерниот развој на младите, со цел да се мотивираат и да се инспирираат на својот професионален пат.

„Преку искуството на панелистите од различни области, идејата е да се пренесат и да се раскажат многу интересни приказни за кои веруваме дека ќе ги инспирираат и ќе ги мотивираат младите на нивниот професионален пат. Сметаме дека поддршката и мотивацијата на младите кадри е клучна за нивниот успешен развој и за зацврстување на нивните професионалните вештини“, изјави Маја Наумовска Савеска, директор на корпоративни и маркетинг-комуникации во „Халкбанк“ АД Скопје.

Конференцијата „Чувари на мудроста“ од 2023 година беше наградена како најдобра конференција во категоријата Најдобар самит, конгрес или конференција. Оваа година организаторите се мотивирани да ја реализираат во малку поинаков формат, со многу повеќе интересни гости, докажани и значајни во нивните области.

Целната публика се, пред сè, млади луѓе, младински граѓански организации, студенти, млади претприемачи, културни работници, претставници на стартап компании итн.

Целта на конференцијата е да одговори на низа прашања на кои наидуваат младите во градењето на професионалната кариера. Да придонесе за поквалитетен развој во областите во кои дејствуваат. А мудроста, искуството, ентузијазмот и успехот кои ги дефинираат панелистите ќе отворат низа прашања и одговори, важни за сечиј развој.

Конференцијата е дел од поголемата кампања „Да ги слушнеме и гушнеме“, што започна во 2022 година, со намера да им даде глас на припадниците на повозрасните генерации. Во рамките на кампањата се спроведоа повеќе активности, настани и работилници во чиј центар беа пензионерите и повозрасните лица.

Повеќе информации за кампањата „Да ги слушнеме и гушнеме“ и за конференцијата „Чувари на мудроста“ се достапни на https://cuvarinamudrosta.mk/

Влезот за сите студенти ќе биде бесплатен, со приложување студентска легитимација, но заради ограничениот број на присутни, задолжително ќе биде пријавувањето преку следната онлајн форма: bit.ly/Конференција-ЧувариНаМудроста

Датум: 11 јуни 2024 ( вторник )

Времетраење: 10:00 – 15:00

Локација: Младински културен центар

Продолжи со читање

Популарно