Connect with us

Банки

НЛБ Банка пријатели на македонските одбојкари на Европското првенство

Објавено

на

Одбојкарската федерација на Македонија на денешната конференција за печат ги најави деталите за претстојното 34-то Европско првенство во одбојка во машка конкуренција, на кое годинава за првпат ја имаме честа да бидеме домаќини. Вчера официјално започна првенството и ќе трае се до 16 септември. На годинешното првенство покрај нашата земја, домаќини се уште три земји, Италија, Бугарија и Израел.

Натпреварите на македонската репрезентација започнуваат на 30 август, во салата Борис Трајковски во Скопје, со почеток во 20:00 часот, каде нашите момци ќе си ги одмерат силите со репрезентацијата на Данска. Со овој натпревар го започнуваме нашето трето учество на европските шампионати.  Во продолжение, целосниот распоред на македонските одбојкари:

30.08.2023 (20 часот): МАКЕДОНИЈА – Данска

02.09.2023 (20 часот): МАКЕДОНИЈА – Црна Гора

03.09.2023 (20 часот): МАКЕДОНИЈА – Полска

05.09.2023 (17 часот): МАКЕДОНИЈА – Холандија

06.09.2023 (20 часот): МАКЕДОНИЈА – Чешка

На ден пред европското првенство силно се надеваме дека ќе успееме да ја добиеме и освоиме и оваа битка. Утре почнува она што долго го очекувавме и на кое изминатите 10 години макотрпно работевме. Европа нè препозна, ја препозна нашата работа и труд и го добивме Европското првенство да се одржи во нашата држава, во наша арена. Освен што нè препозна Европа, нè препознаа и во нашата држава. Спортот без поддршка не може да ги даде врвните резултати и квалитети, затоа во оваа прилика би сакал да им се заблагодарам на НЛБ Банка за неизмерната поддршка како во претходниот период, но и за овој голем настан како што е Европското првенство во одбојка“изјави  Петар Јовановски претседател на Одбојкарската федерација на Македонија.

На настанот се обрати и селектортот Јошко Миленкоски кој истакна: „На чекор сме до големиот настан, можеби најголем во нашата спортска историја. Европското првенство со сите свои предизвици го привлекува вниманието на целата спортска јавност. Свесни за тоа, се подготвуваме да го дадеме најдоброто од себе, пред сè како учесници на овој спектакуларен собир на најдобрите од светот на одбојката, а потоа и како спортисти кои со својот квалитет, борбеност и мотивација ќе сторат сè за да ги оправдаат очекувањата и со голем спортски резултат да ги израдуваат нашите поддржувачи и симпатизери.“

Никола Ѓорѓиев капитенот на нашата репрезентација пред почетокот на првенството ги сподели своите впечатоци: „Влегуваме максимално спремни на ова европско првенство, би сакал да изразам огромна благодарноста за поддршката која ја добиваме од нашите навивачи, од медиумите и секако од НЛБ Банка како наш пријател. Утре не чека една голема утакмица еден голем ден каде сметам дека треба да влеземе позрело, мудро и трпеливо и заедно со цел Борис Трајковски и цела Макеоднија верувам ќе извојуваме победа…се надеваме утре ќе успееме да ве израдуваме!“  

Сите натпревари од Групата Ц ќе се одиграат во салата Борис Трајковски во Скопје. Четирите најдобро пласирани репрезентации ќе обезбедат настап во осминафиналето, каде што домаќини се Бугарија и Италија.

Пласманот на претстојното Европско првенство претставува значителен успех за македонската репрезентација, а задоволството е уште поголемо бидејќи Скопје ја доби довербата да биде домаќин на групата во која игра нашата репрезентација, што сигурно претставува чест и гордост за Федерацијата. По тој повод, НЛБ Банка како еден од главните поддржувачи на спортот и овој пат не ја пропушти шансата да застане зад одбојкарите и стана пријател и поддржувач на Федерацијата во пресрет на ЕП 2023.

Фактот што настапите од ЕП на нашата репрезентација ќе се одржат во Скопје е доволна мотивација за да им дадеме силна и масовна поддршка на македонските одбојкари, во еден од најважните настани во нашата спортска историја!

Банки

Стани дел од ХалкЕЗ заедницата и стигни до EXIT 2024

Објавено

на

Денеска стартува наградната игра „Стани дел од ХалкЕЗ заедницата и стигни до EXIT 2024” во организација на Халкбанк АД Скопје, која ќе трае до 4 јули.

Во наградната игра право на учество имаат сите физички лица на возраст од 18 до 24 години кои ќе станат корисници на пакетот за млади Halk EZ (Halk Easy), а со тоа ќе имаат подигнато VisaPayWave дебитна платежна картичка која е во рамките на пакетот.  Право на учество имаат и постоечките корисници на студентскиот пакет на Халкбанк кои имаат активна Visa PayWave дебитна платежна картичка чиј пакет се преименува во пакет за млади.

Како потврда за учество во наградната игра ќе се смета пополнетата изјава за согласност за учество во наградната игра електронски пополнета на веб-страницата на банката. Во извлекувањето на 5 јули ќе бидат земени во предвид сите корисници на пакетот за млади,  на возраст од 18 до навршени 24 години, кои имаат активна дебитна платежна картичка  на денот на извлекувањето и кои дале согласност за учество во наградната игра.

Ќе бидат извлечени вкупно пет награди – ВИП пакети за EXIT искуство за двајца, со карти за EXIT, авионски превоз, хотелско сместување и VIP третман во рамки на фестивалот. Секој добитник на ВИП пакет со себе може да избере придружба од едно лице.

Пакетот за млади Halk EZ (Halk Easy) претставува посебен и иновативен банкарски
пакет кој нуди голем број поволности и динамични содржини за сите корисници на
возраст од 16 до 24 години. Пакетот нуди бесплатно мобилно и електронско
банкарство, Visa PayWave дебитна платежна картичка без надоместок за годишна
членарина, со која може да се повлекува  готовина без надомест на сите банкомати во
земјата и во странство, платежна сметка без трошоци за водење на истата, и низа
иновативни услуги како GarminPaySmartSend и SmartCash.

Продолжи со читање

Банки

Оглас за вработување во Шпаркасе Банка АД Скопје

Објавено

на

Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици, имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Банка те охрабрува да се придружиш на нивното семејство и заедно со нив секојдневно да ги живееш нивните корпоративни вредности!

Што ќе биде твојата улога?

  • Одговорност за ефикасно обезбедување, инсталација/конфигурација, операционализација и одржување на системскиот хардвер и софтвер и за соодветната инфраструктура;
  • Одговорност за серверски (оперативни) системи, системи за складирање на податоци, серверски апликации, системи за бекапирање, телефонски системи, (мобилна и фиксна телефонија), системи за заштита на податоци и останати ИТ системи;
  • Одговорност за извршување на дневен мониторинг на системот и потврда на интегритетот и достапноста на целиот хардвер, серверски ресурси, системски и клучни процеси, преглед на системските и апликациските технички записи и потврдување на извршувањето на закажаните постапки како што е бекапот;
  • Одговорност за извршување на редовен безбедносен мониторинг со цел идентификација на евентуални упади;
  • Одговорност за извршување на дневни бекап операции, осигурувајќи дека сите потребни системски фајлови и системски податоци се успешно копирани на соодветен резервен медиум и доставени;
  • Инсталација на нов / доградба на постоечките сервери и конфигурација на хардверот;
  • Инсталација и конфигурирање на системи кои се дел од инфраструктурни апликации.

Кои квалификации се потребни?

  • ВСС, Акредитирани високо образовни институции во РСМ,
  • Најмалку 3 години работно искуство во областа на информационата технологија ќе се смета за предност;
  • Познавање на методи и техники за администрација, управување со проекти и администрација, познавање на банкарско работење и релевантни информациони технологии и Microsoft сертификати ќе се сметаат за предност;
  • Англиски – солидно познавање, читање и пишување.

Шпаркасе Банка те охрабрува да ја искористиш оваа можност и да аплицираш на отворената позиција со испраќање на CV и мотивационо писмо на: kariera@sparkasse.mk, заклучно со 17.06.2024 со назнака „Апликација за САМОСТОЕН СОРАБОТНИК – СИСТЕМ АДМИНИСТРАТОР “.

Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

Шпаркасе Банка ве замолува за доставување на согласност Вашите податоци и поднесени документи да се чуваат во базата на податоци на Банката во период од 6 месеци, доколку сте согласни со истото. Оваа согласност кандидатот може да ја повлече во секое време со писмено барање.

За дополнителни информации, посети ја страницата www.sparkasse.mk.

ТИ ЈА ПРАВИШ РАЗЛИКАТА!

Продолжи со читање

Банки

Бранко Грегановиќ се повлече од функцијата Претседател на Управен одбор на НЛБ Банка АД Скопје

Објавено

на

Врз основа на член 33 од Правилата за котација на Македонска берза за хартии од вредност АД Скопје, НЛБ Банка АД Скопје известува дека на ден 07.06.2024 година, Г-дин Бранко Грегановиќ, поднесе оставка од функцијата Претседател на Управниот Одбор на НЛБ Банка АД Скопје.

Воедно, НЛБ Банка АД Скопје известува дека Надзорниот одбор на банката со одлука донесена на 131-вата седница, одржана на 10 Јуни 2024 година, го именуваше г- дин Тони Стојановски за нов Претседател на Управниот одбор на банката, која одлука ќе влезе во сила по добивање на согласност од Гувернерот на Народната Банка на Република Северна Македонија.

До добивање на согласност од Гувернерот на Народната Банка на Република Северна Македонија за именувањето на нов Претседател на Управен одбор на Банката, г-дин Бранко Грегановиќ ќе продолжи да ја извршува својата функција како Претседател на Управен Одбор на НЛБ Банка АД Скопје.

Продолжи со читање

Популарно