Connect with us

Осигурување

КАСИЧКА, детско осигурување со штедење на Триглав Осигурување Живот – нов производ за заштита и сигурност на децата

Објавено

на

Грижата за семејството е главната причина која не наведува да донесеме одлука за обезбедување на сигурност без несакани потешкотии во иднина. Финансиската стабилност на нашите деца е можеби една од најважните сегменти при сечие размислување, па поседувањето на полиса за осигурување на живот која би го намалило ризикот при несакани тешки финансиски последици на родителите го прави производот Касичка вистински заштитник за сигурна иднина.

Триглав Осигурување Живот со цел да се доближи до секој дом и потреба воведе новина која дава можност за инвестирање, штедење и осигурување со различни опции согласно можностите и планираниот буџет за инвестирање.

Понудена е одлична можност за осигурување на живот со штедење со бројни предности и погодности кои овозможуваат финансиска безбедност за најблиските во случај на несакани животни ситуации, а производот е комбинација на штедење и осигурување кој покрај полисата за животно осигурување, ја гарантира и сигурноста на вложените средства, што значи дека по истек на договорениот осигурителниот период, нашите деца ги добиваат средствата во висина која е договорена при склучување на полисата, а низ целиот период на договорот ја користат привилегијата да користат осигурување.

Вистинска иновација е опцијата која во случај на несакан штетен настан-смрт на договорувачот на осигурувањето по изминати две години од склучување на договорот, обврската за уплата на идните премии до истекот на договорот за детско штедно осигурување ја презема Триглав осигурување Живот.

Додека нашите деца растат безгрижно, на нас останува одговорноста да донесеме вистинска одлука и да почнеме да штедиме за остварување на нивните соништа. Материјалните подароци не радуваат но се минливи, а полисата за детско штедно осигурување со препознатливиот лик “Кучето-Пази” е вреден подарок кој е од големо значење тогаш кога ни е најпотребно.

Касичка детското штедно осигурување е производ кој се склучува без потреба од лекарски преглед и е моделиран според сечија можност па така при склучување на договорот е понудена можност за уплата на премијата со договорна динамика т.е. месечна уплата на рати. По истекот на договорот за осигурување повторно се нудат опции за еднократен износ на договорената сума или дефиниран план за парцијална исплата на заштедените средства согласно моменталните потреби на осигуреникот како средства за образование кај нас или во странство, инвестирање во животен простор или финансиска поддршка во – исплата на договорениот износ преку рата со дефиниран период на исплата, а периодот на исплата и износот на рата е утврден во самата полиса.

Со овој тип на осигурување може да се осигурат сите лица од 1 ден старост до 15 години, додека периодот за истек на договорот за осигурување не може да биде подолг од календарската година во која осигуреникот ќе наврши 25 години.

Триглав Осигурување Живот
Сè ќе биде во ред.

Осигурување

Граѓаните наплатија 5,3 милиони евра од здравствено осигурување за пет месеци

Објавено

на

Вредноста на исплатените штети за приватно здравствено осигурување за првите пет месеци годинава пораснале за 28,5 % во однос на истиот период лани. Исплатите за каско осигурување се зголемени за 26%, а на приватното здравствено осигурување пораснале 28,5%. Компаниите за неживотно осигурување за пет месеци исплатиле над 58.400 штети

Осигурениците наплатија 324,4 милиони денари (5,3 милиони евра) од осигурителните компании за медицински трошоци покриени со нивните полиси за приватно здравствено осигурување во првите пет месеци годинава, покажуваат податоците кои осигурителите ги доставуваат до Агенцијата за супервизија на осигурување (АСО).

Осигурителните компании годинава исплатија 1,2 мил.евра повеќе пари за медицински трошоци покриени со осигурување во споредба со истиот период лани. Во зависност од видот на осигурување, премијата и осигурените суми осигурениците добиваат покритија за трошоци направени за приватни прегледи, испитувања, снимања и операции. Приватното здравствено осигурување е најпопуларен осигурителен продукт меѓу другото и затоа што се поголем број на компании го користат во нивните политики за привлекување работници, а воедно и за лојалност за вработените. 

Во првите пет месеци вредноста на исплатените штети за сите класи неживотно осигурување изнесува 1,95 милијарди денари (31,7 мил.евра). Во однос на истиот период во 2023 година вредноста на штетите што ги исплатиле компаниите за осигурување е повисока за речиси 2 милиони евра односно за околу 7 отсто.

Процентуално највисок раст на исплатените средства за штети покриени со осигурување има кај патничкото осигурување. За првите пет месеци осигурителите за изгубен багаж, медицински трошоци при патување во странство и други штети покриени со тоа осигурување исплатиле 42,9 милиони денари (700.000 евра). Тоа е за 40 отсто повеќе од истиот период лани.

По приватното здравствено осигурување, од сите доброволни класи, најголема исплата на штети има за каско осигурени возила. За пет месеци нивните сопственици од пријавени штети наплатиле 303,5 милиони денари (4,9 мил.евра). И тоа е за 26 отсто повеќе од претходната година. 

Во најголемата осигурителна класа, која воедно е и законски задолжителна, тоа е автомобилската одговорност се исплатени 998,4 милиони денари (16,2 мил.евра). И тоа е малку повеќе од половина од вкупно исплатените средства за штети покриени со осигурување.

Во првите пет месеци годинава 11 осигурителни компании за неживотни осигурувања исплатиле над 58.400 штети на осигуреници.

Повеќе информации за осигурителниот пазар се достапни на следниот линк https://aso.mk/category/publikaczii/izveshtai-za-rabotata-na-osiguritelnata-industri-a/drushtva-za-osiguruva-e/

Продолжи со читање

Осигурување

Животно осигурување – мудра и оправдана инвестиција. Премиите се ниски, а бенефитите големи!

Објавено

на

Растечкиот интерес за полисите за животно осигурување во нашата земја покажуваат дека свеста за оваа проблематика е во пораст, а луѓето стануваат се’ поодговорни за нивното здравје во иднина, но и за финансиската иднина на најблиските. Животното осигурување постои токму за тоа: да обезбеди финансиска поддршка за луѓето кои ги сакате, во случај нешто лошо или непредвидено да ви се случи вам. Звучи како нешто што му е потребно секому, но како да знаете кога е вистинското време за да ја купите вашата полиса?

Перцепцијата околу животното осигурување е дека тоа треба да биде согледано како мудра и оправдана инвестиција, наместо како трошок. Полисата за животно осигурување ви нуди начин да го обезбедите сопствениот живот и да им обезбедите финансиска помош на најблиските во случај на несреќа, но истовремено претставува и можност за создавање капитал кога приходите ќе се намалат – како што е случајот по одењето во пензија.

Животното осигурување им е потребно на сите возрасни луѓе кои остваруваат свои примања, а особено на оние со луѓе и домови за кои треба да се грижат. Без разлика дали се работи за долгогодишен бизнисмен, самохрана мајка или пак вработен млад човек кој сака да основа свое семејство, полисата за животно осигурување гарантира мирна сегашност и ќе ви помогне да ги поставите темелите за среќна иднина. 

Честопати се среќаваме со случаи каде луѓето не решаваат да купат животно осигурување затоа што сметаат дека тоа е прескапа ставка која не можат да си ја дозволат. Но, се работи за заблуда предизвикана од неинформираност или од недоволно истражување на опциите.

Постојат различни типови на животно осигурување со различна минимална месечна и годишна премија. На пример за ризико животно осигурување месечна премија е 3 евра, за колективно осигурување месечната премија е 0,5 евра, додека за класично животно осигурување месечна премија 15 евра итн.  Ќе се согласите износите на премиите се толку ниски, а бенефитите големи! Полисата за животно осигурување може да се адаптира на вашите индивидуални потреби, нудејќи ви го она што ви е потребно и што можете да си го дозволите. Таа се одредува согласно возраста, полот, вашите желби и барања, со цел да создаде најдобри услови и придобивки за осигуреникот. 

Како инвестиција во себе и во иднината, животното осигурување ви дава шанса мирно да чекорите низ денешницата, знаејќи дека луѓето кои ви се најважни на светот ќе бидат финансиски заштитени доколку вам ви се случи нешто. Но уште поважно, ваквата полиса има однапред должина на важење, која откако ќе истече осигуреникот ги добива вложените средства назад и може да ги искористи за вложување во некоја од работите кои му се навистина важни: реновирање на домот, образование на децата, патувања и слично. Важноста на полисата за животно осигурување ја одредува осигуреникот, во зависност од неговите потреби и можности.

Кога одлучувате да купите полиса за животно осигурување, значи дека инвестирате во иднина во која ќе го отстраните стресот и ќе си овозможите мир и спокој на умот.  Затоа, важно е добро да ги знаете вашите желби и можности, како и да се консултирате со експерт пред да ја донесете конечната одлука. Бидете одговорни за себе и за вашите најблиски, испланирајте го вашето животно осигурување уште денеска.

Продолжи со читање

Осигурување

Големи промени во движењето на пазарот на осигурување, пазарот на осигурување бележи тренд на раст кај животното но и осигурувањето на неживот

Објавено

на

Согласно резултатите од објавените месечни извештаи од страна на Агенцијата за супервизија во осигурувањето во текот на изминатиот квартал, наведените показатели укажуваат на позитивно и стабилно движење со осигурителниот сектор. Повторно на самиот врв се наоѓа Триглав осигурување живот и оваа лидерска позиција ја добива според бројот на нова полисирана премија. 

Свеста за осигурителна заштита кај нашите граѓани во последните неколку години е на се повисоко ниво, а осигурителните компании како опција за клиентите своите производи ги прават се подостапни до нивните потреби и барања.

Трендот на раст е повторно присутен и тоа во сите класи на осигурување, а најизразено е зголемувањето на бројот на ново склучени полиси кај компаниите за осигурување на живот но воедно и раст кај бројот на исплатени штети.

Додека неживотните осигурувања најчесто се склучуваат од потреба за заштита на имотот, домот или автомобилската одговорност, животното осигурување се повеќе е препознаено како еден од најсигурните и најатрактивните начини за инвестирање и оплодување на финансиските средства.

Кај осигурувањето на живот за првиот квартал годинава забележан е раст на бруто полисираната премија од 21,9% во однос на минатата година, додека кај неживотното осигурување растот кај бруто полисираната премија изнесува 17,4%. 

Според првично објавените податоци за првиот квартал од 2024 година, збирот на месечната реализација на бруто премија во доменот на неживотните осигурувања изнесува скоро 3,5 милијарди денари, при што продолжува трендот на раст кај здравственото осигурување и осигурувањето на имот. Во сегментот на неживотно осигурување има промена и на пазарниот лидер со преземањето на лидерската позиција од страна на Осигурување Македонија со пазарно учество од 13,0%, на местото на ланскиот лидер Еуролинк.  

Во однос на движењето по компании, во првиот квартал од годината во сегментот на осигурување на живот, Кроациа Осигурување Живот бележи континуирано намалување на пазарното учество, па така и со овој квартал има пад на уделот на пазарот од ланските 28,8% на 26,1%, додека најголемо нагорно придвижување има кај пазарното учество на Триглав Осигурување Живот кој од ланските 18,8% го зголеми пазарното учество на 26,4%, со што стана втора компанија за осигурување на живот. 

Гледајќи ги овие резултати можеме да заклучиме дека генерално секторот за осигурување од година во година бележи раст по сите показатели, според број на склучени договори за осигурување, бруто полисирана премија но и исплата на штети.

Интересно е да се спомене дека Триглав Осигурување Живот во овој квартал повторно бележи најголем раст на пазарниот удел и е лидер по нова бруто полисирана премија па од минатогодишните 81,2 милиони денари оваа година се искачи на цели 163,2 милиони денари, односно од учество во пазарниот удел на нова премија полисирана од сите компании за осигурување на живот кај нас висина од 38,0% порасна до 50,1%. 

Сублимираниот пресек за неведениот период од првите 3 месеци од оваа година, укажува на зголемена  свесност кај граѓаните и компаниите за осигурување и потврда дека  се повеќе ги користат поволностите од осигурителните компании подеднакво кај сите класи на осигурување, а најнагласено е кај осигурувањето од автоодговорност и осигурување на живот и дефинитивно е за очекување дека овие класи дополнително ќе се зголемуваат и во иднина.

Продолжи со читање

Популарно