Connect with us

Домашни банки

Нина Неданоска се обрати на првиот настан на жени лидери во банкарскиот сектор

Објавено

пред 1 година

на

На 22.3.2023 г. се одржа првиот настан на жени лидери во банкарскиот сектор во земјава, на кој се разговараше за најголемиот предизвик за новата генерација жени лидери, а тоа е зелената економија.

Во организација на Македонската банкарска асоцијација со овој настан се одбележа Глобалната/Европската недела на пари, која годинава се одржува под мотото: „Планирајте си ги парите, засадете ја иднината“.

Пред присутните се обрати претседателката на МБА д-р Маја Стевкова-Штериева, а на панел-дискусијата учествуваа г-ѓа Нина Неданоска, заменик-претседател на Управниот одбор на Шпаркасе Банка АД Скопје, г-ѓа Емилија Спировска, член на Управниот одбор на Прокредит Банка АД Скопје и г-ѓа Елеонора Згоњанин Петровиќ, управител на Штедилница ФУЛМ.

На настанот, жените лидери споделија со присутните како тие лично ја доживуваат зелената економија, како го имплементираат концептот на зелена економија, како и нивното мислење за тоа кои се најитните прашања за одржливост со кои се соочува банкарската индустрија денес.

„Свеста за зелената економија не е доволно развиена и ние мора да работиме на нејзино зголемување. Нашата улога како банка во голем дел е и консултативна, па максимално посветуваме внимание на тоа и самите компании да сфатат дека зелената економија е иднината“ – зборуваше г-ѓа Нина Неданоска, заменик- претседател на Управниот одбор на Шпаркасе Банка АД Скопје.

„Пред 12 години ја финансиравме првата фотоволтаична централа, а минатата година финансиравме повеќе од целиот период претходно. Сметам дека сите компании мора да го почувствуваат бенефитот и да се едуцираат. Ние како банка на секој начин се обидуваме ова да го правиме, преку различни општествено одговорни активности под платформата SPARKASSE LIFE, па така, на пример, оваа година наместо подароци, решивме да засадиме дрвца во име на нашите клиенти и да им подариме благодарници за засадени дрвца во нивно име, а за овој чекор добивме многу позитивни реакции од нашите клиенти и соработници“, додаде Неданоска.

Таа истакна дека со реализација на стратегијата за одржливост која доаѓа од матичната Ерсте Групација, Шпаркасе Банка постојано придонесува за подобра иднина на нашите деца.

„Ние како жени поемотивно пристапуваме и не секогаш профитот е оној што ќе влијае врз крајната одлука. На тој начин, потребно е преку наш личен пример да ги убедиме и нашите вработени да работат во насока на зелена економија и да ги едуцираме нашите деца, бидејќи тие се оние што ќе ја развиваат зелената економија во иднина. Доколку секој од нас направи чекор плус, сите заедно ќе добиеме многу. Да веруваме во она што сакаме да го оствариме и на крај тоа и ќе го реализираме“ – истакна г-ѓа Нина Неданоска.

Шпаркасе Банка продолжува континуирано да работи во насока на едукација и подигање на свеста за зелената економија и воспоставување енергетско ефикасни решенија, како и реализација на долгорочна стратегија за одржливост.

Слични Теми:

Домашни банки

Стопанска банка АД Скопје со зголемена добивка за 17% во првиот квартал на 2024 година

Објавено

пред 1 недела

на

Стопанска банка АД Скопје во првиот квартал од 2024 година продолжи со остварување солидни резултати и висока профитабилност.

Добивката пред оданочување и резервации во анализираниот период изнесува 1.345.050 илјади денари, што е 17 % повеќе споредено со претходната година. Задржувајќи го високо прудентниот пристап во однос на управување со квалитетот на кредитното портфолио, во истиот период Банката издвои исправка на вредност на финансиските средства и посебна резерва за вонбилансна изложеност, на нето-основа, во износ од 387.330 илјади денари. Со тоа, добивката на Банката пред оданочување на 31.03.2024 година изнесува 957.720 илјади денари и во однос на истиот период од минатата година е повисока за 23 %. Во најголем дел, ова е резултат на зголемените приходи по сите основи поради зголемувањето на обемот на деловните активности.

Нето-приходите од камати изнесуваат 1.565.359 илјади денари и се зголемени за 21% во однос на истиот период од минатата година, како резултат на кредитните активности и вложувањето на вишокот ликвидни средства во првокласни инструменти.

Нето-приходите од провизии и надоместоци изнесуваат 213.431 илјади денари и се зголемени за 3% во однос на анализираниот период во 2023 година, што се должи на зголемен обем на активности, односно зголемен обем на испорачани услуги на клиентите, од кои најмногу во делот на услугите во платниот промет и картичното работење.

Вкупната актива на Банката во анализираниот период изнесува 129.303.255 илјади денари.

Капиталот и резервите изнесуваат 26.626.451 илјади денари, што претставува зголемување за 3% во однос на крајот на 2023 година. Дополнително, Банката пренамени износ од 2.460.000 илјади денари од задржаната добивка од претходни години во добивка ограничена за распределба на акционерите во иднина, со што се зголемија сопствените средства и стапката на адекватност на капиталот, која на 31.03.2024 година изнесува 19%.

Во следниот период се очекува продолжување на деловните активности во согласност со дефинираниот деловен план на Банката со целосна ориентираност кон поддршка на клиентите, прудентно управување со ризиците и одржување на високата стабилност, сигурност и ефикасност во сите сегменти од нејзиното работење. Исто така, Банката продолжува со реализација на започнатите проекти, пред сè, во делот на дигитализацијата, како и подготовка на понуда на нови услуги. Секако, фокусот останува на редовното и ефикасно извршување на основните деловни активности, одржување на лидерското пазарно учество од околу 27% во сегментот на кредитирање на населението, со фокус за натамошно зголемување на пазарното учество во делот на кредитирање на компаниите.

Оваа година Стопанска банка прославува 80 години од основањето и следствено целиот натамошен период ќе биде исполнет со многубројни новитети и изненадувања на задоволство на нашите клиенти и соработници, но и на пошироката заедница.

Продолжи со читање

Домашни банки

Филијалите и експозитурите на Комерцијална банка нема да работат на 1 мај 2024 година

Објавено

пред 1 недела

на

Филијалите и експозитурите на Комерцијална банка АД Скопје нема да работат на 1 мај (среда) поради прослава на 1 Мај – Денот на трудот.

“Ги известуваме нашите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка“, велат од Комерцијална банка.

За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид.

Продолжи со читање

Домашни банки

Комерцијална банка: Во тек е исплатата на пензиите за месец април

Објавено

пред 1 недела

на

Комерцијална банка АД Скопје започна со исплата на пензиите за април од денес (вторник – 30.04.2024 година).

Пензионерите кои имаат активна дебитна картичка со својата пензија може да располагаат од денес – вторник 30.04.2024 година, и ќе може да ја подигнат на банкомат или да ја користат за безготовинско плаќање низ трговската мрежа.

Пензионерите кои не користат дебитна картичка, пензијата од 30.04.2024 година ќе може да ја подигнат во експозитурите и филијалите на Банката.

Повеќе филијали и експозитури на Комерцијална банка им овозможуваат на клиентите трансакции преку шалтер до 17 часот, со што бројни шалтери им се достапни со најдолго работно време на пазарот од понеделник до петок. А, секако и во сабота, кога филијалите на Банката низ целата земја и повеќе експозитури во Скопје работат од 9 до 12 часот, додека експозитурата во East Gate mall, пак, е отворена до 14 часот.

Продолжи со читање

Популарно