Connect with us

Осигурување

Триглав Осигурување Живот АД Скопје со низа привилегии за корисниците на кредит во Халкбанк АД Скопје

Објавено

на

Живеењето во модерно време не наведува на многу компромиси, каква иднина не очекува, дали да се лишиме од посакуваните нешта или пак дали токму сега е вистинското време да инвестираме во нешто кое ни недостасува?

Секој сака нов дом или да си го овозможи она за коешто отсекогаш сонувал. Размислуваме, бараме опции, но секогаш постои страв и несигурност од тоа каква иднина не очекува. Тргнувајќи од ова многу често размислување кај секој од нас Триглав осигурување Живот во својата палета на производи го понуди и осигурувањето на Живот за корисници на кредит производ кој нуди сигурна и безбедна иднина секој корисник на кредит во Халкбанк АД Скопје.

Линијата на осигурување нуди покритие за потрошувачки, хипотекарен или станбен кредит, при што Триглав Живот нуди отплата на преостанатиот дел од кредитот при евентуален несакан штетен настан на корисникот на кредитот. Во тој случај семејството на корисникот на кредит е ослободено од било каква обврска кон преостанатата исплата на кредитното задолжување. Бенефиција плус е што корисникот кој има склучено полиса за осигурување на живот многу поедноставно и побрзо добива одобрување на бараниот износ за кредитирање. Овие производи на Банката се дополнително обезбедени и со полиса за осигурување од незгода која Банката ја издава од Халк Осигурување АД Скопје, со што клиентите добиваат дополнителна заштита во случај на несакан несреќен настан, а со тоа и еден комплетен пакет на осигурување со максимална заштита.

Направивме повеќе модели како можност за уплата на премијата за осигурување па така кај станбените и хипотекарните кредити е понудена можност за еднократна или годишна уплата во зависност од изборот на кредитобарателот, а потрошувачките кредити се со можност за еднократна уплата на премијата за осигурување.

Успешната соработка на Халкбанк АД Скопје и Триглав осигурување Живот е веќе докажана низ годините наназад и многу наши граѓани, корисници на кредит во Банката кои склучиле и полиса за животно осигурување веќе ги почувствувале привилегиите кои ги нуди ова партнерство.

Животот е сега. Преточете ги своите мечти во реалност, а ние ќе се погрижиме да останете безбедни и сигурни.

Сè ќе биде во ред.

Осигурување

Големи промени во движењето на пазарот на осигурување, пазарот на осигурување бележи тренд на раст кај животното но и осигурувањето на неживот

Објавено

на

Согласно резултатите од објавените месечни извештаи од страна на Агенцијата за супервизија во осигурувањето во текот на изминатиот квартал, наведените показатели укажуваат на позитивно и стабилно движење со осигурителниот сектор. Повторно на самиот врв се наоѓа Триглав осигурување живот и оваа лидерска позиција ја добива според бројот на нова полисирана премија. 

Свеста за осигурителна заштита кај нашите граѓани во последните неколку години е на се повисоко ниво, а осигурителните компании како опција за клиентите своите производи ги прават се подостапни до нивните потреби и барања.

Трендот на раст е повторно присутен и тоа во сите класи на осигурување, а најизразено е зголемувањето на бројот на ново склучени полиси кај компаниите за осигурување на живот но воедно и раст кај бројот на исплатени штети.

Додека неживотните осигурувања најчесто се склучуваат од потреба за заштита на имотот, домот или автомобилската одговорност, животното осигурување се повеќе е препознаено како еден од најсигурните и најатрактивните начини за инвестирање и оплодување на финансиските средства.

Кај осигурувањето на живот за првиот квартал годинава забележан е раст на бруто полисираната премија од 21,9% во однос на минатата година, додека кај неживотното осигурување растот кај бруто полисираната премија изнесува 17,4%. 

Според првично објавените податоци за првиот квартал од 2024 година, збирот на месечната реализација на бруто премија во доменот на неживотните осигурувања изнесува скоро 3,5 милијарди денари, при што продолжува трендот на раст кај здравственото осигурување и осигурувањето на имот. Во сегментот на неживотно осигурување има промена и на пазарниот лидер со преземањето на лидерската позиција од страна на Осигурување Македонија со пазарно учество од 13,0%, на местото на ланскиот лидер Еуролинк.  

Во однос на движењето по компании, во првиот квартал од годината во сегментот на осигурување на живот, Кроациа Осигурување Живот бележи континуирано намалување на пазарното учество, па така и со овој квартал има пад на уделот на пазарот од ланските 28,8% на 26,1%, додека најголемо нагорно придвижување има кај пазарното учество на Триглав Осигурување Живот кој од ланските 18,8% го зголеми пазарното учество на 26,4%, со што стана втора компанија за осигурување на живот. 

Гледајќи ги овие резултати можеме да заклучиме дека генерално секторот за осигурување од година во година бележи раст по сите показатели, според број на склучени договори за осигурување, бруто полисирана премија но и исплата на штети.

Интересно е да се спомене дека Триглав Осигурување Живот во овој квартал повторно бележи најголем раст на пазарниот удел и е лидер по нова бруто полисирана премија па од минатогодишните 81,2 милиони денари оваа година се искачи на цели 163,2 милиони денари, односно од учество во пазарниот удел на нова премија полисирана од сите компании за осигурување на живот кај нас висина од 38,0% порасна до 50,1%. 

Сублимираниот пресек за неведениот период од првите 3 месеци од оваа година, укажува на зголемена  свесност кај граѓаните и компаниите за осигурување и потврда дека  се повеќе ги користат поволностите од осигурителните компании подеднакво кај сите класи на осигурување, а најнагласено е кај осигурувањето од автоодговорност и осигурување на живот и дефинитивно е за очекување дека овие класи дополнително ќе се зголемуваат и во иднина.

Продолжи со читање

Осигурување

Агенцијата за супервизија на осигурувањето го оцени како неоправдан чекор зголемувањето на цените на полисите за автоодговорност на осигурителните компании

Објавено

на

Агенцијата за супервизија на осигурување ја известува јавноста дека зголемувањето на цената на полисите за задолжително автомобилско осигурување е неоправдан чекор на осигурителните компании.

По добиените известувања од осигурителните компании дека ќе ја зголемат цената направени се актуарски пресметки за проверка.  По извршените актуарски пресметки утврдено е дека зголемувањето на цената, со дадените образложенија, не е оправдано.

Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност.

Продолжи со читање

Осигурување

Бројот на осигурани возила достигна 700.000, секое трето возило има зелена карта

Објавено

на

Сопствениците на возила во 2023 година вложиле 87 милиони евра во oсигурување од автомобилска одговорност. Во вкупните вложувања зелената карта учествува со 21 милиони евра. Сите цени за задолжителното автомобилско осигурување и за зелена карта ги регулира државата. АСО, Министерството за финансии и осигурителната индустрија работат на подготовките на процесот за либерализација на цените што е и еден од условите во пристапните преговори за членство во ЕУ.(повеќе…)

Продолжи со читање

Популарно