Connect with us

Банки

Стопанска банка со донација на медицинска опрема за Институтот за медицинска физиологија и антропологија – спортска медицина

Објавено

пред 3 години

на

Грижата за здравјето на спортистите и спортските рекреативци е клучна за создавањето здрави и успешни генерации кои се занимаваат со спорт. Стопанска банка АД – Скопје е долгогодишен активен поддржувач на спортот и градењето здрави животни навики, па во согласност со оваа мисија Банката донираше ЕКГ и апарати за спирометрија, како и дополнителна функционална опрема, во насока на модернизација и зголемување на капацитетот за прегледи на Институтот за медицинска физиологија и антропологија при Медицинскиот факултет во Скопје.

Опремата веќе е предадена за употреба во Институтот со цел извршување поголем број прегледи на спортистите од регионот и е прва донација на медицински апарати во оваа институција досега. Зголемувањето на капацитетите на Институтот е особено значајно за помладите категории, односно за децата и младинците кои се занимаваат со спорт, кај кои редовните медицинско-спортски прегледи се неопходни за превенција и рано откривање на одредени заболувања кои се карактеристични за спортистите, а кои не можат да се откријат при општите лекарски прегледи.

„Грижата за детското здравје традиционално е сегмент во кој донираме, меѓутоа овој пат одиме во малку поинаков правец преку обезбедување превентивна грижа за младите и најмладите спортисти. Поттикнати од нивната посветеност и љубов кон спортот, сакаме да им помогнеме да имаат подостапна спортска медицина со најсовремени апарати. На овој начин, во исто време го поддржуваме и развојот на спортот што е исто така наш драг правец на делување. Му благодариме на Институтот за соработката и за можноста да помогнеме” – рече по предавањето на донацијата Татјана Калајџиева, сениор-директор за продажба и мрежа на филијали во Стопанска банка АД – Скопје.

Од Институтот истакнаа дека донацијата на два апарати за регистрација на електрокардиограм (ЕКГ) и спирометрија претставува огромна поддршка и помош за работата на институцијата.

„На Институтот за физиологија во рамките на Медицинскиот факултет во Скопје функционира најстарата лабораторија за функционална дијагностика во нашата земја која се користи за целите на спортската медицина. Наша задача е да се грижиме за здравјето на нашите спортисти, професионалци, аматери, рекреативци и на сите оние кои сакаат да се занимаваат со спортски активности. За таа цел се прават предпартиципациони прегледи чија главна задача е да ја проверат функцијата на кардиоваскуларниот и респираторниот систем. Се надеваме дека со новата опрема ќе можеме да го зголемиме бројот на прегледите со ЕКГ и спирометрија за 25-30 отсто од досегашните предвидени термини за прегледи” – рече проф. д-р. Јасмина Плунцевиќ Глигороска, раководител на Институтот за МЕП физиологија со антропологија при Медицинскиот факултет во Скопје.

Институтот со својата здравствена дејност и со најдобро опремениот кабинет примарно го опфаќа регионот Скопје, меѓутоа доаѓаат корисници од целата земја. Притоа, повеќе од 70 отсто од корисниците на услугите се помлади од 18 години. Покрај со здравствена дејност, на Институтот за физиологија постои обемна образовна дејност за сите насоки на факултетите од кампусот на здравствените науки, па донираните апарати дополнително ќе ги користат и поголем број студенти за да се запознаат со овие базични медицински испитувања.

Слични Теми:

Банки

Комерцијална банка: Илјадници корисници веќе плаќаат со Apple Pay

Објавено

пред 1 ден

на

Илјадници корисници веќе го користат Apple Pay за брзо и безбедно плаќање во продавници, преку апликации и онлајн, информираат од Комерцијална банка.

Корисниците на Mastercard дебитни и кредитни картички од Комерцијална банка можат да ги додадат своите картички во Apple Wallet и да плаќаат преку iPhone, Apple Watch, iPad или Mac.

За плаќање во продавница, потребно е корисникот двапати да го притисне страничното копче на уредот, да се автентицира и да го доближи iPhone или Apple Watch до терминалот за бесконтактно плаќање.

Од Комерцијална банка посочуваат дека секоја трансакција преку Apple Pay е заштитена со Face ID, Touch ID или лозинката на уредот, како и со еднократен уникатен динамичен безбедносен код.

Apple Pay може да се користи во маркети, аптеки, ресторани, кафетерии, продавници и на други продажни места што поддржуваат бесконтактно плаќање.

Активирањето на услугата е едноставно. На iPhone потребно е да се отвори апликацијата Wallet, да се избере знакот „+“ и да се следат чекорите за додавање на Mastercard дебитна или кредитна картичка од Комерцијална банка.

Откако картичката ќе биде додадена, Apple Pay може веднаш да се користи на соодветниот Apple уред.

Продолжи со читање

Банки

Стопанска банка со викенд поволност: Подигнување готовина од банкомат без провизија

Објавено

пред 1 ден

на

Стопанска банка АД – Скопје најави специјална поволност за своите корисници во текот на овој викенд.

Корисниците на VISA или MasterCard кредитни картички на банката ќе можат да подигнат готовина од кој било банкомат на Стопанска банка без провизија.

Поволноста важи само во текот на овој викенд, информираат од Стопанска банка преку објава на социјалните мрежи.

Продолжи со читање

Банки

ЕЦБ ги претстави предлозите за новите евробанкноти, граѓаните ќе избираат меѓу десет дизајни

Објавено

пред 2 дена

на

Европската централна банка ги претстави десетте дизајнерски предлози што влегоа во потесен избор за новата серија евробанкноти и започна јавна анкета во која граѓаните низ Европа ќе можат да го кажат своето мислење.

Предлозите се базираат на две теми – „Европска култура“ и „Реки и птици“, а онлајн анкетата ќе биде отворена до 21 септември 2026 година.

„Евробанкнотите се повеќе од средство за плаќање – тие се еден од највидливите изрази на Европа“, изјави претседателката на ЕЦБ, Кристин Лагард, додавајќи дека новите дизајни треба да ја зајакнат заедничката европска идентификација.

Десетте предлози беа избрани по конкурс на ниво на Европската Унија, на кој пристигнале повеќе од 1.200 пријави од графички дизајнери. Од нив, 25 автори биле поканети да изработат предлози, по што независно жири составено од 21 експерт избрало десет финални решенија.

Покрај јавната онлајн анкета, независна истражувачка компанија паралелно ќе спроведе и посебно истражување меѓу репрезентативен примерок граѓани од еврозоната.

Управниот совет на ЕЦБ се очекува да ја донесе конечната одлука за дизајнот на новите банкноти кон крајот на годинава. При изборот ќе бидат земени предвид оценките на жирито, техничките анализи и резултатите од двете анкети.

Избраниот дизајн потоа ќе помине низ дополнителен развој и тестирање пред да започне производството. Новите банкноти се очекува да влезат во оптек во следните години, додека постојните евробанкноти ќе ја задржат својата вредност и ќе продолжат да се користат.

Ова ќе биде првиот целосен редизајн на евробанкнотите од нивното воведување во 2002 година.

Новата серија ќе содржи и подобрени безбедносни карактеристики за полесно препознавање на фалсификати и поголема пристапност за лицата со оштетен вид. ЕЦБ најавува и употреба на поодржливи материјали и производствени процеси со цел да се намали влијанието врз животната средина.

Извор: ECB

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange