Connect with us

Вработување

Алкалоид апсолутен победник, Пивара, Телеком и ТАВ меѓу најатрактивнитекомпании за вработување – Настан Работодавач на Годината

Објавено

пред 9 месеци

на

Синоќа 17 Април 2024 во Хотелoт Лимак, Скопје се случи втората по ред Манифестација за избор на наjпосакуван работодавач „Работодавач на годината“, а во организација на првиот сајт за огласи за работни места во земјава Вработување.ком

Концепирана како Оскари за работодавачите, оваа манифестација прв пат се случи минатата година оддавајќи им признание на најпосакуваните, но и предизвикувајќи ги помалку атрактивните.

Оваа година пред присутни 300 посетители македонски и странски компании, им се оддаде признание на најатрактивнте за 2023 година, кои со своите огласи и објави предизвикале најмногу внимание кај посетителите на сајтот, а и спроведената анкета за привлечноста на компаниите за вработување ја потврдува нивната атрактивност.

Манифестацијата ја отвори Генералниот менаџер на Вработување.ком Дарко Велков, кој нагласи дека ова е еден исклучително тежок период за пазарот на труд и токму заради тоа ваквата манифестација е охрабрувачка за сите компании кои се дел од македонскиот бизнис.

“Вечерва нема да има губитници, ќе имаме наградени и мотивирани. Ќе имаме предизвикани и предизвикувачи. Вечерва сите овде присутни сме победници затоа што заеднички опстојуваме и се бориме за човечки ресурси, се бориме со миграциите, со инфлацијата и со пребрзото технолошко менување на светот. Но, ќе заклучам ако во маката јунакот се познава тогаш сите ние овде присутни компании сме јунаци” – заклучи Велков.

Беа доделени награди во вкупно 8 категории, а една компанија ја доби титулата апсолутен победник.

Добитници на наградите:

  1. 1. Најпосакувана болница за вработување СИСТИНА
  2. 2. Најпосакуван маркет за вработување ЛИДЛ
  3. 3. Најпосакувана компанија за вработување во категорија храна и пијалоци СКОПСКА ПИВАРА
  4. 4. Во категоријата најпосакувана банка за вработување добитник е КОМЕРЦИЈАЛНА БАНКА
  5. 5. Најпосакувана компанија од категоријата странски инвестиции е ЏОНСОН МЕТИ
  6. 6. Најпосакувана компанија од нафтената индустрија е МАКПЕТРОЛ
  7. 7. Најпосакуван телекомуникациски оператор во кој граѓаните со задоволство би се вработиле е ТЕЛЕКОМ
  8. 8. Во категоријата најпосакувана компанија за транспорт и логистика добитник е ТАВ МАКЕДОНИЈА

Апосолутен победник пак, во однос на сите добитници, според бројот на гласови на анкетата и направената статистика на број на прегледи како и интересот на апликантите за нивните објави на сајтот Вработување.ком, е компанијата АЛКАЛОИД која со оваа титула се закити и минатата година.

Останувајќи и оваа година прва компанија во која луѓето без размислување би се вработиле, АЛКАЛОИД ја докажа својата апсолутна доминација во однос на посветеноста на своите сегашни и идни вработени.

Заблагодарувајќи се за наградата Генералниот директор и Претседател на Управниот одбор на „Алкалоид“ АД Скопје Живко Мукаетов им оддаде признание на своите 3000 вработени потенцирајќи ги годините на опстојување и традиција на Алкалоид – вкупно 88.

Нагласи дека и понатаму вистинските вредности ќе бидат на прво место во нивната компанија, дека им е чест што по втор пат се одбрани за најатрактивна компанија за вработување во Македонија и изрази надеж дека и во останатите 22 единици кои се надвор од Македонија во иднина ќе го добијат ова признание.

На манифестацијата беше доделена и една специјална награда.

„Работодавач со најуспешен ребрендинг раст“ која отиде во рацете на РЕПЛЕК, а за „Најуспешна емплоер брендинг кампања“ статуетката отиде во рацете на Флекс Кредит.

Организатор и творец на наградната манифестација е сајтот Вработување.ком кој прослави и 21 година од своето основање а од минатата година е во сопствеништво на финската компанија за огласи за работа Алма Кариера која работи во 11 европски земји, вклучувајќи ја Хрватска, Босна, Словенија, Словачка, Чешка, Естонија, Литванија, Латвија, Финска и Македонија.

Водител на настанот беше актерот Гораст Цветковски.

Слични Теми:

Вработување

Оглас за вработување во НЛБ Банка АД Скопје

Објавено

пред 14 часа

на

Секторот за финансиско управување на НЛБ Банка го зајакнува својот тим на успешни
професионалци и нуди можност за работење во Служба за стратешко планирање и финансиски контролинг.

Доколку имаш желба и амбиција да се приклучиш на НЛБ тимот и заедно да ги споделувате предизвиците на работењето, во сегментот на работа со стратешко планирање и финансиски контролинг, НЛБ Банка те мотивира да се пријавиш на отворената работна позиција:

Аналитичар во Сектор за финансиско управување

Улога во тимот:

  • Анализа и управување со профитабилноста на пазарните сегменти и продукти на Банката;
  • Анализа и управување со профитабилноста и продуктивноста на продажните канали на Банката;
  • Учество во подготовка на стратешки и деловен план на Банката;
  • Следење на исполнување на планот, анализа на причините за отстапки во планот и подготовка на извештаи.

Потребни квалификации и компетенции:

  • Универзитетско образование;
  • Претходно работно искуство во финансиски и сродни индустрии ќе се смета за предност;
  • Познавање од областа на управување со податоци во финансиски менаџмент;
  • Познавање на работа со бази на податоци, power query и Power BI алатка, ќе се смета за предност;
  • Познавање на методи на анализа на податоци;
  • Одлично познавање на MS Office – MS Excel и MS PowerPoint;
  • Одлично познавање на англиски јазик;
  • Изразени организациски, комуникациски и тимски способности, ангажираност, иницијатива, темелен пристап кон работата и спремност за промени.

Мотив да се придружите на НЛБ тимот:

  • Препознатлив регионален бренд и современо работно опкружување;
  • Меѓусебната доверба и грижа за другиот се основни начела во работењето;
  • Напредна обука и индивидуален кариерен развој; менторство од врвни банкарски експерти;
  • Позитивна организациска култура базирана на флексибилно работно време и слободни денови за различни пригоди;
  • Континуирано учество во групациски корпоративни проекти;
  • Конкурентен пакет на плата и надоместоци (вклучително приватно здравствено осигурување и трет пензиски фонд).

Потврди го твојот интерес со доставување на кратка биографија (CV) најдоцна до
23.01.2025 на [email protected] со назнака за Аналитичар во Сектор за финансиско
управување.

Само кандидатите кои ги исполнуваат основните критериуми ќе бидат контактирани за интервју.

Продолжи со читање

Вработување

Оглас за вработување во Штедилница Можности

Објавено

пред 5 дена

на

Службеник во служба за трезорско работење

Работни задачи:

  1. Следење на тековна ликвидност и управување со парични средства,
  2. Управување со монетарни инструменти,
  3. Проекции на паричен тек, показатели на ликвидност и други показатели,
  4. Подготовка на извештаи за ликвидносен ризик, согласно пропишани одлуки,
  5. Подготовка на извештаи за валутен ризик согласно пропишани одлуки,
  6. Подготовка на извештаи за каматен ризик, согласно пропишани одлуки,
  7. Подготовка на извештаи за адекватност на капитал, 
  8. Извештајност кон кредитори, и
  9. Други работи и работни задачи од делокругот на службата.

Потребни знаења и вештини:

  • Завршено високо образование, 
  • Способност за тимска работа но и самостојност,
  • Добри комуникациски вештини и способност за решавање на проблеми преку ефикасна комуникација,
  • Солидно познавање на англиски јазик,
  • Работно искуство во дејноста е добредојдено но не е задолжително.
  • Мотивираност за проучување, совладување и примена на нови методологии, техники и технологии.

Бенефиции:

  • Најниската нето плата предвидена за оваа работна позиција е 33.000 денари.
  • Континуирани обуки за професионален развој,
  • Работа во интересна и динамична работна средина.

Штедилница Можности која има правичен третман при вработување на сите лица и нуди одлични услови за работа со можност за стручно усовршување, како и напредок и развој во кариерата воинтересна и динамична работна средина. 

Заинтересирани кандидати, доколку сакате да станете дел од нашиот успешен тим, испратете CV на e-mail:[email protected] и [email protected], огласот е активен до 17.01.2025 г.

Вашите апликации за вработување ќе бидат третирани со строга доверливост и согласно Законот за заштита на лични податоци.

Со праќање на вашата апликација за вработување се согласувате компанијата да може да ги собира, обработува и чува вашите лични податоци за потребите на процесот на регрутација додека трае.

Овој оглас за вработување е нарачан од Штедилница Можности ДОО.

Продолжи со читање

Вработување

Оглас за Вработување: Искусен новинар / Уредник

Објавено

пред 5 дена

на

За Нас

www.bankarstvo.mk е медиум специјализиран за банкарството, финансискиот сектор и економијата. Нашата мисија е да обезбедиме точни, квалитетни и релевантни информации за нашата публика. Во потрага сме по искусен новинар/уредник кој ќе придонесе за подобрување на содржините и зголемување на читаноста.

Ако сте личност со страст за новинарство, аналитичко размислување и длабоко познавање на финансискиот сектор, ова е вашата можност!

Позиција: Искусен Новинар / Уредник

Локација: Скопје, со можност за работа од дома

Работно време: Полно работно време

Работни Обврски

Уредување и управување со содржини:

• Преглед, корекција и уредување на текстови пред објавување.

• Осигурување дека содржините се точни, релевантни и аналитички.

Креирање на ексклузивни содржини:

• Пишување статии, анализи и интервјуа со водечки фигури од финансискиот сектор.

• Покривање актуелни настани и вести од економијата.

Координација со тимот:

• Управување и насочување на тимот на новинари и контент креатори.

• Организирање задачи и обезбедување навремено извршување.

• Менторирање и поддршка на помладите членови на тимот.

Истражување и анализа:

• Следење на локални и глобални економски трендови.

• Прибирање ексклузивни податоци и информации.

SEO и дигитална стратегија:

• Оптимизација на содржините за зголемена видливост.

• Предлагање нови идеи за дигитален раст.

Односи со јавноста:

• Комуникација со банки, финансиски институции и експерти.

• Организирање интервјуа и покривање релевантни настани.

Квалификации:

• Универзитетска диплома (новинарство, економија, маркетинг или сродна област).

• Минимум 5 години искуство во новинарство или уредништво.

• Одлично познавање на македонски и англиски јазик.

• Длабоко разбирање на финансискиот сектор.

• Лидерски и комуникациски вештини.

Што Нудиме:

• Конкурентна плата од 50,000–60,000 МКД (во зависност од искуството).

• Флексибилно работно време.

• Можност за работа на иновативни проекти и професионален развој.

• Тим кој ги поддржува идеите и креативноста.

Како да Аплицирате

Испратете го вашето CV и примерок од вашата работа (на пример, статии, објави на социјални мрежи или други содржини) на [email protected] најдоцна до 31.01.2025 година.

Придружете се на тимот кој го редефинира новинарството во банкарскиот и економскиот сектор!

Продолжи со читање

Популарно