Connect with us

Банки

Халкбанк со нова акција за пошумување – засадени 15.000 садници во Беровско

Објавено

пред 1 година

на

Вчера во околината на Берово беа засадени нови 15.000 садници како донација од Халкбанк АД Скопје во рамките на нејзините општествено одговорни активности во кои едно од најзначајните места зазема посветеноста на заштита на животната средина. Пошумувањето го извршија вработени од различни дирекции и филијали на банката, а новите дрвја се набавени од средствата на Халкбанк наменети за ХалкЕко пошумување, но и од собраните котизации од велосипедската трка ХалкВело Грин која и овој 8 септември традиционално, во организација на банката, се одржа во Маврово.

Халкбанк во земјава е препознаена како еко ориентирана компанија што перманентно вложува во заштита на животната средина, како и во зазеленување на земјава со нови дрвја таму каде што е потребно. Сите овие активности се реализираат преку платформата ХалкЕко чија основна цел е давање придонес и подигање на свеста за потребата од поголема грижа за природата.

Од првата акција за садење одржана во октомври, 2019 година, во повеќе наврати засадени беа над 33.000 дрвја низ државата, меѓу кои 6.000 во Велес над езерото Младост, потоа 15.000 во околината на Свети Николе, околу 3.000 садници во реонот меѓу Битола и Демир Хисар, но и во многу други градови и во училишните дворови во Скопје, Куманово, Тетово, Гостивар, Кичево и Богданци и други.

Овојпат е одбрана Малешевијата како еден од најзелените региони во земјава кој изминативе години беше поголен од големи пожари.

„Зачувувањето на шумскиот фонд и целокупната благосостојба на нашата планета, нè засега сите и затоа ние како еко-ориентирана банка даваме активен придонес за подобра животна средина на локално и на глобално ниво. Малешевијата претставуваат вистински бели дрбови на земјава. Но за жал, последните години постојано има пожари кои пеплосуваат огромни површини шума. Најголем секако беше оној во 2021 година во кој изгореа 5000 км2 борова шума Токму затоа одлучивме да помогнеме во обнова на шумскиот фонд во овој регион“, велат од дирекцијата за корпоративни комуникации на Халкбанк.

Халкбанк преку својата платформа ХалкЕко, во која делува со подршка на Мастеркард, освен зазeленување на јавни површини и обнова на шумскиот фонд, реализираа и низа други еко активности кои вклучуваат еко донации во урбаните средини, поддршка на спортски настани и комуникација за подигање на свеста за потребата од заштита на природата и негување здрави животни навики. 

Во рамки на платформата е и ХалкЕко апликацијата која користи и како директна стимулација на еко совесното население за нивно поголемо вложување во “зелените” навики. 

Халкбанк е воедно и прва банка од регионот која стана член на коалицијата Priceless Planet, која има за цел до 2025 година во светот да бидат засадени над 100 милиони дрвја. 

Слични Теми:

Банки

НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

Објавено

пред 1 ден

на

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат  до 30.08.2025 година“, се вели во соопштението на НЛБ Банка, објавено на Македонска берза. 

Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.

Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Мандатот на г-ѓа Хедвика Усеник како член на Надзорниот одбор ќе трае до 30.08.2025 година.

Продолжи со читање

Банки

Информација за одложување на 54. сесија на Клубот на истражувачите

Објавено

пред 1 ден

на

Народната банка ја информира јавноста дека се одложува 54. сесија на Клубот на истражувачите којашто требаше да се одржи на 27 март 2025 година (четврток), со почеток во 14:00 часот, во просториите на Народната банка.

За дополнителни информации и за новиот термин на одржувањето на сесијата на Клубот, јавноста ќе биде дополнително известена.

Продолжи со читање

Банки

Пензионерски пакет на Халкбанк – Сигурна пензија, помалку трошоци и поголема удобност

Објавено

пред 7 дена

на

Пензионирањето значи повеќе време за себе, за најблиските и за сето она што отсекогаш сте сакале да го правите. Без грижи за рокови и обврски, ова е периодот кога треба да уживате – во утринското кафе, прошетките, семејните собири и малите работи што носат радост. За да биде сè уште полесно, важно е и финансиските предизвици да бидат едноставни и без непотребни компликации.

Со Пакетот за пензионери од Халкбанк, сè е прилагодено на вашите потреби. Исплатата
на пензијата е пред секој први во месецот. Добивате можност безбедно и брзо да
располагате со вашите средства преку бесплатната MasterCard дебитна картичка со која
можете да подигнувате готовина од сите банкомати во земјата без провизија. Добивате и
бесплатно електронско банкарство достапно 24/7 за следење и менаџирање на сите ваши
трансакции од вашиот мобилен телефон или компјутер и бесплатни СМС известувања за
секоја трансакција. Дополнително, интерните налози на шалтерите во Халкбанк се без
провизија, обезбедувајќи поголема вредност за вашите средства.

Како знак на благодарност за довербата, Халкбанк доделува и подароци за пензионерите кои ќе станат дел од пакетот. Оваа понуда е достапна за сите нови клиенти кои ќе ја
префрлат својата пензија во Халкбанк, како и за веќе постоечките клиенти кои сакаат да
ги искористат овие поволности.

Финансиската сигурност е важна во секој период од животот. Со едноставни решенија и
практични поволности, Пакетот за Пензионери ви овозможува да се посветите на она што навистина ви значи – безгрижни моменти со најблиските, спокојни утра и сигурност во секојдневните финансиски одлуки.

ПР објава

Продолжи со читање

Популарно