Connect with us

Банки

ПроКредит ја обнови платформата “Школа за новинари” – првиот настан со фокус на ESG концептот

Објавено

пред 3 години

на

Во пријатна и работна атмосфера помина новото издание на Школата за новинари, која се одржа на 22 јуни во просториите на Академијата на ПроКредит Банка во Велес, во организација на ПроКредит банка. Во согласност со својата посветеност за одговорно банкарство и одржлив развој, темата на овој настан беше „Одговорност во пракса: Разбирање на ESG концептот.” 

ESG практиките и известувањата според ESG брзо се наметнаа како актуелни прашања од глобален интерес, кои го опфаќаат односот на компаниите кон животната средина, кон општественото окружување во коешто делуваат и кон корпоративното управување на компанијата.

За предавачи и говорници на Школата внимателно беа избрани докажани експерти од областите на економијата, претприемаштвото, економското новинарство и комуникациите. Во своите излагања говорниците се осврнаа на значењето на ESG
(Environmental, Social and Governance) стандардот и неговата поширока примена при новинарското известување и корпоративното работење, како поттик за одговорни практики и поставување на позитивен пример во општеството. Се акцентираа долгорочните придобивки од навременото имплементирање на ESG стандардите за одговорно управување, мерење и намалување на штетното влијание предизвикано од активностите на компанијата, како и правилно искористување на човековиот капитал.

„ESG е влезено во ДНК на функционирање на системот и веќе не е прашање дали да се имплементираат овие стандарди. За да бидат прифатливи за пазарот на ЕУ, неопходно е домашните компании да ги вклучат во своето работење. Ова е трка на долги патеки. Потребно е компаниите преку својот личен пример да бидат поттик за останатите да ги следат”, изјави Зоран Мартиновски, истакнат професионалец во доменот на развојните финансии со над 30-годишно меѓународно деловно искуство, осврнувајќи се на значењето на ESG како нов концепт во работата и функционирањето на компаниите на глобално ниво.

Недостатокот на квалитетен кадар, но и на работна сила воопшто, е горлив проблем со кој се соочува не само светскиот, туку и домашниот бизнис сектор. Промена на односот кон вработените во компаниите, вистинско вреднување на трудот, континуирано вложување во вработените и респективно менаџирање со човечкиот потенцијал, се клучни за зачувување на квалитетниот кадар во државата.

Токму медиумите како седма сила, ја имаат моќта да бараат одговорност од компаниите за поголема транспарентност, редовно да ги потсетуваат за влијанието што го имаат во општеството и животната средина, но пред сѐ кон вработените, како круцијална движечка сила. Како јадро на критичка мисла и поттикнувачи на промените, потребна е соодветна едукација на новинарите како да се движат низ нефинансиските извештаи, како да itGroup откријат greenwashing (однесување или активност што ги тера луѓето да веруваат дека компанијата прави повеќе за да ја заштити животната средина отколку што навистина прави), како и кои прашања да ги постават за да стигнат до вистината за одговорното однесување на компаниите.

Милан Дамчевски, член на Управниот одбор на ПроКредит банка го истакна позитивниот пример на банката во имплементација на одговорни практики на работа веќе 20 години.

„Концептот на управување според ESG стандарди е длабоко интегриран во работењето на ПроКредит банка веќе долги години, и споделувајќи го својот успешен пример, нашата цел е да поттикнеме позитивни промени во општеството и во бизнис заедницата. Неслучајно и ја одбравме оваа тема како прва во низата настани кои следат под платформата „Школа за новинари”, со цел да ја потенцираме улогата и одговорноста на сите страни во градење одржлива иднина. Горди сме што сме лидери во банкарскиот сектор во примена на ESG практики, со силна посветеност кон нашите клиенти и заедницата во кoja работиме. Соочени со предизвиците на денешницата, сметаме дека овој принцип на работа станува сè поважен во периодот кој следи, а тоа дополнително нè мотивира уште повеќе да се посветиме и активно да инвестираме во долгорочен развој на економијата, општеството и екологијата”, додаде тој.

Промовирајќи позитивна и одговорна култура на работење, ПроКредит транспарентно ги објавува своите резултати во ESG извештаи, кои се достапни на нивната веб-страница.

„Извештајот за одржливост е документ кој ПроКредит го објавува јавно на својата веб странца секоја година, како нефинансиски извештај за влијанието кое сме го оставиле позади нас изминатата година, вклучувајќи транспарентни и мерливи податоци за нашите еколошки практики, намалување на ЦО2 емисии, поддршката на МСП секторот, начинот на управување, третманот на вработените. Целта на овој извештај е да ги следиме трагите кои ги оставаме позади нас, и да инвестираме во подобрување на перформансите. Само на ваков, транспарентен начин на известување, можеме да зборуваме за систематизиран пристап кон одговорни практики”, истакна меѓу другото Добринка Стефанова, координатор на секторот за управување со животна средина во ПроКредит банка.

На панел дискусијата „ESG во пракса на локалниот пазар”, на која земаа учество и Зоран Радоњанин, ко-сопственик на Фејдом, Владимир Златковски, директор на продажба и маркетинг во Винербергер, Ирена Јакимовска сопственичка и управителка на Комфи Ангел, се отвори прашањето како да се мотивираат домашните компании да го применат овој концепт, при тоа не стравувајќи за својот опстанок. Искуствата на овие компании се позитивни и претставуваат светол пример за навремено фаќање ритам со светските новини во бизнисот.

Панелистите се согласија дека профитот не треба да биде единствено мерило за успехот на компанијата. Напротив, модерните компании кои тежнеат само кон профит, се заглавени во минатиот век, и како што истакна Мартиновски „се најсиромашните itGroup компании”, затоа што „најголемата вредност на една компанија се среќните и задоволни лица на вработените”, дополни Ирена Јакимовска. Клучна улога во менување на јавната свест играат медиумите, банките и компаниите.

Последниот, едукативен дел на тема „ESG во новинарството (CSR vs ESG)” , и припадна на Билјана Трендафилова, долгогодишна уредничка, економска новинарка и креатор на повеќе приватни медиуми во Македонија, чиј фокус е ориентиран кон комуникациите, односите со јавноста  и интерниот маркетинг. Таа упати апел до новинарите да се борат позитивните и успешни корпоративни приказни да се позастапени во нивните медиуми, како би поттикнале други компании да го следат нивниот пример, од што секој од нас би имал корист. На тој начин би се изградила подобра иднина за следните генерации.

Темата поттикна плодна дискусија меѓу присутните новинари и претставниците од приватниот и банкарскиот сектор. Се разменија корисни мислења и искуства за ESG, но и генерално за транспарентноста на компаниите и нивното влијание во општеството.

Школата за новинари на ПроКредит Банка побуди голем интерес кај нашите новинари кои обработуваат теми од економска, финансиска, банкарска сфера, како и од доменот на заштитата на животната средина и одржлив развој и нивните долгорочни придобивки за градење на подобро општество за сите. По повод својот јубилеј, ПроКредит ја возобнови оваа школа која била активна и пред 10-тина години и најавија дека истата ќе стане платформа на која редовно ќе комуницираат со новинарите, и преку која ќе инвестираат во едукација на теми кои се важни за целото општество.

Слични Теми:

Банки

Халкбанк со континуирана поддршка за родова еднаквост и економско зајакнување на жените

Објавено

пред 2 часа

на

Во современото општество, унапредувањето на родовата еднаквост и создавањето еднакви можности за сите, претставуваат основа за одржлив економски и социјален развој. Водена од овие вредности, Халкбанк АД Скопје континуирано ја гради својата корпоративна политика врз принципите на инклузивност, одговорност и активна поддршка на жените во нивниот личен и професионален развој. Во тој контекст, Банката со години реализира иницијативи, програми и општествено одговорни активности насочени кон поттикнување родова еднаквост, зајакнување на финансиската независност и поддршка на жените кои се соочуваат со различни предизвици.

Како дел од овие активности, банката деновиве донираше 10.000 евра на Националната мрежа против насилство врз жени и семејно насилство, со што даде директна поддршка на организациите и механизмите кои обезбедуваат помош и заштита на жените жртви на насилство.

Оваа донација е дел од пошироката иницијатива на Халкбанк што произлезе од препознатливата кампања „Фустани со џебови“, со која Банката на креативен и симболичен начин ја отвори темата за финансиската независност и економската моќ на жените. Кампањата прерасна во платформа што ја подигна јавната свест за родовата еднаквост, а средствата собрани преку продажбата и аукцијата на уникатните креации беа наменети за поддршка на Интервентниот женски фонд и за помош на жени жртви на насилство.

Поддршка за женското претприемништво

Како дел од својата стратегија за одржлив развој, банката го разви и Пакетот за жени претприемачи како специјално креирана финансиска понуда за жени сопственици и основачи на микро, мали и средни бизниси. Преку овој пакет, Халкбанк им овозможува на жените претприемачи пристап до поволни кредитни услови, банкарски услуги по повластени тарифи, како и советодавна поддршка за развој и унапредување на нивните деловни активности. На овој начин, заклучно со 2025 година, обезбедена е кредитна поддршка за 634 компании предводени од жени, што претставува конкретен показател за посветеност и доверба во нивниот потенцијал.

Покрај финансиската поддршка, Халкбанк активно учествува и во организирање и поддршка на настани со кои се подига свеста и перцепцијата за родовата еднаквост, за финансиската слободата на жените и за економската важност на женското лидерство. Во тој контекст, Банката организираше регионални едукативно-нетворкинг настани на теми како што се финансиската писменост, дигитализацијата и зелената транзиција. Дополнително, се реализираше и програмата „Од не/вработена до претприемачка“, насочена кон охрабрување и поддршка на жените кои сакаат да започнат сопствен бизнис, како и изработката на Брошура за финансиска писменост на жените, која има за цел да придонесе кон подобро разбирање на финансиските алатки и можности.

Халкбанк беше и покровител на престижната манифестација „Избор на Жена – Претприемач на годината“ и доделувањето на националната награда за женско претприемништво, што традиционално се одржува под институционално покровителство на Министерството за економија.

Во духот на поддршката и заедничкото учење, банката организира и бизнис настани и конференции, како што беше „HalkTalk“, настан кој ги собра жените претприемачи, им овозможи да споделат свои искуства и да се инспирираат меѓусебно, создавајќи мрежа на поддршка и соработка. Банката е и главен поддржувач на Алијансата за родова еднаквост на работното место – GEA, која е дел од глобалната иницијатива на UN Women.

Преку овие активности, Халкбанк придонесува кон создавање силна заедница на жени лидери, менаџери и претприемачи, кои со својата работа и визија го обликуваат современото деловно опкружување.

Посветеност кон еднакви можности

На овој 8 Март, Халкбанк ја потврдува својата цврста посветеност кон родовата еднаквост и економско зајакнување на жените, не само како институција што нуди финансиски услуги, туку и како социјално одговорна организација што ги гради платформите и иницијативите кои создаваат трајни вредности и можности.

„Нашата мисија е да бидеме повеќе од банка, да бидеме партнер што ги поддржува жените во остварување на нивните лични и професионални цели. Веруваме дека економски силните жени значат посилно и поодржливо општество“, велат од Халкбанк.

Банката продолжува да инвестира во иднината на жените претприемачи, да поттикнува инклузивно чувство на заедништво, и да ја поддржува нивната улога како двигатели на иновација, раст и развој на економијата.

Продолжи со читање

Банки

Шпаркасе Банка вработува специјалист за развој на процеси за население во Скопје

Објавено

пред 5 часа

на

Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Банка ве охрабрува да се придружите на нивниот тим и заедно, секојдневно да ги живеете корпоративните вредности!

Шпаркасе Банка АД Скопје има потреба од Специјалист за развој на процеси за население, Служба за развој на процеси за население во Скопје.

Што ќе биде твојата улога?

  • Дизајнирање на нови процеси и активно учество во развој, унапредувањe и оптимизација на процесите за работа со население – физички лица;
  • Редовно следење на процесите и учество во изработка и ажурирање на интерни процедури и
    инструкции за продажната мрежа;
  • Подготовка и спроведување на обуки поврзани со процесите за вработените во експозитурите;
  • Учество во проекти, тестирање и имплементација на нови софтверски и дигитални решенија кои ќе го унапредат работењето на банката;
  • Следење на законски и регулаторни измени, препораки од интерна ревизија и нивна имплементација во процесите;

Кои квалификации се потребни?

  • Минимум ВСС;
  • Познавање на процеси во финансиски институции и високо ниво на бизнис свесност;
  • Одлични аналитички способности и способности за работа со алатки за моделирање (BPMN, flowcharts, task-tracking софтвери);
  • Одлични организациски вештини, способност за одредување приоритети, тимска работа;
  • Проактивност и иницијатива;
  • Активно познавање на работа со компјутер (MC Office);
  • Познавање на англиски јазик (конверзација, разбирање, пишување);

Кои ќе бидат твоите придобивки?

  • Континуирана обука и можност за кариерен развој во банкарската групација Erste & Steiermärkische Sparkasse;
  • Приватно здравствено осигурување;
  • Конкурентна плата и дополнителни надоместоци;
  • Мотивирачка организациска култура во која се почитува иницијативноста, анагажманот, но и тимскот дух;
  • Настани и активности за добросостојбата на вработените (employee’s wellbeing).

Шпаркасе банка ве охрабрува да ја искористите оваа можност и да аплицирате на отворената позиција со испраќање на CV и мотивациско писмона: [email protected] заклучно со 12.03.2026 година со назнака „Апликација
за Специјалист за развој на процеси за население“.

Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

Шпаркасе банка Ве замолува за доставување на согласност Вашите податоци и поднесени документи да се чуваат во базата на податоци на Банката во период од 6 месеци, доколку сте согласни со истото. Оваа согласност кандидатот може да ја повлече во секое време со писмено барање.

За дополнителни информации, посети ја страницата www.sparkasse.mk.

ТИ ЈА ПРАВИШ РАЗЛИКАТА! #КариераБезБариера #ВерувајВоИднината

Продолжи со читање

Банки

Стопанска банка нуди ТОПСИ банкарски пакет наменет за млади

Објавено

пред 5 часа

на

Стопанска банка нуди банкарски пакет ТОПСИ, креиран специјално за младите кои водат динамичен и брз начин на живот и имаат потреба од практични и едноставни финансиски решенија.

ТОПСИ пакетот од млади за млади, ексклузивно може да го користат лица на возраст од 18 до 28 години и нуди:

Од Стопанска банка посочуваат дека ТОПСИ пакетот е создаден за младите кои сакаат брзо и лесно да управуваат со своите финансии, без комплицирани процедури и со поголема практичност во секојдневното користење на банкарските услуги.

Заинтересираните можат да аплицираат онлајн или да ја посетат најблиската филијала на Стопанска банка АД – Скопје за повеќе информации и активирање на пакетот.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange