Connect with us

Банки

Запловете во неограничените можности на услугата Smartsend: Префлајте средства на лица од телефонскиот именик со неколку клика

Објавено

пред 2 години

на

Во денешниот свет во кој преовладува брзото и динамично темпо на живот, носењето готовина и потпирањето исклучиво на традиционалните банкарски методи, станува минато. Живееме во ера на удобни и безбедни трансакции што ни овозможуваат лесно да управуваме со нашите финансии. Најновите достигнувања во мобилната технологија обезбедуваат беспрекорна и безбедна платформа за брз и едноставен трансфер на парични средства.

Префрлањето средства од една на друга трансакциска сметка асоцира на здодевно пополнување уплатница која се поднесува или во некоја филијала или по пат на електронско или мобилно банкарство. Токму затоа Халкбанк АД Скопје, како лидер во воведување нови технологии и како банка која што постојано се грижи за потребите на своите клиенти има креирано иновативна услуга наречена SmartSend (Ѕвони ми на сметка). Оваа услуга овозможува брзо, едноставно и лесно префрлање пари на кој било контакт од вашиот телефонски именик, доколку истиот има активна платежна сметка во Халкбанк и активиранa услугата SmartSend. Со ова иновативно решение за дигитално плаќање користејќи го само вашиот паметен телефон, за само неколку минути можете да го завршите преносот на финансии, со што заштедувате драгоцено време.

Во екот на летните периоди, кога честопати излегуваме, се шетаме, посетуваме ресторан или кафуле заедно со нашите пријатели и роднини, оваа услуга ни овозможува да префрлиме средства кон оној кој ќе ја плати сметката доколку не практикуваме да носиме готовина со нас. Или, пак, доколку вашиот партнер или член на семејството видел нешто што сака да го купи, но во моментот му недостасуваат доволно средства, може лесно да му помогнете да го реализира купувањето.

SmartSend услугата e наменета за физички лица со активна платежна сметка во Халкбанк кои се корисници на електронско и мобилно банкарство. Користењето на оваа иновативна услуга е сосема едноставно и може да се користи преку мобилната апликација на Халкбанк АД Скопје и преку веб верзијата за електронско банкарствo.

  1. Со избирање на полето SmartSend преку електронското банкарство или мобилната апликација ја активирате услугата со потврда на вашата платежна сметка и мобилен број.
  2. За да извршите трансакција преку услугата SmartSend потребно е да ја внесете сумата што сакате да ја префрлите, да изберете контакт од телефонскиот именик и да ја потврдите трансакцијата.

Халкбанк АД Скопје како банка чии што слоган е „Важни се луѓето“ интензивно работи на задоволување на потребите на своите клиенти и се стреми кон дизајнирање услуги кои штедат време и се лесни за користење. Токму таква е и услугата SmartSend.

Слични Теми:

Банки

КРИЗА ВО ГЕРМАНСКИОТ БАНКАРСКИ ГИГАНТ – Дојче банк ќе отпушта две илјади вработени и ќе ја намалува мрежата на филијали!?

Објавено

пред 9 минути

на

Германскиот банкарски гигант „Дојче банк“ планира да намали околу 2.000 работни места во текот на оваа година, во рамки на стратегијата за оптимизација на трошоците, пренесува „ДПА“.

Во согласност со долгорочниот тренд на реструктурирање, банката дополнително ќе ја намали својата мрежа на филијали. Овој потег е дел од тековните процеси на прилагодување кон новите пазарни услови и зголемениот фокус на дигиталните финансиски услуги.

Извршниот директор на „Дојче банк“, Кристијан Севинг, на конференцијата организирана од „Морган Стенли“ истакна дека во наредниот период ќе се реализира значителен број затворања на филијали. Тој нагласи дека трошоците поврзани со овие мерки се веќе пресметани во тековните финансиски планови на банката.

Портпаролот на „Дојче банк“ потврди дека процесот на затворање на филијали е дел од претходно најавените мерки за оптимизација, додавајќи дека банката не воведува нова програма за намалување на трошоците.

Во согласност со новата деловна стратегија, „Дојче банк“ го префрла фокусот кон дигиталното банкарство, при што се планира значително зголемување на видео и телефонските консултации за приватни клиенти, се вели во извештајот на „ДПА“.

Продолжи со читање

Банки

ХАЛКБАНК УШТЕ ЕДНАШ НА ДЕЛО ЈА ПОКАЖА СВОЈАТА ГОЛЕМИНА – донираше 50.000 евра како поддршка за погодените од трагедијата во Кочани

Објавено

пред 2 часа

на

Со длабоко сочувство и емпатија, Халкбанк АД Скопје стои во поддршка на сите погодени од трагедијата во Кочани. Во знак на солидарност, Банката донираше 50.000 евра на наменскиот фонд на Црвениот крст на Македонија, со цел да им помогне на семејствата на загинатите и повредените.

„Со голема тага ја примивме веста за оваа трагедија и изразуваме најискрено сочувство до семејствата настраданите. Нашите мисли се и со повредените, на кои им посакуваме брзо закрепнување и сила за надминување на овие тешки моменти“, велат од Халкбанк.

Халкбанк АД Скопје и понатаму ќе остане посветена на поддршката на заедницата, особено во моменти кога е најпотребна.

Продолжи со читање

Банки

НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

Објавено

пред 2 дена

на

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат  до 30.08.2025 година“, се вели во соопштението на НЛБ Банка, објавено на Македонска берза. 

Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.

Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Мандатот на г-ѓа Хедвика Усеник како член на Надзорниот одбор ќе трае до 30.08.2025 година.

Продолжи со читање

Популарно