Дојче банк (Deutsche bank) планира да скрати 3.500 работни места продолжувајќи го планот за намалување на трошоците за 2,5 милијарди евра до 2025 година.

Најголемиот германски кредитор кажа дека е на пат да ја исполни својата цел. Повеќето работни места кои ќе бидат скратени се главно на административни позиции, како дел од програмата за оперативна ефикасност.

Намалувањето изнесува околу четири проценти од вкупната работна сила на банката.

Дојче банк објави дека добивката пред оданочување во 2023 година се зголемила за 2 отсто на годишно ниво на 5,7 милијарди евра, што е највисоко ниво во последните 16 години. Сепак, нето-добивката се намали за 14 проценти на 4,9 милијарди евра со зголемувањето на даночната основа.

„Постигнавме раст многу пред целта и задржавме фокус на дисциплина на трошоците додека инвестиравме во клучни области“, рече извршниот директор Кристијан Севинг.

Дојче банк најави и дополнителен откуп на акции во вредност од 675 милиони евра, кој треба да биде завршен во првата половина на 2024 година.