Connect with us

Банки

Намалување на каматните стапки на Халкбанк за кредити за физички лица

Објавено

пред 2 години

на

Халкбанк АД Скопје изврши намалување на каматните стапки на потрошувачкиот и хипотекарниот кредит наменети за физички лица и понуди атрактивни услови за станбениот кредит. Овие услови ќе важат во промотивен период до 31 декември 2023 година.

Станува збор за кредити што вообичаено се најбарани од населението и токму затоа Банката одлучи да понуди подобри услови за истите со цел да им излезе на граѓаните во пресрет.

Потрошувачкиот кредит во овој период е со фиксна каматна стапка од 5,7% за првите 2 години, а за останатиот период ќе се пресметува варијабилна каматна стапка дефинирана како 2 процентни поени + референтната каматна стапка за пресметување на законската каматна стапка која во моментов изнесува 6% (8% номинална годишна), но не пониска од 7%.

Со овој производ максималниот износ кој може да се добие, во зависност од кредитоспособноста на клиентот, е 1.500.000 денари, а максималниот рок на отплата е 120 месеци. Истиот во најновата понуда е без трошоци за обработка, како и во случај на предвремена отплата.

ХалкБанк во соработка со Халк Осигурување во својата палета на производи го додаде и Потрошувачкиот кредит со осигурување за кредитна заштита, каде најважен елемент е заштита на клиентот при губење на работа и боледување како и губење на работната способност предизвикана од инвалидитет над 50% и смрт на осигуреникот поради несреќен случај. Кредитот има конкурентни атрактивни каматни стапки со дополнително обезбедување и сигурност на клиентот во однос на осигурените ризици кои се покриени со полисата.

Кај Хипотекарниот кредит каматната стапка сега изнесува 5,3% фиксна за првите 3 години, односно 8% варијабилна за остатокот од периодот ( 2 pp+ РКС), но не пониска од 6,5%. Кредитот е со максимален износ од 18.450.000 денари и рок на отплата до 20 години. Кај овој производ е предвидена провизија за обработка од 0,5% од износот на кредитот.

Станбениот кредит кој исто така е еден од најбараните производи на Халкбанк поради атрактивните услови кои се нудат, е со фиксна каматна стапка 3,5% за првите 5 години или 3,85% за првите 10 години. За останатиот период таа ќе изнесува 4 процентни поени + 3,721% променлива стапка на 6 месечен Еурибор (7,721%). Кредитот е со максимален износ од 300.000 евра и рок на отплата до 30 години. Учеството е минимум 10% односно 15% од висината на кредитот во зависност од типот на полисата со која е обезбеден овој производ. Станбениот кредит во промотивниот период е без трошоци за обработка на барањето.

За сите детали за каматните стапки и останати услови кои ги нуди Халкбанк АД Скопје во промотивниот период до последниот ден од годината, посетете ја интернет страницата на банката во делот на кредити за физички лица Македонски – Кредити (halkbank.mk).

Слични Теми:

Банки

Промени во Надзорниот одбор на ТТК Банка АД Скопје

Објавено

пред 8 часа

на

Согласно Глава 6 од Правилата за котација на Македонската берза, ТТК Банка АД Скопје известува за промени во составот на својот Надзорен одбор.

„Врз основа на член 33 од Правилата за котација на Македонската берза на хартии од вредност, ТТК Банка АД Скопје објавува дека, заради истекот на мандатот заклучно со 18.3.2025 година, г. Арсен Јаневски и г. Трим Ќемали повеќе не се членови на Надзорниот одбор на ТТК Банка АД Скопје“, се вели во соопштението на ТТК Банка, објавено на Македонска берза.

По овие промени, актуелниот состав на Надзорниот одбор на ТТК Банка АД Скопје е следниот:

  • г-дин Бобан Гоговски – Претседател на Надзорниот одбор и Извршен член на Одборот на директори, како и генерален директор на „Тетекс“ АД Тетово.
  • г-дин Владо Камбовски – Заменик-претседател на Надзорниот одбор и независен член.
  • г-ѓа Драгица Јовановска – Член на Надзорниот одбор и Неизвршен член на Одборот на директори на „Тетекс“ АД Тетово.
  • г-дин Златко Черепналкоски – Член на Надзорниот одбор и Директор за продажба и маркетинг на „Енерџи Деливери Солушнс“ АД Скопје.
  • г-ѓа Евгенија Трпкоска – Член на Надзорниот одбор и Неизвршен член на Одборот на директори на „Тетекс“ АД Тетово.
  • г-дин Михаил Петковски – Член на Надзорниот одбор и професор во пензија.

ТТК Банка АД Скопје останува посветена на стабилно и професионално управување, следејќи ги највисоките корпоративни стандарди.

Продолжи со читање

Банки

ВОДЕНИ ОД МОТОТО ЗАЕДНО СМЕ ПОСИЛНИ – Шпаркасе Банка и Шпаркасе Лизинг донираа 6 милиони денари како поддршка и помош на семејствата на повредените од трагедијата во Кочани

Објавено

пред 13 часа

на

Во духот на општествената одговорност и солидарност, Шпаркасе Банка АД Скопје и Шпаркасе Лизинг издвојуваат финансиски средства во износ од 6 милиони денари како поддршка за заедницата погодена од неодамнешните случувања во Кочани и околината.

Средствата ќе бидат наменети за помош на повредените и нивните семејства, поддршка на институциите и заедницата во Кочани, како и за директна донација на наменската сметка на Црвениот крст на Република Северна Македонија.

„Како финансиска институција со силен општествен ангажман, Шпаркасе Банка и Шпаркасе Лизинг остануваат посветени на вредностите на хуманоста, одговорноста и солидарноста. Ги охрабруваме сите компании и поединци, во рамки на своите можности, да се приклучат на оваа иницијатива и да дадат свој придонес во процесот на опоравување и поддршка на погодените семејства“, велат од Шпаркасе Банка и Шпаркасе Лизинг.

Во овие тешки моменти, единството е клучно. Заедно сме посилни – денес и секогаш.

Продолжи со читање

Банки

КРИЗА ВО ГЕРМАНСКИОТ БАНКАРСКИ ГИГАНТ – Дојче банк ќе отпушта две илјади вработени и ќе ја намалува мрежата на филијали!?

Објавено

пред 1 ден

на

Германскиот банкарски гигант „Дојче банк“ планира да намали околу 2.000 работни места во текот на оваа година, во рамки на стратегијата за оптимизација на трошоците, пренесува „ДПА“.

Во согласност со долгорочниот тренд на реструктурирање, банката дополнително ќе ја намали својата мрежа на филијали. Овој потег е дел од тековните процеси на прилагодување кон новите пазарни услови и зголемениот фокус на дигиталните финансиски услуги.

Извршниот директор на „Дојче банк“, Кристијан Севинг, на конференцијата организирана од „Морган Стенли“ истакна дека во наредниот период ќе се реализира значителен број затворања на филијали. Тој нагласи дека трошоците поврзани со овие мерки се веќе пресметани во тековните финансиски планови на банката.

Портпаролот на „Дојче банк“ потврди дека процесот на затворање на филијали е дел од претходно најавените мерки за оптимизација, додавајќи дека банката не воведува нова програма за намалување на трошоците.

Во согласност со новата деловна стратегија, „Дојче банк“ го префрла фокусот кон дигиталното банкарство, при што се планира значително зголемување на видео и телефонските консултации за приватни клиенти, се вели во извештајот на „ДПА“.

Продолжи со читање

Популарно