КБ Прво пензиско друштво АД Скопје ја реализираше по петти пат својата еко-акција во рамки на кампањата „Замени и засади“, која се одржа на 12 декември 2025 година во идиличниот амбиент на планинскиот центар „Гризли“,масив Јасен – Козјак. 

Настанот претставува значаен чекор во континуираните заложби на Друштвото да создава позитивно, мерливо влијание врз животната средина преку одржливи и општествено одговорни иницијативи.

Целта на кампањата е да се поттикне членството во задолжителниот и доброволниот фонд на КБ Прво да го замени зелениот плик за пензиска заштеда со извештај по електронска пошта, за што во негово име Друштвото ќе засади по едно дрво.

Во текот на акцијата, тимот на КБ Прво засади нова шумска површина – простор кој од овој момент ќе биде препознатлив по таблата со официјалното име на Друштвото, означувајќи го како „Шумата на КБ Прво“.

Во акцијата, како наши деловни соработници свој придонес дадоа и вработените на Комерцијална банка АД Скопје, Шпаркасе банка АД Скопје и ТТК Банка АД Скопје.

Овој симболичен и траен белег ја претставува долгогодишната определба на Друштвото да придонесува зазачувување на природата.

Акцијата ја потенцира важноста на тимската одговорност, солидарноста и колективниот ангажман во креирање подобра иднина. Секој член на тимот даде личен и значаен придонес, со што уште еднаш се нагласи вредноста на заедничкото делување и корпоративната култура која стои зад мисијата на „Замени и засади“.

КБ Прво продолжува да ја јакне својата улога како лидер во ESG иницијативите во пензискиот сектор, вложувајќи во активности што создаваат долгорочни придобивки и одразуваат вистинска грижа за заедницата и природата. 

Со оваа акција, Друштвото уште еднаш ја потврди својата посветеност кон општествено одговорно работење и создавање трајни вредности за сегашните и идните генерации.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02/ 32 24 229

Галерија:

По повод 31 октомври – Светскиот ден на штедењето, КБ Прво пензиско друштво упати потсетник дека секој паметен финансиски избор денес создава посигурна иднина утре.

Во светот на финансии, штедењето не е само навика, тоа е инвестиција во себе, во своите најблиски и во спокојна иднина.

Од Друштвото порачуваат дека и најмалите уплати имаат значење, бидејќи со упорност и дисциплина може да се изгради стабилна финансиска иднина.

Преку доброволниот пензиски фонд на КБ Прво, граѓаните имаат можност самостојно да уплаќаат средства, во износ и во време кое самите го одбираат, создавајќи дополнителна пензија и чувство на сигурност за иднината.

Со дваесетгодишно искуство во управување со пензиски фондови, КБ Прво пензиско друштво останува партнер на граѓаните во градењето на долгорочна финансиска стабилност.

„Штедењето е нешто што ќе остане – затоа започнете денес.“

Финансиското планирање не е еднократна одлука, туку процес што бара визија, дисциплина и доверба во иднината. Еден од најдобрите начини за обезбедување стабилна финансиска основа е вложувањето во пензиски фондови, каде секоја редовна уплата добива можност за раст и акумулација во долг временски период.

Како функционира инвестицијата

Средствата што членовите ги вложуваат во фондовите се инвестираат во различни финансиски инструменти, согласно строги законски прописи, со цел да се оствари принос на вложените средства, преку кој се обезбедува можност пензијата, односно пензискиот надоместок да расте. На тој начин не се гради само моментална заштеда, туку се создава долгорочна вредност која обезбедува дополнителен приход во иднина. Клучна улога има времето:

1. Колку порано започне вложувањето, толку повеќе години средствата имаат можност да се зголемуваат.

2. Редовноста во уплатите е подеднакво значајна – малите, но дисциплинирани вложувања со тек на време создаваат значајна акумулација.

3. Приносот што се остварува преку инвестициите е фактор кој ја определува брзината на раст, но времето останува најмоќниот сојузник на секој член.

Зошто е важно да се започне порано со уплати во доброволниот пензиски фонд на КБ Прво пензиско друштво АД Скопје

Инвестицијата во пензиски фонд не бара високи износи – доволна е мала, но постојана уплата за да се обезбеди стабилност. Возраста на зачленување има директно влијание врз конечниот резултат: секоја пропуштена година го намалува потенцијалот за акумулација.

Членови на доброволниот пензиски фонд може да бидат сите лица на возраст од 15 до 70 години, под услов да не се приматели на пензија, односно лица кои немаат остварено право на пензија во согласност со Законот за пензиско и инвалидско осигурување. Тука спаѓаат вработени или невработени лица, вработени на проекти или трети лица – членови на семејството. За малолетни лица, уплатите може да ги врши родителот или старателот во улога на уплаќач.

Со започнување на 25 години, членот има предност од цела деценија дополнителни уплати и раст на вложените средства во споредба со лице кое започнува на 35 години. Оваа временска разлика резултира со речиси двојна акумулација на капитал.

Конкретни примери – ефектот на возраста и приносот

Да ја разгледаме разликата во акумулираните средства при редовно вложување од 3.000 денари месечно:

Разликата е јасна: десет години порано вложување значат неколку стотици илјади денари повеќе во иднина. Тоа е директен показател дека времето и дисциплината се клучните фактори за создавање значителна финансиска предност.

*Пресметката е од информативен карактер. Износот на акумулирани средства е проектиран врз основа на параметрите кои корисникот самиот ги внесува (месечна, годишна или еднократна уплата на износ на доброволен придонес, надомест од уплатени придонеси, очекувана стапка на принос и период на уплата).

Во пресметката е вклучен износот за надомест за управување со средства.

Приносот на вашата доброволна индивидуална сметка и/или професионална сметка е променлив и зависи од приносот на вашиот доброволен пензиски фонд и од надоместоците наплатени од вашето друштво кое управува со доброволниот пензиски фонд.

Надоместоци кои ги наплаќа друштвото: Линк

Оданочувањето на средствата при исплата е согласно Законот за данок на личен доход.

Лидерство и сигурност

Како лидер на пазарот на пензиско осигурување, КБ Прво е посветено на управување со средствата на своите членови на транспарентен, одговорен и професионален начин. Нашата стратегија се заснова на оптимален баланс помеѓу сигурноста на вложувањата и нивниот потенцијал за принос. Долгорочната стабилност и довербата што ни ја укажуваат членовите се најсилен доказ дека дисциплинираната инвестиција носи резултати.

Ваша одлука – ваша иднина

Секој ден е нова можност за создавање финансиска независност. Одлуката да се вложува денес е инвестиција во подобра утрешнина. Пресметајте го вашиот потенцијален раст преку калкулаторот за пензиска заштеда.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02/32 24 229.