Анализи
АЕТМ: Во првите 9 месеци од 2022, со македонски картички кон македонски е-трговци се реализирале 17.3 милијарди денари, со раст од 20%
Согласно најновите објавени податоци за безготовински платежни трансакции на виртуелните места на продажба на Народната банка на Република Северна Македонија во првите девет месеци од 2022 година вкупната вредност на онлајн трансакциите реализирани во земјата и во странство со домашни и странски картички, изнесува 25.3 милијарди денари (2.8 милијарди денари просечно месечно) што претставува пораст од 28.2% во однос на истиот период минатата година кога се остварила вредност од 19.7 милијарди денари (2.2 милијарди денари просечно месечно).
Гледано по месеци, во третиот квартал почнувајќи од јули кога има пораст од 22.6% речиси ист како порастот во јануари, во наредните месеци се намалува и во септември порастот на вкупните онлајн трансакции изнесува 9.4% во однос на истиот месец минатата година.
Физичките лица во првите три квартали од 2022 година оствариле раст во онлајн трансакциите од 24.8% спрема 36.9% остварени од правните лица, а со тоа се намалува учеството на физичките лица во вкупните онлајн трансакции на 69.6%.
Со домашни картички кон домашни е-трговци во првите 9 месеци од 2022 година остварени се 17.3 милијарди денари и остварен е раст од 20% во споредба со истиот период минатата година. Она што е забележително како резултат на враќање на животот во нормала е поголем раст на вредноста на направените трансакции кон странски е-трговци, како и од странски картички кон домашните е-трговци. Поголем пораст има кај купувањето во странство со домашни картички и во првите 9 месеци од 2022 година остварени се 7 милијарди денари што преставува раст од 52.3% во споредба со истиот период минатата година. Странците кон домашните трговци направиле онлајн трансакции во износ од милијарда денари односно остварен пораст во првите 9 месеци од 2022 година од 37.3% во однос на истиот период минатата година. Кон македонските е-трговци се слеале 18.3 милијарди денари остварени од домашни и странски картички во разгледуваниот период што значи пораст од скоро 21% во однос на истиот период минатата година.
Што се однесува до структурата, според резидентноста на е-трговецот и издавачот на платежните картички може да се забележи дека согласно остварениот раст на вредноста на платежните трансакции во странство, на 28% се зголемува и вредноста на платежни трансакции во странство со домашни картички од вкупната вредност остварена во првите 9 месеци од 2022 година спрема 23% во истиот период минатата година.
Вкупниот број на направени онлајн трансакции во првите три квартали од 2022 година изнесува 12.3 милиони трансакции, што преставува пораст од 16.4% во однос на бројот на направените трансакции во истиот период минатата година (10.5 милиони трансакции). Поголемиот пораст на вредноста на направените трансакции од бројот ја зголемува вредноста на просечната трансакција.
И во текот на првите 9 месеци од 2022 година се забележува пораст на новотворени интренет продажни места, па така во првите 9 месеци од 2022 година се отворени 169 нови интернет продажни места.
“По значајното зголемување на реализиралните онлајн трансакции предизвикани со COVID-19 пандемијата, позитивно е што трендот на раст продолжува и понатаму. Растот во вредноста на вкупните онлајн трансакции во првите 9 месеци од 2022 година изнесува 28.2% во споредба со истиот период минатата година. Очекувано е дека со враќање на животот во нормала и можноста за патување остварен е поголем пораст на онлајн трансакциите кон странство, како и од странци кон домашните е-трговци. Со тоа се менува односно намалува учеството на транскациите кон домашни е трговци од 77% на 72% во вкупните онлајн трансакции. Но, остварениот пораст на вредноста на онлајн трансакциите кон домашните е-трговци во првите 3 квартали од скоро 21% спрема истиот период лани, како и зголемувањето на понудата до септември оваа година со нови 169 интернет продажни места ни дава позитивни сигнали за домашната е-трговија како на страната на побарувачката така и на страната на понудата. Продолжуваме будно да го следиме прогресот и развојот на е-трговијата, како и да преземаме соодветни активности и иницијативи за унапредување на климата за македонската е-трговија.” – вели Претседателката на АЕТМ, д-р. Нина Ангеловска.
Анализи
Дали падот на цените на становите во ЕУ ќе се преслика во Македонија?
Цените на становите во еврозоната паднаа за 2,1% во третиот квартал од 2023 година, а во целата Европска унија се намалени за 1%. Во Македонија во четвртиот квартал пораснаа за 7% споредено со истиот период претходната година, а за три месеци се повисоки за 1%.(повеќе…)
Анализи
Наташа Пукл ќе биде нов независен член на Надзорниот одбор на НЛБ Банка АД Скопје
Врз основа на член 39 став 1 од Статутот на НЛБ Банка АД Скопје, Собранието на НЛБ Банка на својата седница одржана на ден 21.02.2024 година донесе Одлука за именување на независен член на Надзорниот одбор.(повеќе…)
Анализи
И македонските банки ќе мора да овозможат инстант плаќања
Македонските банки ќе мора да дозволат инстант плаќања за граѓаните и компаниите кои ќе се извршуваат во многу кратко време од околу 10 секунди. Тоа значи дека парите од сметката на плаќачот ќе легнат на сметката на примачот за не подолго време од 10 секунди. Ова претставува своевидна револуција во светот на платежните трансакции затоа што примачот веднаш ќе може да располага со парите и да врши натамошни трансфери доколку му се потребни.(повеќе…)
- Банкипред 2 месеци
Александра Максимовска Стојкова е избрана за Претседател, а Ванчо Чифлиганец за Заменик претседател на Надзорниот одбор на Комеерцијална банка
- Банкипред 2 месеци
Кој член на Управниот одбор си заминува од Стопанска банка АД – Скопје!?
- Банкипред 1 месец
Илија Илоски, Билјана Максимовска Поповиќ и Никола Џамбазовски остануваат дел од Управниот одбор на Комерцијална банка и во наредниот период
- Банкипред 2 месеци
Нина Ангеловска и Петар Ниновски на втората конференција „Чувари на мудроста“ во организација на Халкбанк АД Скопје
- Uncategorizedпред 2 месеци
Александра Радевска ќе продолжи да раководи со Стопанска банка а.д. Битола и во наредниот период
- Вработувањепред 2 месеци
Платена практикантска работа во НЛБ Банка
- Банкипред 2 месеци
Ланската добивка од 900 милиони денари ќе се реинвестира, а 2,5 милијарди денари ќе се чуваат, акционерите на Стопанска банка АД – Скопје остануваат со празни раце!?
- Вработувањепред 1 недела
Оглас за вработување во НЛБ Банка АД Скопје