Halkbank AD Skopje најави привилегии за корисниците на Mastercard World Debit картичката, наменети за полесно и поудобно патување.

Како што информираат од банката, корисниците на картичката добиваат шест бесплатни посети во повеќе од 1.500 Lounge Key аеродромски салони ширум светот, за себе и за својот сопатник.

Покрај тоа, пакетот вклучува и асистенција на пат низ Европа преку Halk Осигурување, како и пристап до мобилната апликација Drive Angel, која нуди поддршка за побезбедно возење, итни повици и помош во случај на несреќа.

Од Халкбанк посочуваат дека со Mastercard World Debit картичката, клиентите добиваат и бесплатно електронско и мобилно банкарство, со цел полесно управување со финансиските трансакции за време на патувањата.

„Повеќе привилегии за патувањата што ги планираш“, порачуваат од банката во промотивната кампања за новата картичка.

Европската банка за обнова и развој соопшти дека го назначила својот долгогодишен извршен директор Гжегож Зјелински за извршен директор за Југоисточна Европа, а функцијата ќе ја преземе од 1 јуни.

Зјелински е долгогодишен кадар на банката и има богато искуство во управувањето со проекти и активности на Европската банка за обнова и развој во регионот.

Назначувањето доаѓа во период кога банката продолжува со инвестициите и финансиската поддршка во земјите од Југоисточна Европа, меѓу кои се Албанија, Босна и Херцеговина, Бугарија, Косово, Северна Македонија, Црна Гора, Романија и Србија.

Веста ја објави регионалниот економски сервис „Си њуз“, кој наведува дека Зјелински официјално ќе стапи на должност на почетокот на следниот месец.

Европската банка за обнова и развој е меѓу најголемите меѓународни инвеститори во регионот и финансира проекти во инфраструктурата, енергетиката, банкарскиот сектор и развојот на приватниот бизнис.

Американскиот банкарски гигант „JPMorgan Chase“ официјално ја лансираше својата дигитална малопродажна банка „Chase“ на германскиот пазар, означувајќи нов чекор во европската експанзија.

Германските корисници од денес можат да ја преземат мобилната апликација, додека веб-платформата на банката исто така е ставена во функција. Германија е втор европски пазар за „Chase“, по влезот во Велика Британија во 2021 година.

Со оваа иницијатива, „JPMorgan“ влегува на конкурентниот банкарски пазар во најголемата европска економија, со фокус на целосно дигитално банкарско искуство.

Во првата фаза, „Chase“ ќе понуди бесплатна штедна сметка, а банката најавува проширување на понудата со дополнителни сметки и финансиски производи во текот на следната година.