Connect with us
no baners

Банки

Аплауз, смеа, љубопитни прашања, мудри одговори во полната сала на конференцијата „Чувари на мудроста“

Објавено

пред 2 години

на

Со бурни аплаузи младите ги поздравија учесниците на првата конференција „Чувари на мудроста“ која во петокот се одржа во малата сала на Филхармонијата на РСМ, во организација на Халкбанк АД Скопје. Полно беше гледалиштето кое собира 300 посетители. Многу позитивна енергија, смеа, љубопитни прашања и интересни одговори добиваа присутните од панелистите Никола Пановски, Симон Наумоски, Таки Фити, Благој Чоревски, Винка Саздова, Костадин Танчев Динка, Катерина Цаневска и Лилјана Грџо Дамовска.

Конференцијата беше поделена на три теми – економија, култура и комуникации. Панелите ги модерираа новинарите Горан Теменугов и Сребра Ѓорѓијевска кои ги насочуваа говорниците да ги споделат своите животни искуства со младите, да им раскажуваат анегдоти од кои може да научат нешто, им даваа мудри совети.

Присутните ги поздрави Маја Наумовска-Савеска од Халкбанк.

„Со денешната конференција ја постигнуваме најголемата вредност на кампањата „Чувари на мудроста“, бидејќи денес на сцената имаме големи експерти со непроценливо животно искуство, мудрост и знаење, а во публиката, младите, кои се вистински жедни за од нив да научат. На овој начин правиме спој на двете исклучително важни генерации за нашето општество, а воедно и докажуваме дека годините никако не се пречка, туку извор на мудрост кој треба да го почитуваме” – им порача Наумовска-Савеска на присутните.

Теменугов ја отвори конференцијата со академик Таки Фити, врвен економист, професор на Економскиот факултет во Скопје, поранешен претседател на Македонската академија на науките и уметностите. Препознавајќи многу свои студенти во публиката Фити рече дека има многу дефиниции за мудроста. Мудри се оние луѓе што поседуваат длабоко знаење, способност за добро промислување, а особено значајно е искуството.

„Не постојат вистински претприемачи, ако тие не преземаат ризици. Но, тоа се пресметани ризици, не е ризик на коцкар. Затоа, бидете проактивни и свесни дека секоја професија има своја тежина. И читајте, многу читајте, постојано надградувајте се. Мудроста треба да се применува во секојдневното работење. Најважно од сè е да имате афинитет и љубов, да го сакате тоа што го студирате” – им порача Фити на младите.

Симон Наумоски го раскажа својот животен пат, од школувањето во родниот Прилеп, преку студирањето на Технолошко-металуршкиот факултет и вработувањето во фабриката позната како Пиперана која прераснува во „Витаминка“, една од најуспешните компании во Македонија. Тој вели, кога ќе ги видиш проблемите си правиш сам концепт како да почнеш да ги решаваш. Затоа, многу е важно на секој факултет барем еден семестар да се изучуваат основи на економијата.

„Јас лутав низ светот за да купам идеја и да ја искористам во работата. Работев по 16-18 часа. Кога ќе ми зовриеше во глава, излегував и шетав низ полињата за да најдам решение за проблемот. Учете, многу да учите, од тоа зијан нема, и немојте никогаш со лаги да се служите” – ѝ порача Наумоски на публиката.

Никола Пановски, микробиолог, борец за „Балкан без граници“ и политички активист рече дека во
неговото семејство тешкиот пат го оделе неговите родители, кои во тешки услови успеале во животот и станале универзитетски професори. Сепак, има многу примери, каде тоа што го создале родителите, децата го уништиле.

„Јас сум првиот доктор во моето семејство. Сиот живот се борев, и сè уште се борам за правилно користење на антибиотиците. Во минатото тоа многу се злоупотребуваше. Во 2016 година успеавме да дојдеме до 50 отсто намалување на непотребното користење на антибиотици, но со ковидот нешата отидоа во неконтролиран правец. Како професор, студентите ми се пред сè. Сум бил и функционер кратко време. Важно е да знаете, ако сте на функција, бидете спремни утре да ја напуштите за да ја сочувате својата чест” – рече Пановски.

Чоревски, Саздова и Танчев ги понесоа младите во светот на културата. Ѓорѓијевска посочи дека иако се сите во пензија, активно работат секој на свето поле: Чоревски уште активно игра во претстави, Саздова пишува, а Танчев создава дизајн.

Саздова, една од најчитаните авторки кај нас, е основач на Издавачкиот центар ТРИ. По дипломирањето не можела да се вработи како психолог, па почнала како новинар во култура, продолжила во издавачка куќа додека не одлучила сама да почне свој бизнис во издаваштвото. Сите ѝ се чуделе зошто од сите удобности на големата компанија решила на почне од нула.

„Мене многу ми беше важна слободата. Без слобода, нема креација. Кога синовите пораснаа, го презедоа цел издавачки бизнис, а јас конечно можев да го правам тоа што најмногу сакам – да пишувам и да шетам по планините” – рече Саздова и им порача на младите дека нема поинаков пат – сè се учи на своја кожа.

Танчев-Динка раскажа како од Училиштето за применета уметност во Скопје продолжил на студии во Белград. Таму учествувал на осум конкурси и сите ги добил. Професор му бил Милош Ќириќ кој го постави концептот на визуелната уметност. Динка им порача на младите дека дизајнот е многу широк поим, има огромна примена.

„Јас отсекогаш бев многу тврдоглав, секогаш свој на своето. Не се сеќавам дека некогаш сум направил отстапки и секогаш сум давал само едно решение за нарачан дизајн. Денес нештата се поинакви. Неопходна ни е темелна реформа на образовниот систем. А дизајнот, тој е понижен, стана сервисна дејност” – рече Динка, кој по завршувањето на панелот уште еден час разговараше со студентите пред Филхармонијата.

Чоревски, еден од најнаградуваните актери во историјата на македонскиот театар, вели додека го држи умот и телото, нема да престане да игра. Роден во актерско семејство, откако знае за себе, тој е дел од театарот. А за да бидеш глумец, треба Бог да ти даде, но не треба да оставите само на Бога.

„Ние живеевме во други времиња, имавме поинаква дисциплина. Сè уште одам во театар 1,5 час пред да почне претставата, проверувам сè, дали е на место. Улогата не се гради едноставно, нема тука лага, морате да влезете во неа. Младите секогаш ги поддржувам, но за да се нафатам да подготвувам некого, мора да постои талент. Страшно е да подготвуваш некого што не го бидува и да го внесеш во уметноста. Ќе му направите голема штета” – рече тој.

На третиот панел Ѓорѓијевска и Теменугов разговараа со Цаневска и Дамовска за состојбите во новинарството и комуникациите денес. Панелот прерасна во интерактивен разговор со публиката, а младите се интересираа за принципите на новинарското работење, етиката, дезинформациите.

Цаневска рече дека професијата воопшто не е едноставна и лесна, но ако го сакаат новинарството, да не се откажуваат на првиот предизвик. Според Дамовска, професијата секогаш тежела, но адреналинот да се работи новинарство секогаш постоел. Двете направија споредба на работењето во оваа професија пред 20 години и денес и ги посоветуваа младите за вистинскиот правец за градење на нивната кариера како новинари, но и како следачи на информации и вести во денешното море на објави.

Слични Теми:

Банки

Реновирана експозитурата на Шпаркасе Банка во Охрид – Нова ера на модерни услуги и одржлив развој

Објавено

пред 14 часа

на

Шпаркасе Банка со гордост ја информира јавноста дека вчера беше успешно реотворена нејзината реновирана експозитура во Охрид. Со речиси 70.000 клиенти во Југозападниот регион, од кои 30.000 се во самиот Охрид, Банката останува столб на финансиската стабилност и раст во оваа заедница.

Новата целосно реновирана експозитура се простира на површина од приближно 400
метри квадратни и е резултат на инвестиција од над 260.000 евра. Во исклучително краток рок, со силна посветеност, успешно беа завршени сите градежни зафати, при што услугите кон клиентите се одвиваа непречено и без прекин. Реновирањето се реализираше во две фази, со внимателно планирање и логистика, при што беа ангажирани повеќе од десет локални компании – што дополнително ја потврдува посветеноста на Шпаркасе Банка кон поддршка на локалната економија и развојот на градот.

Експозитурата е дизајнирана според највисоки стандарди за енергетска ефикасност и одржливост. Подовите се изработени со carbon-free технологија, а градежните материјали се еколошки и енергетски ефикасни. Инсталираните системи за ладење и греење користат напредна wind-free технологија за максимален кориснички комфор. Дополнително, експозитурата е дел од зграда што користи обновливи извори на енергија, што ја прави целосно енергетски независна.

Просторот е организиран во согласност со современ групациски концепт, кој пружа пријатен простор за прием на клиенти – сè со цел да се овозможи врвно корисничко искуство. Воедно, во експозитурата се наоѓа и уметничка галерија, која ја збогатува културната понуда и го афирмира локалниот талент.

Клиентите на Шпаркасе Банка во Охрид имаат пристап до целосна палета на банкарски услуги, меѓу кои:

  • Постојано достапна 24/7 АТМ зона,
  • Отворање и водење сметки и депозити,
  • Дигитално потпишување документација преку ONEID-системот,
  • Денарски и девизен платен промет,
  • Издавање дебитни и кредитни картички,
  • Кредитирање за население и за правни лица,
  • Услуги поврзани со хартии од вредност – како тргување на домашен и на странски пазар,
  • Користење граѓански сефови за дополнителна сигурност,
  • Полиси за осигурување,
  • А наскоро и депозитни машини за уплата на дневен промет.

„Со оваа инвестиција уште еднаш ја потврдуваме нашата долгорочна посветеност кон регионалниот развој и задоволството на нашите клиенти. Ние не само што обезбедуваме финансиски производи и услуги, туку и создававме услови што придонесуваат за економскиот раст и одржливиот развој на Охрид, како и подобрување на секојдневното корисничко искуство. Шпаркасе Банка освен што е пазарен лидер во Охрид и опслужува повеќе од 30.000 клиенти, истовремено е и е симбол на градот, и горди сме што ја носи оваа улога со целосна посветеност и иновација. Новата модерна експозитура не само што претставува симбол на иновативност и одржливост, туку и создава инспиративна работна средина во која нашите вработени ќе уживаат, ќе се чувствуваат мотивирано и ќе имаат уште подобри услови за постигнување нови успеси“, изјави Нина Неданоскa, заменик-претседател на Управниот одбор на Шпаркасе Банка.

Во јубилејната година во која Штаермеркише Шпаркасе слави 200 години постоење, Шпаркасе Банка како дел од оваа австриска групација, ја зацврстува својата посветеност кон клиентите и пазарот во Охрид, поддржувајќи ги и населението и корпоративните клиенти со кредитно портфолио вредно над 40 милиони евра и удел од 40% во корпоративното кредитирање.

Продолжи со читање

Банки

Швајцарската централна банка со нова стратегија: Каматната стапка намалена на нула, инфлацијата и силниот франк под зголемено внимание!

Објавено

пред 16 часа

на

Швајцарската централна банка направи нов пресврт во својата монетарна политика, намалувајќи ја каматната стапка за четвртина процентен поен, на 0%, првпат по неколку години негативни каматни стапки. Со оваа мерка, Швајцарија се обидува да го ублажи растечкиот притисок од зајакнатиот швајцарски франк и забавената инфлација, без да влезе повторно во негативна територија.

Намалувањето доаѓа во момент кога инфлацијата во мај забележа минус 0,1%, прво негативно отчитување по четири години, што главно се должи на поскапената швајцарска валута франк, што инвеститорите традиционално ја третираат како прибежиште во време на глобални неизвесности. Оваа година, швајцарскиот франк зајакна за 10% во однос на доларот, значително намалувајќи ги трошоците за увоз и потрошувачките цени.

Краткорочни ефекти на пазарите

По одлуката, доларот се намали за 0,3% во однос на франкот, достигнувајќи 0,817 франци. Приносите на швајцарските двегодишни државни обврзници се зголемија на -0,11%, што укажува на реакција на пазарите во однос на очекувањата за идната монетарна политика.

Монетарната политика и позицијата на Швајцарската централна банка

Претседателот на Швајцарската централна банка, Мартин Шлегел, изјави дека банката „нема лесно да донесе одлука за негативен тренд“, со оглед на влијанието врз штедачите, пензиските фондови и финансиската стабилност. Сепак, тој не ја исклучи можноста за ново намалување под нула, ако глобалните трговски тензии продолжат.

Пазарни очекувања

Иако дел од трговците се надеваа на поагресивно намалување од половина поен, сепак Швајцарската централна банка одбра порезервиран пристап, дипломатски посоодветен, особено поради притисоците од САД, кои претходно ја ставија Швајцарија на листата за следење поради потенцијални манипулации со валутата. Според проценките, пазарот моментално проценува дека има околу 66% веројатност дека Швајцарската централна банка ќе премине на -0,25% до март следната година.

Ризици за финансискиот систем

Швајцарската централна банка останува загрижена за превисоката загреаност на пазарот на недвижности, поттикната од ниските каматни стапки. Стапката на нула, според централната банка, треба внимателно да се следи за да не предизвика дополнителни дисбаланси во банкарскиот и пензискиот сектор.

Од ова може да се заклучи дека нултата каматна стапка претставува балансиран одговор на актуелните економски предизвици. Швајцарската централна банка се позиционира внимателно меѓу потребата за девизна стабилност, контрола на инфлацијата и одржување на довербата во финансискиот систем. Наредните месеци ќе бидат клучни за тоа дали Швајцарија повторно ќе се врати во негативна територија или ќе успее да задржи стабилна инфлација и конкурентност на франкот без дополнителни мерки.

Продолжи со читање

Банки

НЛБ Банка и Visa – ексклузивни спонзори на новата концертна сезона на Avalon! 

Објавено

пред 19 часа

на

Со огромна радост и задоволство, НЛБ Банка ја најавува продолжената соработка со Visa и Авалон продукција, која и ова лето им носи на граѓаните незаборавно музичко искуство во организација на Авалон продукција! Во рамки на ова партнерство, корисниците на НЛБ Visa картички добиваат ексклузивна поволност – 15% попуст при онлајн купување влезници за сите концерти преку платформата avalonbooking.mk.

Во фокусот се концертите на светски музички ѕвезди, кои ова лето ќе ја претворат Македонија во центар на регионалната музичка сцена. Со поддршка од НЛБ Банка и Visa, посетителите добиваат не само одлична забава, туку и директна финансиска корист.

И тоа не е сè – следете ги социјалните мрежи на НЛБ банка, бидејќи следуваат возбудливи наградни игри, подароци и ексклузивни искуства за најсреќните корисници.

Продолжи со читање

Популарно