Банки
Одржан ProCredit Connect: Регионален B2B самит во Сараево на кои имаше над 500 учесници и одржани беа повеќе од 700 состаноци

Од 30 септември до 2 октомври 2024 година, ПроКредит Банка Босна и Херцеговина беше домаќин на ProCredit Connect: Регионален B2B самит во Сараево. Повеќе од 500 учесници се собраа на самитот, обезбедувајќи платформа за деловно вмрежување и зајакнување на пазарните можности. Учесниците, деловни клиенти на банките на ПроКредит, дојдоа од Босна и Херцеговина, Србија, Бугарија, Северна Македонија, Косово, Романија, Албанија, Молдавија, Украина, Грузија, Грција и Германија. Во текот на трите дена на самитот ProCredit Connect, претставници на компании од металната, дрвната и прехранбената индустрија имаа можност да слушаат регионални експерти и анализи за трендовите во индустријата. Во текот на пет циклуси на B2B состаноци, учесниците создадоа нови контакти, разменија искуства, бизнис идеи и разговараа за иновациите во индустријата.
Самитот започна со свечен прием во Градското собрание на Сараево. Оваа вечер го означи почетокот на енергичната размена на идеи и градењето деловни врски што ќе го карактеризираат тридневниот настан.

Важноста на регионалната економска мрежа
Една од клучните теми на овој самит беше важноста на регионалната економска соработка. На B2B самитот учествуваа повеќе од 300 компании. Овие компании имаат кумулативен годишен обрт од околу 3,5 милијарди евра и извоз од приближно 1 милијарда евра. Со околу 30.000 вработени, тие претставуваат моќен потенцијал за економски раст во регионот. Регионалното вмрежување ќе им овозможи на овие компании да ги прошират своите пазарни граници, да најдат нови купувачи и добавувачи и да го зајакнат својот бизнис. Повеќе од 700 B2B состаноци одржани за време на ProCredit Connect се секако клучен исход од самитот кој ќе придонесе за нивниот раст.
Улогата на ПроКредит Банка
Регионалниот B2B самит го редефинира вмрежувањето меѓу компаниите во регионот, нагласувајќи го значењето на соработката за успех и иновација. Милан Дамчевски, Член на Управниот одбор на ПроКредит Банка АД Скопје, истакна: „ПроКредит Банка континуирано ги поддржува претприемачите бидејќи сме свесни за потребите на нашите клиенти, како и за потенцијалот за понатамошен развој на нивните бизниси. Целта на ProCredit Connect B2B самитот е поврзување на клиенти од 12 земји, создавање нови деловни можности и зајакнување на регионалната соработка. Беа собрани луѓе со различни идеи кои ја делат истата амбиција и желба да бидат промената што сакаме да ја видиме во земјите на Балканот“.
ProCredit Connect на тој начин обезбеди силна основа за зајакнување на економскиот развој во регионот, создавајќи платформа за нови можности.
Банки
НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат до 30.08.2025 година“, се вели во соопштението на НЛБ Банка, објавено на Македонска берза.
Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.
Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.
Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.
Мандатот на г-ѓа Хедвика Усеник како член на Надзорниот одбор ќе трае до 30.08.2025 година.
Банки
Информација за одложување на 54. сесија на Клубот на истражувачите

Народната банка ја информира јавноста дека се одложува 54. сесија на Клубот на истражувачите којашто требаше да се одржи на 27 март 2025 година (четврток), со почеток во 14:00 часот, во просториите на Народната банка.
За дополнителни информации и за новиот термин на одржувањето на сесијата на Клубот, јавноста ќе биде дополнително известена.
Банки
Пензионерски пакет на Халкбанк – Сигурна пензија, помалку трошоци и поголема удобност

Пензионирањето значи повеќе време за себе, за најблиските и за сето она што отсекогаш сте сакале да го правите. Без грижи за рокови и обврски, ова е периодот кога треба да уживате – во утринското кафе, прошетките, семејните собири и малите работи што носат радост. За да биде сè уште полесно, важно е и финансиските предизвици да бидат едноставни и без непотребни компликации.
Со Пакетот за пензионери од Халкбанк, сè е прилагодено на вашите потреби. Исплатата
на пензијата е пред секој први во месецот. Добивате можност безбедно и брзо да
располагате со вашите средства преку бесплатната MasterCard дебитна картичка со која
можете да подигнувате готовина од сите банкомати во земјата без провизија. Добивате и
бесплатно електронско банкарство достапно 24/7 за следење и менаџирање на сите ваши
трансакции од вашиот мобилен телефон или компјутер и бесплатни СМС известувања за
секоја трансакција. Дополнително, интерните налози на шалтерите во Халкбанк се без
провизија, обезбедувајќи поголема вредност за вашите средства.

Како знак на благодарност за довербата, Халкбанк доделува и подароци за пензионерите кои ќе станат дел од пакетот. Оваа понуда е достапна за сите нови клиенти кои ќе ја
префрлат својата пензија во Халкбанк, како и за веќе постоечките клиенти кои сакаат да
ги искористат овие поволности.
Финансиската сигурност е важна во секој период од животот. Со едноставни решенија и
практични поволности, Пакетот за Пензионери ви овозможува да се посветите на она што навистина ви значи – безгрижни моменти со најблиските, спокојни утра и сигурност во секојдневните финансиски одлуки.
ПР објава
- Банкипред 2 месеци
Комерцијална банка: Исплатата на пензиите за јануари започнува на 31 јануари
- Банкипред 2 месеци
КОМЕРЦИЈАЛНА БАНКА ЈА ЗГОЛЕМИ ДОБИВКАТА ЗА НЕВЕРОЈАТНИ 40% – во 2024 година оствари добивка од рекордни 80,7 милиони евра!
- Банкипред 2 месеци
Добивката на ТТК Банка порасна за 2,9% и дојде до 1,76 милиони евра во 2024 година
- Банкипред 2 месеци
Халкбанк АД Скопје: Јануарските пензии се веќе исплатени!
- Банкипред 2 месеци
Комерцијална банка ќе подели бруто дивиденда од 1.250 денари по акција за 2024 година!?
- Анализипред 2 месеци
Наглиот пад на Nvidia: Дали конкуренцијата од Кина ја загрозува технолошката доминација?
- Банкипред 2 месеци
Европската централна банка за разлика од ФЕД одлучи да намали три клучни каматни стапки
- Business Womanпред 2 месеци
Катерина Јанковиќ е нов член на Управниот одбор на НЛБ Банка Скопје