Банки
Ангеловска-Бежоска за ВОА: Народната банка останува посветена на обезбедувањето среднорочна ценовна стабилност

Народната банка останува посветена на исполнувањето на својата основна цел, односно обезбедувањето среднорочна ценовна стабилност. За таа намена, централната банка будно ја следи ситуацијата и ги презема сите потребни мерки за враќање на стапките на инфлација на 2% на среден рок. Одржувањето на финансиската стабилност, исто така, е во прилог на остварување на оваа цел, порача гувернерката на Народната банка, Анита Ангеловска-Бежоска, која учествува на Пролетните средби на Меѓународниот монетарен фонд (ММФ) и Светската банка (СБ) во Вашингтон, во интервјуто, за „Гласот на Америка“.
Во услови на најновите случувања во финансискиот систем и препораките на ММФ дека и покрај нивното влијание врз финансиските пазари, централните банки треба да продолжат со затегнување на монетарната политика, гувернерката посочи дека нашата централна банка постојано будно ги следи макроекономските показатели и доколку треба, презема соодветни мерки. Народната банка сѐ уште е во циклус на затегнување на монетарната политика, коешто започна уште од крајот на 2021 година, преку управување со ликвидноста на девизниот пазар, а од април 2022 година наваму, и преку зголемување на каматните стапки. Ваквата монетарна поставеност беше поддржана и со неколкуте промени кај инструментот задолжителна резерва, коишто се насочени кон зголемување на штедењето во денари. Истовремено, за да им се овозможи на домашните банки соодветно да управуваат со кредитниот ризик, Народната банка презема и системски мерки, како воведување на противцикличниот заштитен слој на капиталот.
Во интервјуто за „Гласот на Америка“ гувернерката се осврна и на Светскиот економски преглед, кој го објави ММФ на почетокот на Средбите. Согласно основното сценарио во рамки на априлските проекции на ММФ, се очекува растот на глобалната економија во 2023 година да забави во однос на претходната година, особено кај развиените економии, додека следната година умерено би забрзал, така што на среден рок би се задржал на околу 3%, што е најниската среднорочна оценка во изминатите неколку децении. Ризиците за глобалниот економски раст главно се надолни и се поврзуваат со превирањата во финансискиот сектор, влошувањето на условите за финансирање, намалувањето на довербата на потрошувачите и инвеститорите и со развојот на воената ситуација во Украина. Како позитивни аспекти, пак, се наведуваат потрошувачката на домаќинствата и ниските стапки на невработеност на пазари на труд, коишто можат да имаат позитивно влијание, како и поголемата отпорност на глобалната економија. Како мала и отворена, нашата економија ќе биде под влијанија на случувањата на глобалната, особено на економијата на ЕУ, која е нашиот најголем трговски партнер. Гувернерката нагласи дека во Народната банка се завршуваат пролетните проекции, коишто ќе бидат презентирани во текот на следниот месец.
Банки
Ангеловска-Бежоска на Kонференцијата на Светската банка: За повисок раст најважно е да се зголеми продуктивноста којашто е околу половина од европската

„Економијата постепено закрепнува од шоковите, а нивото на доход изнесува околу 42% од европското. За побрза доходовна конвергенција и за намалување на овој јаз важни се структурните реформи со кои ќе се зголеми потенцијалот за раст којшто во изминативе две декади во регионот на Западен Балкан, вклучително и во нашата економија, е речиси преполовен. А потенцијалот за раст може да се зголеми само преку вложување во човечки капитал, каде што значаен предизвик е емиграцијата, преку вложување во физичкиот капитал којшто во моментов изнесува околу 30% од европскиот просек и преку зголемување на продуктивноста којашто е околу 50% од европската.“ Ова го истакна гувернерката Анита Ангеловска-Бежоска на Конференцијата во организација на Канцеларијата на Светската банка на којашто беше презентирана студијата „Кон повисоки достигнувања: Патот до повисок доход во Европа и Централна Азија“.
„Во однос на физичкиот капитал, за да се зголеми нивото на приватниот и јавниот капитал, важно е да се засилат домашните, а уште повеќе странските инвестиции, што ќе обезбеди не само нов капитал, туку и нови знаења, менаџерски вештини, напредна технологија. Во овој контекст, добро е што се засилува јавниот инфраструктурен циклус и што значително забрзуваат странските директни инвестиции коишто минатата година достигнаа едно од историски највисоките нивоа (7,1% од БДП) и покрај зголемените геополитички тензии и трговски препреки“, истакна гувернерката.

За зголемување на продуктивноста особено е важно во фокусот да се стават иновациите и технолошкиот развој. Во овој контекст и согласно надлежностите, Народната банка постојано презема чекори за иновации во финансискиот сектор. „Во изминатиов период создадовме Центар за иновации којшто поддржува компании подготвени да вложуваат во иновативни финансиски активности. Беше донесена Првата национална стратегија за финтек и беше подготвена регулативната рамка за извршување на плаќањата, што ни го отвори патот кон членството во Единствената област за плаќање во евра (СЕПА). Тоа ќе овозможи голем број придобивки за нашата економија, вклучително и поиновативни бизнис-модели и конкуренција во финансиската индустрија“, истакна гувернерката Ангеловска-Бежоска, нагласувајќи и дека примената на дигиталните технологии има потенцијал да ја зголеми продуктивноста и да ублажи дел од структурните пречки за економскиот раст.
На Конференцијата се обратија и директорот на Канцеларијата на Светската банка во земјава, Масимилијано Паолучи и Михалис Рокас, амбасадор на ЕУ во земјава, главниот економист на Светската банка за регионот на Европа и Централна Азија, Иваjло Изворски, а на панел-дискусијата на којашто учествуваше гувернерката Ангеловска-Бежоска се обрати Гордана Димитриеска-Кочоска, министерка за финансии, Стефан Андоновски, министер за дигитална трансформација, како и Виктор Мизо, претседател на Советот на странски инвеститори.
Банки
ММФ оценува дека Народната банка успешно се справува со шоковите и ја води политиката претпазливо и професионално

Меѓународниот монетарен фонд (ММФ), во својата завршна изјава по редовната мисија согласно член IV, оцени дека Народната банка ефективно се справи со серија економски шокови, обезбедувајќи намалување на инфлацијата, стабилен девизен курс и сигурен финансиски систем. Народната банка, според ММФ, соодветно пристапи и кон постепено и внимателно олабавување на монетарната политика, следејќи ги економските услови и анализи.
ММФ препорачува Народната банка да продолжи со претпазливата монетарна политика сѐ додека не се потврди постојан и одржлив пад на инфлацијата. Доколку некои од домашните ризици се остварат, се посочува дека Народната банка треба да е подготвена за повторно затегнување на монетарната политика, вклучително и преку управување со ликвидноста со расположливите инструменти, како што е задолжителната резерва.
Во областа на финансиската стабилност, ММФ позитивно го оценува воведувањето на макропрудентните мерки како што се ограничувањата на односот заем ‒ вредност и долг ‒ доход, коишто веќе придонесуваат за намалување на ризиците на пазарот на недвижности и за заштита од прекумерно задолжување. Поддржано е и постепеното зголемување на контрацикличниот заштитен слој на капиталот на банките и дополнителните капитални барања, со цел да се зголеми отпорноста на банкарскиот систем, а во согласност и со европската регулатива.
ММФ ја нагласува огромната важност на зачувувањето на независноста на централната банка, како основа за стабилност на цените, девизниот курс и финансискиот систем.
Народната банка и натаму ќе биде целосно посветена на својата мисија – одржување на ценовната и финансиската стабилност и поддршка на долгорочната економска отпорност.
Банки
Халкбанк АД Скопје со нова експозитура во Diamond Mall – банкарските услуги поблиску до клиентите

Со цел унапредување на корисничкото искуство и поголема достапност на своите услуги, Халкбанк АД Скопје на 5 мај 2025 година официјално ја отвори својата нова, модерна експозитура во трговскиот центар Diamond Mall, во срцето на главниот град.
Новата филијала на Халкбанк нуди широк спектар на банкарски услуги од депозитно и благајничко работење, кредитирање, платен промет, до дополнителна консултативна поддршка во пријатна и функционално уредена средина. Со оваа инвестиција, банката ја продолжува својата стратегија за проширување на физичкото присуство и обезбедување на поквалитетен и поефикасен пристап до услугите за граѓаните и компаниите.
Работно време на експозитурата:
- Понеделник – Сабота: од 10:00 до 22:00 часот
- Недела: од 10:00 до 20:00 часот
Diamond Mall експозитурата претставува 47-ма филијала на Халкбанк АД Скопје на ниво на држава и 27-ма во градот Скопје, со што банката потврдува дека останува посветена на својата мисија – да биде финансиски партнер на клиентите во секојдневниот живот и деловно работење.
Во динамично време кога удобноста и достапноста се клучни, новата експозитура на Халкбанк во Diamond Mall претставува важен чекор кон уште подобро банкарство, поблиску до клиентите.
- Банкипред 5 дена
НЛБ Банка Скопје e првата банка во земјата со формална апликација кон СЕПА, единствената област за плаќање во евра
- Банкипред 1 месец
Шпаркасе Банка наскоро започнува со изградба на нова Централа во Скопје
- Интервјуапред 2 месеци
Интервју | ЕМИЛИЈА НАЦЕВСКА: Вклучувањето на Македонија во СЕПА отвора ново поглавје во меѓународните плаќања
- Бизниспред 2 месеци
Награди за е-трговија: Ова се најдобрите за 2024 година!
- Советипред 1 месец
Водич за станбени кредити – Дел 1: Што треба да знаете пред да аплицирате?
- Вработувањепред 2 месеци
Оглас за вработување во Силк Роуд Банка АД Скопје
- Банкипред 2 месеци
“Сите врати се отворени” со промотивниот Потрошувачки пакет од ПроКредит Банка
- Банкипред 2 месеци
Пензионерски пакет на Халкбанк – Сигурна пензија, помалку трошоци и поголема удобност