Connect with us

Домашни банки

Шпаркасе Банка и Шпаркасе Лизинг со нов визуелен идентитет

Објавено

на

Шпаркасе Банка АД Скопје и Шпаркасе Лизинг ДОО Скопје го менуваат целокупниот визуелен идентитет во согласност со промените на ниво на Групацијата. Следејќи ги визијата, вредностите и верувањата на големото Ерсте и Штаермеркише Шпаркасе семејство, Шпаркасе Банка и Шпаркасе Лизинг визуелно се модернизираат, по теркот на светските банкарски трендови.

Од самите почетоци Банката континуирано го менува и го подобрува својот визуелен идентитет, покажувајќи ја својата флексибилност, можноста да се предвидат промените и на нив да се одговори соодветно и навремено. Од почетокот на оваа година, Банката започна со постепена имплементација, односно воведување сосема нов изглед на локалниот пазар.

Новиот визуелен идентитет вклучува оптимизирано лого и нови корпоративни бои.

Логото на Шпаркасе го задржува својот препознатлив и уникатен карактер, но ќе биде освежено во дизајнот. Во комбинација со новите корпоративни бои, изгледот на Шпаркасе Банка и Шпаркасе Лизинг станува помодерен и поатрактивен. Резултатот од овие промени е единствен корпоративен дизајн што овозможува унифицирано искуство на брендот низ сите канали. Планирано е постепено ребрендирање на сите канали во периодот што следува.

Со новиот целосно модернизиран корпоративен дизајн, приспособен на дигиталниот свет во кој живееме, брендот Шпаркасе станува уште попристапен и пофлексибилен за своите клиенти, целосно ориентиран кон иднината.

Домашни банки

Шпаркасе Банка на нова локација во Куманово

Објавено

на

Од денеска (25.03.2024г.), во Куманово, експозитурата на Шпаркасе Банка започнува со работа на нова локација.

Новата локација на експозитурата Куманово е на адреса ул. Доне Божинов бр. 9, и ќе работи секој работен ден од понеделник до петок, од 8.00 до 16.00 часот. Во новата експозитура, клиентите на Шпаркасе Банка, ќе добијат врвно корисничко искуство во доменот на депозитно и благајничко работење, кредитирање, платен промет и други банкарски сервиси.

За време на официјалното отварање на Новата експозитура, дел од менаџментот на Шпаркасе Банка ја повторија цврстата посветеност и стремежот Шпаркасе Банка да биде водечка Банка по исклучителен квалитет на услугите, задоволството на клиентите и ангажираноста на вработените, истовремено поддржувајќи го развојот на локалните заедници.

Просторот на новата експозитура е во согласност со корпоративниот дизајн на Банката, опремен со еколошко одржливи материјали за одржливост и заштита на животната средина, и збогатен со сите стандарди за комфорно и безбедно работење.

Шпаркасе Банка АД Скопје континуирано се грижи за поголема достапност до своите клиенти, со отворање нови и модерни услужни модели на експозитури, кои ги задоволуваат највисоките стандарди во поглед на простор, функционалност, отворена комуникација и ефикасно опслужување на клиентите. Во секоја од експозитурите, клиентите имаат можност да ги користат атрактивните банкарски производи и услуги, со што тие стануваат уште подостапни за што поголем број граѓани.

Продажната мрежа на Шпаркасе Банка брои 36 експозитури на територијата на Македонија, од кои 17 се лоцирани во Скопје и 19 надвор од главниот град.

Продолжи со читање

Домашни банки

Комерцијална банка склучи договор со Yildirim групацијата за продажба на Еуроникел

Објавено

на

Комерцијална банка информира дека склучи договор за продажба на имотот на комбинатот Еуроникел индустри од Кавадарци со друштва основани од холандската холдинг компанија Polynickel Holding BV, која е дел од групацијта Yildirim Group. За финална реализација на купопродажниот договор останува уште да се исполнат сите правни и регулаторни предуслови.

Во истовреме, Банката со групацијата Yildirim склучи договор за продажба и на имотот на фабриката Нова рефрактори во Пехчево.

„Убедени сме дека продажбата е долгорочно решение за комбинатот Еуроникел имајќи го предвид кредибилитетот и капацитетот на Yildirim групацијата. Веруваме дека со ова е надминат неизвесниот период за сите доверители и, пред сѐ, за вработените во комбинатот, кои покажаа максимална посветеност и професионалност и покрај тешката состојба во која се најдоа не по нивна вина.

Групацијата Yildirim е глобален индустриски конгломерат со седиште во Амстердам и во Истанбул. Основана е во 1963 година и моментално работи во 56 земји на 5 континенти, вработува 25.000 лица во девет индустрии: метали и рударство, управување со пристаништа, вештачки ѓубрива и хемикалии, енергија и енергетски производи, транспорт и логистика, финансиски услуги, градежништво и недвижности и меѓународната трговија.

Во целиот изминат период од декември 2023 година, кога Комерцијална банка го
презеде имотот на комбинатот во своја сопственост, бевме посветени на наоѓањето сериозен инвеститор кој ќе ја продолжи дејноста на еден од најзначајните индустриски капацитети во земјата. Со цел да се одржи комбинатот во добра состојба за безбедно и ефикасно рестартирање на производниот процес, Банката во изминатите четири месеци обезбеди речиси 100 милиони денари за одржување на технолошкиот минимум на комбинатот и за давање шанса за продолжување на работењето.

Банката останува посветена и понатаму да придонесе со сите свои капацитети за фер наплата на доверителите и вработените во рамките на стечајната постапка. Прв услов за тоа е сите должници на Еуроникел веднаш да ги платат своите обврски”, велат од Комерцијална банка.

Продолжи со читање

Домашни банки

Верверичката на Комерцијална банка и Боренка го слават Денот на пролетта

Објавено

на

Одговорноста и грижата за посреќна иднина се лична и заедничка обврска. Затоа почетокот на пролетта, Комерцијална банка го одбележува со нови активности и поттик за поздрава и почиста животна средина.

Комерцијална банка во соработка со своите пријатели, „Верверичката“, како член на своето семејство, и со Боренка и Сојузот на извидници како здружени зелени поборници, оваа недела ја посвети на едукација и ангажирање на стотина ученици со цел заеднички придонес за поубава, почиста и поздрава околина.

Децата, кои најмногу ја сакаат природата и кои заслужуваат здрава животна средина, со огромна возбуда и радост ги прифатија предизвиците на Банката. Учениците од ООУ „Кирил и Методиј“ од Скопје со своите цртежи покажаа дека грижата за природата дефинитивно значи заштеда и на пари. Нивните другарчиња од ООУ „Св. Климент Охридски“ – Скопје со Боренка ја наполнија виртуелната шума на Комерцијална банка, која потоа Банката вистински ќе ја засади на подрачја каде што е потребно пошумување.

Комерцијална банка останува посветена на својата грижа и одговорност за обезбедување одржливо и здраво општество за сите припадници.

Продолжи со читање

Популарно