Flex Pay потпиша ексклузивен договор за соработка со Capital transfer doo
претставник на Ria Money Transfer, една од водечките глобални мрежи за парични
трансфери.

Со потпишувањето на овој договор, клиентите сега ќе можат да испраќаат и
примаат пари преку Ria – една од најбрзорастечките мрежи за парични трансфери
во светот, присутна во над 190 земји и со повеќе од 500.000 локации глобално.
Услугата ќе биде достапна преку Flex Pay, а активностите за исплата и уплата ќе
се реализираат во филијалите на Flex Credit, со што се овозможува максимална
достапност и практичност за граѓаните низ целата држава преку широко
распространета продажна мрежа.

„Со оваа соработка Flex Credit овозможува уште поголема практичност за своите
клиенти. Ria е глобално препознатливо име во трансферот на пари, а Flex Pay
преку ексклузивно партнерство како единствена финансиска институција која ја
застапува RIA ги носи нивните услуги директно до клиентите низ цела
Македонија.“

Оваа стратешка соработка претставува чекор напред во дигиталната
трансформација на услугите кои ги нуди Flex Групацијата, со што на клиентите им
се нуди едноставно, брзо и безбедно решение за испраќање и примање средства
од странство.

Мисијата на Ria е да ги поврзува семејствата низ целиот свет на сигурен и
достапен начин. Преку ова партнерство со Flex Pay, ќе бидат уште поблиску до
корисниците – токму таму каде што им е најпотребно.

Со оваа ексклузивна соработка, Flex Pay ја зацврстува својата позиција како нов
клучен играч во финтек сегментот, а Flex Credit ја проширува својата улога како
најдостапна и доверлива финансиска мрежа во земјата.

ЕОС Матрикс Македонија забележа значаен раст на приходите во финансиската 2024/25 година. Овој резултат е нотиран и во Годишниот финансиски извештај кој го објави ЕОС групацијата. Имено, во периодот од март 2024 заклучно со февруари 2025 година, подружниците од Источна Европа во рамките на ЕОС Групацијата оствариле вкупни приходи од 369,2 милиони евра, што означува раст од 7,6 отсто во однос на претходната година, а во рамките на ЕОС Групацијата овие приходи учествуваат со 35,1 отсто. Во извештајот се нотира дека растот на регионот на Источна Европа се должи на значајните зголемувања на приходите забележани во Грција, Полска, Романија, Србија и Македонија.

„Бројките говорат дека нашето работење бележи нагорен тренд, и покрај промените и предизвиците што се случуваат на домашниот пазар. Нашите инвестиции во иновации и модернизација растат, а оперативната ефикасност е стабилна. Дополнителна мотивација е фактот што заедно со нас растат и нашите клиенти, кои сѐ повеќе ја бараат нашата експертиза. Како членки на групацијата ЕОС која е присутна на пазарите во повеќе од 20 земји, ние имаме пристап до иновации и нови технологии во индустријата, што овозможува развој на нашата компанија, но и развој на секундарниот финансиски пазар. Активно придонесуваме за подобрување на финансиската солвентност на македонските граѓани и компании“, изјави д-р Катерина Бошевска, генерална директорка на ЕОS во Македонија и Косово.

ЕОС Групацијата во 2024/25 година бележи консолидиран раст на приходите и на добивката, на сите пазари каде што е присутна. Вкупните приходи изнесуваат 1,1 милијарди евра, што е зголемување за 5,6 проценти во однос на 997,3 милиони евра во претходната година. Групацијата успешно ја заврши 2024/25 година со остварена EBITDA (добивка пред камата, даноци, амортизација и отписи) во износ од 460,8 милиони евра, што е значаен раст во однос на 412,9 милиони евра во претходната година. Лани и годинава, на ниво на групација, во портфолијата се инвестирани 826,6 милиони евра. Како водечки инвеститор и давател на услуги во управувањето со побарувања во Европа, EOS ги комбинира бизнис успехот со одговорноста и одржливоста.

„Нашиот претприемачки дух е нашата најсилна движечка сила. Затоа, прво сакам да им се заблагодарам на сите вработени. Без нивната посветеност, овој резултат не би бил возможен. Доживуваме стабилен и здрав раст. Минатата година, нашите приходи се зголемија за 5,6 проценти – тоа првенствено е резултат на силни инвестиции во купување на побарувања и одличен оперативен перформанс“, вели Марвин Рамке, извршен директор на ЕОС Групацијата.

Високите ЕСГ оценки и признанија говорат и за достигнувања во областите на животната средина, општеството и управувањето, а како позитивен пример е истакната ЕОС Матрикс Македонија.

„Нашите национални подружници се фокусираат посебно на своите сопствени проекти за заштита на животната средина, кои се поврзани со специфичните потреби и можности на нивните региони. Нивната посветеност се протега од образовни иницијативи до конкретни намалувања на емисиите на стакленички гасови. На пример, EOS во Северна Македонија учествуваше на конференција за регулативата во делот на екологијата, која во декември 2024 година ја разгледа одржливоста во корпоративниот сектор на широк начин“, велат од ЕОС Групацијата.

Компанијата го имплементираше сопствениот софтвер за наплата “Kollecto+” во 11 земји. Дополнително, ги користи роботската процесна автоматизација и вештачката интелигенција за да ги направи процесите поефикасни, да ги забрза операциите и постојано да го подобрува квалитетот на услугите.

Македонскaта финансиска сцена го доби првото целосно автоматизирано решение за одобрување на потрошувачки и наменски кредити за апликации поднесени преку кој било канал.

Овој модел кој пионерски го воведе Иуте Македонија овозможува целиот циклус на анализа и одобрување да се врши 100% автоматски и дигитално, во реално време и преку мобилната апликација Myiute, пришто целата процедура се скратува од досегашните 15 на само 3 минути. 

Автоматизираното носење на одлуки се базира наминимална или никаква човечка интервенција поткрепенаод ВИ (вештачка интелигенција) и машинско учење, додека системите се дизајнирани со максималнатранспарентност, одговорно кредитирање, усогласеностсо регулативи и заштита на приватноста на податоците.

Иуте веќе неколку години користи напредна технологија и модели базирани на наука на податоци, машинско учење, ВИ бизнис анализа и автоматизирани секвенци, но со овој модел се прави заокружување на целиот процес на автоматизација. 

“Говориме за прв модел од ваков тип на пазарот кој работи врз база на напредни алгоритми за проценка, модел којправи анализа во реално време на поднесување и разгледување на апликацијата на клиентот, со комбинирање на официјални институционални податоци (Агенција за вработување, Управа за јавни приходи, Фонд за пензиско и инвалидско осигурување и МКБ) и интегрирани модели за  сегментација и проценка на ризиците, пришто апликацијата MyIute комуницира со Македонското Кредитно Биро преку API интеграции. Се прави моментално вчитување на податоци преку софистицирана клиентска платформа (new core), на сите барања за кредит, без оглед на каналот преку кој се поднесени: мобилна апликација, експозитура или контакт центар – овозможувајќи персонализирано и унапредено корисничко искуство. Ако досега за целиот процес – од поднесување, до разгледување, анализа и одобрување биле потребни 15 минути, со новиот модел се добива инстант одговор и процесот се заокружува за 3 минути, пришто системот автоматски генерира персонализиранапонуда која е најсоодветна според профилот наклиентот.”-вели Александар Тишовски, Директор на сектор технологија и оперативно работење.

Развојот на решението беше од страна на мултидисциплинарен развоен тим од групацијата ИутеЕстонија, во партнерство и локална имплементација со тимот на Иуте Македонија.

Иуте го гради финтек моделот на иднината, преку брза и напредна технологија во служба на иновацијата, но сигурноста, довербата и заштитата на личните податоци секогаш останува на прво место.

Целиот процес се одвива преку мобилната апликација Myiute, додека процесот на идентификација се одвива преку регистрирана шема за електронска идентификација, во партнерство со Евротруст, којагарантира највисоко ниво на сигурност и усогласеност со законската регулатива. Сите верификации се вршат преку високо енкриптирани канали. Податоците не се складираат локално – се користи пристап во реално времена таканаречен облак за дополнителна сигурност како најнова технологија.

Автоматизирањето на процесите е во служба на поголема безбедност, каде што напредната технологија освен што во секунди анализира илјадници податоци, овозможува иавтоматско блокирање на сомнителни однесувања на клиентите.

Со користење на овие напредни модели за машинско учење и автоматизирани процеси, може прецизно да се процени кредитоспособноста на клиентите, кредитниотризик и историјата на (не)навремено исполнување наобврските на клиентот, и да се носат издржани етички одлуки при одобрувањето на изложеностите. Сето оварезултира со ниска стапка на нередовност во исполнувањена обврските на клиентите и подобрување на севкупните перформанси на портфолиото.

“Со персонализација на понудата и воведување на модел базиран на машинско учење кој го предвидува ризикот за исполнување на обврската на клиентот, успеавме да го намалиме кредитниот ризик, односно значително да го подобриме квалитетот на кредитното портфолио. Во моментов, кредитното портфолио кое се отплаќа до 30 дена надмина 97%.”, посочуваат од Иуте.

Вештачката интелигенција не заменува луѓе – туку создава ново ниво на доверба

New core real-time клиентската платформа е моќна алатка и за вработените и компанијата, но пред се за корисниците, на кои им се овозможува напредно и персонализирано корисничко искуство.

Улогата на технологијата, особено во финтек секторот, не е да ги елиминира човечките позиции, туку да ги надгради процесите. Автоматизацијата не ја намалува важноста на човечкиот фактор, туку овозможува поголема прецизност, доследност и објективност во донесувањето на одлуки. Бројот на вработени не се намалува со автоматизацијата, туку се врши доквалификација на позициите преку изучување на алатките на вештачката интелигенција, воедно се моделира улогата на финансиски и дигитален советник за клиентите, градејќи високо ниво на доверба.