Connect with us

Банки

Европските банки под притисок: Инвеститорите бараат долгорочна профитабилност

Објавено

пред 5 месеци

на

По финансиската криза во 2008 година, најголемите европски банки се соочија со бројни предизвици, но многу од нив успеаја да се стабилизираат и значително да ја подобрат својата капитална база. Нивната капитализација е поздрава од било кој момент од финансиската криза во 2008 година, но инвеститорите бараат уверување за нивна долгорочна профитабилност, по најавата за намалување на каматните стапки од страна на Европската централна банка.

Намалувањето на каматните стапки влијае на способноста на банките за генерирање профит, па затоа инвеститорите се загрижени за долгорочната профитабилност, особено во насока на промените во монетарната политика.

Цените на акциите на европските банки бележат двоцифрен пораст оваа година, поттикнати од програмите за откуп на акции овозможени со години на акумулација на капитал, реструктуирање, намалување на трошоците и поддршка на политиката на централната банка, што ги зголеми нивните профити.

„Deutsche Bank“, „Lloyds“ и „Barclays“ во текот на оваа недела ќе ги објават финансиските резултати заклучно со третиот квартал, додека „UBS“ и „HSBC“ ќе ги објават остварувањата во текот на следната недела.

Се очекува бројките да покажат континуирана профитабилност, при што одличните резултати од инвестициското банкарство ќе ги неутрализираат минималните заработки и слабата побарувачка за кредити кај физичките лица и бизнисите.

Но, инвеститорите сакаат и бараат повеќе. Освен што бараат докази за отпорност на квалитетот на средствата, тие бараат поостра стратегија, пониски трошоци и потенцијал за надминување во услови на глобална економија со низок раст.

Последните зделки, како што е купувањето на „AXA Investment Managers“ од страна на „BNP Paribas“ и зголемувањето на уделот на „UniCredit“ во „Commerzbank“, покажуваат дека банките активно бараат начини за консолидација и да ја зајакнат својата позиција на пазарот. Овие потези не само што можат да им помогнат да ги подобрат своите финансиски перформанси, туку и да ја зголемат конкурентноста во регионалниот и глобалниот контекст.

„Проценките укажуваат дека до 600 милијарди евра нето приходи од камати би можеле да бидат изложени на ризик во првата половина на 2025 година, ако Европската централна банка ги намали каматните стапки како што се очекува“, изјави Филипо Мариа Алоати, Раководител на кредитирање во компанијата за инвестициско банкарство „Federated Hermes“.

Слични Теми:

Банки

КРИЗА ВО ГЕРМАНСКИОТ БАНКАРСКИ ГИГАНТ – Дојче банк ќе отпушта две илјади вработени и ќе ја намалува мрежата на филијали!?

Објавено

пред 50 минути

на

Германскиот банкарски гигант „Дојче банк“ планира да намали околу 2.000 работни места во текот на оваа година, во рамки на стратегијата за оптимизација на трошоците, пренесува „ДПА“.

Во согласност со долгорочниот тренд на реструктурирање, банката дополнително ќе ја намали својата мрежа на филијали. Овој потег е дел од тековните процеси на прилагодување кон новите пазарни услови и зголемениот фокус на дигиталните финансиски услуги.

Извршниот директор на „Дојче банк“, Кристијан Севинг, на конференцијата организирана од „Морган Стенли“ истакна дека во наредниот период ќе се реализира значителен број затворања на филијали. Тој нагласи дека трошоците поврзани со овие мерки се веќе пресметани во тековните финансиски планови на банката.

Портпаролот на „Дојче банк“ потврди дека процесот на затворање на филијали е дел од претходно најавените мерки за оптимизација, додавајќи дека банката не воведува нова програма за намалување на трошоците.

Во согласност со новата деловна стратегија, „Дојче банк“ го префрла фокусот кон дигиталното банкарство, при што се планира значително зголемување на видео и телефонските консултации за приватни клиенти, се вели во извештајот на „ДПА“.

Продолжи со читање

Банки

ХАЛКБАНК УШТЕ ЕДНАШ НА ДЕЛО ЈА ПОКАЖА СВОЈАТА ГОЛЕМИНА – донираше 50.000 евра како поддршка за погодените од трагедијата во Кочани

Објавено

пред 3 часа

на

Со длабоко сочувство и емпатија, Халкбанк АД Скопје стои во поддршка на сите погодени од трагедијата во Кочани. Во знак на солидарност, Банката донираше 50.000 евра на наменскиот фонд на Црвениот крст на Македонија, со цел да им помогне на семејствата на загинатите и повредените.

„Со голема тага ја примивме веста за оваа трагедија и изразуваме најискрено сочувство до семејствата настраданите. Нашите мисли се и со повредените, на кои им посакуваме брзо закрепнување и сила за надминување на овие тешки моменти“, велат од Халкбанк.

Халкбанк АД Скопје и понатаму ќе остане посветена на поддршката на заедницата, особено во моменти кога е најпотребна.

Продолжи со читање

Банки

НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

Објавено

пред 2 дена

на

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат  до 30.08.2025 година“, се вели во соопштението на НЛБ Банка, објавено на Македонска берза. 

Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.

Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Мандатот на г-ѓа Хедвика Усеник како член на Надзорниот одбор ќе трае до 30.08.2025 година.

Продолжи со читање

Популарно