TTK Банка активно го поддржува развојот на човечкиот капитал и вложува во младите генерации, а својата посветеност уште еднаш ја покажа со учество на „Отворен ден – саем за кариера“ организиран од Државниот универзитет во Тетово. Настанот се одржа вчера (29.04.2025г.), а тимот на TTK Банка имаше можност да се сретне со голем број студенти кои беа мотивирани, амбициозни и полни со потенцијал за професионален раст.

Посетителите на штандот на Банката имаа можност да се запознаат со програмите за развој на кариера, практична работа и можностите за вработување во TTK Банка. Преку директна комуникација, беа споделени информации за начинот на аплицирање, како и совети за градење успешна кариера, вклучувајќи теми како препознавање на сопствениот потенцијал, јакнење на самодовербата и ефективна комуникација со работодавци.

TTK Банка истакнува дека инвестирањето во младиот кадар е стратешки приоритет за Банката и значаен дел од нејзината визија за одржлив раст и модерно банкарство. Соработката со високообразовни институции како Државниот универзитет во Тетово претставува важен чекор во градење на цврста врска помеѓу академската заедница и деловниот сектор.

TTK Банка упатува благодарност до организаторите на настанот и до сите студенти кои покажаа интерес и подготвеност да го направат првиот чекор кон својата иднина.

Според најновите податоци на Народната банка, во март 2025 година е регистрирано натамошно намалување на просечните каматни стапки кај кредитите и депозитите, како резултат на условите на пазарот и монетарните движења.

Во март 2025 година, просечната каматна стапка на вкупните кредити забележа
месечно и годишно намалување од 0,03 п.п. и 0,35 п.п., соодветно и изнесува 5,15%.
Просечната каматна стапка на вкупните депозити изнесува 2,18% и оствари месечен
пад од 0,01 п.п., додека на годишно ниво е зголемена за 0,38 п.п.

Просечната каматна стапка на новоодобрените кредити, во март, изнесува 4,26% и оствари месечен и годишен пад од 0,37 п.п. и 0,72 п.п., соодветно. Просечната каматна стапка на новопримените депозити е пониска на месечно и на годишно ниво за 0,17 п.п. и 0,22 п.п., соодветно и изнесува 2,24%.

Каматни стапки на корпоративниот сектор

Вкупните кредити за корпоративниот сектор имаат просечна каматна стапка од 4,77%, што претставува месечен пад од 0,05 п.п. и годишен од 0,58 п.п.

Кај новоодобрените корпоративни кредити, просечната стапка е 3,95%, со значителен месечен пад од 0,50 п.п. и годишен од 0,78 п.п.

Вкупните депозити на корпоративниот сектор изнесуваат 2,65%, што е месечен пад од 0,06 п.п., но годишен раст од 0,53 п.п.

Каматната стапка на новопримените депозити е 2,14%, со пад од 0,35 п.п. месечно и 0,38 п.п. годишно.

Каматни стапки на домаќинствата

Каматната стапка на вкупните кредити на домаќинствата изнесува 5,51%, со месечно намалување од 0,02 п.п. и годишен пад од 0,14 п.п.

Кај новоодобрените кредити, стапката е 4,69%, со месечно намалување од 0,12 п.п. и годишно од 0,71 п.п.

Просечната стапка на вкупните депозити на домаќинствата остана непроменета на 2,12%, но со годишен раст од 0,36 п.п.

Каматната стапка на новопримените депозити е 2,28%, со месечен пад од 0,10 п.п. и годишен пад од 0,14 п.п.

Спуштањето на каматните стапки укажува на олеснет пристап до финансирање за сите сектори, со потенцијал да поттикне кредитна активност и економска динамика. Истовремено, растот на депозитните стапки на годишно ниво создава дополнителни мотиви за штедење, особено кај домаќинствата.

Први мај – Денот на трудот, е повеќе од симболичен празник. Тоа е ден кога оддаваме почит на вложениот труд, упорноста и придонесот на секој човек во изградбата на подобро општество. Но, овој празник не е само потсетник на работничките права – тој е и шанса да му дадеме значење на секојдневниот напор што го вложуваме, на малите и големите победи што нè градат како личности. Тоа е и ден кога секој заслужува да застане за момент, да се наврати на сопствениот пат и да се гордее со сè што постигнал.

Први мај традиционално ги обединува луѓето, носи радост преку дружења, моменти на одмор, и кратки патувања кои се значаен баланс помеѓу работата и приватниот живот. Затоа, ова е и идеална прилика да си подарите мигови за себе и за оние што ги сакате. Вашиот труд заслужува награда – нови пејсажи, нови спомени, нови искуства.

За да можете вистински да уживате во секој момент од празничните денови, Халкбанк е тука да ви понуди сигурност, практичност и поддршка преку своите картички и дигитални услуги. Картичките се поддржани со највисоки стандарди на заштита при плаќање и нудат ексклузивни попусти и понуди обезбедени со партнерите на Халкбанк, a истовремено мобилната апликација ви овозможува лесно и брзо управување со вашите финансии и следење трошоците во секое време.

Во Халкбанк веруваме и дека почитта кон трудот започнува одвнатре – со грижата за нашите вработени и заедницата во која делуваме. Како работодавец и општествено одговорна институција, вложуваме во луѓето, поддржуваме рамнотежа меѓу работата и животот, и создаваме средина каде што трудот се вреднува, се поттикнува и се слави. Ние ја градиме довербата преку транспарентност, професионалност, чесност и грижа за благосостојбата како на вработените, така и на клиентите и пошироката заедница, преку бројни општествено одговорни иницијативи и поддршка на проекти за подобро утре.

Овој Први мај, направете нешто за себе. Одвојте време да го прославите сопствениот труд.

Патувајте. Одморете. Дружете се.

И не заборавајте – вреднувањето на трудот започнува со вреднувањето на сопственото време и сопствената приказна.

ПР објава